 |
|
“Bu gün Nərimanov Rayon Məhkəməsinin qərarı ilə Kamil Zeynallı 10 sutkalıq həbs olundu”.
Bunu Oxu.Az-a fitnes məşqçisi, karantin dövründə insanlara maddi yardım edən Kamil Zeynallının köməkçisi Rasim Qarayev deyib.
O, Kamilin həbs olunmasını bu cür izah edib:
“Karantin qaydalarını pozduğu üçün həbs olunub. Əvvəl Ucara, 5-6 gün əvvəl isə Füzuli rayonuna maddi yardım paylamağa getmişdi. Bakı sakinlərinə rayonlara getməyə icazə verilmədiyindən, karantin qaydalarını pozduğu deyildi”.
Güney azərbaycanlı milli-mədəni fəal və tanınmış idmançı Kərim İsmayılzadə İranın təhlükəsizlik orqanları tərəfindən saxlanılıb.
Teleqraf.com xəbər verir ki, son aylarda dəfələrlə həbs edilən milli fəal Təbriz şəhərində tutulub.
Fəalın hansı səbəbdən tutulduğu və harada saxlandığı barədə hələlik heç bir məlumat yoxdur.
O, daha öncə fevralın 27-də Qərbi Azərbaycan vilayətinin kürd kökənli valisi Məhəmməd Mehdi Şəhriyarinin şikayəti əsasında, ictimai asayişi pozmaq ittihamı ilə İran kəşfiyyatı (ETTELAAT) tərəfindən saxlanıldıqdan bir neçə gün sonra sərbəst buraxılmışdı. Milli fəal növbəti dəfə martın 17-də Təbriz şəhərində saxlanılmışdı.
Braziliyalı məşhur futbolçu Neymarın hər oyuna görə aldığı məbləğ açıqlanıb.
'Paris Saint Germain'' dünyanın ən bahalı transferini edərək braziliyalı futbolçu Neymarı 222 milyon avroya öz komandasına transfer edib. Oyunlarda tez-tez zədələr alan Neymar koronavirus səbəbindən stadiondan uzaq qalıb. 2017-ci ildə transfer edilən Neymar komandaya qatıldığı gündən 155 oyundan 88-də iştirak edib. ''Paris Saint Germain'' klubu ulduz futbolçuya ildə 37 milyon avro maaş ödəyib. 1 oyun üçün 1 milyon 400 min avro alan Neymara son üç ildə 80 oyuna görə 111 milyon avro ödənilib.
Hər zaman beynəlxalq səviyyəli mötəbər yarışlarda, çempionatlarda, olimpiadalarda qazandığı qələbələrlə, əldə etdiyi nailiyyətlərlə ölkəmizi layiqincə təmsil edən, üçrəngli Azərbaycan bayrağını yüksəklərdə dalğalandıran, himnimizi şərəflə səsləndirən “Şöhrət” ordenli məşqçi, Azərbaycan Güləş Federasiyasının vitse-prezidenti Firdovsi Umudov öz nəcib və xeyirxah əməlləri ilə də ürəkləri fəth edir.
Həmişə qayğıya ehtiyacı olan insanların yanında olan F.Umudov bu dəfə də onları tək qoymayıb.
Ölkə başçısı İlham Əliyevin “Biz birlikdə güclüyük!” çağırışına və Qazax Rayon İcra Hakimiyyətinin təşəbbüsünə qoşulan F.Umudov hər zaman qazaxlıların, həmyerlilərinin yanında olduğunu bir daha göstərib. O, koronavirus (COVID-19) pandemiyası dövründə xüsusi karantin rejiminin tətbiq olunması ilə əlaqədar Qazaxda qayğıya ehtiyacı olan aztəminatlı ailələrə dəstək olmaqla, sözün əsl mənasında birlik, həmrəylik nümayiş etdirib.
