 |
|
Vətəndaşlar kommunal xidmətlərlə bağlı ödənişləri gecikdirdikdə və ya ümumiyyətlə ödəmədikdə bir çox halda aidiyyəti qurumlar tərəfindən göstərilən xidmət dayandırılır. Bu isə çox vaxt insanların narazılığına səbəb olur. Görəsən borca görə vətəndaşın qazının, suyunun, işığının kəsilməsi qanunidirmi?
Mövzu ilə bağlı “Azad İstehlakçılar” İctimai Birliyinin sədri Eyyub Hüseynov Yenisabah.az-a açıqlamasında bu addımın qanunvericiliyə uyğun olduğunu qeyd edib.
“Biz Allaha şükür etməliyik ki, mütəxəssislər nə yaxşı kanalizasiyanın ayrılma xəttini yaratmayıblar. Qanunvericiliyə görə kommunal borcu olan vətəndaşa 1 ay müddətində xəbərdarlıq olunursa və bu müddət ərzində ödəniş edilmirsə, həmin kommunal təminat kəsilə bilər. Qeyd edim ki, ümumiyyətlə istehlakçılar bununla bağlı maariflənməli və kommunal borcları vaxtında ödəməlidir”.
Eyyub Hüseynov vətəndaşların tez-tez üzləşdiyi daha bir problemə diqqət çəkib.
“Bu sahədə geniş yayılmış problemlərdən biri ev alqı-satqısı zamanı mənzilin yeni sahibinə bir müddət sonra böyük miqdarda borc gəlməsidir. Burada borc yeni istehlakçının üzərinə yazılır. Bu anormaldır və bu sahədə çox ciddi problemlər var. Düşünürəm ki, ev alqı-satqısı zamanı bu məsələlər həll olunmalıdır. Heç kimin borcunu əsassız yerə digəri ödəməməlidir. Notarius bu məsələlərə diqqət yetirməlidir. Eyni zamanda istehlakçı istifadə etdiyi kommunalın haqqını verməlidir. Əks halda, kommunal xidmətin kəsilməsi qanunidir”.
Azərbaycan Avtomobil Yolları Dövlət Agentliyi hava şəraiti ilə əlaqədar olaraq gücləndirilmiş iş rejimində işləməyə davam edir. Xüsusi ilə daha tez qar tutan və buzlaşan yollara öncədən qar təmizləyən və duz-qum qarışığı səpən texnikalar çıxarılıb. Problem yaşandığı sahələrə dərhal xüsusi texnikalar cəlb edilərək hərəkətin fasiləsizliyi və təhlükəsizliyi təmin olunub.
Sürücülərə yollarda diqqətli olmaları və qış fəslinə uyğun təchiz edilmiş nəqliyyat vasitələrindən istifadə etmələri tövsiyə olunur.
YOLUNUZ AÇIQ OLSUN..
Yol-xeber.az videoları təqdim edir:
“Məlum Qərb ölkələrinin və onların əlində alətə çevrilmiş AŞPA kimi təşkilatların qərəzli və destruktiv addımları bir daha sübut edir ki, onları nə Cənubi Qafqazda sülhün bərqərar olması, nə də region xalqlarının rifah içində yaşaması maraqlandırır. Əslində, bu qüvvələri heç erməni xalqının da taleyi düşündürmür. Bu gün Fransa və Almaniyanı Ermənistan yalnız bizim regionda öz iyrənc müstəmləkə siyasətlərini həyata keçirə bilmək üçün bir vasitə kimi maraqlandırır. Ukraynanın timsalında isə, bu maraqların hansı nəticələrə gətirib çıxara biləcəyini aydın görmək olar.”
Bu sözləri mətbuata açıqlamasında Milli Məclisin deputatı Kamaləddin Qafarov deyib.
