 |
|
Azərbaycanda müddətli həqiqi hərbi xidmətə çağırış başlayıb.
Bu barədə Səfərbərlik və Hərbi Xidmətə Çağırış üzrə Dövlət Xidmətindən (SHXÇDX) məlumat verilib.
Qeyd edək ki, Prezident İlham Əliyev fevralın 21-də Azərbaycan vətəndaşlarının 2024-cü il aprelin 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında sərəncam imzalayıb.
"May ayında böyük əfv gözlənilir".
Bu barədə Qaynarinfo-ya açıqlamasında hüquq müdafiəçisi Novella Cəfəroğlu deyib.
Onun sözlərinə görə, hazırda aidiyyatı orqanlarda bununla bağlı hazırlıqlara başlanılıb:
"Bizdəki məlumatlara görə, iclaslar başlanılıb, edilən müraciətlərə baxılır. Əfv may ayının 10-da gözlənilir. Çox sevindirici xəbərdir. Biz də Əfv Komissiyasına öz tərəfimizdən siyahı təqdim edəcəyik".
At əti istehlak etmək bizim millətimizin adətində yoxdur. Lakin ölkədə istənilən ətin satışına da qadağa qoyulmayıb. İstər it, istər pişik - istənilən ət qanunla satıla bilər.
Bu sözləri Axar.az-a Azad İstehlakçılar İctimai Birliyinin sədri Eyyub Hüseynov Qazaxıstandan Azərbaycana yanvar ayında 14,53 ton at əti gətirilməsi haqqında yayılan xəbərləri şərh edərkən deyib.
Onun sözlərinə görə, at ətinin hansı sahələrdə istifadə olunacağı ilə bağlı məlumatlar bəlli deyil və bu qida məhsullarında varsa, mütləq qeyd olunmalıdır:
“Dövlətin bir sənədi olmalıdır, ənənəvi olmayan ətlər adı ilə göstərilməlidir və ya qadağa olmalıdır. 1963-cü ildə nəşr olunan kitabda SSRİ-də yalnız Azərbaycan eşşək ətinin yeyildiyi yer kimi xarakterizə olunub. Sonradan məlum oldu ki, bunu ermənilər edib. Bizi vəhşi və aç xalq kimi tanıtmaq üçün ediblər. Azərbaycanda at əti idxal olunursa, deməli o, insanlara yedizdirilir. Ola bilər ki, bu ət heyvanxanalarda istifadə olunmaq üçün alınıb. Çox təəssüf ki, onun son ünvanı barədə məlumat yoxdur. Biz marketlərdə ətlərin qablaşdırılmadığını, üzərində etiketlərin olmadığını görürük. İstisna olunmur ki, bunlar ən müxtəlif yerlərdə istifadə oluna bilər”.
Ekspert bildirib ki, belə hallara qarşı ölkədə aparılan lazımi tədbirlər yetərli deyil və istehlakçıları ət məhsullarını mağazadan almağa inadırmaq lazımdır:
“Ölkədə illərdir murdar leşlərin satılması tapılaraq ifşa olunur. DİN bu sahədə bir sıra uğurlu əməliyyat keçirib. Belə halların kökünün kəsilməsi üçün daha da fəal işləməlidirlər. Əgər Qazaxıstandan bu məhsul yemək məqsədi ilə gətirilirsə, kolbasa məmulatlarında istifadə olunursa, mütləq məhsulun üzərində yazılmalıdır. Milli xüsussiyyətlərimizə uyğun olmayan ətlərin satışı qadağan olunmalıdır. Bu, istehlakçıları narahat edən məsələdir. AQTA, icra hakimiyyəti, hüquq-mühafizə orqanları nə qədər çalışırlarsa, küçədə heyvan kəsilməsinin qarşısını ala bilmirlər. Tələb varsa, təklif də olacaq. Niyə tələb var? Çünki insanlar marketlərə inanmır. Gözləri ilə gördükləri əti almaq istəyirlər”.
Xatırladaq ki, mətbuatda bu ilin yanvar ayında Qazaxıstandan Azərbaycana 14,53 ton at ətinin gətirildiyi və ətinin 1 kiloqramının orta gömrük dəyəri 1,7 dollar (2,9 manat) olması ilə bağlı məlumatlar yayılıb.
Bu gecə Azərbaycanda Ramazan ayının ehtimal edilən ikinci Qədr (əhya) gecəsidir.
İkinci Qədr gecəsi Ramazan ayının 20-dən 21-nə, yəni martın 30-dan 31-nə keçən gecəyə təsadüf edir.
