 |
|
"Yol-xeber.az" xəbər verir ki, Biləsuvar Rayon İcra Hakimiyyətinin başçısı Faiq Qürbətovun rəhbərlik etdiyi nümayəndə heyəti Türkiyə Respublikasının Dənizli vilayətinin Çameli şəhərinə səfəri çərçivəsində avqustun 25-də Çameli Kaymakamlığına gələrək Kaymakam Kərəm Yenigün ilə görüşüb. Görüşdə Biləsuvar Regional Mədəniyyət İdarəsinin rəisi Əlisultan Sadıxov da iştirak edib. Biləsuvar Rayon İcra Hakimiyyətinin başçısı Faiq Qürbətov və nümayəndə heyəti Çameli Kaymakamı Kərəm Yenigün ilə görüşdükdən sonra Atatürk orta məktəbini ziyarət ediblər.
Birinci vitse-prezident Mehriban Əliyeva Azərbaycan Ordusunun Laçın şəhərinə yerləşməsi, Zabux və Sus kəndlərinin nəzarətə götürülməsi ilə bağlı instaqram səhifəsində paylaşım edib.
"Yol-xeber.az" xəbər verir ki, paylaşımda deyilir:
"Qarabağ Azərbaycandır!"
Laçın şəhərinin yeni videogörüntüləri yayılıb.
Sosial şəbəkədə paylaşılan görüntüləri maşınla şəhərdə hərəkətdə olan bir qrup azərbaycanlı lentə alıb. Kadrlarda ermənilərin tərk etdikləri evlər əks olunub.
Heydər Əliyev Fondunun vitse-prezidenti Leyla Əliyeva şəxsi sosial media hesabında Azərbaycanın Birinci vitse-prezidenti, ölkənin birinci xanımı Mehriban Əliyevanı doğum günü münasibətilə təbrik edib.
O bu barədə öz “Instagram” profilində paylaşım edib.
"Yol-xeber.az" xəbər verir ki, 24 avqust tarixindən başlayaraq Biləsuvar rayon İcra Hakimiyyətinin Başçısı Faiq Qürbətovun rəhbərlik etdiyi nümayəndə heyəti Biləsuvar rayonu ilə qardaşlaşma əlaqələri qurulmuş Türkiyə Respublikasının Dənizli vilayətinin Çameli şəhərinə yola düşüb.
Səfər Çameli bələdiyyəsinin dəvəti ilə həyata keçirilir. Səfər çərçivəsində Faiq Qürbətov və nümayəndə heyəti 24-27 avqust 2022-ci il tarixlərində Çamelidə keçiriləcək 8-ci Beynəlxalq Mədəniyyət, Turizm, Kənd Təsərrüfatı və Təbiət İdmanları Festivalında iştirak edərək və bir çox tədbirlərə qatılacaqlar.
Türkiyə Respublikasına səfər edən nümayəndə heyətinin tərkibinə Biləsuvar Regional Mədəniyyət idarəsinin rəisi Əlisultan Sadıxov, Biləsuvar Rayon Gənclər və idman idarəsinin rəisi Azad Quliyev və Milli Qəhrəman Mübariz İbrahimov adına Biləsuvar bağça-məktəb-lisey kompleksinin icraçı direktoru Aqşin Bağırov daxildir.
Qeyd edək ki, 8-13 may 2022-ci il tarixlərində rayonlarımızın qardaşlaşması protokolunu imzalamaq üçün Türkiyə Respublikasının Dənizli vilayətinin Çameli ilçəsindən gələn nümayəndə heyəti Biləsuvar rayonunda olaraq bir çox tədbirlərdə iştirak etmişlər.
b
“Dünən bulvarda rəfiqələrimlə şeytanın qıçını sındırıb çay içirdik, çox səliqəli sarışın bir oğlan uşağı yaxınlaşdı ki, pul istəyirəm, evə yemək alacağam. Sorğu-suala tutmuşuq, deyir atam yoxdur, anam gözləyir pul yığıram. Elə də işıqlı görkəmi vardı ki, amma pul vermədim, qorxdum ki, başqa şeyə xərcləyər. Bu bəlanı necə dəf edək?”
Bəli, yuxarıda qeyd olunan kimi gündəlik işə, dərsə və digər məkanlara gedərkən yolüstü əksəriyyətimizin bu tip pul dilənən şəxslər çıxır.
