 |
|
Ukrayna hərbçiləri işğalçılara müqavimət göstərir.
“Yol-xeber.az” xəbər verir ki, fevralın 25-də Sumidəki döyüşləri əks etdirən video yayımlanıb. Bu gün şəhərdə vəziyyət gərgindir.
Bu barədə Ukrayna Silahlı Qüvvələrinin Quru Qoşunları Facebook səhifəsində məlumat yayıb.
“Ukraynalı qəhrəman müdafiəçilər Sumıda rus hərbçilərinə qarşı cəsarətlə müqavimət göstərirlər. Ukrayna Silahlı Qüvvələrinə dəstək olun!”, - mesajda deyilir.
Bundan əvvəl Sumı Vilayət Dövlət Administrasiyasının rəhbəri Dmitri Jivitski Rusiya qoşunlarının Kiyev-Moskva avtomobil yolunun bir hissəsinə nəzarət etdiyini və Sumıya daxil olduqlarını bildirib.
Türkiyə Bosfor və Çanaqqala boğazlarını Rusiyanın döyüş gəmilərinin keçidi üçün bağlaya bilər.
Bunu Türkiyənin xaroici işlər naziri Mövlud Çavuşoğlu deyib. O, Ukraynanın rəsmi olaraq belə bir tələblə Türkiyəyə müracxiət etdiyini söyləyib:
“Montrö müqaviləsinin maddələri çox açıq və aydındır. Türkiyə indiyə qədər hər dəfə Montrö müqaviləsini tərəddüd etmədənhəyata keçirib. Yəni Türkiyənin tərəf olmadığı bir müharibədə tərəf olan ölkələrə qarşı alına biləcək tədbirlər var. Türkiyə Boğazlardan döyüş gəmilərinin keçidini dayandıra bilər", - o söyləyib
Çavuşoğlu Montrö Konvensiyasında xüsusi bir bənd olduğunu da xatırladıb.
“Əgər döyüşən ölkələrin gəmilərinin öz bazalarına qayıtması tələbi varsa, buna icazə verilməlidir.
Mütəxəssislərimiz bunun üzərində işləyir. Müharibə vəziyyətini qanuni qəbul etsək, bu proses başlayacaq. İkincisi, əgər müharibə vəziyyətini qəbul etsək, Montrö kontekstində hərbi gəmilərin keçidini qadağan edəcəyik. Amma biz qadağan etsək də, rusların belə hüququ var”.
Dünən ABŞ Rusiyaya qarşı yeni sərt sanksiyaları, eləcə də ölkəyə ixraca məhdudiyyət tədbirlərini açıqladı.
Belə ki, ABŞ-da Rusiya Mərkəzi Bankının və 1 trilyon dollarlıq aktivlərinin bloklanacağı, həmçinin ən böyük bankların, o cümlədən ikinci iri bankı sayılan VTB-nin mövcudluğunun dondurulacağı, daha 4 bankın bloklandığı və onların ABŞ-dakı bütün aktivlərinin dondurulacağı bildirildi. Bununla bərabər, Rusiyaya yüksək texnologiyalı idxalın yarıdan çoxunun kəsəcəyi deyildi.
Ümumilikdə bu sanksiyaların Rusiya iqtisadiyyatına uzunmüddətli təsirləri gözlənilir.
İqtisadçı Ekspert Elman Sadıqov açıqlamasında bildirdi ki, dünya Rusiyadan bu qədər açıq təcavüzü, Rusiya da elan olunan sanksiyalar paketini gözləmirdi. ABŞ və Britaniya öncə haqqında bircə kəlmə belə demədikləri sanksiyaları tətbiq edirlər:
"Rusiya SSRI dağılandan indiyə qədər qazandıqlarının bir hissəsini 2022-ci ildə, qalanlarını isə yaxın bir neçə ilə itirəcək. Ölkə təkcə enerji bazarından deyil, dünya iqtisadiyyatının tərkib hissəsindən qoparılacaq. Bu sanksiyalara dözəcək Rusiyanın bir müddət sonra daha çox aqrar ölkəyə çevriləcəyi gözlənilir. Bundan sonra Rusiya üçün ABŞ və Qərb qədər həm də öz oliqarxları təhlükəli olacaq".
Ekspertin sözlərinə görə, SWIFT ən son addımdır və SWIFT-in mahiyyətini bilənlər bunun səbəblərini bilir. Müharibənin nəticəsindən asılı olmayaraq Rusiyanın maliyyə-iqtisadi itkilərinin çox ağır olacağını deyən E. Sadıqov 2022-ci ilin fevral ayının dünyanın bundan sonrakı iqtisadi xəritəsinin və əlaqələrin dəyişdiyi ay kimi tarixə düşəcəyini vurğulanıb:
"Müharibənin uzanıb-uzanmamasından asılı olmayaraq nəticələrinin təsirləri uzunmüddətli olacaq. Təəssüf ki, bu hadisələrin bütün MDB dövlətlərinin iqtisadiyyatlarına birbaşa və dolayı olaraq mənfi təsirləri qaçılmaz olacaq. Dolayı təsirləri birbaşa təsirlərindən (ticarət balansı, idxal-ixrac və sair) daha böyük ola bilər. Digər MDB ölkələrinə nisbətən ölkəmizin manevr imkanları daha çoxdur", - deyə ekspert əlavə edib.
