Azərbaycan Silahlı Qüvvələrinin Fərrux dağındakı mövqelərindən Pirlər (Xramort) kəndinin görüntüsü yayılıb.

Həmin görüntünü təqdim edirik: 

Əlahiddə Ümumqoşun Orduda Prezident İlham Əliyevin 2021-ci il 24 iyun tarixli Sərəncamları ilə təltif edilmiş Vətən müharibəsi iştirakçılarına medallar təqdim edilib.

"Qafqazinfo" Müdafiə Nazirliyinə istinadən xəbər verir ki, tədbirdə dövlət təltifləri haqqında məlumat verilib və Prezident İlham Əliyevin 2021-ci il 24 iyun tarixli Sərəncamları ilə təltif edilmiş İkinci Qarabağ müharibəsinin iştirakçılarına Xocavəndin, Cəbrayılın, Zəngilanın və Ağdamın azad olunmasına görə medalları təqdim olunub.

Şəxsi heyətin təntənəli keçidi ilə təltifetmə mərasimi başa çatıb.

 

“Martın 20-də Azərbaycan Respublikasının Prezidenti cənab İlham Əliyev və birinci xanım Mehriban Əliyeva Tərtər rayonunun Suqovuşan qəsəbəsinə səfər ediblər. Dövlət başçımızın işğaldan azad edilmiş bu bölgəyə səfəri də bir neçə açılış və təməlqoyma mərasimləri ilə əlamətdar olub. İlk növbədə Suqovuşan qəsəbəsində yeni tikiləcək məscidin təməlini qoyulması xüsusi qeyd olunmalıdır. Məlumdur ki, işğal dövründə ermənilər İslam dini abidələri, o cümlədən məscidlər, türbələr və digər inanc yerlərini xüsusi amansızlıqla dağıdıblar. Qarabağ ərazisində rəsmi fəaliyyət göstərmiş 67 məscidin 63-ü tamamilə, 4-ü isə qismən dağıdılaraq yararsız hala salınıb. Bu misli görünməmiş vandalizm aktları bir daha erməni işğalçılarının vəhşi xislətini tam çılpaqlığı ilə bütün dünyaya nümayiş etdirmiş oldu. Lakin bu gün Azərbaycan işğaldan azad olunmuş ərazilərində bərpa-quruculuq işlərini böyük vüsətlə həyata keçirməkdədir. Prezident İlham Əliyevin göstərişi ilə hazırda Şuşada, Ağdamda, Füzulidə, Zəngilanda, Cəbrayılda, Qubadlıda, Laçında digər tarixi-mədəni abidələrimizlə yanaşı, məscidlərimizin də bərpası və ya yenidən inşası həyata keçirilir. Martın 20-də ölkə Prezidenti İlham Əliyev və birinci xanım Mehriban Əliyeva Tərtər rayonunun Suqovuşan qəsəbəsində yeni tikiləcək məscidin təməlqoyma mərasimində iştirak etməklə xalqımızın və dövlətimizin öz milli adət-ənənələrinə, dini etiqadına və mənəvi irsinə sədaqətini yenidən vurğulamış oldular”.

Bu sözləri mətbuata açıqlamasında Azərbaycan Respublikası Milli Məclisinin deputatı Kamaləddin Qafarov deyib.

Millət vəkili bildirib: “ Suqovuşan qəsəbəsində Müdafiə Nazirliyinin “N” saylı hərbi hissəsinin açılışı xüsusi əhəmiyyət kəsb edən bir məsələdir. Azərbaycanın iqtisadi gücü və dövlət başçısının siyasi iradəsi işğaldan azad edilən ərazilərdə hərbi hissələrin yaradılmasını və onların ən müasir texnikalarla təchizatını mümkün edir. Ən önəmli məqamlardan biri də budur ki, ölkə ictimaiyyəti, bütün xalqımız dövlətin bu siyasətini birmənalı şəkildə dəstəkləyir”.

Milli Məclisin deputatı işğaldan azad olunmuş ərazilərdə idman və turizm kimi sahələrin də inkişaf etdirilməsinin vacibliyini və bu istiqamətdə mühüm addımlar atıldığını vurğulayayıb: “Tərtər rayonunun Suqovuşan qəsəbəsində Turizm İnkişaf Konsepsiyası əsasında yaradılacaq turizm kompleksinin təməlqoyma mərasimində dövlət başçımız şəxsən iştirak etmişdir. Əlbəttə ki, işğaldan azad olunmuş ərazilərdə idmanın inkişaf etdirilməsi də xüsusi əhəmiyyət kəsb edən bir istiqamətdir. Belə ki, xüsusən gənc nəslin sağlam və vətənpərvər ruhda formalaşmasında idmanın rolu olduqca önəmlidir. Ölkədə idmanın inkişafını hər zaman xüsusi diqqət mərkəzində saxlayan Prezident İlham Əliyev bu siyasətin işğaldan azad olunmuş ərazilərdə də uğurla həyata keçirilməsinə ciddi şəkildə nəzarət edir. Bu baxımdan Azərbaycan Kanoe və Avarçəkmə Federasiyası tərəfindən Tərtər rayonunun Suqovuşan qəsəbəsində təşkil edilən ilk avarçəkmə təlim-məşq toplantısının rəsmi açılışı da ölkəmizin idman həyatında mühüm əhəmiyyət kəsb edən bir hadisə kimi qeyd olunmalıdır.”

