 |
|
Bütün rəqiblərini məğlub edərək qızıl medal qazanıb
Bugünlərdə İtaliyanın Milan şəhərində WFC döyüş növləri üzrə dünya çempionatı keçirilib. 40 ölkədən 400-dən artıq idmançının mübarizə apardığı yarışda ölkəmizin yığma komandası da qələbə uğrunda inamla mübarizə aparıb.
Ölkəmizin yığma komandasının tərkibində DİN İdman Cəmiyyətinin təmsilçiləri də inamla yarışaraq favoritlər sırasında olublar.
Milli komandada təmsil olunan Əlahiddə Çevik Polis Alayının əməkdaşı, polis serjantı İbrahim Məmmədov yüksək fiziki və texniki hazırlıq nümayiş etdirib. O, bütün rəqiblərini məğlub edərək qızıl medal qazanıb.
Sumqayıt ŞPİ-nin əməkdaşı, polis serjantı Xəyal Cəmilbəyli çəkisi 80 kiloqramadək olan idmançılar arasında finaladək irəliləyərək gümüş medala sahib olub.
Daha bir təmsilçimiz, DİN-in Maddi Texniki Təminat Baş İdarəsinin əməkdaşı, polis serjantı Fariz Nəbiyev çəkisi 88 kiloqramadək olan idmançılar arasında Monako və İtaliyadan olan idmançıları məğlub edərək dünya çempionatının bürünc medalına sahib olub.
Əldə etdikləri qələbə münasibəti ilə idmançılarımızı qəbul edən İdman Cəmiyyətinin sədri, Olimpiya, dünya, Avropa çempionu Zemfira Meftaxetdinova onları təbrik edərək daha böyük qələbələr, yeni nailiyyətlər arzulayıb.
Sonda idmançımız yaradılan şəraitə və göstərilən qayğıya görə DİN rəhbərliyinə təşəkkürünü bildirdi
Bugünlərdə İtaliyanın Milan şəhərində WFC döyüş növləri üzrə dünya çempionatı keçirilib. 40 ölkədən 400-dən artıq idmançının mübarizə apardığı yarışda ölkəmizin yığma komandası da qələbə uğrunda inamla mübarizə aparıb.
Milli komandanın tərkibində mübarizə aparan DİN-in Maddi Texniki Təminat Baş İdarəsinin əməkdaşı, polis serjantı Fariz Nəbiyev yüksək fiziki və texniki hazırlıq nümayiş etdirib. Təmsilçimiz çəkisi 88 kiloqramadək olan idmançılar arasında Monako və İtaliyadan olan idmançıları məğlub edərək dünya çempionatının bürünc medalına sahib olub.
Polis serjantı F.Nəbiyev yarış haqqında danışarkən qarşılaşmaların çox çətin olduğunu bildirdi: “Sevindiricidir ki, ümumilikdə ölkə idmanının səviyyəsi çox artıb. Bütün idmançılarımız dünyanın ən güclü idmançıları ilə qarşılaşmaq bacarığına malikdir. Ona görə də respublika çempionatında finala çıxan idmançı artıq, belə deyək, rahat nəfəs ala bilər ki, beynəlxalq miqyaslı yarışlarda da üstünlük qazanmaq şansı var.”
Sonda idmançımız yaradılan şəraitə və göstərilən qayğıya görə DİN rəhbərliyinə təşəkkürünü bildirdi.
Qeyd edək ki, F.Nəbiyev artıq 20 ildir ki idmanla məşğul olur. Əlbəyaxa döyüş üzrə 2 dəfə dünya, 1 dəfə Avropa çempionudur. Respublika birinciliklərində də 12 dəfə qızıl medal qazanıb. Dəfələrlə beynəlxalq turnirlərdə baş mükafata layiq görülüb.
O, əlbəyaxa döyüşdən başqa idmanın karate və kiqboksinq növləri ilə də məsğul olur.
İdman ustası F.Nəbiyevin yetirmələri də uğurlar əldə edir, aralarında Avropa çempionu da var.
Famil Məhərrəmov bütün rəqiblərini üstələyib
Finlandiyada "Poverliftinq" üzrə dünya çempionatı keçirilib. Bu çempionata təxminən 35-40 ölkədən idmançılar qatılıblar. Həmin çempionatda Azərbaycanın yığma komandası da uğurla iştirak edib. Komandanın iştirakçısı Famil Məhərrəmov bütün rəqiblərini üstələyərək birinci yerə layiq görülüb.
