 |
|
Müğənni Manaf Ağayev və həyat yoldaşı koronavirusa yoluxub.
Unikal.org məlumata görə, müğənni və həyat yoldaşı Fərqanə Ağayevada COVİD-19 aşkarlanıb. Onların hər ikisi Yeni Klinikaya yerləşdirilib.
M.Ağayev açıqlamasında faktı təsdiqləyib:
"Təcili Tibbi Yardım stansiyasının əməkdaşları bizi Yeni Klinikaya yerləşdirdilər. Hazırda mənim və həyat yoldaşımın vəziyyəti normaldır. Bir neçə gün sonra evə buraxılacağıq."
Hazırda cəbhə bölgəsində olan aktyor Emil Musayev Vətən müharibəsi barədə danışıb.
O, ilk günlərdə döyüş yoldaşlarının onun cəbhəyə yollanmasını təəccüblə qarşıladığını bildirib.
"Aktyoram və çox adamlar təəccüblə qarşılayır ki, sən burda nə edirsən? Vətəni qorumaq hər birimizin borcudur. Şükürlər olsun ki, bunun öhdəsindən gələ bildik. Reper dostum Epi (Əkbər) də burda bizimlə birlikdə döyüşürdü. Əlbəttə, çətin idi. Həm yaş, həm fiziki görünüş eitbarilə çətin idi. Amma məqsəd böyük idi. Hər şeydən öncə vətəndir. Bütün Azərbaycan xalqını qələbə münasibətilə təbrik edrəm. Şəhidlərə rəhmət, qazilərimizə şəfa diləyirəm. Sağ qalanları da tərbik edirəm ki, sağ-salamat evlərinə qayıdırlar. Qarabağ Azərbaycandır!"
Qeyd edək ki, E.Musayev bir sıra yumoristik layihələrin aparıcı simalarındandır.
Tanınmış idmançı və sosial şəbəkə fenomeni Kamil Zeynallı şəhid gizir Yusifzadə Xudayar Müslüm oğluyla fotosunu və müharibədə çəkilmiş videonu paylaşıb.
Zeynallı şəhid haqqında bu sözləri yazıb:
"Sən necə də gözəl insan imişsən, necə nurlu üzün, siman, gözəl səsin, avazın, söhbətlərin varmış. Ömrüm boyu unutmaram sənin mənə təşəkkürünü, unutmaram sənin batıq yanaqlarını, əziz qardaşım. Allah qismət eləsin, səninlə axirətdə görüşüm, şəhidim. Mən ölümü ona görə sevirəm ki, o biri dünyada sənin kimi qardaşlarımla görüşəcəm, əgər qismətim olsa... Görüşmək ümidi ilə, Allah sənə də, mənə də rəhm və rəhmət eləsin, əziz qardaşım".
Qeyd edək ki, gizir Yusifzadə Xudayar Müslüm oğlu Vətən müharibəsində Kəlbəcərin Murov yüksəkliyi uğrunda, həmçinin Füzuli, Qubadlı, Cəbrayıl Zəngilan uğrunda döyüşlərdə iştirak edib. Zəngilanın Ağbənd kəndindəki dğyüşlərdə isə şəhidlik zirvəsinə ucalıb.
Dünyaca məşhur fotoqraf Reza Deqati 40 ildir Fransada yaşayır. Fotojurnalist 27 il sonra Azərbaycan ordusu tərəfindən işğaldan azad edilən Cəbrayıl rayonuna səfər edib.
O, ilk olaraq tarixi Xudafərin körpüsünün fotosunu çəkib:
“30 il idi ki, mənim belə bir arzum var idi. Mən 1992-ci ildə Xocalı faciəsinin şahidi olmuşam. Bir aydan çox bizim əsgərlərlə bir yerdə idim həmin vaxt. 30 il idi ki, fikrimdə var idi, ömrüm olsa, mən buraya gəlim, yenidən azadlığını görüm”.