Prezident İlham Əliyevin Azərbaycan xalqına Novruz bayramı münasibətilə ünvanladığı təbrik çıxışının eyni zamanda insanlarımızın yaradıcı ruhunun daha da yüksəlməsi üçün ən güclü stimul, həm də düşmənlərimizə ünvanlanmış növbəti sərt xəbərdarlıq mesajı olduğunu vurğulayan Kamaləddin Qafarov deyib: “Ölkə Prezidenti İlham Əliyevin Suqovuşan qəsəbəsindən Novruz bayramı münasibətilə Azərbaycan xalqına ünvanladığı təbrik müraciəti həm mənəvi, həm də siyasi aspektdən mühüm əhəmiyyət kəsb edən bir çıxışdır. Vətən müharibəsi Azərbaycanın tarixi qələbəsi ilə başa çatdıqdan sonra Prezident İlham Əliyevin və birinci xanım Mehriban Əliyevanın Novruz bayramlarını işğaldan azad olunmuş ərazilərdə qarşılamaları artıq bir ənənəyə çevrilir. Hamımız gözəl xatırlayırıq ki, ötən il dövlət başçısı bayram tonqalını Şuşada, Cıdır düzündə qalamışdı. Bu il isə bayram tonqalı Tərtər rayonunun Suqovuşan qəsəbəsində alovlandırıldı. Dövlət başçımızın xalqa ünvanladığı təbrik çıxışında da qeyd etdiyi kimi, Suqovuşan qədim Azərbaycanın tarixi ərazisidir. Azərbaycan xalqı bu ərazilərdə və bütün Qarabağda əsrlər boyu yaşayıb. Bu gün bütün Qarabağ və Şərqi Zəngəzur bölgəsində çox genişmiqyaslı abadlıq işləri aparılır, şəhərlər, kəndlər yenidən qurulur. Dövlət başçımızın dediyi kimi, bugünkü güclü Azərbaycan bütün bu işləri görməyə qadirdir. Siyasi iradə var, iqtisadi güc var, xalqımızın səfərbərliyi var, milli həmrəylik ən yüksək zirvədədir və şanlı tarixi Zəfərimiz hər birimiz üçün qürur mənbəyidir. Öz çıxışında Prezident İlham Əliyev xüsusi olaraq qeyd etdi ki, bu gün bütün bölgədə sülhün və təhlükəsizliyin təminatçısı Azərbaycan dövlətidir və Azərbaycan Silahlı Qüvvələridir. Bu bəyanatı, ilk növbədə, erməni separatizmini, erməni faşizmini hələ də dirçəltməyə çalışan qüvvələr diqqətə almalıdırlar. Onlar birdəfəlik bilməlidirlər ki, Azərbaycana qarşı hər hansı ərazi iddiaları Ermənistan üçün ən ağır nəticələrə səbəb ola bilər”.

 

Yol-xeber.az xəbər verir ki, Azərbaycana qış yenidən qayıdıb. Son günlər hava şəraitinin kəskin dəyişməsi nəticəsində hərəkətin tənzimlənməsi istiqamətində böyük işlər görülür. Kəskin hava şəraiti nəticəsində dağ və dağ ətəyi yolların təmizlənməsi və hərəkətin intensivləşməsi üçün xüsusi tapşırıqlar verilir. Məsələ bir başa AAYDA nın sədri cənab Saleh Məmmədovun nəzarətindədir. Bu baxımdan 19 saylı xüsusi təyinatlı MMC-də öz işini layiqincə yerinə yetirir. Müəssisənin rəhbəri Nazim müəllim işçi heyyətlə gecəni gündüzə qədər yolların təmizlənməsinə nəzarət edirlər və bu onu göstərir ki, yollar qar örtüyündən təmizlənir, hərəkət var. Yolunuz açıq olsun.

Bayram günləri olmasına baxmayaraq Daxili İşlər Nazirliyi Baş Dövlət Yol Polisi İdarəsinin Texniki Müayinə Mərkəzləri fəaliyyətini gücləndirilmiş iş rejimində davam etdirir.

Bu barədə "Yol-xeber.az"a Daxili İşlər Nazirliyin mətbuat xidmətindən məlumat verilib.