“Gənc könüllülər”lə birlikdə həmyerlilərinin yanında olan F.Umudov tərəfindən Qazax rayonlararası Gözdən Əlillər Cəmiyyətinin 69 nəfər imkansız əlil üzvünə, Yuxarı Əskipara kəndindən məcburi köçkün olan ailələr də daxil olmaqla ümumilikdə də 250-yə yaxın maddi dəstəyə ehtiyacı olan aztəminatlı ailəyə gündəlik tələbatlarını ödəyəcək müxtəlif ərzaq məhsullarından ibarət sovqatlar paylanılıb.
Sakinlər onlara göstərilən diqqət və qayğıya görə ölkə prezidenti başda olmaqla, rayon rəhbərliyinə minnətdarlıqlarını bildirib. Onlar ölkə başçısının “Biz birlikdə güclüyük!” çağırışına dəstək olaraq, hər zaman həmyerlilərinin yanında olan Firdovsi Umudova təşəkkürlərini çatdırıb. Dövlətin dəstəyini hər an hiss etdiklərini qeyd edən sakinlər bu gün bunun bir daha şahidi olduqlarını dilə gətirib.
Firdovsi Umudov da öz növbəsində prezident İlham Əliyevə və ölkənin birinci vitse-prezidenti Mehriban Əliyevaya koronavirusla mübvarizədə vaxtında atılan addımlara görə öz təşəkkürünü bildirib:
“Koronavirus pandemiyasını ciddi qəbul etməyən bir çox ölkə bundan əziyyət çəkib. Azərbaycan Prezidenti İlham Əliyevə və ölkənin birinci vitse-prezident Mehriban Əliyevaya koronavirusla mübarizə istiqamətində vaxtında görülən tədbirlərə görə təşəkkür edirəm. Dövlətin verdiyi qərarlar və ölkənin yüksək vəzifəli şəxslərinin müraciətləri bu gün Azərbaycanın virusa qarşı uğurla mübarizə aparmasında mühüm rol oynadı.
Mən də bir Qazaxlı kimi doğma yurdumun sakinləri ilə görüşə gəldim. "Biz Birlikdə güclüyük!" İnanıram ki, kömək etmək imkanı olan hər kəs də bu kampaniyaya qoşulacaq”.
.jpg)
Formula 1 təşkilatçıları maddi itkini minimuma endirmək üçün təqvimdəki yarış sayını artırmaq niyyətindədir.
Qafqaazinfo xəbər verir ki, bunu niderlandlı jurnalist Ulav Mol deyib. O, bildirib ki, hazırda Formula 1 təşkilatçıları ilkin versiya ilə heç bir əlaqəsi olmayan yeni təqvim hazırlayır və maksimum sayda yarış keçirməyi planlaşdırır.
Yeni təqvimdə 17 yarışın baş tutacağı göstərilib. Avstraliya, Monako, Vyetnam, Kanada və Sinqapur Qran-prilərinin adlarına rast gəlinməyib. Azərbaycan Qran-Prisi isə oktyabrın 9-11-nə salınıb.
Fransada yaşayan azərbaycanlı idmançı Zəlimxan İbrahimov koronavirusa yoluxaraq ölüb.
Baku.ws xəbər verir ki, bu barədə Ukraynadakı Qafqaz Xalqları Konsresinin rəhbəri Paşa Məmmədov məlumat yayıb.
O, koronavirusa yoluxan yaxın dostunun komaya düşərək vəfat etdiyini yazıb:
"Bu gün Parisdə hospitalda dostum, yaxınım Zəlimxan qardaşım Koronavirusdan komaya düşərək vəfat etdi. Söz tapa bilmirəm, Allahın qədər-qismətinə üsyan edə bilmərəm, lakin bu cür itki ilə barışmaq çox çətindi!
Zəlimxan cəsarətli və mərd qardaş idi, xarici xüsusi təyinatlar təlimlərində ugurlar qazanmış idmançı idi, lakin virus onu bizdən aldı. Yerin Cənnətlik olsun canım qardaşım!
Allah rəhmət etsin! Özünüzü və yaxınlarınızı qoruyun!"
Rusiyalı UFC çempionu Həbib Nurməhəmmədov Rusiya Federasiyasının səfər etməyə icazə verdiyi təqdirdə, amerikalı Tony Ferquson ilə aprelin 18-i döyüşməyə hazır olduğunu açıqlayıb.
