 |
|
Ukrayna Prezidenti Vladimir Zelenski Azərbaycan Prezidenti İlham Əliyevi doğum günü münasibəti ilə təbrik edib.
Zelenski bununla bağlı “Twitter” hesabında paylaşım edib.
“Sizi səmimi qəlbdən təbrik edirəm. Sizə möhkəm cansağlığı, tükənməz enerji, Azərbaycan xalqının rifahı naminə ali dövləti fəaliyyətinizdə uğurlar diləyirəm. Ukrayna Azərbaycan ilə strateji tərəfdaşlıq səviyyəsinin yüksəldilməsində maraqlıdır”, - paylaşımda deyilir.
Qazaxıstan Respublikasının Prezidenti Kasım-Jomart Tokayev dekabrın 24-də Azərbaycan Respublikasının Prezidenti İlham Əliyevə telefonla zəng edib.
Bununla bağlı Azərbaycan Prezidentinin Mətbuat Xidməti məlumat yayıb.
Qazaxıstan Prezidenti dövlətimizin başçısını ad günü münasibətilə təbrik edib, ona Azərbaycanın inkişafı naminə fəaliyyətində uğurlar, möhkəm cansağlığı arzulayıb.
Azərbaycan Prezidenti göstərilən diqqətə və təbrikə görə minnətdarlığını bildirib.
Dövlət başçıları Azərbaycan-Qazaxıstan dostluq münasibətlərinin uğurla inkişaf etdiyini vurğulayaraq, əlaqələrimizin bundan sonra da genişlənəcəyinə əmin olduqlarını bildiriblər.
Kolumbiyanın “Valaguela.com” (“Azərbaycan dünyada tolerantlıq modeli”) və “Planesymas.com” (“Azərbaycanı yaxından tanı”) xəbər portallarında səfir Məmməd Talıbovun Ermənistan-Azərbaycan Dağlıq Qarabağ münaqişəsinin tarixi və Ermənistanın son hərbi təcavüzü barədə videomüsahibəsi yayımlanıb.
Azərbaycan Respublikasının Meksikadakı Səfirliyindən “Ölkə.Az”a verilən məlumata görə, münaqişənin Ermənistanın Azərbaycana qarşı ərazi iddiaları ilə çıxış etməsi ilə başladığını bildirən səfir Dağlıq Qarabağ və yeddi ətraf rayonla birlikdə Azərbaycanın beynəlxalq qaydada tanınmış ərazilərinin 20 faizinin Ermənistan tərəfindən 30 ilə yaxın müddət ərzində işğal edildiyini və bu ərazilərdə yaşayan 1 milyona yaxın azərbaycanlı əhalini oradan qovduğu barədə məlumat verib.
Ermənistanın münaqişə ilə əlaqədar BMT Təhlükəsizlik Şurası tərəfindən qəbul edilmiş və Ermənistanın işğal etdiyi Azərbaycan ərazilərini dərhal və qeyd-şərtsiz azad etməsini tələb edən qətnamələrə məhəl qoymayaraq müxtəlif vaxtlarda təxribat xarakterli addımlar atdığını, ATƏT-in Minsk qrupu çərçivəsində aparılan danışıqlar prosesini tamamilə pozduğunu, 27 sentyabrdan etibarən isə növbəti təcavüz cəhdinə əl atdığını qeyd edən səfir Ermənistan tərəfinin beynəlxalq humanitar hüququn bütün norma və prinsiplərini pozaraq dinc əhalinin məskunlaşdığı əraziləri bombardman etdiyini söyləyib. Nəticədə Azərbaycan tərəfinin özünümüdafiə hüququ çərçivəsində ərazi bütövlüyümüzü bərpa etmək üçün əks-hücum əməliyyatları aparmağa başladığını qeyd edən səfir, 44 gün davam edən müharibə nəticəsində torpaqlarımızın erməni işğalçılarından azad edildiyini həmçinin Azərbaycan və Rusiya prezidentləri və Ermənistanın baş naziri tərəfindən imzalanan üçtərəfli bəyanatla atəşkəsin elan edildiyini, razılaşmaya uyğun olaraq bölgədə Rusiya sülhməramlı qüvvələrinin yerləşdirildiyini və razılaşmanın müddəalarının icrasına nəzarət məqsədilə Rusiya və Türkiyənin daxil olduğu birgə monitorinq mərkəzinin yaradıldığını söyləyib.
