 |
|
Bakıda Hökməli Qoç ləqəbli şəxs Qarabağ qazilərini döydürdü
Hərəkət hissəsinin daraldılması məqbul hesab edilməyib
Paytaxtın Abbasqulu Abbaszadə küçəsində aparılan təmir işləri, həmin ərazidə yaşayan sakinlərin və sürücülərin narazılığına səbəb olub. Yol-xeber.az xəbər verir ki, A.Abbaszadə küçəsində asflat örtüyünün və səki daşlarının yenidən qurulması layihəsi Bakı Nəqliyyat Agentliyi tərəfindən hazırlanıb və Azərbaycan Avtomobil Yolları Dövlət Agentliyi tərəfindən icra olunur. Bu layihədə görülən işlər nəticəsində yolun hərəkət hissəsi daraldığı üçün, Bakı şəhər Dövlət Yol Polisi idarəsi təmir işlərinin dayandırılması ilə bağlı göstəriş verib.
Bir neçə gün öncə Bakı şəhər DYP idarəsinin, AAY Dövlət Agentliyinin və Səbail rayon İcra Hakimiyyətinin rəhbərliyi həmin ərazini müayinə edərək yolun hərəkət hissəsinin daraldılmasını məqbul hesab etməyiblər.
Çünki yolun kənarında avtomobillər park edilən zaman tıxaclara səbəb olacaq.
Onu da qeyd edək ki, ötən il sözügedən küçədə bütün səki daşları bahalı materiallarla dəyişdirilmişdi.
Aşıq Şəmşir” Mədəniyyət Ocağı İctimai Birliyi 9 noyabr Bayraq Günü münasibətilə Aşıq Şəmşir müzeyində Bakı şəhərində fəaliyyət göstərən 56 saylı Kəlbəcər rayon tam orta məktəbinin şagirdlərinin iştirakı ilə tədbir keçirib.
Tədbirdə Bayraq Gününün əhəmiyyətindən bəhs olub, bayrağımızın yaranma tarixi, onun rənglərinin simvolokası haqqında şagirdlərə məlumat verilib. Qeyd olunub ki, müstəqil Azərbaycan dövlətinin nüfuzu günbəgün artır, ölkəmiz dünya dövlətləri tərəfindən etibarlı tərəfdaş kimi qəbul edilir. Xüsusi vurğulanıb ki, 1993-cü ildən Ulu Öndər Heydər Əliyevin rəhbərliyi ilə inkişaf yoluna qədəm qoyan müstəqil dövlətimiz hazırda möhtərəm Prezidentimiz İlham Əliyevin məqsədyönlü və ardıcıl siyasəti nəticəsində inkişaf edir. Bütün sahələrdə olduğu kimi ordu quruculuğunda da böyük uğurlarımız var və heç şübhəsiz üçrəngli bayrağımız Şuşada, Laçında, Kəlbəcərdə dalğalanacaqdır.
Tədbir iştirakçıları “Aşıq Şəmşir” Mədəniyyət Ocağı İctimai Birliyi tərəfindən həyata keçirilən bu cür tədbirlərin şagirdlərdə vətənpərvərlik ruhunun formalaşması baxımından mühüm əhəmiyyət kəsb etdiyini bildiriblər.
Bayram tədbirində 56 saylı məktəbin şagirdləri vətənpərvərlik ruhunda şeirlər səsləndiriblər.
Sürücülər DYP əməkdaşlarına öz minnətdarlıqlarını bildiriblər
Ucar Şəhər Polis Şöbəsinin Dövlət Yol Polisi bölməsinin təşkilatçılığı ilə Dövlət Bayrağı Günü münasibəti ilə “Hər sürücüyə bir bayraq” aksiyası keçirilib. Aksiyada, Yol Polisi ilə yanaşı, rayonun digər dövlət qurumlarının əməkdaşları da iştirak edib.
Yol polisi əməkdaşları sürücüləri bu əlamətdar bayramla əlaqədar təbrik edərək, onlara üçrəngli bayrağımızı hədiyyə ediblər. Aksiya sürücülər tərəfindən də maraqla qarşılanıb və onlar DYP əməkdaşlarına öz minnətdarlıqlarını bildiriblər.
Yol-xeber.az saytı olaraq yol polislərinin bu cür nümunəvi xidmətini alqışlayır və xidmətlərində uğurlar arzu edirik.