Bildirilib ki, nəqliyyat vasitələrinin texniki baxışdan keçmə müddətinin bitməsi ilə bağlı SMS məlumat almış şəxslər istifadələrində olan avtomobillərini texniki baxışdan keçirməlidirlər. Bunun üçün Bakı, Sumqayıt və Abşeron rayonu ərazisində yaşayan sakinlər paytaxtın Sabunçu rayonunda yerləşən Baş Dövlət Yol Polisi İdarəsinin Texniki Müayinə Mərkəzində, Lökbatan dairəsindən Yeni Yasamal yaşayış massivinə gedən yolun üzərindəki Müayinə Mərkəzində nəqliyyat vasitələrini texniki baxışa təqdim etməlidirlər.

Respublikanın digər şəhər və rayon sakinləri isə yaşadıqları ərazinin aid olduğu Baş İdarənin Regional qeydiyyat-imtahan və texniki baxış şöbələrində avtomobillərini texniki baxışdan keçirə bilərlər. Xüsusi texniki vasitələrin köməyi ilə texniki baxışdan keçməyən avtomobillər müəyyən edilərək sürücüləri cərimə olunacaqlar.

Sürücülərdən Novruz bayramı ilə əlaqədar olaraq qeyri-iş günlərindən istifadə edib avtomobillərini texniki baxışdan keçirmələri tövsiyyə olunur. Bununla bağlı Texniki Müayinə Mərkəzləri bayram günlərində gücləndirilmiş iş rejimində səhər saat 09:00-dan 18:00-dək fasiləsiz fəaliyyət göstərəcəklər. Sürücülərdən xahiş olunur ki, texniki baxışa avtomobillərini saz vəziyyətdə təqdim etsinlər. Bəzi hallarda sürücülər texniki baxışdan yayınmaq üçün müxtəlif üsullara əl atırlar. Amma hər bir nəqliyyat vasitəsinin sahibi və sürücüsü bilməlidir ki, bu cür faktlar tez bir zamanda aşkar edilir.

Qeyd edək ki, avtomobilini texniki baxışdan keçirməyən sürücülər 50 manat məbləğində cərimə edilir. Bundan başqa vətəndaşlar avtomobillərinin texniki baxışdan keçirilməsi ilə əlaqədar onları maraqlandıran məsələlərin operativ öyrənilməsi üçün 012-511-08-40 nömrəli qaynar xəttlə də əlaqə saxlaya bilərlər.

"Yol-xeber.az"un xəbərinə görə, Azadlıq prospektinin S.S. Axundov küçəsi ilə kəsişməsində yerləşən yerüstü piyada keçidində eskalatorların sıradan çıxmış hissələrinin yenisi ilə əvəz edilməsi işlərinə start verilib. 

Eskalatorların yenidən qurulması işləri bir-neçə gün ərzində davam etdiriləcək. Bu üzdən vətəndaşlardan aparılan işlərə anlayışla yanaşmaları xahiş olunur. 

Ən qısa zaman kəsiyində keçidin eskalatorlarının işlək vəziyyətə salınaraq vətəndaşların istifadəsinə verilməsi nəzərdə tutulur.

Eskalatorların işləməməsi ilə əlaqədar bir müddətdir piyada keçidində yaranmış və təmir müddətində yaranacaq narahatlığa görə vətəndaşlardan üzr istəyirik.

YOLUNUZ AÇIQ OLSUN...

 

"Yol-xeber.az"un xəbərinə görə, Azərbaycan Avtomobil Yolları Dövlət Agentliyində 2022-ci ilin iş planına əsasən ölkədə aparılan islahatlara və yeni çağırışlara uyğun hazırlanmış konsepsiya əsasında idarəetmənin təkmilləşdirilməsi istiqamətində işlər davam etdirilir.

Agentliyin fəaliyyətinin daha çevik və məqsədyönlü həyata keçirilməsi, yeni informasiya texnologiyaların idarəetməyə tətbiqinin genişləndirilməsi, elektronlaşma sahəsində islahatların aparılması, həmçinin agentlik əməkdaşlarının peşəkarlıq səviyyəsinin yoxlanılması məqsədi ilə İdarə Heyətinin sədri Saleh Məmmədov tərəfindən imzalanan əmrə uyğun olaraq attestasiya imtahanı keçirilib.

Attestasiya Azərbaycan Respublikası Nazirlər Kabinetinin 2001-ci il 23 may tarixli 97 nömrəli qərarı ilə təsdiq edilmiş “Azərbaycan Respublikasında işçilərin attestasiyasının keçirilməsi qaydaları” və Azərbaycan Respublikasının Əmək Məcəlləsinə uyğun olaraq keçirilib.