Fotoqraf bildirib ki, onun indi tək arzusu Qarabağın gözü sayılan Şuşada yenidən fotolar çəkməkdir:
“Mənim o zaman bir fotom var. Adı “Şuşada son çay” idi. Hansı ki, mənimlə birgə orada əsgərlər var idi. Şuşadan çıxmadan beş dəqiqə əvvəl, Şuşanın meydanında dedim, gəlin, burada bir çay içək. Həmin fotonu 30 ildir saxlayıram ki, yenə gedib orada çay içəcəyəm.
Elə həmin yerdə. İndi ona görə gəlmişəm ki, Şuşa işğaldan azad olunsun və orada gözəl çay içək”.
Məşhur türkiyəli “youtuber” Ruhi Çenet Qarabağda çəkiliş aparan zaman yaxınlığına top mərmisi düşüb.
“Ölkə.Az” xəbər verir ki, bloqqer media nümayəndələri ilə Tərtərin Talış kəndinə yollanıb. Kəndi gəzən Ruhi Çenet ermənilərin yaşadığı evlərdə çəkiliş aparıb. Əsgər düşərgələrini lentə alan “youtuber” gördüyü iyrənc mənzərənin qarşısında təəccübünü gizlədə bilməyib. Çəkiliş zamanı cəbhə bölgəsində ağır artilleriya səsləri eşidilib. Bir az keçdikdən sonra isə “youtuber”in 100 metr yaxınlığına top mərmisi düşüb. Erməni varvarları bu dəfə də öz ənənələrinə sadiq qalaraq atəşkəsi pozaraq Azərbaycan ərazisini atəşə tutub.
Cəbhə bölgəsindən çəkdiyi videonu o, “YouTube” kanalında yayımlayıb. Video qısa müddət ərzində 900.000 minə yaxın insan tərəfindən izlənilib.
Ruhi Çenetin çəkdiyi videonun tam versiyasınızı təqdim edirik:
Vüsalə Balayeva
Şəhidin bacısı oğlu Anar Süleymanov bildirib ki, dayısı sentyabrda könüllü şəkildə döyüşlərə gedib:
“Təhsilini Azərbaycan Dövlət Neft və Sənaye Universitetində alıb. Magistraturanı qırmızı diplomla bitirib. Vətənpərvər insan idi. Hətta koronavirusla mübarizə dövründə TƏBİB-də könüllü kimi çalışırdı".
Şəhidin bacısı Yuliya Sonçeva isə bildirib ki, cəbhəyə getmək onun arzusu idi: “Biz onunla fəxr edirik. Bizim baş ucalığımızdır. Hər zaman çox məsuliyyətli, gözəl insan idi".
***
Azərbaycan Ordusunun şəhid olan hərbçisi ilə vida mərasimi keçirilir.
"Report" xəbər verir ki, işğal olunmuş torpaqlamızın azadlığı uğrunda döyüşlərdə şəhid olmuş hərbi qulluqçumuz Dmitri Solnsevlə vida mərasimi yaşadığı binanın önündə keçirilir.
Vida mərasimində dövlət qurumlarının rəsmiləri, Milli Məclisin deputatları, ictimaiyyət nümayəndələri və sıravi insanlar iştirak edir.
Türkiyəli məşhur sənətçi Mustafa Ceceli sosial media hesabında Gəncə hadisəsi ilə bağlı paylaşım edib.
Müğənni əvvəlcə Azərbaycan və Türkiyə bayraqlarının fotosunu yayımlayaraq ''Zamanı gəlmişdi. Allah qələbə nəsib etsin'' sözlərini qeyd edib.
Daha sonra o, ermənilərin Gəncədə törətdiyi terrordan yazıb.
"Bir ovuc axmaq öz sonunu hazırlayır. Bütün dünya da bunu səsiz izləyir. 10 aylıq uşağın qatillərinin axıtdığı qan yerdə qalmayacaq. Başın sağ olsun Azərbaycan" -deyə o qeyd edib.
