 |
|
Erməni jurnalistlər parlamentdə baş nazir Nikol Paşinyanın rəhbərliyi ilə aparılan 2024-cü ildə büdcə müzakirələrinə buraxılmır.
Ermənistan parlamentində 2024-cü ilin büdcəsinin müzakirələri başlasa da, parlamentdə akkreditasiyadan keçmiş jurnalistlərin müzakirənin aparıldığı otağa daxil olmasına icazə verilmir.
İclasa ancaq operatorların buraxılmasına icazə verilib.
“Cənubi Qafqazı ayrıca şahmat taxtası kimi götürsək, o zaman bu bölgənin Rusiya, Türkiyə və İran kimi təsir güclərinə malik mərkəzlərin olduğunu görərik. Bu üç qüvvə Cənubi Qafqazda nüfuz uğrunda mübarizə aparır. Bunların hər birinin ayrı-ayrı, eyni zamanda üst-üstə düşən maraqları var”.
Bunu erməni politoloq Ara Poqosyan deyib.
Onun sözlərinə görə, bu güclərin hər biri Cənubi Qafqazda öz mövqeyini möhkəmləndirməyə çalışır.
Poqosyanın fikrincə, İrəvanla Ankaranın maraqları üst-üstə düşməsə də, Moskva və Terhanla müəyyən mənada üst-üstə düşür.
“Rusiya ilə bəzi maraqlarımız bu gün obyektiv və subyektiv səbəblərə görə ziddiyyət təşkil etsə də, müəyyən situasiyada razılığa gəlmək mümkündür. İrəvanın hazırda maraqları böyük ölçüdə İranla üst-üstə düşür”, - o qeyd edib.
Əlavə edib ki, Türkiyənin məqsədi Cənubi Qafqazı özünün təsir dairəsinə çevirmək və onu Turan məkanının bir hissəsinə və ya heç olmasa, təhlükəsiz və maneəsiz buferə çevirməkdir:
“Sonucda qlobal gücə çevrilməkdir.
Rusiya üçün o, təhlükəsizlik məkanı qurmaq və çarizm və sovet məkanına təsir dairəsi çəkməkdir ki, bu da ona qlobal güc kimi öz yerini bərqərar etməyə imkan verəcək. Üstəlik, Rusiya bunun üçün “yumşaq güc” vasitəsi ilə deyil, həm də “sərt güc” vasitəsi ilə formallıq olmadan mübarizə aparmağa hazırdır.
İran tarixi nüfuzunu bərpa etmək yolundadır. İran öz növbəsində öz məqsədlərinə hərbi-diplomatiya, vəkil qüvvələr və ya birbaşa hərbi müdaxilə yolu ilə mübarizə aparmağa hazırdır.
Cənubi Qafqaz şahmat taxtası kimi hər zaman barıt çəlləyini xatırladacaq.
Cənubi Qafqaz və ümumiyyətlə, Şərq güclülər məkanıdır, zəiflər gec-tez məhv olacaqlar.
Ermənistan bu şahmat taxtasından kənarda qalması isə çox təhlükəlidir. Belə olan halda Ermənistanı heç kim xilas edə bilməyəcək”.
İsraillə HƏMAS arasındakı münaqişə iki bərabər tərəfin münaqişəsi deyil, bu, xeyirlə şərin, sivilizasiya ilə vəhşilər arasında döyüşdür.
Axar.az xəbər verir ki, bunu ABŞ-ın keçmiş prezidenti Donald Tramp deyib.
“Bu münaqişədə ölən hər bir insanın təkcə HƏMAS-ın deyil, həm də İranın çiynindədir”, - Tramp bildirib.
Rusiyanın Soçi universirtetinin alimləri xərçəngin dərmanının dovşanda ola biləcəyini irəli sürüb.
"Medicina" xəbər verir ki, onblar dovşanda olan miksoma virusubun xərçəng şişləri ilə mübarizə apardığını müşahidə ediblər.