Xatırladaq ki, Nurməhəmmədov və Ferquson arasındakı döyüş, aprelin ortalarında Bruklində keçiriləcək UFC 249 turnirinin əsas tədbiri olaraq planlaşdırılırdı. Aprelin 1-i Həbib, koronavirus pandemiyası ilə əlaqədar karantində qaldığını və döyüşünün ləğv olunduğunu bildirib.
ESPN-ə verdiyi müsahibəsində idmançı hər gün evdə məşq etdiyini deyib.
"İndi mən UFC-nin əsas ulduzlarından biriyəm, UFC çempionuyam, məğlubedilməzəm. Bu adi döyüş deyil. Döyüşün harada və nə vaxt keçiriləcəyini bilmirəm", - deyə o, bildirib.
AFFA rəhbərliyinin təşəbbüsü Avro 2020 könüllü komandası 65 yaşdan yuxarı futbol veteranlarına gündəlik ərzaq tədarükü ilə dəstək olurlar.
İgiyena qaydalarına uyğun olaraq onlarla birbaşa ünsiyyət qurmadan qapılarına çatdırılır.
Aksiya 20 aprel tarixinədək davam edəcək
"Qalatasaray” klubunun baş məşqçisi Fatih Terimdə koronavirus aşkarlanıb.
AZXEBER.COM xəbər verir ki, bu haqda məşqçi özü məlumat verib.
O deyib ki, nəticələri pozitiv çıxıb: "Narahat olmayın, həkimlərə güvənirəm. Tezliklə sağalacam”.
Sonda qaliblərə medallar və diplomlar təqdim olunub
Bu yaxınlarda DİN İdmаn Cəmiyyətində qol güləşi (armrestlinq) və ağırlıq daşlarının qaldırılması üzrə güc çoxnövçülüyü yаrışı keçirilib. Yol-xeber.az xəbər verir ki, açılış mərasimində çıxış edən DİN İdman Cəmiyyətinin sədri, Olimpiya, dünya və Avropa çempionu, polis polkovniki Zemfira Meftaxetdinova ölkəmizdə bu idman növündə daxili işlər orqanları əməkdaşları arasında yarışların müntəzəm keçirildiyini, onların asudə vaxtlarında bu idman növü ilə məşğul olduqlarını, əməkdaşların hazırlıq səviyyəsinin daha yüksək nəticələrə ümid etməyə əsas verdiyini, polis idmançılarımızın ildən-iləyarış təcrübələrinin artdığını diqqətəçatdırdı.
Əsasən dənizçilər arasında yaranan qol güləşi (armrestlinq) idman növü kimi 100 ilə yaxındır ki tanınır. İdman daşlarının qaldırılması hərəkəti də vaxtı ilə dövrlərinin ən güclüləri hesab olunan pəhləvanlardan miras qalıb. Güc, dözüm və çevikliyi müəyyən edən bu idman növü indi də orduda, xüsusi təyinatlılar və dənizçilər arasında ən sevilən yarışmadır. Fiziki gücün yoxlamağın ən asan və sadə üsulu kimi tanınan bu idman növündə polislərimiz əvvəlcə nümunəvi çıxışlar göstəriblər.
DİN İdman Cəmiyyətində keçirilən bu yarışda ərazi polis orqanları, nizami hissəvətədris müəssisələrini təmsil edən ümumilikdə11 komandadan 100-dək idmançı qələbə uğrunda mübarizə aparıblar.
Gərgin keçən yarışlarda iştirakçılar arasında qaliblər müəyyənləşib. Komanda birinciliyində ilk üçlükdə Naxçıvan MR DİN, Əlahiddə Çevik Polis Alayı və DİN Daxili Qoşunlarının Baş İdarəsinin əməkdaşları qərarlaşıblar.
Yarışı İdman Təlimi Bölməsinin rəisi, polis polkovnik-leytenantı Mülayim Xıdırov idarə edib.
Sonda qaliblərəmedallar və diplomlar təqdim olunub.