Qeyd edək ki, Qədr gecəsi Allahın kitabı Quranın nazil olmağa başladığı gecədir. Qurani-Kərim İslam peyğəmbərinə 23 il ərzində hissə-hissə nazil olub.
Məlumat üçün bildirək ki, Şəvval ayının 1-i (10 aprel) Fitr (Ramazan) bayramıdır. Azərbaycanda Ramazan ayı martın 11-də başlayıb.
Bu gün Laçın şəhəri və Zabux kəndinə növbəti köç karvanı yola düşüb.
“Report” xəbər verir ki, bu mərhələdə Laçın şəhərinə daha 21 ailə - 68 nəfər, Zabux kəndinə isə 4 ailə - 11 nəfər köçürülür.
Onlar, həmçinin torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət, ailələrinə səbir diləyiblər.
Bununla ümumilikdə Laçın şəhərinə 472 ailə (1773 nəfər) köçürülüb. Zabux kəndinə köçürülənlərin sayı isə 819 nəfərə çatıb (215 ailə).
“İşğaldan azad edilmiş Xocalı şəhərinin mərkəzində, keçmiş xalça fabrikinin yaxınlığında bu ilin fevral ayında həyata keçirilən bərpa-quruculuq işləri çərçivəsində aparılan qazıntı işləri zamanı aşkar olunmuş kütləvi insan qalıqları erməni vəhşiliklərinin sübutu kimi dünyaya təqdim olundu. Bu, Azərbaycan ərazilərini 30 ilə yaxın müddət ərzində işğal altında saxlayan erməni təcavüzkar rejiminin həmin dövrdə xalqımıza qarşı törətdiyi qanlı cinayətlərin yalnız bir epizodunun təsdiqidir. Lakin bu vəhşiliklərin, azərbaycan xalqına qarşı ermənilərin həyata keçirdikləri kütləvi qırğınların tarixi heç də yalnız işğal dövrü ilə məhdudlaşmır”.
Bu sözləri mətbuata açıqlamasında Milli Məclisin deputatı Kamaləddin Qafarov deyib.
Deputat xatırladıb ki, təxminən iki yüz il bundan əvvəl Rusiya imperiyasının maraqlarına uyğun olaraq Cənubi Qafqazda, tarixi Azərbaycan torpaqlarında məskunlaşdırılan ermənilər ötən iki əsr ərzində bütün yerli sakinlərə və ilk növbədə azərbaycanlılara qarşı olmazın cinayətlər törətmiş, kütləvi deportasiyalar, qətliamlar həyata keçirmişlər. “ 1918-ci ilin 30 mart - 3 aprel tarixlərində ermənilər tərəfindən xalqımıza qarşı törədilmiş amansız soyqırımı hadisələri də Azərbaycan tarixinin acı həqiqətlərindən biridir. Azərbaycanlılara qarşı həyata keçirilən soyqırımına və torpaqlarımızın bir əsrdən artıq davam edən işğalı prosesinə Ümummilli Lider Heydər Əliyevin təşəbbüsü ilə tariximizə “31 Mart soyqırımı” kimi daxil olmuş bu faciənin araşdırılması və həqiqətlərin dünyaya yayılması işinə başlanılmışdır. 1998-ci il martın 26-da Azərbaycan Respublikasının Prezidenti Heydər Əliyevin imzaladığı “Azərbaycanlıların soyqırımı haqqında” Fərmanda xalqımıza qarşı 1918-ci ildə törədilmiş dəhşətli soyqırımı hadisələrinə müvafiq siyasi qiymət verildi və 31 mart “Azərbaycanlıların Soyqırımı Günü” elan olundu.”