Deputat qeyd edib ki, AŞPA-nın yanvarın 22-də, qış yarım sessiyasının açılış günündə ölkəmizin bu təşkilatda nümayəndə heyətinin etimadnamələrinin təsdiq edilməməsi Azərbaycana qarşı açıq-aşkar ikili standartlar siyasətinin tətbiqinə cəhd kimi dəyərləndirilməlidir: “Fransa və Almaniyanın manipulyasiyalarının nəticəsi olaraq qəbul edilmiş qərəzli qərarın Azərbaycanda fevralın 7-də keçiriləcək seçkiləri müşayiət etməyə AŞPA-nın dəvət edilməməsi və ölkədə “siyasi məhbus”ların olması ilə əsaslandırmaq cəhdləri yalnız beynəlxalq ictimaiyyəti aldatmaq məqsədi güdür. Hələ ötən il aprelin 23-də Azərbaycan Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsini qurandan sonra AŞPA dəfələrlə Azərbaycandan həmin sərhəd-buraxılış məntəqəsinin ləğv edilməsini tələb etmişdi. Təbii ki, Azərbaycan mahiyyət etibarı ilə Ermənistandan ölkəmizin ərazisində o zaman hələ mövcud olan qeyri-qanuni erməni silahlı dəstələri üçün canlı qüvvə və silah-sursat daşımasına icazə vermək anlamına gələn bu tələbi qətiyyətlə rədd etdi. Bundan sonra AŞPA rəhbərliyi 3 dəfə ölkəmizə müraciət edərək Laçın yoluna məruzəçi göndərmək istədiyini bildirib. Aydındır ki, bu istəyin də arxasında ermənilərin “blokadada yaşamaları” barədə uydurma faktlar əsasında saxta hesabatların hazırlanması və bu yolla Avropada anti-Azərbaycan əhval-ruhiyyəsinin gücləndirilməsi məqsədi dururdu. Azərbaycan dövləti yenə də prinsipiallıq və siyasi iradə nümayiş etdirərək, bu cəhdlərin də qarşısını aldı. Çünki AŞPA missiyalarının Azərbaycana səfər cəhdləri yalnız erməni məsələsi ilə bağlı olub və təşkilatın prioritet məsələsini “ermənilərin hüquqları” təşkil edib. AŞPA digər məsələlərlə bağlı deyil, məhz ermənilərin müdafiəsinə yönəlik “Laçın dəhlizinin blokadaya alınması”nı qınayan, eləcə də “Azərbaycan ordusunun ötən ilin sentyabrında həyata keçirdiyi və Dağlıq Qarabağın bütün erməni əhalisinin ərazini tərk etməsi ilə nəticələnən hərbi əməliyyatı”nı pisləyən qətnamələr qəbul edib. Assambleyanın qış yarım sessiyasının açılış günündə isə, Almaniyanı təmsil edən nümayəndə
Frank Şvabe özünün “100 mindən artıq Qarabağ ermənisinin zorakılıqla qovulması və AŞPA məruzəçilərinin Laçın yoluna buraxılmaması Azərbaycanın təşkilatla əməkdaşlıqdan yayınması kimi qiymətləndirilməlidir” kimi absurd fikirlərin yer aldığı çıxışında AŞPA-da ölkəmizin nümayəndə heyətinin etimadnamələrinin təsdiq edilməməsi təşəbbüsünü irəli sürüb və bu təşəbbüs təsdiqlənib”.
K.Qafarov deyib: “Xatırlatmaq yerinə düşər ki, Azərbaycan vaxtilə Qarabağ probleminin həllinə sülh yolu ilə nail olmaq üçün Avropa Şurasına üzv olmuşdu. Lakin ötən dövrdə gedən proseslər göstərdi ki, bu qurum Azərbaycanın mənafelərinə xidmət edəcək heç bir layihədə maraqlı deyil. Bu gün isə, artıq Azərbaycan dövləti özü Qarabağ problemini kökündən həll edib. Buna görə də ölkəmizin hazırda nəinki dünya səviyyəsində, Avropanın hüdudları daxilində belə nüfuzu olmayan Avropa Şurasına heç bir ehtiyacı yoxdur”.
