Ali Seçki Qurumu haqsızlığın ünvanı oldu.

Axar.az xəbər verir ki, bunu CHP başqanı Kamal Kılıçdaroğlu ASQ-nin İstanbulda bələdiyyə seçkilərinin ləğv edilməsi barədə qərarına münasibət bildirərkən deyib.

"Qarşılarında dayanacağıq, susmayacağız. Haqqı, hüququ, ədaləti və vicdanı qoruyacağıq. Onlardan qorxmayacağıq. Haqsızlıq qarşısında susan dilsiz şeytandır. Şeytanlardan olmayacağıq", - Kılıçdaroğlu qeyd edib.

ABŞ Prezidenti Donald Tramp Suriyaya yönəlik fövqəladə vəziyyətin uzadılması və bu ölkəyə qarşı tətbiq edilən sanksiyaların daha bir il müddətinə artırılması ilə bağlı Konqresə məlumat verib.

Axar.az xəbər verir ki, bu barədə Ağ Evin məlumatında deyilib.

Paşinyan hökumətinin məqsədi rəsmi Təl-Əvivin İrəvana olan münasibətini dəyişmək və Azərbaycana qarşı müttəfiq olmaqdır.

Bu sözləri Axar.az-a son vaxtlar Ermənistanın İsrailə yaxınlaşmaq cəhdlərinə münasibət bildirən politoloq İlqar Vəlizadə deyib. O bildirib ki, Paşinyan İsraillə yaxınlaşmaqla Bakı-Təl-Əviv münasibətlərinə mənfi təsir göstərə biləcəyini düşünür:

“İsrail hökuməti yaxşı başa düşür ki, Ermənistanın əsas istəyi onlardan istifadə etməkdir. Ermənistan uzun illərdi öz qondarma soyqırımını dünyada tanıtmağa çalışır. Bu qondarma soyqırımı İsrail də tanımır. İsraildə ermənipərəst siyasətçilər tez-tez çalışır ki, Ermənistanla münasibətləri düzəltməyə doğru addımlar atılsın, lakin heç bir nəticə vermir”.

Politoloq İsrail-Azərbaycan münasibətlərinin dərin kökləri və iqtisadi, siyasi əlaqələri haqqında danışıb:

“Müstəqillik illərinin əvvəlindən İsrail-Azərbaycan münasibətləri daha da dərinləşib. Azərbaycandan İsrailə köçən yəhudilərin siyasi fəallığı da bu münasibətlərin böyüməsində rol oynayıb. 2000-ci ilin əvvəlindən Azərbaycan və İsrail arasında hərbi-texniki əməkdaşlıq inkişaf etməyə başlayıb. Bakı-Tiflis-Ceyhan neft kəməri fəaliyyətə başladıqdan sonra İsrail hökuməti neftimizin əsas alıcısına çevrildi. İsrailin idxal etdiyi neftin 20 faizi Azərbaycan neftidir. Bu əməkdaşlıq bir daha onu göstərir ki, İsrail həm hərbi-texniki, həm də iqtisadi sahədə Azərbaycanın ən yaxın müttəfiqlərindən biridir”.

Qeyd edək ki, İsrail Müdafiə nazirinin keçmiş müavini Efraim Sne “Stmegi.com” saytına müsahibəsində İsrail-Azərbaycan qardaşlığından danışıb. O bildirib ki, İsrail heç vaxt Azərbaycanın düşməninə - Ermənistana bir güllə də satmaz.

Vaşinqton bundan sonra da Kuba və Venesuela münasibətlərinə əngəl olacaq.

Axar.az xəbər verir ki, bu barədə ABŞ Prezidentinin milli təhlükəsizlik üzrə müşaviri Con Bolton Tvitter hesabında yazıb.

Boltonun sözlərinə görə, Venesuela xalqı azadlıq uğrunda çıxış etməyə başlayanda Kubanın bu ölkəyə təsirinə son qoyulacaq.

“ABŞ Kuba və Venesuela arasındakı əlaqələri qırmağa davam edəcək”, - Bolton bildirib.

İsrail ordusu hücumlarını davam etdirsəydi, bir neçə saat sonra Təl-Əviv vurulacaqdı.

Axar.az xəbər verir ki, bu sözləri İslami Cihad Hərəkatının Baş katibi Ziyad ən-Nəhhalə deyib.