Səfir Azərbaycanın müxtəlif dini mənsubiyyətə və irqə aid olan insanların daim birgə, sülh şəraitində yaşadığı bir yer olduğunu və məhz bu səbəbdən Roma papası Fransisko tərəfindən bütün dünya üçün tolerantlq modeli adlandırıldığını söyləyib və bu xüsusda, digər xalqlar kimi Azərbaycanın Qarabağ regionunda yaşayan ermənilərin də azərbaycanlılarla birgə dinc yaşaya biləcəyini və beləcə, Cənubi Qafqaz regionunda sülh və təhlükəsizliyin bərpa olunmasına şərait yaranacağını bildirib.
Bu gün Ermənistanda etirazçılar Nazirlər Kabinetinin binasına giriş-çıxışı bloklamağa cəhd göstərəcəklər.
“Report xəbər verir ki, bu barədə “Daşnaksütyun” Partiyasının üzvü Qeqam Manukyan bildirib.
O, qeyd edib ki, Nazirlər Kabinetinin bu günə planlaşdırılmış iclası Paşinyan hakimiyyətinin sonuncu toplantısı olmalıdır. Qeqam Manukyan bütün etirazçılara müraciət edərək, bu gün saat 10-da Nazirlər Kabinetinin binasını hər tərəfdən bloklamağa çağırıb. “Kim istəyirsə, binanı daha tez bloklasın ki, üzvlər ora girib-çıxa bilməsinlər. Onların iclası çoxdandır bir qəpiyə dəymir”, - Manukyan tərəfdarlarına müraciətində deyib
İngiltərədə yayılan koronavirusun yeni mutasiya növünün daha yoluxucu variantı İsraildə də aşkar edilib.
Qafqazinfo xəbər verir ki, İsrail Səhiyyə Nazirliyinin açıqlamasında 4 nəfərin bu tip virusa yoluxduğu bildirilib..
Yoluxan şəxslərin 3-nün İngiltərədən səfər etdiyi, birinin isə ölkə xaricinə
“Microsoft” şirkətinin qurucusu Bill Qeyts koronavirus pandemiyasına dair fikirlərini açıqlayıb.
Oxu.az xəbər verir ki, o, peyvəndin mövcudluğuna rəğmən, vəziyyətin daha pis ola biləcəyini deyib.
“Hələ də çətinlikdən qurtarmamışıq”, - deyə o, bloq yazısında qeyd edib.
Onun sözlərinə görə, kompüter modellərinin təhlili əsasında dünyada mövcud olan COVID-19 ilə bağlı vəziyyətin gələn il əhəmiyyətli dərəcədə yaxşılaşmayacağı proqnozu əldə edilir.
Qeyts fərdi qoruyucu vasitələrin istifadəsinin virusun yayılmasına qarşı təsirli bir yol olduğuna inandığını da əlavə edib.
Eyni zamanda, o bildirib ki, elmə inamsızlıq üzündən peyvənddən imtina edən çox sayda insana görə narahatdır.
İngiltərəni təcili tərk etməyə çalışan 1 500-dən çox yük maşını kilometrlərlə uzanan tıxacda qalıb.
Oxu.az məlumatına görə, “Teleqram” kanallarında yayılan görüntülərdə qeyd olunur ki, yük maşınları Böyük Britaniyanı tərk edərək Fransa ərazisinə daxil olmağa çalışır.
Qeyd edək ki, Böyük Britaniyada SARS-CoV-2 koronavirusunun yeni mutasiya etmiş növü aşkar edilib.
