 |
|
Tanınmış müğənni İbrahim Borçalının sosial media paylaşımı izləyicilərini kədərləndirib.
‘’Ölkə.Az’’ xəbər verir ki, ifaçı qəzada dünyasını dəyişən oğlu Rəhimin videosunu yayımlayıb. Borçalı bu gün mərhum oğlunun doğum günü olduğunu qeyd edib. O, Rəhimin fotosunu paylaşaraq: "Oğlum, bu gün 17 avqustda 21 yaşın tamam oldu 22-ə keçdin. Amma yoxsan sənsiz qeyd edəcəm" sözlərini qeyd edib.
Sözügedən görüntüləri təqdim edirik:
Dünya opera səhnələrini fəth etmiş azərbaycanlı vokalçı Eldar Əliyev Bakı şəhərində dəfn ediləcək.
Bu barədə Mədəniyyət Nazirliyi məlumat yayıb.
O, avqustun 4-də İtaliyanın Milan şəhərində 49 yaşında vəfat edib.
Eldar Əliyev yüksək ifaçılıq qabiliyyəti, orijinal aktyorluq məharəti və rəngarəng çıxışları ilə “La Scala” (Milan), “Staatsoper” (Berlin), “Opéra National de Paris” (Paris), “Teatro dell”Opera di Roma” (Roma), “Teatro La Fenice di Venezia” (Venesiya), “Teatro Real” (Madrid), “Covent Garden” (London), “Nationaltheater München” (Münhen) və s. dünyanın ən möhtəşəm teatrlarının səhnələrində Azərbaycan vokal ifaçılıq məktəbini layiqincə təmsil edib.
Böyük vokalçı təkrarolunmaz sənəti ilə nüfuzlu beynəlxalq müsabiqələrdə əldə etdiyi qələbələr sırasında 2000-ci ildə Bakı şəhərində keçirilmiş və Qran-pri mükafatçısı olduğu Bülbül adına Vokalçıların II Beynəlxalq Müsabiqəsinə xüsusi önəm verirdi. Ürəyi həmişə Azərbaycanla döyünən Eldar Əliyev bu nüfuzlu müsabiqədə qələbə qazandığına və Vətənin etimadını doğrultduğuna görə özünü xoşbəxt sayırdı.
Dünya opera sənətinin ulduzu maestro Franko Korellinin, məşhur dirijor, uzun illər “La Scala” teatrının bədii rəhbəri olmuş maestro Rikkardo Mutinin və bir çox İtaliya sənətçilərinin "dahi müğənni” adlandırdıqları Eldar Əliyev Azərbaycanı dünyaya tanıtmaqla bərabər, İtaliya və Azərbaycan arasında mədəni əlaqələrin möhkəmlənməsinə də öz töhfəsini verib.
“İtaliyada Azərbaycan ili” elan edilmiş 2020-ci ildə Eldar Əliyev sənət zirvəsinə ucaldığı, alqışlandığı və bu gün də xatırlandığı İtaliyada həyatla vidalaşaraq həsrətində olduğu Vətənə dönsə də onun ölməz sənəti İtaliyada yaşamaqda davam edəcək.
Azərbaycan və İtaliyanın musiqi mədəniyyətini özündə birləşdirən Eldar Əliyevin dəfn mərasiminin Bakı şəhərində hər iki ölkənin rəsmi nümayəndələrinin, sənətsevərlərinin iştirakı ilə təntənəli şəkildə keçirilməsi və böyük vokalçının xatirəsinin yaşadılması Azərbaycan Hökuməti tərəfindən təşkil ediləcək.
Bloqqer Aynişan Quliyeva və həyat yoldaşı, fitnes məşqçi Kənan ayrılma xəbərləri ilə bir neçə gündür gündəmdən düşmür.
Axşam.az cütlüyü ötən gün şəhərdə gəzərkən görüntüləyib. Obyektivimizə tuş gələn ər-arvad itlərini gəzintiyə ıxarıblar.
Qeyd edək ki, Aynişan və Kənanın ayrılmasının piar olduğu xəbərləri də yayılmışdı. Bir müddət əvvəl cütlük bir-birinin şəklini İnstaqramdan silmiş, izləmədən çıxarmışdı.
Xəbər verdiyimiz kimi, avqustun 11-də müğənni Şəbnəm Tovuzlunun xalası oğlu intihar edib.
Big.az xəbər verir ki, Şəbnəm "İnstagram" hesabının "Hekayələr" bölümündə onun şəklini paylaşaraq "Pünhan, bizə elə dağ çəkdin ki"" sözlərini yazıb.