Avtobuslar Qara Qarayev metrosu istiqamətindən yox, birbaşa Atletlər kəndi yaxınlığından hərəkət edəcək
Bu gündən Bakı kəndləri və ətraf qəsəbələrdən “Koroğlu” istiqamətində işləyən marşrut avtobuslarının dayanacağı dəyişib.
Səhər saatlarından etibarən “Koroğlu” Nəqliyyat Mübadilə Mərkəzi sərnişinlərin istifadəsinə verilib.
Bundan sonra sözügedən avtobuslar Qara Qarayev metrosu istiqamətindən yox, birbaşa Atletlər kəndi yaxınlığından hərəkət edərək yeni qurulan mərkəzdə dayanacaqlar.
Baş Nazir Əli Əsədov “Sürücülük vəsiqəsinin təsvirinin, spesifikasiyasının və nümunəsinin təsdiq edilməsi haqqında” Nazirlər Kabinetinin 2019-cu il 2 aprel tarixli 145 nömrəli Qərarında dəyişiklik edib.
Qərara aşağıdakı dəyişikliklər edilib:
- Həmin Qərarla təsdiq edilmiş 1 nömrəli əlavə - “Sürücülük vəsiqəsinin Təsviri” üzrə:
1. 1.2.1-ci yarımbənddə “(OVİ – opticaly variable ink)” sözləri “(OVİ - optically variable ink)” sözləri ilə əvəz edilsin;
2. 1.4-cü bənd aşağıdakı redaksiyada verilsin:
“1.4. Vəsiqənin daxilində təmassız mübadilə oluna bilən elektron daşıyıcı (çip) yerləşdirilir. Vəsiqədə mövcud olan məlumatlar həmin elektron daşıyıcı (çip) vasitəsilə eyniləşdirilir. Elektron daşıyıcıya (çipə) məlumatlar Azərbaycan Respublikasının dövlət dilində və ingilis dilində köçürülür.”.
3. Həmin Qərarla təsdiq edilmiş 2 nömrəli əlavə - “Sürücülük vəsiqəsinin Spesifikasiyası” üzrə:
- 1.1.1-ci yarımbəndə “İSO/İEC 7810 Kimlik kartları - Fiziki xüsusiyyətlər” sözlərindən sonra “, “İSO/İEC 14443 Kimlik kartları - Təmassız inteqrasiya dövrə kartları - Yaxınlaşdırma kartları” və “İSO 18013 Sürücülük Vəsiqəsi” sözləri əlavə edilsin;
- 1.1.3-cü yarımbənddə “yazılmasını və oxunmasını” sözləri “mübadiləsini” sözü ilə əvəz edilsin və həmin yarımbəndin ikinci cümləsi ¬çıxarılsın;
- 1.1.4-cü yarımbənd ləğv edilsin;
- 1.1.6-cı yarımbəndə “həddində” sözündən sonra “, informasiya sistemi “Ümumi Kriteriyalar” (Common Criteria) tələbləri üzrə ən azı EAL4+ təhlükəsizlik səviyyəsini” sözləri əlavə edilsin;
- 1.1.10-cu yarımbənddə “(OVİ - opticaly variable ink)” sözləri “(OVİ - optically variable ink)” sözləri ilə əvəz edilsin.
“Fəxri metropolitençi” və “İlin maşinisti” mükafatlarının laureatları elan edilib
Noyabrın 8-də Bakı metropolitenin fəaliyyətə başlamasının 52-ci ildönümü və metropolitençilərin peşə bayramı münasibətilə “Bakı Metropoliteni” QSC-nin təlim-tədris mərkəzinin iclas zalında təntənəli tədbir keçirilib.
Tədbiri açıq elan edən “Bakı Metropoliteni” QSC-nin sədri Zaur Hüseynov yeraltı yolların inşaatçılarını və istismarçılarını peşə bayramı münasibətilə təbrik edib. Dövlət himninin səsləndirilməsindən sonra sözü “Bakı Metropoliteni” QSC-nin sədr müavini Hidayət Məmmədova verdi. Sədr müavini bu əlamətdar tarix ərəfəsində 17 metropolitençinin "Fəxri metropolitençi" adına layiq görülməsi barədə QSC sədrinin əmri ilə tədbirə toplaşanları tanış edərək, təltif olunanlara təbriklərini çatdırıb.