DİN-in Baş Dövlət Yol Polisi İdarəsi qarın yollarda yarada biləcəyi fəsadlarla bağlı xəbərdarlıq edib.
İdarədən verilən xəbərə görə, xəbərdarlıqda deyilir:
"Ölkə ərazisində müşahidə olunan hava şəraiti ilə əlaqədar hazırda respublika əhəmiyyətli avtomobil yollarında məhdudiyyət tətbiq edilməsə də, əsasən dağlıq və dağətiyi rayonlarda yağan intensiv qar nəqliyyatın hərəkətində bir sıra çətinliklər yaradıb. Hazırda DİN BDYPİ-nin YPX Alayının və ərazi polis orqanlarının DYP əməkdaşları ötən gün gecə saatlarından başlayaraq aidiyyəti qurumlarla birgə qarın yollarda yaratdığı fəsadların aradan qaldırılması, nəqliyyat vasitələrinin normal hərəkətinin təmin olunması istiqamətində zəruri tədbirlər görür, sürüşmə səbəbindən yolda qalan sürücülərə köməklik göstərir.
Baş DYP İdarəsi mövcud hava şəraiti ilə əlaqədar yollarda meydana gələ biləcək xoşagəlməz halların qarşısının alınması üçün bir daha sürücülərə müraciət edərək, hava şəraitini düzgün qiymətləndirməyi, yolların buz bağlama ehtimalını nəzərə alaraq ehtiyyat tədbirləri görməyi, mövsümə uyğun təchiz edilməmiş, texniki-təhlükəsizlik baxımından yararsız nəqliyyat vasitələri ilə yola çıxmamağı, təcrübəsiz sürücülərdən sükan arxasına əyləşməməyi, sərnişindaşıma fəaliyyəti göstərən fiziki və hüquqi şəxslərdən daha təhlükəsiz marşurutlar üzrə hərəkətə üstünlük verməyi xahiş edir.
Qarlı, buzlu yollarda nəqliyyat vasitələrinin sürüşmə ehtimalının dəfələrlə artmasını nəzərə alaraq piyadalara ehtiyatlı olmaq, yolun hərəkət hissəsinə çıxmamaq, təhlükəsizlik qaydalarına ciddi əməl etmək tövsiyə olunur".
Daxili İşlər Nazirliyinin (DİN) əməkdaşları respublikanın avtomobil yollarında hava şəraiti ilə əlaqədar gücləndirilmiş rejimdə xidmət aparır.
Bu barədə DİN-in mətbuat xidmətindən bildirilib.
"Sürücülərdən xahiş edirik, sürət həddini hava şəraitinə uyğun tənzim etsinlər, ötmə əməliyyatından və qəfil manevrlərdən çəkinsinlər. Təcrübəsi az olan sürücülərin buz bağlayan yollarda avtomobil idarə etmələri tövsiyə edilmir", məlumatda bildirib.
Ölkə ərazisində yağıntılı hava şəraiti davam edir.
Bu barədə Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova bildirib.
Onun sözlərinə görə, hazrıda Bakıda və Abşeron yarımadasında qar yağıb, axşama doğru tədricən kəsiləcək:
"Havanın temperaturu 1 dərəcə isti qeydə alınır. Axşam saatlarında 0 dərəcəyə yaxın olacaq. Yağıntılı hava şəraiti və arabir güclənən şimal-qərb küləyi ilə əlaqədar yollarda görüş məsafəsi məhdudlaşacaq. Gecə və səhər saatlarında şəhərin nisbətən yüksək ərazilərdə, yolların buz bağlayacağı ehtimal olunur".
