 |
|
Türkiyə Silahlı Qüvvələrinin Suriyanın İdlib şəhərində həyata keçirdiyi “Bahar qalxanı” əməliyyatı çərçivəsində son 24 saat ərzində Dəməşq rejiminin 184 əsgəri zərərsizləşdirilib.
Bu barədə Türkiyə Milli Müdafiə Nazirliyi informasiya yayıb.
Bildirilib ki, rejimin 4 tankı, 5 top və raketatıcısı, 3 tank əleyhinə silahı, 8 döyüş maşını, 2 pikapı, 2 zirehli döyüş maşını məhv edilib.
Türk ordusu itki verməyib. (publika.az)
Azərbaycan öz vətəndaşlarını koronovirusun tüğyan etdiyi İran ərazisindən çıxarır.
Vətəndaşlar xüsusi sərhəd dəhlizi ilə İrandan çıxarılır. Dövlətin nəzarəti ilə keçirilən xüsusi əməliyyat zamanı vətəndaşların təhlükəsizliyi üçün xüsusi məntəqələr yaradılıb. İrandan gələn vətəndaşlar koronovirus testi edilir. Koronavirusla bağlı Azərbaycana artıq min ədəd test göndərilib. Loborator analizlər yalnız xüsusi dövlət müəssələrində həyata keçirilir. Koronovirusla bağlı kənar tibb müəssəsində analiz vermək qadağan edilib.
Qeyd edək ki, İran səhiyyə nazirinin müavini Əlirza Rəisi ölkədə koronavirusdan ölənlərin sayının 77 nəfərə çatdığını bildirib.
Onun sözlərinə görə, daha 835 nəfərdə koronavirus aşkarlanıb və bununla da virus daşıyıcılarının sayı 2 336 nəfərə çatıb. Bu günədək 435 nəfər isə koronavirusdan sağalıb.
Ölkənin sənaye, mədən və ticarət naziri Rza Rəhmani, səhiyyə nazirinin müavini İrəç Hərirçi, vitse-prezident Məsumə Ebtekar və sabiq ədliyyə naziri Mustafa Purməhəmmədi də daxil olmaqla 23 deputat koronavirusa yoluxub.
Bundan başqa, İranın Vatikandakı keçmiş səfiri Hadi Xosrovşahi və İran Məsləhət Şurasının üzvü Seyid Məhəmməd Mirməhəmmədi koronavirusdan ölüb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 81 ölkə və regionu əhatə edir.
Dünyada koronavirus infeksiyasına indiyədək yoluxanların sayı 93 574-ə çatıb. Bunların 51 066 nəfəri sağalıb, 3 204 nəfəri isə ölüb.
Koronavirusla əlaqədar Çindən sonra ən çox itki verən İranda çəkilən kadrlar ölkədəki vəziyyətin ağır olduğunu göstərir.
Görüntülər Qum şəhərində xəstəxanaların birində qeydə alınıb.
Kadrlarda döşəmədə və masaların üzərində onlarla cəsəd görünür. Videonun müəllifi koronavirusdan ölən adamlar üçün yer tapılmadığını və meyitlərin xəstəxanalarda yığılıb qaldığını bildirib. O, İran hökumətinin koronavirusla bağlı rəqəmləri gizlətdiyini vurğulayıb.
Ətraflı videonu təqdim edirik:
/Oxu24.com/
Almaniyanın Daxili İşlər Nazirliyi ilə Miqrasiya və Qaçqınlarla iş üzrə Federal İdarəsi (BAMF) 12 Azərbaycan vətəndaşı ilə bağlı məhkəmə qərarını icra edə bilməyib.
Report xəbər verir ki, fevralın 28-də Almaniyanın paytaxtı Berlindəki qaçqın yataqxanasında saxlanılan 12 azərbaycanlı sığınacaq axtaran barəsində “Dublin anlaşması”na əsasən İtaliyaya göndərilməsi ilə bağlı qərar icra edilməli idi.
Paytaxtdakı deportasiya mərkəzində saxlanılan Azərbaycan vətəndaşları gecə saat 3 radələrində avtobusa mindirilərək hava limanına aparılıblar. Təxminən iki saat gözləyəndən sonra həmvətənlərimizə təyyarə reysinin ləğv olunduğu elan olunub.
Səbəb kimi isə BAMF-la İtaliyanın Miqrasiya İdarəsinin koronavirusa görə sığınacaq axtaranların göndərilməsinin qeyri-müəyyən vaxta dayandırılması ilə bağlı anlaşma göstərilib.
