 |
|
Şimali Koreya lideri Kim Çen İnlə razılığa gəlmək üçün yaxşı şans var.
Axar.az xəbər verir ki, bu sözləri ABŞ Prezidenti Donald Tramp CBS-yə açıqlamasında deyib.
“Düşünürəm ki, o da (Kim Çen İn) mövcud vəziyyətdən yorulub”, - deyə Ağ Ev rəhbəri bildirib.
Rusiyada Kaluqa-Vyazma yolunun 128-ci kilometrliyində dəhşətli qəza verib.
Axar.az xəbər verir ki, məlumata görə, uşaqları flarmoniyada keçiriləcək müsabiqəyə aparan avtobusun sürücüsü idarəetməni itirib və avtobus aşıb.
Nəticədə 30 nəfər yaralanıb, 8 nəfər dünyasını dəyişib. Ölənlər arasında uşaqlar da var.
Hadisə ilə bağlı cinayət işi açılıb. Qəzaya uğrayan avtobusun sürücüsü hüquq-mühafizə orqanları tərəfindən saxlanılıb.
Türkiyədə əqrəb zəhərini dərman sənayesinə cəlb etmək üçün geniş imkanlar mövcuddur.
Azərtac xəbər verir ki, hazırda Əskişəhərdə fəaliyyət göstərən “Albila” şirkəti ölkədə mövcud olan əqrəb növlərindən zəhər toplayaraq onların tərkibi ilə bağlı araşdırma aparır. Əqrəb zəhəri tərkibli ilk dərman preparatlarının cari ilin sonunadək satışa çıxarılacağı gözlənilir.
Qeyd edək ki, hazırda dünya bazarında bir litr əqrəb zəhərinin qiyməti təxminən 10 milyon ABŞ dollarıdır.
Argentinanın paytaxtı Buenos-Ayresdəki “Obelisk” otelində baş vermiş yanğın nəticəsində 1 nəfər ölüb, çoxlu sayda yaralı var.
Axar.az xəbər verir ki, yaralanan 42 nəfər paytaxtın müxtəlif xəstəxanalarına çatdırılıb. Onlardan beşinin ağır dərəcəli yanğın xəsarəti aldığı bildirilir. Yaralı sayının çox olması tüstünün liftin şaxtasına dolması ilə əlaqədardır.
Buenos-Ayresin yanğın xidmətinin məlumatında qeyd olunur ki, otelin 5-ci mərtəbəsində başlayan yanğının səbəbləri dəqiqləşdirilir. Bəzi şahidlər burada partlayış olduğunu da iddia edirlər. Hazırda yanğın tamamilə söndürülüb və otel binasında təhqiqat aparılır.
“Obelisk” otelinin Braziliyadan gələn turistlər arasında populyar olduğu və yaralıların əksəriyyətinin də braziliyalı olduğu bildirilir.
Avropa Birliyi INSTEX sistemi ilə ABŞ-ın qəzəbinə qarşı müstəqil hərəkət edə biləcəyini göstərdi.
Suriyanın Hələb şəhərinin mərkəzində daha əvvəl Əsəd rejimi tərəfindən bombardman edilən 7 mərtəbəli yaşayış binası çöküb.
Axar.az xəbər verir ki, hadisə nəticəsində 7 nəfər həlak olub, xeyli sayda insan yaralanıb. Çökən binanın qalıqları altında 2-si uşaq olmaqla, bir ailənin 5 üzvü dünyasını dəyişib.
Axtarış-xilasetmə tədbirləri davam etdirilir.
Qeyd edək ki, ötən ilin mart ayında Hələbin Əl-Səfa bölgəsində 5 mərtəbəli yaşayış binasının çökməsi nəticəsində 3 nəfər dünyasını dəyişmişdi.
Misirin Minyə şəhərindəki qədim qəbirlərdən birində 40 mumiya tapılıb.
Axar.az xəbər verir ki, bunu Qahirədə keçirdiyi mətbuat konfransında Misirin Antik Əsərlər üzrə naziri Xalid əl-Anani deyib. O, şəhərin Tuna Cəbəl bölgəsində tapılan mumiyalardan 10-nun uşaqlara aid olduğunu söyləyib:
“Misirli arxeoloqlar tərəfindən aşkarlanan məzarda 3 müxtəlif quyu da tapılıb. Məzarlar qaya içərisində oyularaq hazırlanıb. Mumiyalardan bəziləri daş, bəziləri taxta tabutlarda, bir qismi isə tabutsuz şəkildə dəfn edilib”.
Anani mumiyaların tarixin hansı dövrünə aid olması barədə açıqlama verməyib.
ABŞ-ın yaxın və orta mənzilli raketlərin ləğvi razılaşmasından çıxması qərarına cavab olaraq Moskva razılaşmada iştirakını dayandırır.
Axar.az xəbər verir ki, bunu Rusiya Xarici İşlər naziri Sergey Lavrov və Müdafiə naziri Sergey Şoyqu ilə görüşü zamanı Rusiya Prezidenti Vladimir Putin deyib.
Qeyd edək ki, Tramp bu gündən etibarən yaxın və orta mənzilli raketlərin ləğvi razılaşmasından çıxması prosedurunu başladıb.
Ermənistan parlamentinin sədri Ararat Mirzoyan Rusiyanın Ermənistandakı səfiri Sergey Kopırkinlə görüşüb.
"Verra" döyüş gəmisi Qara dənizə göndəriləcək.
Axar.az xəbər verir ki, bu barədə Almaniya Müdafiə Nazirliyi məlumat yayıb. Nazirlik "Verra"nın NATO qrupu çərçivəsində göndəriləcəyini, başqa hərbi gəmilərin göndərilməsinin nəzərdə tutulmadığını bəyan edib.
Alman hərbi gəmisinin Bolqarıstanın Burqas və Varna limanlarına daxil olması da planlaşdırılır.
Qeyd edək ki, bir müddət öncə ABŞ-ın "Donald Kuk" hərbi gəmisi Batumi limanına yan almışdı.