Miksoma virusu insanlar üçün təhlükə yaratmır və dovşan hüceyrələrində yayılır. Bununla belə, virus xərçəng hüceyrələrini öldürür.
Siçanlar üzərində təcrübə bu hepotezi təsdiqləyib.
Tədqiqat çərçivəsində mütəxəssislər siçanlara xərçəng hüceyrələrini yeridib, 8-9 gün ərzində onların üzərində qoz böyüklüyündə şiş yetişdirib, sonra isə siçanları miksoma virusu ilə yoluxdurublar. Virus şiş hüceyrələrinə hücum edib onları zərərsizləşdirib.
29 oktyabrda Türkiyənin Cümhuriyyət bayramı qeyd ediləcək.
Cümhuriyyətin 100 illiyinə saatlar qalmış bayram ab-havası ölkənin bir çox yerində hiss olunur.
Qeyd edək ki, həmin bayram 1925-ci ildən etibarən hər il oktyabrın 29-da qeyd olunur. Belə ki, 1923-cü ilin oktyabrında Türkiyə dövlətinin siyasi quruluşu Respublika olaraq elan edilib.
"Paşinyan iki ay müddətinə Aİ müşahidəçilərini gətirdi, sonra onların müddəti uzadıldı, lakin onların hamısı xüsusi xidmət orqanlarının nümayəndələri, kəşfiyyatçılar idi. Qondarma erməni-amerikan təlimləri zamanı Ermənistana Pentaqonun 101-ci diviziyasının xüsusi təyinatlıları gəldi, neçə nəfərin qalması başqa məsələdir, Ermənistanda Xilasetmə Xidmətinin əməkdaşları da var idi, onlar da NATO-nun nümayəndələri idi".
Bunu erməni hərbi ekspert Hayk Nahapetyan deyib.
Onun sözlərinə görə, Paşinyan faktiki olaraq tədricən Ermənistana NATO üzvü olan ölkələrdən müxtəlif kadrları dəvət edir, onlar İrəvanda müəyyən funksiyaları yerinə yetirməlidirlər və bu, məxfilik adı altındadır.
"Fransa ilə hərbi-texniki əməkdaşlıq haqqında sazişə gəlincə, Ermənistan təkcə silah almır, müqavilədə hərbi təhsil müəssisələrinin zabit və çavuşları ilə də işləmək nəzərdə tutulur. İştirakın təkcə hərbi-texniki deyil, həm də təhsil və kadr komponenti olduğu aydın deyilmi?", - Nahapetyan bildirib.
HƏMAS ilə İsrail arasında döyüşlər çərçivəsində buraxılan raket Misirin Qəzza zolağından təxminən 220 km uzaqlıqda Sinay yarımadasındakı Taba şəhərini vurub.
Xarici "Haber7com" xəbər verir ki, hadisə nəticəsində 6 nəfər yaralanıb.
Hadisə yerinə təhlükəsizlik qüvvələri göndərilib və lazımi araşdırmalara başlanılıb.
Raketin haradan atıldığı hələlik məlum deyil.
“Nikol Paşinyan “The Wall Street Journal”a müsahibəsində yeni prosesin başladığını elan edib. Hakim siyasi güc öz planının ikinci bəndini, yəni Rusiyanın Ermənistandakı hərbi mövcudluğunun zərərsizləşdirilməsini həyata keçirməyə başlayır ki, bu da Ermənistanın Rusiya ilə bütün hərbi təşkilat və birləşmələrdə üzvlüyünün dondurulmasını nəzərdə tutur. Üçüncü bəndi isə Zəngəzur dəhlizidir”.
Bunu siyasi texnoloq Armen Badalyan deyib.