G.Məmmədov qeyd edib ki, bölgələrdə də yağıntılar davam edir:
"Bəzi yerdə qar yağır, ayrı-ayrı yerlərdə isə yağıntılar intensiv xarakterlidir. Axşama doğru bölgələrdə də yağıntılar tədricən kəsiləcək. Gözlənilən yağıntılı və şaxtalı hava şəraiti ilə əlaqədar yolların buz bağlayacağı ehtimal olunur".
O qeyd edib ki, yanvarın 25-də paytaxtda, eləcə də bölgələrdə hava şəraitinin sabit, gün ərzində əsasən yağmursuz keçəcəyi proqnozlaşdırılır.
Bakı şəhərində ilkin olaraq 65 binanın sökülməsi planlaşdırılıb.
BAKU.WS-in əldə etdiyi məlumata görə, söküləcək binaların bir çoxu qəzalı vəziyyətdədir.
Artıq bununla bağlı Nazirlər Kabineti tərəfindən Bakı şəhəri İcra Hakimiyyəti, Dövlət Şəhərsalma və Arxitektura Komitəsi, Fövqəladə Hallar Nazirliyi, İqtisadiyyat Nazirliyi və digər adiyyəti qurumlarla birgə işçi qrupu yaradılıb.
Bakıda siyahıya alınan 130 binadan 65-i ilə bağlı sənədlər Dövlət Şəhərsalma və Arxitektura Komitəsinə göndərilib. Hazırda komitə digər yerli qurumlarla birgə invertallaşdırma işləri aparırlar. Söküləcək binalarda mənzillərin sayı, onların sahəsi və nə qədər sakinin yaşaması ilə bağlı dəqiqləşdirmə işləri aparılır. Bu binaların sakinlərinin əksəriyyəti maliyyə vəsaiti ödənilməklə köçürüləcək. Bina sakinləri mənzilləri müqabilində kompensasiya alaraq evlərini tərk edəcəklər.
Bakının təsdiqlənmiş Baş Planına əsasən, ilkin mərhələdə söküləcək binalar Binəqədi, Xətai, Nizami, Nəsimi, Sabunçu və Səabil rayonlarında yerləşir. İnvertallaşdırma işləri başa açatan kimi Nazirlər Kabinetinn qərarı açıqlanacaq. Bu qərardan sonra ən qısa zamanda, hətta il ərzində binaların sökülməsi və əhalinin də köçürülməsi nəzərdə tutulub.
Evləri plana düşən sakinlərə kompensasiya məbləği ilə bağlı yekun qərar da açıqlanacaq. Buna qədər plana düşən evlərin sahiblərinə 2 min manat civarında kompensasiya verilirdi. Nazirlər Kabinetinin verəcəyi qərara uyğun olaraq kompensasiyanın məbləği məlum olacaq. Bu məsələdə binların hansı ərazidə yerləşməyi də nəzərə alınacaq.
Qeyd edək ki, ikinci mərhələdə Bakı şəhəri üzrə 60-dan çox binanın da sökülərək yerində yeni binaların tikiləcəyi gözlənilir. Hazırda yeni tikiləcək binalarla bağlı tikinti şirkətləri ilə bağlı danışıqlar aparılır.
"Narahat olmasınlar, zəlzələ gözlənilmir. Heç bir problem də yoxdur".
Bu sözləri Pravda.az-a Respublika Seysmoloji Xidmət Mərkəzinin baş direktoru Qurban Yetirmişli ölkədə yaxın günlərdə zəlzələ olub-olmayacağı barədə sualları cavablandırarkən deyib.
Baş direktor süni zəlzələ məsələsinə də aydınlıq gətirib: "Rusiyanın 3 mindən çox əsgəri qırılıb. Süni şəkildə zəlzələ edib Ukraynanı dağıdardı, niyə etmədi? Boş şeylərdir. Süni zəlzələ söhbəti yoxdur. Yalandan ağızlarına gələni deyirlər".