Dövlət katibi: “Rusiya Ukraynanın öz təsir dairəsinə qaytarmaqla sovet imperiyasını bərpa etmək istəyir”
Putin Ukraynanı işğal etməyi çoxdan planlaşdırırdı.
ABŞ Dövlət katibi Entoni Blinken NBC News müxbirinin Rusiyanın NATO ölkələrinə birbaşa təhdidlərə keçməsi ehtimalı ilə bağlı sualına cavablandırarkən deyib.
Blinken əlavə edib ki, o, Ukraynanı öz orbitinə qaytarmağa çalışır: “Rusiya ilə həmsərhəd olan ölkələri öz iradəsinə tabe etmək üçün mümkün olacaqsa, Sovet imperiyası kimi bir şeyi yenidən yaratmaq istəyir”.
“Hazırda Azərbaycanın Ukraynadfakı səfirliyi tam heyətlə iş başındadır. Şəxsən özüm də iş yerindəyəm”.
Bunu Report-un Şəri Avropa bürosuna açıqlamasında Azərbaycanın Ukraynada səfiri Elmira Axundova bildirib.
Səfir deyib ki, vəziyyət tam nəzarət altındadır: “Azərbqaycanın konsulluğu tam gücü ilə işləyir, Azərbaycana getmək istəyən vətəndaşlar müraciət edə bilərlər. Pasportunun vaxtı keçmiş və ya pasportu ilə bağlı digər problemi olanlar da müraciət edə bilərlər. Hazırda Ukraynadakı azərbaycanlılar üçün ən təhlükəsiz şərait öz qaldığı evdən çıxmamaqdır. Çünki bütün yollar bağlanılıb, ölkədən çıxış mümkün deyil. Ölkədə vəziyyət təhlükəlidir. Bizim özümüzün də, yəni diplomatların təxliyəsi hələlik həyata keçirilmir. Əgər təxliyə mümkün olarsa 3-4 diplomat qalıb işləyəcək, qalan diplomatların ailələri hansı ki, onlar təqribən 40 nəfərdir, Ukraynadan çıxarılması yollarını arayırıq. Eyni zamanda hazırda Azərbaycandan Xarkovda kurs keçən 17 fövqəlada hallar əməkdaşları ilə yanaşı Ukraynadakı Azərbaycan vətəndaşlarının da evakuasiyasını mümkün olan kimi edəcəyik. Amma hələ ki bu barədə düşünürük. Çünki hələ məlum deyil hansı yolla ölkədən çıxara bilərik”, - deyə, Elmira Axundova əlavə edib.
Səfir səfirliyin 00380735050000 nömrəli qaynar xəttinin işlədiyini də xatırladaraq ölkədəki Azərbaycan vətəndaşlarına istənilən aidiyyəti məlumat ilə bağlı müraciət edə biləcəyini deyib. Səfir eyni zamanda vətəndaşlara Azərbaycan Xarici İşlər Nazirliyinin bu gün səhər yaydığı müraciətlə də tanış olmağa çağırıb.
Qeyd edək ki, bu gün səhər saatlarından Kiyev də daxil olmaqla Ukraynanın Xarkov, Mariopol, Odessa, İvano Frankovsk vilayətlərində silsilə partlayışlar baş verir. Donbasda isə şiddətli döyüşlər gedir.
Ukraynanın Xarkov şəhəri yaxınlığında Rusiya ordusunun 4 tankı məhv edilib.
Bu barədə Ukrayna Silahlı Qüvvələrinin Baş Qərargahı məlumat yayıb.
“Düşmən itki verir”, - məlumatda vurğulanıb.
Bundan başqa, Ukrayna Müdafiə Nazirliyi indiyədək 6 düşmən təyyarəsini zərərsizləşdirdiyini açıqlayıb.
Ukrayna Prezidenti Vladimir Zelenski vətəndaşlara müracət edib.
Ukrayna mətbuatı xəbər verir ki, o, vətəni müdafiə etməyə hazır olan şəxslərə qarşı sanksiyaların ləğv ediləcəyini açıqlayıb:
"Milli Təhlükəsizlik və Müdafiə Şurasının qərarı ilə müdafiə çərçivəsində dövlətimizi əlində silahla müdafiə etməyə hazır olan bütün Ukrayna vətəndaşlarına qarşı sanksiyaları ləğv edəcəyik",- deyə o söyləyib.