İtaliya hökumətinin indiyə kimi açıqladığı rəsmi rəqəmlərə görə, ölkədə 2 263 nəfər koronavirusa yoluxub. Onlardan 79-u dünyasını dəyişib. Yunanıstandan sonra İtaliya da qaçqın və miqrant qəbulunu bir ay dayandırdığını elan edib.
Çində koronavirusdan ölənlərin və yoluxanların sayı açıqlanıb.
“Ölkə.Az” rusiya mətbuatına istinadən xəbər verir ki, bu barədə məlumatı Çin Xalq Respublikasının Gigiyena və Səhiyyə Məsələləri üzrə Dövlət Komitəsi verib.
Bildirilir ki, xəstəlikdən ölənlərin sayı 2 981, yoluxanların sayı isə 80 270 nəfərdir.
Bundan başqa virusa yoluxmuş 49 856 nəfər sağalıb və artmaqda davam edir.
Türkiyə ordusunun daha bir əsgəri Suriyanın İdlib bölgəsində həlak olub.
Bu barədə Türkiyə Milli Müdafiə Nazirliyi məlumat yayıb.
Bildirilib ki, əsgərlərin atəşə tutulması nəticəsində 1 əsgər şəhid olub, 9-u isə yaralanıb.
Hazırda bölgədə şiddətli toqquşmalar davam edir.
Türkiyənin Müdafiə Nazirliyi İdlibdə 1 əsgərlərinin şəhid olduğunu açıqlayıb.
Türkiyə mətbuatı xəbər verir ki, Suriyanın İdlib şəhərində Bəşər Əsəd tərəfdarlarının həyata keçirdiyi top atışları nəticəsində 1 Türkiyə əsgəri şəhid olub, 1 əsgər isə yaralanıb. Türkiyənin Müdafiə Nazirliyi hücum edən rejim əsgərlərinə qarşılıq verildiyini açıqlayıb. /Yeniavaz.com/
Bütün İran ərazisində internetə çıxışlarda məhdudiyyət yaranıb.
Bu barədə məlumat bu səhər saatlarında beynəlxalq “NetBlocks” monitorinq təşkilatının saytında yer alıb.
Məlumata görə, İranın əsas internet provayderləri bir saat ərzində tamamilə fəaliyyət göstərməyib. Daha sonra onların fəaliyyəti qismən bərpa olunub. İnternetə giriş ölkə səviyyəsində 50 faizə düşüb.
Qeyd edək ki, fevralın ayının 8-də də İranda internetə çıxışda problemlər yaşanmışdı. /Axar.az/
Çində koronavirus infeksiyasının yayılma hallarının sayı azalmaqdadır. Bunu ölkənin dövlət səhiyyə komitəsinin məlumatları sübut edir.
Statistikaya görə, gün ərzində ölkədə 125 nəfər virusa yoluxub, 2742 nəfər sağalıb , 31 nəfər isə koronavirusdan vəfat edib. Bu rəqəmlər əvvəlki günlərə nisbətən xeyli azalıb.
COVID-19 hallarının azalması bir neçə gündür ki, müşahidə olunur.
Belə ki, martın 1-də ölkədə 206 virus infeksiyası qeydə alınıb.
Ancaq dünyanın digər ölkələrində, epidemiyanın inkişaf tempi hələki azalmayıb. Ümumdünya Səhiyyə Təşkilatının məlumatına görə, Çindən kənarda, yoluxmuş insanların sayında artım Çinə nisbətən 9 dəfə çoxdur.
Bu barədə “Haber Global” məlumat yayıb
Türkiyənin Zonquldak şəhərində avtomobili içkili vəziyyətdə idarə edən sürücü qəza törədib.
Bu barədə “Haber Global” məlumat yayıb.
Qəza nəticəsində Gökhan Ç. adlı şəxsin avtomobili yararsız vəziyyətə düşüb.
Avtomobilinin əzilmiş vəziyyətini görən içkili sürücü göz yaşlarını saxlaya bilməyib.
O, iki min lirə (543 manat) məbləğində cərimələnib.
Ermənistanda koronavirusa ilk yoluxma faktı qeydə alınması səbəbindən məktəb və universitetlərdə dərs prosesi bir həftəlik dayandırılıb.
Qafqazinfo xəbər verir ki, bunu ölkənin baş naziri Nikol Paşinyan açıqlayıb. Paşinyanın sözlərinə görə, bir həftəlik fasilə yaz tətilinin hesabına ediləcək.
Təhsil, elm, mədəniyyət və idman naziri Araik Arutünyanın imzaladığı qərara əsasən, yaz tətili ayın sonundan martın 2-nə keçirilib.
Qərar ali təhsil müəssisələri, məktəblər, kolleclər, peşə məktəbləri və uşaq bağçalarına şamil olunur.