 |
|
Camal Qaşıqçının öldürülməsi iddiaları təsdiqini taparsa, bunun Səudiyyə Ərəbistanı üçün nəticələri ağır olacaq.
Ermənistan Milli Təhlükəsizlik Xidmətinin İstintaq İdarəsi Gömrük Komitəsinin keçmiş rəhbəri Armen Avetisyana qarşı cinayət işi açıb.
Dəməşq İran qoşunlarının Suriyadan çıxarılmasına nail olmayana qədər Vaşinqton Suriyanın bərpasına heç bir vəsait verməyəcək.
 |
Sosial şəbəkələrdə Çeçenistanın “Əhməd” idman klubu adından video yayan şəxsin görüntüsü məşhurlaşmağa başlayıb.
Axar.az xəbər verir ki, idman klubunun adından danışan şəxs enerji içkisi qəbul etdikdən sonra metrodakı iki gənci “Axmat – sila” (Əhməd–gücdü) deməyə məcbur edir.
Yayılan görüntü ölkədə kəskin reaksiyalara səbəb olub. Ən sərt reaksiyanı isə öz Teleqram səhifəsində Çeçenistan lideri Ramzan Kadırov göstərib. O, görüntünü yayan şəxsin bir neçə saat ərzində öz qohumları ilə birgə Qroznıya gəlməsini tələb edib:
“Məni əsəbləşdirmək və özündən çıxarmaq çox çətindir. Bu gün isə qəzəbim üçün heç bir məhdudiyyət yoxdur. Bu görüntü yayanın harada olmasından asılı olmayaraq, ilk reyslə özünün yaxınlarıyla birgə Qroznıya gəlməyini tələb edirəm. Sənin sadəcə bir neçə saatın var, əks halda, buna görə çox peşman olacaqsan”.
O, video görüntüdə təhqir edilən gənclərdən də üzr istəyib. Kadırov bu görüntüləri yayan şəxsin çeçen xlaqının ənənələri və adətlərinə hörmət etmədiyini bildirib.
Qeyd edək ki, hələlik videonu yayan şəxsin kim olduğu bilinmir.
Keşiş Bransonun sabah keçiriləcək məhkəmədə azadlığa buraxılması vacibdir.
Kaspiyskdə Xəzər Donanması üçün mərkəzin tikilişi dekabrda başa çatacaq.
Axar.az xəbər verir ki, bunu Müdafiə Nazirliyinin kollegial iclasında Rusiya Müdafiə naziri Sergey Şoyqu deyib. Onun sözlərinə görə, bu, Xəzər donanması gəmilərinin Xəzər dənizinə çıxış zamanını əhəmiyyətli dərəcədə azaldacaq.
Qeyd edək ki, Rusiya bundan öncə Xəzər donanmasının Həştərxandan Dağıstanın Kaspiysk şəhərinə köçürülməsi haqqında qərar qəbul edib.
Malayziya yaxın vaxtlarda ölüm hökmünü ləğv edəcək.
Nazirlər Kabineti artıq qərarı təsdiqləyib və baxılması üçün parlamentə göndərib.
Ölüm hökmünün ləğvi ilə bağlı qanun layihəsinə oktyabrın 15-də - parlamentin aşağı palatasının növbəti iclasında baxılacaq.
Qeyd edək ki, Malayziyada ölüm hökmü xüsusi ağır cinayətlərə görə verilir. Bura qətl, azyaşlının zorlanması, dövlətə xəyanət, monarxiyaya qarşı silahlı qiyam, iri həcmli narkotik qaçaqmalçılığı daxildir.
Ölkədə ölüm cəzası kimi asılmaqdan istifadə edilir.
Çin hökuməti uyğur müsəlmanlarının yaşadığı Sincan (Şərqi Türküstan) bölgəsində halal qidalar əleyhinə anti-halal kampaniyası başladıb.
Kommunist Partiyasının rəhbər şəxsləri sosial şəbəkədə elan paylaşaraq hər kəsi kampaniyaya dəstək olmaq üçün and içməyə çağırıblar.
Partiyanın açıqlamasında qeyd edilib ki, halal qidalara olan tələb İslam dininin cəmiyyətə təsir etməsinə şərait yaradır və bu, yolverilməzdir.
Qeyd edək ki, uyğur müsəlmanları son illər Sincanda müxtəlif təzyiqlər və məhdudiyyətlərlə üzləşir.
Ermənistanın baş naziri Nikol Paşinyan oktyabrın 16-da istefaya hazırlaşır.
Bu barədə Paşinyan “France 24” kanalına müsahibəsində deyib.
Ermənistanda növbədənkənar parlament seçkilərinin keçirilməsi 9-10 dekabr tarixlərinə planlaşdırılır. Bunun üçün isə o, 5 gün sonra istefasını elan etməlidir.
Xatırladaq ki, N. Paşinyan oktyabrın 8-də növbədənkənar parlament seçkilərinin keçirilməsi haqda memorandum imzalayıb.
Son 10 gündə İndoneziyada 7,7 bal, Rusiyada 6,3 bal və Haitidə 5,9 ballıq zəlzələdən sonra daha bir güclü zəlzələ Papua Yeni Qvineyada qeydə alınıb.
ABŞ Geoloji Araşdırmalar Mərkəzi Yeni Britaniya adasında baş verən zəlzələnin 7 bal gücündə olduğunu açıqlayıb.
Yerin 40 km mərkəzində baş verən zəlzələnin dağıntılara səbəb olub-olmadığı hələlik bilinmir.
Güclü yeraltı təkandan sonra Papua Yeni Qvineya və Solomon adalarında Sunami xəbərdarlığı edilib.
Qeyd edək ki, İndoneziyanın Sulavesi adasındakı zəlzələdə 2202, Haitidəki zəlzələdə isə 15 nəfər ölüb.