“Kiyevin cinayətkar əmrlərini yerinə yetirməkdən imtina edən və silahı yerə qoyan bütün ukraynalı hərbçilər maneəsiz olaraq döyüş bölgəsini tərk edə biləcəklər”.
“TACC” xəbər verir ki, bunu Rusiya Prezidenti Vladimir Putin hərbi əməliyyatın başlanmasına həsr olunmuş televiziya müraciətində deyib. O, çıxışında Ukrayna hərbçilərinə ayrıca müraciət edib.
“Əziz yoldaşlar! Atalarınız, babalarınız və ulu babalarınız ümumi vətənimizi müdafiə edərək faşistlərlə vuruşmayıblar ki, bugünkü neonasistlər Ukraynada hakimiyyəti ələ keçirsinlər", - Putin bildirib.
O vurğulayıb ki, Ukrayna hərbçiləri “Ukraynanı talayan və məhz bu xalqı ələ salan anti-xalq xuntasına yox” öz xalqına sədaqət andı içiblər.
“Cinayət əmrlərinə tabe olmayın! Sizi dərhal silahlarınızı yerə qoyaraq evə getməyə çağırıram. Bu tələbi yerinə yetirən Ukrayna ordusunun bütün hərbçiləri döyüş bölgəsini sərbəst tərk edib ailələrinin yanına qayıda biləcəklər", - Putin bildirib.
Rusiya Silahlı Qüvvələri Ukraynanın Luqansk vilayətindəki 2 kəndi işğal edib.
Bu barədə Ukraynanın Fövqəladə Vəziyyət üzrə Dövlət Xidməti məlumat yayıb.
Məlumata görə, rus ordusu Melovoye və Qorodişe kəndlərini işğal edib.
Aİ Şoyqu, Zaxarova, Solovyov, Simonyan və 400 yüksəkvəzifəli rusiyalıya qarşı sanksiya tətbiq edib.
Onlara Avropa İttifaqına və bank sisteminə daxil olmaq qadağan edilib.
Avropa İttifaqı Rusiya Federasiyasının siyasi, hərbi və iqtisadi rəhbərliyinin 400-ə yaxın nümayəndəsinə, jurnalistlərə və ictimai xadimlərə qarşı Rusiyanın LPR və DXR-i tanıması ilə əlaqədar şəxsi sanksiyalar tətbiq edib.
Tass xəbər verir ki, bu barədə cümə axşamı axşam Aİ-nin rəsmi jurnalında dərc olunan sanksiyalarla bağlı qərarda deyilir.
Aİ-nin Rusiyaya qarşı qara siyahısının hazırkı genişləndirilməsi Aİ tarixində ən böyük sanksiya qərarlarından birinə çevrilib, eyni zamanda Rusiyaya qarşı sanksiya siyahısında olan şəxslərin sayını 2,5 dəfə artırıb. İndi onun tərkibinə 555 nəfər və 52 təşkilat daxildir.
Siyahıda olan hər kəsə Avropa İttifaqına daxil olmaq və onun bank sisteminə daxil olmaq qadağan edilib.
Sanksiya siyahısına müdafiə naziri Sergey Şoyqu, Rusiya prezidenti administrasiyasının rəhbəri Anton Vayno, Rusiya Xarici İşlər Nazirliyinin rəsmi nümayəndəsi Mariya Zaxarova, jurnalistlər: RT rəhbəri Marqarita Simonyan, teleaparıcı Vladimir Solovyov, ictimai xadim və “News Front” resursunun rəhbəri Konstantin daxildir. Knyrik.
Siyahıda həmçinin baş nazirin müavini Marat Xusnullin, baş nazirin müavini Dmitri Qriqorenko, iqtisadi inkişaf naziri Maksim Reşetnikov, Rusiya Hərbi Dəniz Qüvvələrinin baş komandanı Nikolay Evmenov, Rusiya Hərbi Dəniz Qüvvələrinin baş komandanının müavini Vladimir Kasatonov, Quru Qoşunlarının Ali Baş Komandanı Oleq Salyukov, Hərbi Hava Qüvvələrinin komandanı Sergey Dronov, Aerokosmik Qüvvələrin Ali Baş Komandanı Sergey Surovkin, Qara Dəniz Donanmasının komandanı İqor Osipovun adı var. Bundan əlavə, qara siyahıya əvvəllər Aİ-nin müxtəlif qara siyahılarına daxil edilmiş şəxslər istisna olmaqla, LPR və DXR-nin müstəqilliyinin lehinə səs vermiş bütün Dövlət Dumasının deputatları (ümumilikdə 330-dan çox adam) daxildir.
Parlamentarilər arasında “qara siyahı”ya Pyotr Tolstoy, Aleksey Puşkov, Gennadi Züqanov daxil edilib.