 |
|
Dünyada koronavirusdan ölənlərin sayı 175 min nəfəri ötüb.
Bu barədə Ümumdünya Səhiyyə Təşkilatı (ÜST) xəbər verib.
Təşkilat bildirib ki, dünyada COVID-19-a yoluxanların sayı 2 544 792 nəfər təşkil edir.
Son məlumata görə, son bir gün ərzində 73 657 yoluxma və 6 689 ölüm hadisəsi qeydə alınıb.
Koronavirusa yoluxma hallarının əksəriyyəti Avropa qitəsinin payına düşür. Köhnə qitədə COVD-19-a 1 251 458 yoluxma qeydə alınıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
Koronavirus əleyhinə vaksin hazırlamış Böyük Britaniyanın Oksford Universitetindən olan tədqiqatçılar komandası preparatın könüllülər üzərində sınaqlarına başlayıb.
Söhbət “ChAdOx1 nCoV-19” adını almış vaksindən gedir. O şimpanzedə virus əsasında yaradılıb və tərkibinə koronavirusun genetik kodunun hissəsi əlavə edilib. Belə texnologiya artıq daha əvvəl başqa xəstəliklərə qarşı immunitetin yaradılmasında effektivliyini sübut edib.
"Bu gün Oksford Universitetinin vaksinlər üzrə qrupu onun (dərmanın-red) təhlükəsizliyi və yaxşı immuniteti təmin etməsi qabiliyyəti barədə informasiya toplamaq üçün iki könüllüdə COVID-19-dan vaksinin tədqiqatına başlayıb", - deyə universitet tərəfindən “Twitter”də yerləşdirilmiş xəbərdə bildirilir.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılıb. Hazırda virus 210 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
ABŞ-ın Xəstəliklərə Nəzarət və Profilaktika Mərkəzi koronavirusun ikinci dalğasının birincisindən daha çox ölümcül ola biləcəyini açıqlayıb.
Növbəti qış aylarının əvvəlki aylara nisbətən daha çətin olacağı ehtimal olunur. İkinci dalğanın qrip mövsümünə təsadüf etməsi mümkündür. Bəs Azərbaycanda virus nə vaxt bitəcək? Kanatin rejimində yumşalma baş verərsə, vətəndaşlar artıq xəstəliyin bitdiyi hesab edə bilər?
Koronavirusdan sağalanların sayının çox, yeni yoluxanların sayının isə az olması ümidvercici rəqəmlər olsa da, mütəxəssisələr karantin qaydalarına əməl etməyi məsləhət görür.
Tibb Universitetinin yoluxucu xəstəliklər kafedrasının dosenti Sədrəddin Atakişizadə deyir ki, prezidentin əksepidemik tədbirləri nəticəsində ölkədə yoluxanların sayı digər ölkələrə nisbətdə azdır. Amma bu rəqəmlərə arxayın olub qaydalara əməl etməsək, yenidən yoluxma sayı arta bilər.
Mütəxəssis deyir ki, infeksiya ölkəmizdə axırıncı yoluxma halı kəsildiyi vaxta qədər davam edəcək.
Heç inanmaq olmur ki, almanlar bax belə günəşli havanın cazibəsi qarşısında davam gətirə bilib evədə qaldırlar. Adətən almanlar az saylı günəşli havalarda parklara çıxırlar, günəş qəbul edirlər. İndi isə evdə qalıblar.
Qeyd edək ki, bu günə qədər Almaniyada 148 mindən çox insan koronavirus yoluxub 5100 nəfər isə dünyasını dəyişib.
Şimali Koreya lideri Kim Çen İnin səhhəti ilə bağlı mətbuatda yazılanlar təsdiqini tapıb.
"Qafqazinfo” xəbər verir ki, Şimali Koreyanın rəsmi xəbər agentliyi Tvitterdə ölkə rəhbərinin keçirdiyi əməliyyatdan sonra komada olduğunu açıqlayıb.
"Dövlət başçısı dərin meditasiyadadır və xarici siqnallara reaksiya vermir”, - deyə bildirilir.
Qeyd edək ki, Kim Çen İnin xəstəliyi ilə bağlı dəqiq məlumatlar bəlli olmasa da, KİV onun ürək əməliyyatı keçirdiyini və vəziyyətinin ağır olduğunu yazıb.
Məlumata görə, ölkə rəhbərinin vəziyyəti xəstəliyi səbəbindən pisləşərsə, hakimiyyətə kiçik bacısı Kim Ye Çjon keçəcək.
İngiltərənin Səhiyyə naziri Matt Hancock koronavirusun peyvəndinin hazırlanması ilə bağlı son məlumatı açıqlayıb.
Publika.az xəbər verir ki, Matt Hancock yeni növ koronavirus COVİD-19-un peyvəndinin aprelin 23-də sınaqdan keçiriləcəyini bildirib.
Mətbuat konfransında çıxışı zamanı Hancock, Oksford Universiteti tərəfindən hazırlanan peyvəndin sınaq mərhələsinin başlayacağını, Oksford Universiteti və Londonun İmperial Kollecinə araşdırmalar üçün 20 milyon funt sterlinq maliyyə yardımı edəcəklərini deyib.
Nazir sonda şanslarının 80 faiz olduğunu da qeyd edib.
ABŞ-da koronavirusa yoluxanların sayı artıb.
Report xəbər verir ki, bu barədə yerli və federal orqanların statistikası əsasında hesablamalar aparan Con Hopkins Universiteti bildirib.