Daha sonra Hidayət Məmmədov il ərzində görülən işlərlə bağlı hesabat məruzəsi ilə çıxış edib. “Ömrünün 52 ilini böyük rəşadətlə və fəxarətlə başa vurmuş doğma metromuzun bayram sevincini qəlbində yaşadan hər kəs üçün əziz bir gündür” deyən çıxışçı qeyd edib ki, daim diqqət və qayğısını əsirgəməmiş və metronu Azərbaycan xalqının çoxəsrlik tarixində nadir hadisə adlandıran Ulu Öndər Heydər Əliyevin layiqli davamçısı olan Azərbaycan Respublikasının Prezidenti cənab İlham Əliyevin 2006-cı ilin 28 oktyabrında imzaladığı Sərəncamla 8 noyabrın Bakı metropoliteni işçilərinin peşə bayramı günü kimi qeyd olunması metropolitençilərin rəşadətli əməyinə verilən ən yüksək qiymətdir.
Hidayət Məmmədov cari ilin on ayı ərzində plandan 3 milyondan artıq sərnişin daşınmasını Bakı metropolitenindən istifadə edənlərin inam, etimad və etibarının nümunəsi adlandırıb. “Bakı metropoliteni o xoşbəxt sahələrdəndir ki, dövlətin və birbaşa dövlət başçısının qayğı və diqqəti ilə əhatə olunub. Bunun bariz nümunəsi ölkə rəhbərinin daim bu yeniliklərə əyani tanış olması, işlərin gedişini şəxsən nəzarət altında saxlamasıdır” deyən sədr müavini daim yeniləşən metropolitendə “Bakmil” və “Xətai” stansiyalarının əsaslı təmir və yenidən qurulmadan sonra yaradılan şəraitlə Azərbaycan Respublikasının Prezidenti cənab İlham Əliyevin şəxsən tanış olmasını buna bariz nümunə kimi vurğulayıb. Hazırda ”Xətai-Cəfər Cabbarlı” mənzili və ”Cəfər Cabbarlı” stansiyasının II yolunda əsaslı təmir və yenidənqurma işləri davam edir.
2019-cu ilin uğurlarından bəhs edən çıxışçı vaqon parkının yenilənməsi baxımından əhəmiyyətli yenilikləri də qeyd edib. Bu xüsusda əvvəlki 3 il ərzində alınandan da çox 30 yeni tipli vaqonun Bakıya gətirilməsindən, bununla da lokomotiv parkının 55 müasir tipli vaqondan ibarət 11 qatar tərkibi ilə yenilənməsindən söz açıb. Qarşıdakı 3 ildə bu proses davamlı olaraq aparılacaq və bu müddətdə daha 60 vaqon gətiriləcək.
O, yenidənqurma tədbirləri nəticəsində “Nərimanov” elektrik deposunun funksionallığının artmaqla yeni istismar, istehsalat, təmir və yenidənqurma sahələri yaradılmasını vurğulayıb. Bu sırada yeni inşa olunmuş vaqonların əsaslı təmiri sexi və yeni anbar təsərrüfatı sahəsi, yenidən qurulmuş və infrastrukturu müasir tələblər səviyyəsinə çatdırılmış vaqonların cari təmiri sexi xüsusi qeyd oluna bilər. 2019-cu ildə vaqonların əsaslı təmir sexində 10 vaqon orta təmir olunaraq modernləşdirilib.
H.Məmmədov Azərbaycan Prezidenti cənab İlham Əliyevin tapşırığı ilə Bakı metropolitenində dizel-generator stansiyalarının qurulması ilə unikal ehtiyat elektrik enerji mənbələri yaradıldığını, artıq yüksək gərginlikli elektrik enerjisinin verilişi kəsiləndə də metro sərnişinlərinə xidmət göstərəcəyini tədbir iştirakçılarının nəzərinə çatdırıb.
Qatarların yeni idarəetmə sistemlərindən söz açan məruzəçi Fransanın “Thales” şirkətinin Bakı metropoliteninin Bənövşəyi xətti üçün nəzərdə tutulmuş müasir sistemlərin qurulmasını, fəaliyyətdə olan 2 stansiyasında ən müasir sistemlərin tətbiqini də xüsusi vurğulayıb. Artıq bu sistemlərin digər xətlərdə də tətbiqinin təməli qoyulub. Depo ərazisində orijinal mühəndis layihə həlli ilə seçilən yeni mərkəzləşmə məntəqəsinin inşası başa çatıb. "Ox sayğacı" bazasında yeni sistemin quraşdırılmasına və mərhələləri bir sistemdən digərinə keçid başlanıb.