Britaniyanın Səhiyyə naziri Mett Xenkok dekabrın 14-də ölkədə virusun yeni növünün aşkar edilməsi haqqında rəsmi məlumat verib.
İngiltərəni təcili tərk etməyə çalışan 1 500-dən çox yük maşını kilometrlərlə uzanan tıxacda qalıb.
"Ölkə.Az"ın oxu.az-a istinadən məlumatına görə, “Teleqram” kanallarında yayılan görüntülərdə qeyd olunur ki, yük maşınları Böyük Britaniyanı tərk edərək Fransa ərazisinə daxil olmağa çalışır.
Qeyd edək ki, Böyük Britaniyada SARS-CoV-2 koronavirusunun yeni mutasiya etmiş növü aşkar edilib.
Britaniyanın Səhiyyə naziri Mett Xenkok dekabrın 14-də ölkədə virusun yeni növünün aşkar edilməsi haqqında rəsmi məlumat verib.
Xorvatiya Respublikasının Prezidenti Zoran Milanoviç Azərbaycan Respublikasının Prezidenti İlham Əliyevə təbrik məktubu göndərib.
Məktubda deyilir:
"Hörmətli cənab Prezident.
Doğum gününüz münasibətilə Sizi səmimi qəlbdən təbrik edirəm. Sizə möhkəm cansağlığı, xoşbəxtlik və ali dövləti fəaliyyətinizdə yeni-yeni nailiyyətlər arzulamaqdan şərəf duyuram.
Cənab Prezident, xalqınızın rifahı və tərəqqisi üçün qarşıya qoyulan məqsədlərə çatmaqda Sizə uğurlar diləyirəm.
Bu xoş fürsətdən istifadə edərək, ölkələrimizin vətəndaşlarının rifahı üçün qarşılıqlı maraq doğuran hər bir sahədə dostluq münasibətlərinin möhkəmlənməsi və əməkdaşlığın inkişafı üçün bundan sonra da birgə səylərimizi davam etdirəcəyimizə ümidvaram.
Cənab Prezident, Sizə ən dərin ehtiramımı qəbul etməyinizi xahiş edirəm".
Fransa daha sürətli yayılan yeni bir koronavirus növünün ortaya çıxmasından sonra Böyük Britaniyaya səyahət məhdudiyyətini ləğv edib.
Bu barədə Fransanın Nəqliyyat Nazirliyi məlumat yayıb. Qeyd olunub ki, iki ölkə arasında hava, dəniz və dəmir yolu nəqliyyatının dekabrın 23-ü səhər saatlarında bərpa olunmasını nəzərdə tutan protokol imzalanıb.
İngiltərədən Fransaya səyahət etmək istəyən hər kəs son 72 saat ərzində “COVID-19” testi verməlidir. Nəticəsi neqativ olan sənəd təqdim edə bilməyənlərin nəqliyyat vasitələrinə minmələrinə icazə verilmir.
Milliyyətindən asılı olmayaraq, bütün yük maşını sürücülərindən də sürətli nəticə verən testlər götürüləcək.
Fransada 48 yaşlı bir şəxsin silahlı hücumu nəticəsində 3 jandarma polisi öldürülüb, 1 nəfər polis isə yaralanıb.
“Qafqazinfo” “BFMTV” telekanalına istinadən xəbər verir ki, hadisə Amber kommunasında baş verib.
Jandarma əməkdaşları ailədaxili şiddət xəbəri ilə ötən gecə cinayətkarın evinə gedib. Hadisə şahidlərinin sözlərinə görə, 48 yaşlı kişi həyat yoldaşını dama salaraq evi yandırmağa çalışıb. Daha sonra isə o, qadına damdan enməyə kömək etməyə çalışan jandarma əməkdaşlarına atəş açıb.
Hadisə yerinə yanğınsöndürən və təcili yardım maşınları cəlb olunub.