Baş katib İsrail ordusunun Böyük Qayıdış Yürüşü nümayişlərinin iştirakçılarına atəş açdığını və bu səbəbdən də snayperlərin əsgərləri vurmağa məcbur qaldığını bildirib. Qəzza zolağında yaşanan son hadisələri döyüş güllələrilə keçirilmiş bir təlim kimi qiymətləndirən ən-Nəhhalə qaçılmaz olaraq gördükləri böyük savaşa hazırlaşdıqlarını ifadə edib.

Nəhhalənin sözlərinə görə, İsrail ordusunun atəşkəsi pozmasına dərhal qarşılıq verilməsi ilə bağlı Fələstindəki qruplar arasında anlaşma baş tutub, İslami Cihad Hərəkatı və HƏMAS Qahirədə ortaq əməliyyat bölməsini aktivləşdirməyə qərar verib.

Ermənistanda yeni siyasətçilər və müxalif partiyalar yaranır. Bu da güclü siyasi qüvvənin meydana gəlməsinə gətirib çıxaracaq.

Axar.az xəbər verir ki, bunu “Röyter” agentliyinə açıqlamasında Ermənistanın eks-prezidenti Robert Köçəryan deyib. O, yeni müxalifətin işində iştiraka qatılmaq niyyətində olduğunu bildirib.

Onun sözlərinə görə, keçən il ölkədə baş verən etiraz aksiyaları cəmiyyətdə toplanan narazılıqlar və dəyişikliklərin olmaması ucbatından baş verib:

“Mən bunu inqilab adlandırmazdım. Ona görə də cəmiyyətdə aqressiyanın, hökumətdə isə diletantlıq və populizmin böyük pay sahibi olmasını istisna etsək, ölkədə heç bir dəyişiklik baş verməyib”.

Vladimir Zelenskinin idarəçiliyi dönəmində Arsen Avakov Ukrayna daxili işlər naziri olaraq qalmalıdır.

Axar.az xəbər verir ki, bunu “Bihus.info” saytına müsahibəsində ukraynalı iş adamı İqor Kolomoyski deyib.

“Mən hesab edirəm ki, bu, son beş ilin ən uğurlu və peşəkar naziridir. Hesab edirəm ki, o, vəzifəsində qalmalıdır. O, stabilləşdirici faktordur. Ölkədə nə baş verməsindən asılı olmayaraq, o, fundament sayılır”, – deyə o bildirib.

Qeyd edək ki, Avakov əslən Bakı ermənisidir. O, 2014-cü ilin fevralından bu yana Ukrayna daxili işlər naziridir.

Avakov onu nazir təyin edən Poroşenkoya xüsusilə son prezident seçkilərində xəyanəti ilə diqqət çəkib.

Rusiyadan alınan S-400 zenit raket komplekslərini idarə edəcək təxminən 100 türk əsgəri bu ayın sonunda Rusiyadakı hərbi bazalardan birində təlimlərə başlayacaq.

Axar.az xəbər verir ki, bu barədə TASS yazıb.

Sözügedən təlimlərin təxminən 5 ay davam edəcəyi bildirilir.

Türk əsgərlərin mart ayının ortalarında eyni hərbi bazada təlimlərə başlayan çinli əsgərlərlə birlikdə olacağı qeyd edilib.

Türkiyə Prezidenti Rəcəb Tayyib Ərdoğan iyunun 23-də İstanbulda keçiriləcək bələdiyyə seçkilərində iştirak edəcək namizədlərdən danışıb.

Teleqraf.com xəbər verir ki, o, hakim Ədalət və İnkişaf Partiyasının (AKP) namizədinin keçmiş baş nazir Binəli Yıldırım olduğunu açıqlayıb.

Prezident məsələ ilə əlaqədar müttəfiqi, MHP lideri Dövlət Bağçalı ilə telefonla danışdığını və namizəd məsələsini razılaşdırdıqlarını bildirib.

Seçkilərdə iştirak edəcək CHP-nin namizədi isə Əkrəm İmamoğludur.

Martın 31-də İstanbul Böyükşəhər Bələdiyyəsi sədrliyinə keçirilən seçkilərin nəticələri ləğv edilib.

Axar.az xəbər verir ki, bu barədə Türkiyə Mərkəzi Seçki Komissiyası məlumat yayıb.

YSK fövqəladə iclasında AKP-nin şikayətini qəbul edib.