H. Məmmədov bildirib ki, metropolitenin təlim-tədris mərkəzinin əsaslı təmiri və metropolitenin kadr hazırlığının yüksək səviyyədə təşkil edilməsi olub.
O, 2019-cu ili ən əhəmiyyətli sosial layihələr ili adlandırıb. Bu xüsusda aprel ayından metropoliten tarixinin ən böyük sosial əhəmiyyətli layihəsi də həyata vəsiqə alıb. Artıq Bakı metropoliteni əlil arabasından istifadə edənlərə əlçatandır.
Metronun gələcək inkişafı, tikinti sahələrində işlərin vəziyyəti “Bakı Metropoliteni” QSC sədrinin tikinti üzrə müşaviri Məzahir Nəbiyevin çıxışında öz əksini tapıb. Metro inşaatçıları adından tədbir iştirakçılarının peşə bayramını təbrik edən M. Nəbiyev bu il metropolitenin yeni xətlərinin tikintisində, həmçinin də istismarda olan sahələrdə, həmçinin “Nərimanov” deposunda böyük həcmdə görülən işlər, “Bakmil”, “Xətai” stansiyasında aparılan yenidənqurma və təmir - bərpa işlərinin nəzərdə tutulan vaxtda uğurla başa çatdırılaraq, tam yenilənmiş formada, müasir dövrün tələblərinə uyğun şəkildə sərnişinlərin istifadəsinə verilməsini qeyd edib. Bənövşəyi xəttin 3-cü stansiyasında və Xocəsən deposunda isə işlır davam edir.
Metropoliten İşçiləri Həmkarlar İttifaqının (MİHİ) sədri Arif Mərdanov müəssisə əməkçilərinin sosial problemlərinin həlli istiqamətində, asudə vaxtlarının, məzuniyyət dövrünün səmərəliyinin daha da yüksəldilməsində müəssisə rəhbərliyi və həmkarlar təşkilatının son bir ildə həyata keçirdiyi tədbirlər, metropolitendə təşkil edilən sosialyönümlü layihələr barədə danışıb.
Sonra Arif Mərdanov metropolitendə “İlin maşinisti” devizi altında keçirilən müsabiqənin yekunu barədə məlumat verib. Bu il müsabiqənin qalibi Hüseyn Hüseynov elan edilib və QSC sədri Zaur Hüseynovun iştirakı ilə ona müvafiq diplom və mükafat təqdim edilib.
Tədbirdə iştirak edən Bakı metropoliteninin mühafizəsi üzrə polis şöbəsinin rəisi Samir Hüseynov QSC sədri Zaur Hüseynov və metropolitençiləri peşə bayramı münasibətilə səmimi qəlbdən təbrik edərək, çətin və məsuliyyətli olduğu qədər şərəfli işlərində uğurlar arzu edib.
Bakı metropoliteninin 52-ci ildönümü münasibətilə keçirilən tədbirə xüsusi olaraq dəvət olunmuş metropoliten veteranlarından Malik Seyidov bu diqqətə görə QSC rəhbərliyi və MİHİ sədrinə öz dərin minnətdarlığını bildirərək, metropolitençilər və metro inşaatçılarını peşə bayramı münasibətilə təbrik edib.
Tədbiri bağlı elan edən Zaur Hüseynov sonda radio və televiziya əməkdaşlarını 6 noyabr peşə bayramı münasibətilə ürək sözlərini dilə gətirərək, mərasim iştirakçılarını 9 noyabr - Dövlət Bayrağı, 12 noyabr - Konstitusiya və 17 noyabr - Milli Dirçəliş günləri ilə əlaqədar təbrik edib.
Bu barədə Anar Nəcəfli məlumat verib
Mərdəkan- Buzovna yolunda avtomobillərin hərəkəti qismən məhdudlaşacaq. Bu barədə Azərbaycan Avtomobil Yolları Dövlət Agentliyinin mətbuat katibi Anar Nəcəfli Yol-xeber.az-a xəbər verib. Anar Nəcəfli bildirib ki, buna səbəb piyada keçidinin aşırım quruluşunun montajıdır.
Məhdudlaşma müddəti gecə 02:00-dən səhər 06:00-dəkdir.