“Ermənistanda Rusiya tərəfdarları yoxdur və hazırda ölkədə anti-Rusiya əhvali-ruhiyyəsi indeksi ən yüksək səviyyədədir. Digər tərəfdən Rusiya Gürcüstan və ya Ukrayna kimi Ermənistanla həmsərhəd ölkə deyil ki, sərhəddən yardım etsin, Ermənistan Rusiyadan uzaq ərazidir və burada Ermənistanı saxlaya bilmək üçün ciddi problemlər var. Ona görə də Rusiyanın Ermənistanda hakimiyyəti dəyişmək üçün siyasi gücü yoxdur, hətta müxalifət fraksiyaları arasında da rusiyapərəst qüvvə yoxdur. Təbii ki, Rusiya tərəfi də bunu yaxşı başa düşür”, - Badalyan qeyd edib.
O hesab edir ki, Qərb gücü güclənəndə Rusiyanın təsiri sadəcə olaraq yox olacaq, Rusiya tərəfi heç nə edə bilməyəcək.
Siyasi texnoloq Paşinyanın siyasi karyerasını necə başa vuracağı ilə maraqlanmadığını və bunu onun problem hesab edir. “Lakin Qərb Rusiya faktorunu tamamilə neytrallaşdıra bilsə, o zaman Paşinyanın yerinə başqasını təyin edəcəklər və Paşinyan öz həyatını hansısa xarici ölkədə, Kanadada və ya Böyük Britaniyada davam etdirəcək”, - o vurğulayıb.
Zəngəzur dəhlizi ilə bağlı məsələyə mövqeyini açıqlayan Badalyan deyib ki, Ermənistan Qərbin nəzarətinə keçərsə, o zaman bütün Ermənistan Zəngəzur dəhlizinə çevriləcək.
“Belə olan halda Azərbaycanın Zəngəzurdan təxminən 5 kilometr enində dəhlizə nəzarət etməyə ehtiyac yoxdur. O halda Ermənistan bütövlükdə Zəngəzur dəhlizinə çevrilir: Qərbin nəzarətində olan İrəvan-Qars-Göyçə-Qazax, İrəvan-Arazdəyən-Naxçıvan-Mehir dəmir yolu və bir neçə avtomobil yoları”, - Badalyan bildirib.
Ermənistanın müvəqqəti işlər vəkili Rusiya Xarici İşlər Nazirliyinə çağırılıb.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“Oktyabrın iyirmi beşində Ermənistanın Moskvadakı müvəqqəti işlər vəkili Rusiya Xarici İşlər Nazirliyinə çağırılıb. Onun diqqəti Ermənistan xalqının təhlükəsizliyi üçün həyatlarını riskə atan və qurban verən Rusiya rəhbərliyinə, Rusiya diplomatlarına və sülhməramlılarına ünvanlanan ən iyrənc nəşrlərə yönəlib”, - Zaxarova vurğulayıb.
Onun sözlərinə görə, erməni diplomata “respublikanın informasiya məkanında, o cümlədən ictimai televiziya, hökumətin nəzarətində olan KİV və teleqram kanallarında davam edən anti-Rusiya kampaniyasının qəbuledilməzliyi” vurğulanıb.
İsrail Rusiyanı HƏMAS nümayəndə heyətini Moskvada qəbul etdiyinə görə tənqid edib.
"Rəsmi qəbul 7 oktyabr hücumuna görə HƏMAS-ı qınayan BMT Təhlükəsizlik Şurasının qətnaməsinə Rusiya tərəfindən veto qoyulmasından bir gün sonra baş verib.
“İsrail HƏMAS nümayəndələrinin Moskvaya dəvət edilməsini terroru dəstəkləyən və HƏMAS terrorçularının vəhşiliklərini qanuniləşdirən nalayiq addım kimi qiymətləndirir”, - deyə İsrail Xarici İşlər Nazirliyinin sözçüsü Lior Hayat “Haaretz” nəşrinə bildirib.
Nəşr qeyd edib ki, İsrailin Rusiyaya qarşı ictimai tənqidinə nadir hallarda rast gəlmək olar.