Universitetin məlumatına görə, Birləşmiş Ştatlarda koronavirusa yoluxma hallarının sayı 810 561-ə çatıb. Ölkədə 43 630 nəfər pandemiyanın qurbanı olub.
ABŞ dünyada koronavirusa yoluxanların sayı, həm də COVID-19-dan ölümlərin statistikası üzrə liderdir.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 2 529 000-i ötüb. Bunların 667 609 nəfəri sağalıb, 174 573 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
ABŞ-da yeni tip koronavirusla mübarizə çərçivəsində reklam lövhəsində Məhəmməd peyğəmbərin epidemiyalar haqqında hədisi yayımlanıb.
Çikaqo şəhərindəki reklam lövhəsində Məhəmməd peyğəmbərin “Bir yerdə vəba və ya bənzəri hər hansı bir yoluxucu xəstəliyin olduğunu eşitdiyiniz zaman o yerə getməyin. Yaşadığınız yerdə belə bir yoluxucu xəstəlik varsa, oradan da qaçmayın” hədisindən koronavirusa qarşı istifadə edilib.
Qeyd edək ki, ABŞ-da pandemiyadan 41 min 837 nəfər həyatını itirib, 784 min 201 insan isə virusa yoluxub. (kult.az)
Putin bundan öncə də bir neçə dəfə SSRİ-nin bərpası fonunda bənzər təşkilatlar yaradaraq, 15 respublikanı birləşdirməyə çalışıb. Xüsusilə Kollektiv Təhlükəsizlik Müqaviləsi Təşkilatı Putinin SSRİ yolunda atdığı ən mühüm addımlardandır.
Bu sözləri Axar.az-a açıqlamasında politoloq Qabil Hüseynli Rusiya Prezidenti Vladimir Putinin “Rossiya” kanalına son müsahibəsində SSRİ-nin bərpası haqda fikirlərini şərh edərkən deyib. Politoloq vurğulayıb ki, Putin hakimiyyətə gəldiyi ilk gündən etibarən SSRİ-nin dağılmasını böyük faciə adlandırıb:
“Sonrakı illərdə də o, bu fikirləri dəfələrlə dilə gətirib. Putin faktiki olaraq Rusiyanı SSRİ-nin varisi, ondan ayrılan 15 respublikanı isə Rusiyanın siyasi təsir arealı hesab edir”.
Politoloq qeyd edib ki, SSRİ-ni yenidən restavrasiya etmək xülyadan başqa bir şey deyil:
“Heç kəsə sirr deyil ki, Putinin ən böyük arzusu bəlkə də SSRİ kimi güclü, böyük bir ölkə qurmaqdır. Düzdür, bu, tam mənasında SSRİ olmayacaq, lakin ən azından Avropa İttifaqına bənzər bir təşkilat ola bilər. İlk başda bu, çox müsbət bir təşəbbüs kimi görünə bilər. Hər halda Avropa İttifaqı kimi bir qurumun regionda olması inkişafa gətirib çıxarar. Lakin bu məsələdə bir çox nüans var: Birincisi, SSRİ dağıldıqdan sonra imperiyanın sərhədlərindəki ölkələrdə ərazi münaqişələri yaranmağa başladı. Bu gün Moldova, Ukrayna, Gürcüstan, Azərbaycan və s. bu münaqişələrdən əziyyət çəkir. Yəni bu münaqişələr tam həll edilmədikcə, 15 respublikanın tam bir ittifaqda birləşməsi real görünmür. İkincisi, Rusiyanın regionda son 10 ildə apardığı aqressiv siyasət bir çox postsovet ölkəsinin Qərbə meyil etməsinə gətirib çıxarıb. Xüsusən, Ukrayna, Gürcüstan və Baltikyanı ölkələr Rusiyadan birdəfəlik üz döndərib. Bu ölkələrsiz Rusiya istədiyi ittifaqı qura bilməz.
Üçüncüsü, Putinin bu ideyası günün reallıqları ilə uyğun gəlmir. Çünki bu gün ölkələr dünyaya inteqrasiya edir, özləri müstəqil qərarlar verir, milli maraqları çərçivəsində hərəkət edirlər. Bu gün yalnız bir-iki ölkə Moskvanın tələbi əsasında siyasət formalaşdırmağa razı olar və olur da. Bunlardan birincisi və bəlkə də elə yeganə olan Ermənistandır”.
Şimali Koreya lideri Kim Çen In əməliyyat olunub.
Onun həyati təhlükəsinin olduğu bildirilir.
“CNN International”ın amerikalı rəsmilərə istinadən verdiyi informasiyaya görə, Kim Çen Inın ölüm təhlükəsi var.
Cənubi Koreya mərkəzli “Daily NK” qəzeti isə 36 yaşlı liderin siqaretdən çox istifadə etdiyinə, piylənmədən əziyyət çəkdiyinə və çox işlədiyinə görə xəstəxanaya yerləşdirildiyini bildirib. (publika.az)
ABŞ Prezidenti Donald Tramp neft qiymətlərini şərh edərkən bildirib ki, bu, qısamüddətli tendensiyadır.
“RİA Novosti” xəbər verir ki, D.Tramp jurnalistlərlə görüşündə bir ay ərzində vəziyyətin stabilləşəcəyini və neftin bir barelinin qiymətinin 25-28 dollara qədər yüksələcəyini söyləyib.
D.Tramp əlavə edib ki, hazırkı qiymətlər ABŞ-a milli və strateji ehtiyatları doldurmağa imkan verir. /oxu.az/