Qeyd edək ki, 22 yaşlı mərhum evli olub. Onun borca görə inthar etdiyi bildirilir.
Əməkdar artist Almaz Ələsgərli efirdə erməni mahnısı səsləndirməsinə münasibət bildirib.
Sənətçi ‘’Ölkə.Az’’-a açıqlamasında ifa etdiyi mahnının ermənilərə deyil, bizə məxsus olduğunu deyib.
‘’Mən bu haqda bir kəlmə deyəcəm. O da, həmin repertuarın ermənilərə yox, bizə məxsus olmasıdır. Onsuz ömür boyu ermənilər hər şeyi bizdən oğurlayıblar. Mahnı da bizə məxsusdur’’.
Qeyd edək ki, A. Ələsgərli bir neçə telekanalın efirində Vigen Şakaryanın bəstələdiyi və Artur Amiryanın ifa etdiyi ‘’Da zdravstuet lyubov’’ mahnısını oxuyub.
“Populyar olan insanların əksəriyyəti bu sahəyə təsadüfən gələnlərdir. O adamlar da zaman-zaman danışıqlarını, hərəkətlərini bilmədikləri üçün insanları qıcıqlandırıblar”.
Bu sözləri meyxanaçı Namiq Qaraçuxurlu musavat.com-a deyib. Meyxanaçı karantin günlərini evdə keçirdiyini də açıqlayıb:
“5 aydır ki, toylar, tədbirlər yoxdur. Vaxtımı evdə ailəmlə keçirirəm. İstirahət edirəm, yaradıcılıqla məşğulam. Yeni mahnılar yazıram. Eyni zamanda mütaliə və idmanla məşğul oluram. Bacardığım qədər evdən çıxmıram”.
- Karantin rejimi yumşaldılsa da, toylara qoyulan qadağa aradan götürülmür. Bir neçə aydır toy mərasimləri, tədbirlər yoxdur, maddi cəhətdən ailənizi necə təmin edirsiniz?
- Şükürlər olsun ki, hələ maddi sıxıntı yaşamıram. Ailəmi dolandıracaq gücüm var. Amma növbəti aylarda vəziyyət necə olacağını bilmirəm.
- İnsanlar hər zaman populyar şəxslərin zəngin olduğunu düşündüyü üçün son günlər müğənnilərin maddi çətinliklər yaşaması barədə açıqlamaları birmənalı qarşılanmır. Məşhurlara qarşı bu aqressiyanın səbəbi nədir?
- Əksər populyar insanlar bu sahəyə təsadüfən gələnlərdir. O adamlar da zaman-zaman danışıqlarını, hərəkətlərini bilmədikləri üçün insanları qıcıqlandırıblar. Təəssüf ki, artıq məşhurlar deyəndə sənəti olan incəsənət nümayəndələri ağıla gəlmir. Təsadüfən bu sahəyə gələrək, sənəti olmasa da, populyarlaşanlar yada düşür. Yəni qurunun oduna yaş da yanır. Hansısa sənət adamı da söz danışanda avtomatik olaraq insanlarda qıcıq yaradır. Xüsusən də məşhurlar maddi imkan mövzusunda danışanda tamaşaçı əsəbiləşir.
- Jurnalist Vüsal Məmmədov deyib ki, müğənnilərin pulu yoxdursa, maşınlarını satsınlar. Onun fikirlərinə münasibətiniz necədir?
- Bəzi müğənnilər yalnız özləri üçün gileylənmir. Onlar həm də millətin maddi sıxıntılar yaşamasına diqqət çəkməyə çalışır. Müğənni maşınını satıb maddi sıxıntıdan canını qurtara bilər. Bəs satmağa heç nəyi olmayan insanlar nə etsin? Sənət adamlarını yalnız “özlərini düşünürlər” kimi qələmə vermək düzgün deyil. Çünki həqiqətən, insanların halına acıyan sənətçilərimiz də var.
- Bu müddətdə iki düşmənlə mübarizə aparmalı olduq. Biri koronavirus, biri də ermənilər. Bəs cəbhə boyu baş verən prosesləri izlədinizmi?
- Əlbəttə izlədim. Ölkəmizdə və dünyada baş verən hər şey bizi də maraqlandırır. Tovuz hadisələrini davamlı izlədim. Çünki orada yaşayanlar, hərbçilərimiz üçün narahat idim. Şəhid xəbərləri hər bir azərbaycanlı kimi məni də üzdü. Allah onlara rəhmət etsin. Vətən və xalqımız uğrunda canlarından keçdilər. Hər birimiz onlara borcluyuq.