K.Qafarov qeyd edib ki, bu gün artıq bütün dünya ictimaiyyəti erməni millətçilərinin cəfəng “Böyük Ermənistan” ideyasını gerçəkləşdirmək məqsədilə tarixin müxtəlif mərhələlərində azərbaycanlılara və Azərbaycan ərazilərində yaşayan digər xalqların nümayəndələrinə qarşı törətdikləri etnik təmizləmə, deportasiya və soyqırımı faktları barədə kifayət qədər məlumatlıdır: “Tarixi dəlil və faktlar inkarolunmaz şəkildə göstərir ki, 1917-ci il oktyabr çevrilişindən sonra ermənilər öz iddialarını bolşevik bayrağı altında reallaşdırmağa başladılar. 1918-ci ilin mart ayında “Əksinqilabi ünsürlərlə mübarizə” şüarı altında maskalanmış Bakı Kommunası daşnak-bolşevik Şaumyanın rəhbərliyi ilə Bakı şəhərini azərbaycanlılardan təmizləmək kimi mənfur bir planı həyata keçirməyə başladı. Həmin günlərdə, 1918-ci ilin 30 mart - 3 aprel tarixlərində Bakı şəhərində, habelə Bakı quberniyasına daxil olan Şamaxı, Quba və digər şəhər və qəzalarda on minlərlə dinc sakin məhz etnik və dini mənsubiyyətinə görə qətlə yetirilib, yaşayış məntəqələri dağıdılıb, mədəniyyət abidələri, məscid və qəbiristanlıqlar yerlə-yeksan edilib. Sonrakı dövrlərdə daha da azğınlaşan erməni millətçiləri qeyri-insani əməllərini davam etdirib, Qarabağ, Zəngəzur, Naxçıvan, Şirvan, İrəvan və digər bölgələrdə kütləvi qətllər, talanlar və etnik təmizləmələr həyata keçiriblər. 1918-ci ilin mart-aprel soyqırımları təkcə Azərbaycan xalqına qarşı deyil, eyni zamanda ölkə ərazisində yaşayan digər millət və xalqlara qarşı həyata keçirilməklə, özünün amansızlığına və miqyasına görə bəşər tarixində ən qanlı faciələrdən biri kimi dəyərləndirilməlidir.”
K.Qafarov Azərbaycanın Vətən müharibəsində əldə etdiyi tarixi Qələbə ilə bütün Cənubi Qafqaz xalqlarını erməni faşizminin təhdidindən qurtardığını vurğulayaraq deyib:“Azərbaycan xalqı Ölkə Prezidenti İlham Əliyevin rəhbərliyi ilə 2020-ci ilin sentyabr-noyabr ayları ərzində aparılan və cəmi 44 gün davam edən Vətən müharibəsinin nəticəsi olaraq, Azərbaycan 30 illik işğala son qoydu. 2023-cü ilin sentyabr ayında keçirilmiş və cəmi bir gün davam edən antiterror əməliyyatı nəticəsində isə ölkəmizin ərazi bütövlüyü və dövlət suverenliyi tam bərpa edildi. Bu tarixi Qələbəsi ilə Müzəffər Ali Baş Komandan cənab İlham Əliyevin rəhbərliyi ilə Şanlı Ordumuz həm də uzun illər boyunca bütün Cənubi Qafqaz xalqlarını təhdid edən erməni faşizminin belini qırdı. Xalqımızın əldə etdiyi bu tarixi Zəfər bütün şəhidlərimizin ruhlarını şad etdi. Dövlət başçımızın dediyi kimi, biz şəhidlərimizin, erməni işğalının bütün qurbanlarının qisasını düşməndən döyüş meydanında aldıq”.
Cari ilin ortaları pensiyaların yenidən artırılacağı gözlənilir.
Xezerxeber.az-ın məlumatına görə, bunu millət vəkili Aydın Hüseynov deyib.
Millət vəkili hesab edir ki, qarşıdakı aylarda büdcəyə yenidən baxıla bilər. Onun fikrincə, 2024-cü ilin ortalarında maaş və digər sosial müavinətlərin yenidən artırılması da mümkündür. Çünki dövlət büdcəsində sosial hədəflər də mühüm yer tutur.
Millət vəkili onu da əlavə edib ki, əvvəlki illərdə də pensiya və sosial müavinətlərin bir ildə iki dəfə artırılması ilə bağlı qərarlar verilib.
Ətraflı süjetdə:
Nağdsız ödəmə adiləşir. İnsanlar pulu ciblərində deyil, plastik kartlarda, eləcə də mobil telefonda (elektron cüzdan) daşımağa üstünlük verirlər. Hesab edirlər ki, nağdsız ödəniş həm təhlükəsiz, həm də sərfəlidir. Amma son vaxtlar Azərbaycanda bəzi müəssisələr-ticarət mərkəzləri, avtoservis müəssisələri, gözəllik mərkəzləri, ictimai iaşə obyektləri və s. müştərinin nağdsız ödəniş həvəs göstərmir, daha doğrusu, hər fürsətdə bundan imtina etməyə çalışırlar. Hətta ödəniş olsa belə, qəbz verməyi “unudurlar”. Vergidən yayınmaq üçün müxtəlif yollara əl atan bu müəssisələr, əlbəttə, qanunsuzluğa yol verir, istehlakçı hüquqlarını kobud şəkildə pozurlar.Bəs istehlakçılar bu halla rastlaşdıqda nə etməlidir?