"Azərbaycan demək, Türkiyə deməkdir mənim üçün, bizim üçün. Azərbaycan xalqı bizim öz xalqımızdır, özümüzdür. Biz eyni duyğuları paylaşırıq, eyni millətik və bundan qürur duyuruq".
Publika.az xəbər verir ki, bu sözləri Türkiyənin məşhur sənətçisi Orxan Gəncəbay Sosial Tədqiqatlar Mərkəzinin mətbuat xidmətinə Azərbaycanın haqq mübarizəsindən danışarkən deyib.
Sənətçi Azərbaycanın yanında olduğunu ifadə edib: "Biz tarix boyu bərabər olmuşuq. Azərbaycana illərdir edilən haqsızlığı yaxından izləyirik. Onun torpaqlarını, vətənlərini bölmək, işğal etmək kimi hərəkətlər hamımızı çox narahat edib. İndi azərbaycanlı canlarımız, qardaşlarımız bu haqsızlığa qarşı uğurla mübarizə aparırlar və torpaqlarını azad edirlər. Biz bununla qürur duyuruq. Ermənistanın etdiyi yanlışlıqları təəssüf ki, dünya bilsə də, səsini çıxarmır. Şübhəsiz, bunların hamısı siyasi səbəblərdən olur. Ancaq Azərbaycan xalqı olduqca haqlıdır və bu haqqını sonuna qədər müdafiə edəcək".
Orxan Gəncəbay Azərbaycan Ordusuna da dəstəyini dilə gətirib: "Aslanlarımıza deyirəm ki, özlərinə diqqət etsinlər. Onlar dastan yazır hamısı. Savaş meydanında möhtəşəmdirlər. Kaş ki, sülhlə olardı bütün bunlar, ancaq demək ki, artıq belə gərəkir. Onlar gərəkəni layiqli bir formada edirlər. Hamısının gözlərindən öpürəm, bağrıma basıram, hamısı bizim övladlarımızdır, canlarımız, aslanlarımız".
Sənətçi Azərbaycanın qələbə qazanacağına inamını bildirib: "İnşallah bütün bunlar bitəcək və hər şey çox yaxşı olacaq, Azərbaycanın lehinə olacaq. Azərbaycan xalqına ən dərin hörmətlərimi və sevgilərimi çatdırıram"
Türkiyəli məşhur müğənni Serdar Ortaç erməni varvarlarının Azərbaycanda dinc əhaliyə qarşı törətdikləri terror aktlarını tənqid edib.
Bu barədə Türkiyə mediası məlumat yayıb. Sənətçi müxbirlərin suallarını cavablandırarkən Ermənistan rəhbəri Nikol Paşinyanı tənqid edərək, müharibə qaydalarına əməl etmədiyini, dinc əhalini hədəf aldığını deyib.
''Mənim erməni xalqına bir sözüm yoxdu, amma rəhbəri ruhi xəstədir. Əgər əsgərləri varsa müharibədə döyüşməlidirlər. Dinc əhalinin üstünə raket atmaq terrordur''.
Eyni zamanda sənətçi "Azərbaycanda döyüşə gedərsinizmi?" sualını da cavabsız qoymayıb.
''Əgər mənim getməyimə ehtiyac olarsa, təbii ki, gedərəm. Ancaq növbə mənə gələnə qədər, Azərbaycan əsgəri öz vətəndaşlarını qoruyur", - deyə, o, bildirib.
Türkiyəli məşhur müğənni Tarkan Gəncədə baş verən terrorla bağlı paylaşım edib.
Sənətçi ''İnstagram'' hesabında Azərbaycan və Türkiyə bayraqlarının yanaşı fotosunu yayımlayaraq vətənimizə dəstək olub.
''Dualarım qardaş ölkə Azərbaycanladır. Xain hücumlarda həyatını itirənlərə allahdan rəhmət, ailə və yaxınlarına başsağlığı, yaralılara şəfa diləyirəm. Çox kədərliyəm. Qəlbim Azərbaycan xalqı ilədir" -deyə, o qeyd edib.