- Sənətçilərin, məşhurların cəbhədə yaşananlardan sonra vətənpərvərlik ruhda mahnı oxuması, hərbi geyimdə şəkil çəkdirməsi, səfərbərlik üçün qeydiyyatdan keçməsi də tənqid olundu. Məşhurların vətənpərvərliyi niyə səmimi qəbul edilmir?
-Təəssüflər olsun ki, artıq insanlarımız televiziyalara, mətbuata, məşhurlarımıza inanmır. Pandemiya dövrü insanları daha da aqressiv etdi. Sosial şəbəkələrdə də görürük ki, insanlar daha aqressivdir, tənqid, təhqir dolu şərhlər yazırlar. İnsanlar bayaq dediyim kimi, təsadüfən məşhur olub, hərəkətini bilməyənlərə görə sənət adamlarına qarşı aqressivdir. Ürəklə atılan addımları da səmimi qəbul etmirlər.
Tanınmış prodüsser Təranə Səmədovanın sosial media paylaşımı marağa səbəb olub.
‘’Ölkə.Az’’ xəbər verir ki, prodüsser fotosunu ‘’İnstagram’’ hesabında izləyiciləri ilə bölüşüb. Fotoda Səmədovanın çəkisinin artması diqqətdən yayınmayıb. Xatırladaq ki, o, bir müddət əvvəl mədəkiçiltmə əməliyyatı sayəsində artıq çəkilərindən xilas ola bilmişdi.
Sözügedən fotonu təqdim edirik:
Müğənni, bloqer Aynişan Quliyeva ilk dəfə həyat yoldaşı Kənan Əliyev ilə “Instagram”da bir-birini izləmədən çıxarmaları barədə açıqlama verib.
Oxu.az xəbər verir ki, Aynişan bunu “qara piar” adlandıranlara cavab olaraq bildirib ki, onun heç bir reklama ehtiyacı yoxdur:
“Səhifəm Azərbaycanın ən güclü səhifələrindən biridir. Nə heç bir qalmaqala qarışmamışam bu günə kimi, nə də heç bir məşhurla sırf reklam olunum deyə, dostluq etməmişəm. Yeni lahiyəm olan mağazamın tanıtımı üçün isə nə heç kimin reklamına, nə də özümü bu qədər ucuz reklam etməyə ehtiyac duymuram.
Dəqiq bilmək istəyirsinizsə, elə o paylaşan səhifələr mənim hesabıma özünə reytinq toplamağa çalışır. Bu günə kimi nə mən, nə də həyat yoldaşım heç bir açıqlama verməmişik. Çünki hər bir açıqlama yeni bir mövzudur. “Instagram” və “Facebook” hesabımdan başqa heç bir hesabım yoxdur.
O ki qaldı kim kimi “unfollow” etdi, kim kimin şəklini sildi, məncə, bu, dünyada baş verən qlobal bir problem deyil. Hər ikimiz ailə tərbiyəsi görmüş, mədəni və sivil insanlarıq. Mənə görə narahat olan, yazıb mənə dəstək olan insanlar, siz çox yaxşı insanlarsınız. Sizin dəstəyinizin əvəzi yoxdur. Öpürəm o gözəl qəlbinizdən”
.
Aparıcı Günel Həsənzadə saçlarını keçəl edib.
Axşam.az xəbər verir ki, o, yeni görünüşdə görüntüsünü sosial şəbəkədə paylaşıb.
"Banu" verilişi ilə tanınan Günel buna görə narahat olanlara cavab verib. O bildirib ki, saçlarını belə etməsinə səbəb onların yanması olub:
"Rahatlayın. Səbəb odur ki, saçlarıma rəng qoymaqdan canlılığını itrmişdi. Karantində rəngi özüm qoyduğum üçün yaxşıca yandırmışdım".
Xalq artisti gəlini Könül Təhməzovaya vəzifə verilməsinə münasibət bildirib.
Sənətçi ‘açıqlamasında xəbəri ilk dəfə bizim əməkdaşımızdan eşitdiyini deyib.
‘’Düzünü deyim ki, bu barədə məlumatım yox idi. Hətta xəbəri indicə sizdən eşidirəm. Hər kəsin öz həyat borcu, öz həyat vəzifəsi var. Mən belə düşünürəm ki, bu barədə hələ çox söz demək olmaz. Əgər Könül vəzifəyə təyin edilibsə, bu o deməkdir ki, onun biliyinə etimad göstəriblər’’.
Qeyd edək ki, Təhsil Naziri Emin Əmrullayevin əmri ilə Xalq artistinin gəlini Könül Təhməzov 7 nömrəli məktəbin direktor vəzifəsinə təyin edilib.