Attestasiya imtahanı iki mərhələdə agentliyin mərkəzi aparatının əməkdaşları və tabeliyindəki qurumlarının nomenklatur şəxsləri arasında keçirilib. 

Attestasiyanın nəticələrinə uyğun olaraq, Agentliyin strukturunda müəyyən dəyişiklər edilib. Belə ki, attestasiyadan keçən işçilərin fəaliyyətinin yaxşılaşdırılması, həmçinin nəticələrə görə edilən ixtisas və vəzifə dəyişikliklərinə uyğun yeni struktur quruluşu və ştat cədvəli müəyyən edilib, işçilər arasında “Kiçik mütəxəssis”, “Mütəxəssis”, “Böyük mütəxəssis” və “Baş mütəxəssis” olaraq vəzifə bölgüsü aparılıb.

Edilən bu dəyişiklik təbii ki, Agentliyin əməkdaşlarının peşəkarlıq, işgüzarlıq və mənəvi keyfiyyətlərinin obyektiv qiymətləndirilməsi, onların tutduğu vəzifəyə uyğunluğunun müəyyənləşdirilməsi, əmək haqqının artırılması və gələcək inkişafının təmin edilməsi baxımından mühüm əhəmiyyət kəsb edir. 

"Yol-xeber.az"un xəbərinə görə, Qarşıdan gələn tətil günlərində paytaxtda nəqliyyat intensivliyinin azalmasından istifadə edərək, Azərbaycan Avtomobil Yolları Dövlət Agentliyi tərəfindən 22-27 mart tarixlərində bir-neçə küçə və prospektdə təmir işlərinin aparılması nəzərdə tutulur.

Təmir işləri aşağıda qeyd olunan küçə və prospektlərin müəyyən hissələrində aparılacaq. 

Sürücülərdən sözügedən küçə və prospektdə aparılacaq təmir işlərinə anlayışla yanaşmaları, qeyd olunan tarixlərdə təmir işlərinin aparıldığı ərazilərdə hərəkətdə olarkən diqqətli olmaları və yol hərəkəti qaydalarına riayət etmələri xahiş olunur.   

                   

                  22-27 mart 2022-ci il tarixlərində təmir işlərinin aparılması nəzərdə tutulan küçələrin
                                                                       S İ Y A H I S I
1    Mikayıl Müşfiq küçəsi (“Qurd qapısı”ndan Mətbuat prospektinə qədər);
2    Rəşid Behbudov küçəsi (Dilarə Əliyeva küçəsindən Süleyman Rəhimov küçəsinə qədər);
3    A. Salamzadə küçəsi ("Qələbə dairəsi”ndən tunelin giriş hissəsinə qədər - 3 yerdə);
4    Nazim Hikmət küçəsi (Musabəyov dairəsi);
5    Tbilisi prospektinin yan yolu (Seyidcəfər Pişəvəri küçəsindən “20 Yanvar dairəsi”nə qədər);
6    Ziya Bünyadov prospekti ("Azadlıq" körpüsünün üstü - 3 yerdə); 
7    Ziya Bünyadov prospekti (Asif Məhərrəmov küçəsindən "20 Yanvar dairəsi”nə qədər);
8    Azadlıq prospekti (Naxçıvani küçəsindən tunelin giriş hissəsinə qədər);
9    Ziya Bünyadov prospekti (İbrahimpaşa Dadaşov küçəsindən "Santral" mağazaya qədər olan hissə - 6 yerdə);
10    Ziya Bünyadov prospekti ("Santral" mağazanın qarşısında yan yollar);
11    Şəhər şossesi (Zabrat yolu); 
12    "Koroğlu" körpüsünün üstü (Heydər Əliyev prospektindən Mikayıl Əliyev küçəsi istiqamətində);
13    Bakı Dairəvi I yolu ("Binə" ticarət mərkəzindən Biləcəri istiqamətində);
14    Heydər Əliyev prospekti - Mərdəkan - Bilgəh avtomobil yolunun rənglənməsi;
15    Suraxanı rayonu ərazisində Səttar Bəhlulzadə küçəsi;
16    Salyan şossesi (Arif İsmayılov küçəsindən "20 sahə dairəsi”nə qədər).

YOLUNUZ AÇIQ OLSUN...

Hörmətli həmvətənlər!

Azərbaycan Avtomobil Yolları Dövlət Agentliyi olaraq hər birinizi əziz Novruz bayramı münasibətilə ürəkdən təbrik edirik, hər birinizə bahar əhvali-ruhiyyəsi, cansağlığı və gələcək işlərinizdə uğurlar arzulayırıq.

Həmrəyliyimizin rəmzi olan bu bayram qoy hər evə xoş ovqat gətirsin, hər ocağa bol sevinc, ruzi-bərəkət bəxş eləsin.

Novruz bayramınız mübarək olsun!