“Fitch Ratings” beynəlxalq reytinq agentliyi Azərbaycanın cari əməliyyatlar hesabının profisitinin 2023-2025-ci illərdə ikirəqəmli səviyyədə qalacağını, eyni dövrdə icmal büdcənin də profisitdə olacağını proqnozlaşdırıb.
İqtisadçı ekspert Elman Sadıqov açıqlamasında bildirib ki, “Fitch Ratings”in müsbət proqnozu gözlənilən idi:
“Cari əməliyyatlar balansında profisit yaradan əsas amil mal və xidmətlərin idxal-ixrac hissəsidir. Neft və qaz qiymətlərinin bugünkü həddi imkan verir ki, həm ticarət, həm cari əməliyyatlar, həm də ümumilikdə tədiyyə balansımız müsbətdə qalsın. Bu müsbət hədd də ÜDM-ə nisbətdə iki rəqəmli, yəni 10%-in üzərində ifadə olunur. Cari əməliyyatlar balansı ölkənin tədiyyə balansında mal və xidmətlərin idxal və ixracını, investisiyalardan xalis gəliri, transfer ödənişlərinin xalis həcmini birləşdirir. ÜDM-ə nisbətdə cari əməliyyatlar balansının profisitinin 2 rəqəmli olması ölkəmizin strateji valyuta ehtiyatlarının artmasına səbəb olur. Həmçinin biz xarici borclarımıza daha yaxşı xidmət göstərə bilirik. Həmin borcun nəinki faizi, əsas hissəsindən də ödənişlər apararaq öz xarici borclarımızı azalda bilirik.
Nəhayət, bu ölkəmizin reytinqi üçün müsbətdir. Ölkəmiz strateji valyuta ehtiyatlarının yüksək olması, xarici borcunun ÜDM-yə nisbətinin aşağı olması səbəbindən istənilən zaman borclanmaya gedə bilər. Ölkəmizə verilən borc da az riksli hesab olunduğundan şərtlər də daha rahat olar. Cari əməliyyatlar balansının müsbət olmasını şərtləndirən əsas amil neft və qaz qiymətləri, ixracdakı gəlirlərdir”.
Ekspertin sözlərinə görə, bir digər məsələ dövlət büdcəsində neftin qiymətinin daha konservativ götürülməsidir: “Büdcə xərclərinə nəzər saldıqda, bunun strateji valyuta ehtiyatlarının artırılmasılını şərtləndirdiyini görürük. Lakin bu bizi arxayınlaşdırmamalıdır. Tədiyyə balansında komponentlərdən bəzilərinin mənfi saldoya keçməsi ticarət balansında əldə olunan gəlirlərin müəyyən qədər azlamasını şərtləndirir. Həmin istiqamətdə fəaliyyətimizi genişləndirsək, bu göstəricini artıra bilərik”.
“Qeyri-neft sektorunda da ixracın artması müsbət hal kimi qeyd olunur. Biz qeyri-neft sektorunda ixracı davamlı artırmaqla neft istehsalının azalması ilə azalan gəlirləri, valyuta daxilolmalarını, o cümlədən cari əməliyyatlar balansında neft ixracından azalan payı kompensasiya edə bilərik”, - deyə E.Sadıqov əlavə edib.
Ekspert deyib ki, Azərbaycanda sözügedən profisitin inflyasiyaya təzyiqi minimumdur.
Avtobusların hərəkəti üçün nəzərdə tutulan zolaqda digər nəqliyyat vasitələrinin hərəkət etməsi inzibati məsuliyyət yaradır.
Azərbaycan Yerüstü Nəqliyyat Agentliyi xəbərinə görə, ictimai nəqliyyatın hərəkətinə maneə yaradan sürücülərə qarşı aidiyyəti qurum tərəfindən qanuna müvafiq tədbirlər həyata keçirilir.
AYNA sürücüləri avtobus zolaqlarının tələblərinə riayət etməyə çağırır.