Azad İstehlakçılar Birliyinin (AİB) sədri Eyyub Hüseynov Pressklub.az-a açıqlamasında bildirib ki, ticarət və xidmət mərkəzlərində kassa çeki verilmədikdə istehlakçının hüququnu qorumaq olmur.
“Bəzi ticarət mərkəzləri, Sədərək bazarı, eləcə də əksər avtotəmir müəssisələri, klinikalar, restoranlar və s. vergi strukturlarının üz qarasıdır”.
Müsahibimizin sözlərinə görə, bəzi müəssisələrdə, eləcə də meyvə-tərəvəz dükanlarında vətəndaş ödənişi kartla etmək istədikdə satıcı şəxsi kartına ödəmə tələb edir: “Bu da vergidən yayınma ilə yanaşı, dövlət siyasətinin biznes tərəfindən boykot edilməsidir. Təəssüf ki, nə vətəndaşlar bu məsələyə ciddi yanaşır, nə də dövlət orqanları”.
Görəsən, Dövlət Vergi Xidməti (DVX) bu məsələ ilə bağlı lazımi yoxlanışları edib, addımlar atırmı?
Dövlət Vergi Xidmətinin mətbuat katibi Şahin Məmmədov Pressklub.az-a açıqlamasında bildirib ki, vergi qanunvericiliyinə əsasən, nağdsız ödənişdən imtinaya görə ticarət və xidmət müəssisələrinə cərimələr nəzərdə tutulub.
“Vergi Məcəlləsinin 16-cı maddəsinə əsasən nağdsız ödənişlərin aparılması üçün “İstehlakçıların hüquqlarının müdafiəsi haqqında” Azərbaycan Respublikası Qanununun 17-ci maddəsinə uyğun olaraq POS-terminalların quraşdırılmasını təmin etmək vergi ödəyicilərinin vəzifəsi hesab olunur”.
Ş. Məmmədov bildirib ki, Azərbaycan Respublikası Nazirlər Kabinetinin 2012-ci il 4 oktyabr tarixli 219 nömrəli qərarı ilə ölkə ərazisində POS-terminalların quraşdırılması məcburi olan obyektlərin siyahısı müəyyən olunub. Həmin obyektlərə qanundan yayındığı təqdirdə maliyyə sanksiyası tətbiq edilir.
Müsahibimiz deyib ki, istehlakçılar qanunvericiliyin pozulması faktları ilə rastlaşdıqda bu barədə ətraflı məlumatla Dövlət Vergi Xidmətinin saytına (195 – 1), Çağrı Mərkəzinə və ya vergi ödəyicilərinə xidmət mərkəzlərinə müraciət edə bilərlər.
Həmsöhbətimiz bildirib ki, qeyri-anonim şəkildə, yəni rəsmi şikayət edildikdə Dövlət Vergi Xidməti tərəfindən həmin şikayətə baxılır. Daxil olmuş şikayətlər və məlumatlar üzrə operativ vergi nəzarəti tədbirləri görülür: “Ancaq bu tədbirlərin həyata keçirilməsi üçün vətəndaş şikayətləri vacibdir. Çünki DVX operativ nəzarətə çıxanda bəzi obyektlər təyin edilə bilmir. Amma vətəndaşlar konkret obyekti şikayət etdikdə lazımi tədbirlər görülür”.
İnsanların hüquqlarını kobud şəkildə pozan sahibkarların bu qanunsuzluğu etdiyi təqdirdə cərimələnəcəyi məlum oldu. Bəs bu cərimələrin məbləği nədir?
Hüquqşünas Mehman Muradlı Pressklub.az saytına açıqlamasında bildirib ki, Vergi Məcəlləsinə əsasən, POS-terminalların quraşdırılması məcburi olan obyektlərdə quraşdırılmaması və quraşdırılmış obyektlərdə nağdsız ödənişlərdən imtina edilməsinə görə, mərhələli şəkildə cərimə sistemi tətbiq edilir.
“Vergi qanunvericiliyinə əsasən, ticarət və ictimai iaşə obyektləri nağd alışlar zamanı müştərilərə kassa çeki təqdim etməlidirlər. Belə olmazsa, onları cərimələr gözləyir. Kassa çeki verilməyən ictimai iaşə və ticarət obyektləri barədə istehlakçının vergi xidmətinə məlumat vermək hüququ var”.
