 |
|
İsveç ABŞ və Rusiyanın koronavirus testlərini rədd edib: əks təsirləri səbəbilə xəstəxanalar antimalarial dərman – xlorokinin istifadəsini dayandırıb.
Bu barədə “Daily Mail” məlumat yayıb. Qərar bir neçə xəstənin əzələ ağrısı, görmə qabiliyyətinin zəifləməsi və miqren şikayətlərindən sonra qəbul edilib. Qeyd olunur ki, bəzi insanlarda xlorokin tabletləri qəbul etmək ürək problemlərinə və hətta infarkta səbəb ola bilər.
Avropa, ABŞ və Çin həkimləri dərmanı ağır xəstələrdə sınaqdan keçirmək üçün lisenziya alıb, lakin Böyük Britaniya klinik sınaqlar başa çatana qədər xlorokin istifadə etməməyə çağırıb. London İmperial Kollecinin anesteziya və reanimasiya şöbəsinin müdiri, professor Entoni Qordon dərmanın koronavirusun müalicəsində kömək etdiyinə dair hələ də inandırıcı dəlil olmadığını söyləyib.
Xatırladaq ki, antimalarial dərmanı COVID-19 ilə mübarizədə istifadə etmək barədə ilk qərar Çində aparılan araşdırmalardan sonra qəbul edilib.
Mart ayının əvvəlində “Banner Health” sağlamlıq təşkilatı xlorokin dərmanını yeni növ koronavirusun müalicəsi üçün ölümcül adlandırmışdı. “İnsanların infeksiyanın qarşısını almaq və ya müalicə etmək üçün yeni yollar axtarmağa çalışdıqlarını başa düşürük, amma istənilən dərman bu problemi həll etməyəcək” deyə ABŞ-ın Feniks şəhərindəki tibb mərkəzinin direktoru Daniel Bruks açıqlama yayıb.
Dünyada koronavirusa yoluxanların sayı 1,5 milyonu keçib, 88 338 nəfər ölüb, 328 661 nəfər sağalıb. ABŞ yoluxmuş insanların sayına görə (429 mindən çox) birinci yerdədir, 14 mindən çox şəxs isə ölüb. (publika.az)
Səudiyyə Ərəbistan kralı və ailəsinin koronavirusa yoluxduğu iddia olunur.
“Haber Global” bildirir ki, ailəyə mənsub 150 nəfərin yoluxma faktı haqqında məlumatı “Nyu-York Tayms” yayıb. Onlar bu xəbəri kral ailəsinə yaxın iki həkimə istinadən yazdıqları qeyd edilir.
İddiaya görə, yoluxanlar arasında Ər-Riyadın valisi Faysa bin Bəndər bin Əbdüləziz Səudun da olduğu bildirilib. Təhlükəsizlik məqsədilə 84 yaşlı Kral Salman bin Əbdüləziz və vəliəhd şahzadə Məhəmməd bin Salman Ciddə şəhərinə yaxın bir adada sarayda karantinə alınıb.
Bu gün dünyada 1 431 951 adam koronavirusa yoluxub.
Virusdan ölənlərin sayı 82 085 nəfər təşkil edir.
302 209 nəfər isə koronavirusdan sağalıb.
Çində son sutka ərzində koronavirus səbəbilə ölüm faktı qeydə alınmayıb.
“Ölkə.Az” “HaberGlobal”a istinadən bildirir ki, bu, koronavirus yayılandan aylar sonra ilk belə haldır.
Ölkənin Səhiyyə Komissiyasının açıqlamasına görə, gün ərzində 32 nəfər virusa yoluxub.
Bununla da, Çində koronavirusa yoluxanların sayı 81 740 nəfərə çatıb.
Dünyada koronavirusa yoluxma sayı 1 274 923 nəfərə çatıb. Son dəqiqələrə olan statistikaya görə, bu dəhşətli virusdan ölənlər sayı isə 69 479 nəfəri ötüb.
Yoluxma sayına görə ABŞ dünyada birinci yerdə durur. Ölkədə durmadan artan yoluxma bu dəqiqələrdə rəsmi məlumatlara görə, 337 620 nəfərə çatıb. Xəstəlikdən ölənlər isə 9 643 nəfərdən çoxdur.
Virusun tuğyan etdiyi İtaliyanı geridə qoyan İspaniyada virusa 131 646 nəfər yoluxub. Ölüm sayı isə rekord həddə 12 641 nəfərə yüksəlib.
İtaliyada 128 948 nəfər isə COVİD – 19-dan əziyyət çəkir. Bu səbəblə dünyasını dəyişənlər isə 15 887 nəfərdir.
Son məlumatlara görə Almaniyada 100 123 insan virusla mübarizə aparır. Onlardan 1584 nəfər vəfat edib.
Fransada yoluxma sayı 93 780 , vəfat edənlərin sayı isə 8 093 nəfərə yüksəlib.
İranda bu saatda koronavirusdan ölənlər 3 603 nəfərdir.
Qardaş ölkə Türkiyədə də nəticələr heç də ürək açan deyil. Son məlumatlara görə, ölkədə 27069 nəfər virusa yoluxub. 574 nəfər isə bu səbəblə həyatını itirib.
Digər ölkələrdə isə ölüm sayı İngiltərə 4943, İsveçrə 715, Belçika 1447, Hollandiya 1771, Kanada 281, Avstriya 204 nəfər olub.
Dünyada koronavirusa yoluxma sayı 1 118 045 nəfərə çatıb.