Artıq mağazada, bazarda və ya hər hansı istirahət mərkəzində hər an başımızın üzərində dayanıb pul, yardım istəyən dilənçiləri görə bilirik. Bu vəziyyət o həddə qədər yuvarlanıb ki, çörək aldığın yerdə “mənə də bir çörək ala bilərsənmi?”, - deyə yaxınlaşanlar var. Əksəriyyəti də kir-pas içərisində olan uşaqlardır. Ürək dağlayan mənzərədir. Doğurdanmı bunun bir çıxış yolu yoxdur?
Heç şübhəsiz onların içində bu dilənməyə vərdiş edən şəxslərlə bərabər, tufeyli həyat sürən əyyaş və narkomanlar da var. Amma hamısı cəmiyyətimizin üzvləri, qardaş və bacılarımızdır. Dünyanın əksər ölkələrində demək olar ki, kilsələr, icmalar səfalət içində olanları, əlil-xəstə kimsəsizləri, hətta dilənçiləri qida ilə təmin edir, onların rahatlığı üçün şərait yaradır.
Bəs ölkəmizdəki məscidlərin, onların rəhbərlərinin bu işləri görmələrinə maneə yaradan səbəblər nədir? “Əl tutmaq, Əlidən qalıb” kəlamına niyə soyuq yanaşırlar?
Qafqaz Müsəlmanları İdarəsinin (QMİ) səlahiyyətli nümayəndəsi, Məşədi Dadaş məscidinin imamı, ilahiyyatçı Hacı Şahin Həsənli mövzu ilə bağlı Bizim.Media-ya fikirlərini bölüşüb. İlahiyyatçının sözlərinə görə, bu kimi yardımın göstərilməsi üçün məscidlərin özünün də maddi bazası olmalıdır:
“Bizim məscidlərdə yığılan ianələrin vəziyyəti ilə bağlı məlumatlı deyiləm. Bizim Məşədi Dadaş məscidində nəzir qutusu ümumiyyətlə yoxdur. Amma məscidə könüllü yardım göstərmək istəyənlər olur ki, bunu bank hesabı vasitəsilə də edirlər. Biz vaxtaşırı yardım kampaniyası da keçiririk və bununla da ehtiyaclı insanlara yardım göstərilir. Lakin məsciddə gündəlik imkansız şəxslərin gəlib qidalanması və bu kimi şeylər üçün şəraitimiz, müvafiq otaqlarımız yoxdur. Məndə olan məlumatlara görə bəzi ziyarətgahlar da ehtiyaclı insanlara qurban əti paylanılır və yaxud da ailə qurmaq istəyib lakin imkanı olmayan gənclərə yardım edirlər. Ev, qızıl-zinət əşyaları hədiyyə edir və ya toylarını təşkil edirlər”.
Hacı Şahin təsdiq edir ki, məscidlər, dini icmalar dinin prisinplərinə uyğun olaraq imkansız, səfil həyat sürən şəxslərə yardım etməli, bunun təşkilinə maraqlı olmalıdırlar:
“Bəli, hesab edirəm ki, məscidlərdə toplanılan ianələr ehtiyaclı insanların qidalanması və digər bu kimi məsələlər üçün xərclənilməlidir. Bunu da qeyd edim ki, bəzi məscidlərdə ianələr də toplanılmır, yəni yığılsa belə icmanın ehtiyaclarını qarşılayacaq dərəcədə olmur. Amma yardım etmək imkanı olan məscidlər, icmalar bu işləri hesab edirəm ki, mütləq görməlidirlər. Bu həm də dinimizin prinsiplərinə uyğundur. Çünki dinimizdə paylaşmaq, insanlara yardım etmək, ac olanları doyurmaq tövsiyə olunmuş əməllərdən biridir. Bu işlərin də məscidlərdə təşkil olunması çox təqdirəlayiq addım hesab olunar”, - deyə ilahiyyatçı bildirib.
Bu işin bir fəndi hökmən düşünülməlidir. Azərbaycan sekulyar dövlət olsa da inancımız imkan verir ki, bütün dünyada olduğu kimi məscidlərimiz də bu humanist aksiyada iştirak etsin.
Çünki imkansızların, həyatı müxtəlif səbəblərdən sındırılmış insanların bir qisminə dini ocaqlar da məlhəm ola bilər. Onlardan hansı faizinisə doğru yola dəvət edib beyinlərinə işıq salmaq mümkündür. Yaşamaq və həyatını qazanmağın şərtləri əslində o qədər də çətin deyil.
Ötən gün Prezidentin Təhlükəsizlik Xidmətinin əməkdaşı, polkovnik Tehran Mənsimovun 50 yaşı tamam olub.