Sürücücülər təklif edirlər ki, pərdə və plyonkadan istifadə qadağası ləğv edilsin
Bir həftədən sonra avtomobillərdə pərdə və plyonkaya verilən icazə müddəti başa çatacaq. Yol-xeber.az xəbər verir ki, son günlər sürücüləri ən çox düşündürən suallardan biri pərdə və plyonkaya bu il icazənin verilib-verilməməsidir. Çünki ötən illərlə müqayisədə bu il sürücülər avtomobilin arxa yan şüşəsi üçün pərdədən çox, plyonkadan istifadə ediblər. Bəs noyabrn 15-dən sonra həmin plyonkalar söküləcəkmi?
Sürücücülər təklif edirlər ki, pərdə və plyonkadan istifadə qadağası ləğv edilsin.
Elə millət vəkili Çingiz Qənizadə də avtomobillərin arxa yan şüşələrinə ilin bütün aylarında pərdə vurulmasına icazə verilməsini təklif edib. Deputat deyib ki, keçmiş Standartlaşdırma, Metreologiya və Patent üzrə Dövlət Komitəsinin qəbul etdiyi müvafiq qərar ləğv edilməldir. Çünki bu qərarın heç bir əhəmiyyəti qalmayıb. Azərbaycanın qəbul etdiyi Avropa İqtisadi Komissiyasının 43 saylı qaydasında qeyd olunub ki, sürücünün kürəyindən arxada qalan şüşələrin şəffaflığı sürücünün öz öhdəliyinə buraxılır.
Millət vəkili deyib ki, digər ölkələrdə də bu məsələ sürücünün öz öhdəliyinə buraxılıb. Əgər bu, yol hərəkəti təhlükəsizliyi səviyyəsini aşağı salsaydı, öncə Konvensiyaya qoşulan ölkələr bunu qadağan edərdi.
Çingiz Qənizadə bildirib ki, məsələ yaxın günlərdə komitə iclasında müzakirə ediləcək.
Baş Dövlət Yol Polisi İdarəsinin şöbə rəisi Rüfət Quliyev isə bildirib ki, qanun hazırda qüvvədədir. Sürücülərin cərimələnib-cərimələnməməsi məsələsi gələn həftə müəyyən ediləcək.
Bakı metrosunda Moskvada olduğu kimi, ikimərtəbəli metro stansiyası olacaq.
Bunu Report-a açıqlamasında “Bakı Metropoliteni” QSC-nin baş mühəndisi Əlixan Osmanov deyib.
Ə.Osmanovun sözlərinə görə, gələcəkdə tikiləcək keçid stansiyaların hamısı ikimərtəbəli olacaq:
“Gələcəkdə bizim bir neçə keçid stansiyalarımız olacaq ki, onların hamısı 2-3 mərtəbəli olacaq. Artıq “Həzi Aslanov” stansiyasında bunun bir qismini tikmişik və tikintini davam etdiririk.
Həmçinin, “Mavi xətt”in tikintisinə başlayanda “Bənövşəyi xətt”in “B-3” stansiyası, bundan əlavə, “Sarı xətt”i tikəndə “B-4” stansiyasında da ikimərtəbəli stansiyalar olacaq”.
“Bakı Metropoliteni” rəsmisi Bakıətrafı ərazilərə estakada üzərində quraşdırılan stansiyaların tikintisinin mümkün olduğunu açıqlayıb:
“Əgər siz Dubaydakı kimi, estakada üzərində olan stansiyaları nəzərdə tutursunuzsa, onu deyim ki, biz Sumqayıt, Şıxov, Ələt istiqamətinə metro çəkmək istəsək, bu formada edə bilərik. Çünki həmin yerlərdə Bakı şəhərində olduğu kimi sıxlıq yoxdur. Həm də bizim metro o qədər də böyük deyil.
Şəhərin bu günlük planına görə Cənab Prezidentin təsdiqlədiyi “Konseptual İnkişaf Sxemi”nə əsasən, biz bu stansiyaların sayını 75-ə çatdırmalıyıq. Biz stansiyaların sayını 75-ə çatdırana qədər şəhər genişlənəcək.
Hazırda şəhərin Pirallahı, Mərdəkan və Cənub istiqmaətində genişlənməsi gedir. Biz nümunəni Moskvadan götümrəliyik. Orada ildə 10-12 stansiya tikirlər. İlk olaraq stansiya tikilir sonra onun ətrafında mikrorayonlar salınır.
Metro olan yerdə evi tikib satmaq daha asan olur. Amma təəssüf olsun ki, bizdə bu metod işləmir. Hərə bir parça torpaq alır, evi tikir. Onun nə suyu, nə qazı, nə yolu, nə də metrosu yoxdur”.