Onlardan 59 201 nəfər həyatlarını itirib. Bu barədə fərqli ölkələrin rəsmi məlumatlarına əsaslanan hesablama aparan “South China Morning Post” məlumat verib.
Amerikanın Cons Hopkins Universitetindən verilən məlumata görə isə yoluxanlar 1.099.389 , ölənlər 58.901 nəfərdir.
Hazırda ABŞ yoluxma sayına görə dünyada birinci yerdədir . Ölkədə 277 965 yoluxma, 7 157 ölüm hadisəsi qeydə alınıb.
Hopkins Universitetinin məlumatına görə isə ölkədə 7152 nəfər ölüb, 277.953 nəfər xəstədir.
İtaliyada tüğyan edən koronavirus bir ailəni məhv edib.
Hadisə Lombardiya bölgəsinin Voqera şəhərində yaşanıb.
“The Sun” xəbər verir ki, ölümcül virus dörd nəfərdən ibarət olan ailənin faciəsinə səbəb olub.
Əvvəl ailənin başçısı, 86 yaşlı Alfredo Bertuççi ölüb. Daha sonra onun iki oğlu – 54 yaşlı Daniele , 46 yaşlı Klaudio və 77 yaşlı həyat yoldaşı vəfat edib.
Onlar koronavirusa yoluxmadan əvvəl sağlamlıqları ilə bağlı heç bir şikayətləri olmayıb.
Qeyd edək ki, İtaliya koronavirus səbəbilə vəfat edənlərin sayına görə dünyada birinci yerdədir. Ölkədə 13 915 nəfər virusun qurbanına çevrilib.
Avstraliyanın baş sanitar-epidemioloji həkimi Brendan Merfi, dünyada 10 milyona qədər insanın koronavirusa yoluxduğunu iddia edir.
O, açıqlamasında deyib:
"Ehtimal edirəm ki, COVİD -19 virusuna yoluxanların sayı açıqlanan statistikadan 5-10 dəfə çoxdur”.
Qeyd edək ki, ABŞ-dakı Cons Hopkins Universiteti dünyada 1 milyondan çox insanın koronavirusa yoluxduğunu açıqlayıb.
Xatırladaq ki, Avstraliyada koronavirusa yoluxanların sayı 5 min nəfəri keçib, onlardan 27 nəfər vəfat edib.
“Hörmətli professorumuz Cəmil Taşçıoğlunun vəfatı bizim üçün böyük bir itkidir. Çox gözəl bir insan idi. Vəzifəsini sona qədər ləyaqətlə yerinə yetirərək həyatını itiridi”.
APA xəbər verir ki, bunu Türkiyənin Səhiyyə naziri Fəxrəddin Qoca açıqlamasında bu gün koronavirusdan dünyasını dəyişən İstanbul Üniversitetinin Tibb fakültəsinin daxili xəstəliklər üzrə professoru Cəmil Taşçıoğlu barədə danışarkən deyib.
Həkimlərin fədakarlığını xüsusi qeyd edən nazir kövrələrək onlardan 601 nəfərinin yeni virusa yoluxduğunu vurğulayıb:
“Bütün məsuliyyət və ağır yük səhiyyə işçilərinin çiyinlərindədir. Onların cəfakeşliyi gözlərimiz önündədir. Onları qorumaq üçün hər cür tədbirlər görürük”.
Türkiyədə koronavirusun daha bir müalicə üsulu tapılıb.
Publika.az xəbər verir ki, mütəxəssis Lokman Kılıç İstanbuldakı özəl klinikalardan birində koronavirus və qrip kimi yoluxucu xəstəliklərə qarşı orqanizmin müqavimətini artıran ozonoterapiya metodunu tətbiq edib.
Belə ki, steril vakumlu şüşəyə yerləşdirilən qan qapalı sistem içində əl dəymədən ozonlanır və eyni damardan geri vurulur. Bunun sayəsində 15 dəqiqə davam edən proses sonrası immuniteti qüvvətlənən insanların xəstəliklərə qarşı müqaviməti artır.
"Ozonoterapiya ağciyərin potensialını artırdığı üçün koronavirusa bu yolla savaş açmaq olar. Bu, Çində və Avropadakı xəstəxanalarda COVID-19 daşıyıcılarına da tətbiq olunur. Ozonoterapiya xəstəliyə yoluxmadan əvvəl immun sistemini qüvvətləndirməkdə, qan və toxumaların oksigenləşməsində əhəmiyyətli rol oynayır. Xəstəliklərin birdən dördə qədər dövrü var. Bu müalicə üsulu hətta dördüncü mərhələdə olanlara da tətbiq oluna bilər. Əks təsiri olmur.
Təkcə hamiləliyin ilk 3 ayında tətbiq edilməsini tövsiyə etmirik. 1-dən 100 yaşa qədər istənilən insan qəbul edə bilər. Bu metod həm də yorğunluq sindromu, revmatizm, qan dövranında pozulmaların qarşısının alınması, bakterial, virus, göbələk infeksiyaları, astma, allergiya, çəki atmaq, diabet, insulin müqavimətinin azaldılması, depressiya, əzələ xəstəlikləri və oynaq ağrılarının müalicəsində istifadə oluna bilər", - mütəxəssis bildirib.
Qeyd edək ki, türk ekspertlər koronavirusun müalicəsində istifadə olunması üçün dərman və peyvənd hazırlanmasına başlayıb.