Yubileyini paytaxt restoranlarının birində qeyd edən Mənsimovun doğum gününə yaxın dostları, həmçinin tanınmış şəxslər qatılıb.
“WhatsApp” tərtibatçıları test rejimində “İcmalar”ı işə salıblar.
Oxu.az xəbər verir ki, bu funksiya Androiddə messencerin ictimai və beta versiyalarının bəzi istifadəçiləri üçün əlçatandır.
Qeyd olunur ki, “İcmalar” düyməsi “Kamera” bölməsini əvəz edəcək. Yeni menyuda istifadəçilər 10-a qədər qrupdan ibarət icma yarada biləcəklər ki, onların hər birində 512-yə qədər üzv ola bilər.
İcma adminləri icmanın özünü silmədən şəxsi seçimlərinə əsasən hansı qrupları əlavə etmək və ya blokdan çıxarmaq istədiklərini seçə biləcəklər. Öz növbəsində, icmalar messencerdən istifadə şərtlərini pozarsa, iştirakçılar “WhatsApp” administrasiyasına şikayət göndərə biləcəklər.
Həmçinin bildirilir ki, “WhatsApp” tərtibatçıları digər üzvlərin istifadəçilərin nömrələrini görməməsi üçün icmalarda telefon nömrələrini gizlətmək funksiyası hazırlayır.
Hazırda “İcmalar” bölməsi əksər istifadəçilər üçün əlçatmaz olaraq qalır. Bütün istifadəçilər üçün funksiyanın görünmə vaxtı məlum deyil.
Sərhədlərin bağlı olması, sanksiyalar, Avropa və Amerikaya uçuşlardakı çətinliklər həmvətənlərimizi MDB məkanındakı qonşularına yenidən nəzər salmağa məcbur edib. “OneTwoTrip” xidmətinin məlumatına görə, iyulda rusiyalılar üçün ən populyar xarici istiqamətlər sırasında məlum cəlbediciyi səbəbindən Türkiyə və BƏƏ ilə yanaşı MDB ölkələri də olub ki, onların arasında Azərbaycanın da populyarlığı artmaqdadır. Axının artması həm də bu Cənubi Qafqaz ölkəsinə biznes marağının artması ilə izah olunur.
Azərbaycanın biznes və turist cəlbediciliyi nəticəsində ilkin mənzil bazarı fəal şəkildə inkişaf edir. “BuyBuyHouse” şirkətinin aparıcı eksperti Marina Laşkeviçin sözlərinə görə, 2022-ci ilin birinci rübündə Azərbaycanda daşınmaz əmlak bazarında əməliyyatların sayı 8 faiz artıb. Rusiya alıcıları Bakının yeni tikililər bazarının ayrıca hədəf auditoriyasına çevrilirlər. Bakıda son bir ildə mənzil qiymətləri orta hesabla 20 faiz bahalaşıb. Bundan əlavə, hazırda oradakı mənzil bazarında şəffaflaşma mərhələsi gedir, ona görə də qiymətlərin qalxması qaçılmazdır. Əslində, hazırda Bakı bazarının təklif etdiyi layihələrin özü rusiyalı alıcıları həm investisiya baxımından, həm də özləri və ailələri üçün mənzil kimi cəlb edir.
Ələlxüsus Azərbaycan paytaxtının mərkəzinin şərq hissəsində genişmiqyaslı şəhərsalma layihəsi olan Bakı Ağ Şəhərdə yeni yaşayış kompleksləri maraq doğurur.
Bu ilin yayında yalnız “Baku City Residence Xətai” yaşayış kompleksinə Rusiyadan olan alıcılardan daxil olan müraciətlərin sayı 2021-ci ilin eyni dövrü ilə müqayisədə 2,8 dəfə artıb.(mənbə: “Qafqazinfo”)
Son zamanlar Təbrizdən, Ərdəbildən gəlib Bakıda ev alanların da sayı artıb. Bu rəsmi statistikada əks olunmasa da, müşahidələr göstərir ki, onların sayı günü-gündən kütləviləşir. Güneyli soydaşlarımızın özləri deyirlər ki, onlara Quzey Azərbaycanda yaşamaq daha rahatdır və burada özlərini daha azad, daha əmin-amanlıq içində hiss edirlər.