Hüquqşünas bildirib ki, nəzarət-kassa aparatları və ya ciddi hesabat blankları tətbiq edilmədən əhali ilə pul hesablaşmalarının aparılmasına, alıcıya təqdim edilməli olan çekin verilməməsinə və ya ödənilmiş məbləğdən aşağı məbləğ göstərilməklə verilməsinə görə vergi ödəyicisinə: təqvim ili ərzində belə hallara birinci dəfə yol verildikdə 1.000 manat, ikinci dəfə yol verildikdə 3.000 manat, üç və daha çox dəfə yol verildikdə 6.000 manat məbləğində maliyyə sanksiyası tətbiq edilir.
Düzdür, bu şəxslər aşkarlandıqda məsuliyyətə cəlb olunurlar. Amma təəssüf ki, bəzi insanların məlumatsızlığına görə, onlar məsuliyyətdən boyun qaçırıb, istədikləri qanunsuzluğu edirlər. Amma istehlakçılar bu problemlə rastlaşdıqda lazımi qurumlara şikayətini bildirsə, hüquqlarını qorusa, bu cür qanunsuzluqların qarşısı alınar.
Rusiyadakı terror hadisəsindən sonra hakimiyyət miqrantların ölkədə qalma şərtlərini sərtləşdirmək qərarına gəlib.Tənzimləmə üçün müqavilə şərtlərinin iki il çərçivəsində məhdudlaşdırılması planlaşdırılır.
Rusiya mətbuatının son məlumatlarına əsasən, artıq qanun layihəsi hazırdır. Prioritet iki il müddətində işçilərin məqsədyönlü şəkildə işə qəbulu olacaq.
Sonra işəgötürən bu mexanizmdən yenidən istifadə edə biləcək, məqsədli işə qəbul isə xüsusi şirkət tərəfindən aparılacaq.
Qanun layihəsində deyilir ki, miqrantlar öz profillərinə uyğun işləməsələr, ölkəni tərk etməyə məcbur ola bilərlər. Təklif Rusiya Dövlət Duması tərəfindən də dəstəklənib.
Bildirilib ki, artıq Moskva vilayətinin Elektrostal şəhərindəki “Wildberries” anbarında Rusiyada qalma qaydalarını pozan miqrantlar saxlanılıb.
Əməliyyatçılar kimin hərbi qeydiyyatda olduğunu və hərbidən yayındığını da yoxlayırlar. Kişilərdən hərbi bilet və digər sənədlər tələb olunur.
Məhz “Krokus siti holl”da baş verən terror aktından sonra miqrantlar üzərində nəzarətin gücləndirilməsi Rusiyada yaşayan azərbaycanlılar üçün də təhlükə hesab olunur.
Mövzu ilə bağlı “Cebhe.info”-ya danışan iqtisadçı-ekspert Natiq Cəfərli deyib ki, Rusiyada əvvəllər də miqrantlara çox aqresiv münasibət vardı:
“Terror hadisəsindən sonra bu münasibət daha da artıb. Təbii ki, orada miqrasiya ilə bağlı qanunlar sərtləşəcəksə, bu, azərbaycanlılara da aid olacaq və təsir edəcək. Sadəcə, bizim soydaşlarımızın bir çoxu artıq vətəndaşlıq alıb. Rusiya Statistika Komitəsinin məlumatına görə, Rusiya vətəndaşlığı alan əcnəbilərin sayı 800 minə yaxındır.
Ona görə də sərtləşdirilən bu qanun onlara aid edilməyəcək. Amma vətəndaşlığı olmayan, iş izni alan və ya iznsiz olaraq çalışan soydaşlarımıza aid edilə bilər. Onların Rusiyada qalması, çalışması çətinləşəcək. Bu da tək azərbaycanlılara qarşı yox, digər miqrantlara təsir göstərəcək. Yəni, azərbaycanlılar üçün də problemlər yaşana bilər".
Xocalı şəhərində Şəhidlər xiyabanı salınır.
“Report”un Sumqayıt bürosu xəbər verir ki, bunu Xocalı Rayon İcra Hakimiyyətinin başçısı Şahmar Usubov jurnalistlərə açıqlamasında deyib.
O qeyd edib ki, Xocalı şəhərinin mərkəzində (keçmiş Xalça fabrikinin yaxınlığında) həyata keçirilən əsaslı bərpa-quruculuq işləri çərçivəsində aparılan qazıntı işləri zamanı kütləvi məzarlıqda qalıqları aşkarlanan və şəxsiyyətləri dəqiqləşdirilmiş 7 nəfərin cənazəsi yaxın günlərdə Xocalıya aparılacaq və orada dəfn olunacaq:
“Xocalı şəhərində Şəhidlər xiyabanı salınır. Həmin 7 nəfərin cənazəsi xiyabanda torpağa tapşırılacaq”.