Ekspertlərə görə, Təbrizdən, Ərdəbildən gəlib Bakıda ev alan, daşınmaz əmlaka vəsait qoyanların sayı çoxdur və bu proses yeni deyil. Ərdəbillilərin, təbrizlilərin, başqa şəhərlərdə yaşayan İran vətəndaşlarının Bakıdan ev, daşınmaz əmlak alması prosesi 2017-ci ildən daha da sürətlənib. Onların Bakıya köç etməsinin, burada yurd-yuva qurmasının müxtəlif səbəbləri var. Səbəblərdən biri də İrandakı sosial-iqtisadi vəziyyətdir. Bildirilir ki, son 4-5 ildə Azərbaycanda 200-300 şirkət açılıbsa, onun 10-a yaxını İran vətəndaşlarına aiddir, bizim Təbrizdən, Ərdəbildən gələn insanlarımızdır. Onlar burada şirkət qurublar, bu da ölkəmizə valyuta axını deməkdir. Bu həm daşınmaz əmlak bazarında canlanmaya səbəb olur, həm də işsizliyin aradan qalxmasına müəyyən dəstək deməkdir.
Bəs ekspertlər necə düşünür? Dia.az xəbər verir ki, iqtisadçı ekspert Natiq Cəfərli mövzu ilə bağlı “Yeni Müsavat”a danışıb: “Son zamanlar Rusiya vətəndaşlarının ətraf ölkələrdə daşınmaz əmlak bazarında mənzil almaq prosesləri artıb. Bu daha çox Türkiyədə özünü göstərməkdədir. Belə ki, il başlayandan rusiyalılar təkcə Antalya şəhərində hər ay 1100 mənzil alıblar. Həmçinin Gürcüstan və Ermənistanın da mənzil bazarında bu cür bəlli tendensiyalar var. Azərbaycana gəldikdə isə rusların ölkəmizdə daşınmaz əmlak alması o qədər də kütləvi hal almayıb. Azərbaycanda mənzil alan Rusiya vətəndaşlarının demək olar ki, böyük əksəriyyəti etnik olaraq azərbaycanlılar, soydaşlarımızdır. Yəni mənzil bazarında daha çox onları görürük.
O ki qaldı cənublu qonşularımıza, onların daha çox Türkiyə və Gürcüstandan ev aldıqları məlumdur. Bunu statistik məlumatlar sübut edir. Ola bilsin ki, son zamanlar onların Azərbaycana da maraqları artıb. Lakin bizdə xaricilərin mənzil bazarında iştirakı həcm olaraq həm Gürcüstan, həm də Türkiyədəkindən daha azdır. Ona görə də bazara bir başa kəskin təsir edəcəyini və qiymətlərin sürətlə bahalaşacağını düşünmürəm. Amma hər bir halda, belə bir tendensiyanın olması tələbi artırır, tələbin artması isə istər-istəməz bir müddət sonra qiymətlərin artmasına təsir edə bilər".
Əmlak eksperti Elnur Fərzəliyev isə qeyd etdi ki, ümumiyyətlə, hər il pandemiyaya qədər ənənəvi olaraq, Rusiyada yaşayan azərbaycanlılar, yəni soydaşlarımız orada qazandıqları pulların böyük əksəriyyətini burada, xüsusən də Bakı şəhərində və Azərbaycanın digər bölgələrində daşınmaz əmlaka yatırırdılar: “Pandemiyadan sonra yatırımlarda müəyyən azalmalar başladı ki, bu da bütün dünyada gedən proses idi. Beləliklə, Rusiyada olan soydaşlarımız gəlirləri azaldıqları üçün daşınmaz əmlaka yatırım etməməyə başladılar. Həmçinin ölkənin özündə də, yəni yerli bazarda da insanlarda alıcılıq qabiliyyəti xeyli aşağı düşdü.
Qiymətlərin artımına gəldikdə isə onsuz da son illər əvvəlcə pandemiya, daha sonra isə Rusiya-Ukrayna müharibəsi səbəbindən tikinti materialların qiymətlərində kəskin artmalar baş verdi. Çünki tikinti sahəsində istifadə olunan materiallar, o cümlədən taxta, təmir avadanlıqlarının əksəriyyəti Rusiya və Ukraynadan gəlirdi. Bu baxımdan təbii olaraq qiymətlərdə artım var. Ümumiyyətlə, yerli bazara, bu proseslərə nəzər salsaq, ölkəmizdə nə baş verir? Xüsusən də paytaxt Bakıda tikinti üçün nəzərdə tutulan ərazilər xeyli məhdudlaşıb. Məhdudlaşdıqca qiymətlər artır və bu hazırda davam edir. Məsələn, eyni tikinti şirkəti eyni cür binanı şəhərdən kənar ərazidə tikəndə onun kvadrat metrini 800 manata satırsa, şəhərin mərkəzində onu 1800-2000 manata satır. Yəni artıq paytaxtda tikintiyə yararlı ərazi azaldığından qiymətlərə təsir edir. Bu baxımdan qiymətlər artan xətlə davam edir və düşünürəm ki, yaxın vaxtlarda bu qiymətlər daha da artacaq və bu, kənardan gələn alıcıların hesabına olmayacaq.
İran vətəndaşlarına gəldikdə isə, məlum olduğu kimi, hansısa xarici vətəndaşın Azərbaycanda daşınmaz əmlak ala bilməsi üçün mütləq ən azından müvəqqəti oturum izni olmalıdır.
2016-17-ci illərdə hansı ki, həmin vaxt ölkəmizdə devalvasiya oldu, manat dəyərdən düşdü, dollar xeyli qalxdı, xüsusən Şərq ölkələrindən Azərbaycana turistlərin axını başladı, o cümlədən ərəb və iranlılar. Əlbəttə ki, dolların qalxması turistlər üçün sərfəli idi. Növbəti illərdə həmin turistlər Azərbaycanda əmlak almaq istədilər, lakin həmin ərəfələrdə böyük əksəriyyət tikililərin, mənzillərin çıxarışı olmadığından onlar əmlak ala bilmədilər. Təsəvvür edin, 10 milyardları Gürcüstana, Türkiyəyə yatırmağa başladılar və qeyd olunan iki ölkə daha çox qazandı. Bu gün də Rusiya-Ukrayna müharibəsi səbəbindən Rusiyada yaşayan soydaşlarımız ölkəmizə üz tutub buradan əmlaklar almağa başlayacaq. Çünki onların uşaqlarının ölkəmizdə rus dilində təhsil almaq imkanları var və sairə. Lakin onların sayı çox deyil. Çünki əvvəldən artıq əksəriyyət Türkiyə və Gürcüstana maraqlıdırlar.
Elə Azərbaycan vətəndaşları da Türkiyədə mənzil almaqda maraqlıdırlar. Belə ki, statistikaya görə, yanvar ayından bu günə qədər Azərbaycan vətəndaşları Türkiyədə 700 daşınmaz əmlak alıb. Bu o deməkdir ki, artıq külli miqdarda pullar ölkəmizdən çıxıb Türkiyəyə axır.
Məlum olduğu kimi, Rusiyada 2 milyona yaxın azərbaycanlı yaşayır və onların Rusiyada aldıqları daşınmaz əmlakların sayı Türkiyədəkindən 2 dəfə çoxdur. Beləliklə, pulların Azərbaycandan çıxmasının əsas səbəbi zamanında ölkəmizdə tikililərə çıxarış verilməməsi, binaların komfortlu olamaması, şəhərsalma normalarının tamamilə pozulması oldu. Komfortlu şərait yarada bilmədik deyə o pullar ölkəmizdən yan keçdi".
Laçın dəhlizində müvəqqəti yerləşdirilmiş Rusiya sülhməramlıları köçməyə hazırlaşır.
APA xəbər verir ki, artıq Qubadlı rayonu istiqamətindən Laçın dəhlizinin girişində və yol boyu qoyulmuş postların, nəzarət-buraxılış köşklərinin, rusiyalı hərbçilərin yaşadığı tikililərin sökülməsinə başlanılıb.
Ərazini boşaltmağa hazırlaşan rusiyalı sülhməramlılar müvəqqəti olaraq yeni dəhlizə köçəcəklər.
Qeyd edək ki, Azərbaycan Laçın şəhərindən yan keçməklə Qarabağı Ermənistanla birləşdirən yolu qısa müddətdə istifadəyə verib.
Bu səbəbdən dəhlizin üzərinə düşən Laçın şəhəri, Zabux və Sus kəndlərində qeyri-qanuni məskunlaşmış ermənilərin ərazini tərk etməsi üçün avqustun sonuna kimi vaxt verilib.
Ermənilərin 30 il ərzində qeyri-qanuni yaşadıqları Laçın şəhərini, Zabux və Sus kəndlərini boşaltması prosesi yekunlaşmaq üzrədir.
Müddət bitəndən sonra sözügedən yaşayış məntəqələri Azərbaycanın tam nəzarətinə keçəcək.
Rusiya sülhməramlıları isə xidmətlərini müvəqqəti olaraq yeni yolda davam etdirəcəklər.