Qeyd edək ki, polis baş leytenantı Famil Məhərrəmov Baş Dövlət Yol Polisi İdarəsinin xüsusi bölüyünün inspektorudur.
Ramazan Abdullayev bütün rəqiblərinə qalib gəlib
Bu günlərdə Belarusun paytaxtı Minsk şəhərində keçirilən BFC 48 adlı dünya miqyaslı peşəkar turnirdə həmyerlimiz Ramazan Abdullayev qələbə qazanıb. Yol-xeber.az xəbər verir ki, 11 peşəkar döyüşün hamısında qalib gələn idmançımız finalda belaruslu idman ustası İqor Molçanovu 2-ci raundda texniki nakaulta məğlub edərək çempion adını qazanıb.
Qeyd edək ki, Ramazan Abdullayev K1 idman növü üzrə Yeniyetmə və gənclər arasında dünya çempionudur.
Xatırladaq ki, idmançı Baş Dövlət Yol Polisi İdarəsinin əməkdaşı, K1 üzrə dəfələrlə dünya çempionu olmuş idman ustası Tural Bayramovun yetirməsidir. Avtosfer.az-a açıqlamasında Tural Bayramov bu qələbənin özünün də qələbəsi olduğunu bildirib. Qeyd edib ki, istənilən uğur Azərbaycan adına yazılır və məhz bu dəfə çempionluğu vətənə gətirən Ramazanın onun tələbəsi olduğu üçün fəxr edir.
Qran-pris 2020-ci ildə iyunun 5-7 keçiriləcək
Bu gün "Formula 1" üzrə 2020-ci il Azərbaycan Qran-prisi üçün bilet satışına start veriləcək. Yol-xeber.az-ın “Report”a istinadən məlumatına görə, bu barədə Bakı Şəhər Halqası Əməliyyat Şirkətinin Marketinq və Kommunikasiya şöbəsinin rəhbəri Nigar Arpadarai bildirib.
Qeyd edək ki, Azərbaycan Qran-prisi 2020-ci ildə iyunun 5-7 keçiriləcək.
“Azərbaycan Dəmir Yolları” QSC-nin əməkdaşı Anar Məmmədov Gürcüstanın paytaxtı Tbilisidə keçirilən pauerliftinqin qarışıq ağırlıqqaldırma növü üzrə dünya çempionatının qalibi olub.
125 kq. çəki dərəcəsində mübarizə aparan A.Məmmədov Ermənistan, Gürcüstan və İran idmançılarını qabaqlayaraq qızıl medala sahib olub. “Azərbaycan Dəmir Yolları”nda Keşlə sahə məntəqəsində sahə rəisi vəzifəsində çalışan Məmmədov Azərbaycan bayrağını yüksəyə qaldırdığına görə fəxr etdiyini bildirib: “Şəkil çəkdirən zaman erməninin bayrağı bizim bayraqdan aşağıda qaldı. Bizə paxıllıq edir və həsrətlə baxırdılar. Bizim komandada 20-dək idmançı var idi. Demək olar ki, hamı medal qazandı. 50-yə yaxın isə erməni olardı. Onların əksəriyyəti bizim idmançılara uduzdu.
“Azərbaycan Dəmir Yolları”nın rəhbərliyi bizə istənilən şəraiti yaradıb. Məni qələbə münasibəti ilə təbrik ediblər. Qızıl medal qazanmağımla bağlı məni qəbul edəcəklər. Düşünürəm ki, bu nailiyyətim bir dəmiryolçu kimi oktyabrın 13-də qeyd edəcəyimiz peşə bayramına ən gözəl hədiyyəm olacaq”.
Türkiyənin "Fənərbaxça" komandası Almaniya təmsilçisi "Bavariya" ilə qarşılaşıb.
Azərbaycanın “Neftçi” futbol klubunun məşqçilər qərargahı Avropa Liqasının ikinci təsnifat raundunun birinci oyununda Tula şəhərinin “Arsenal” komandasına qarşı düzgün taktika seçib.
Axar.az xəbər verir ki, bu barədə Bakı komandasının prezidenti Kamran Quliyev bildirib.
“Biz çox güclü komandaya qarşı oynadıq, “Neftçi” mürəkkəb oyun keçirdi. Hesab edirəm ki, taktika nöqteyi-nəzərindən oyun planı düzgün seçilmişdi. Bizim oyunçular meydanda heç nəyi əsirgəmədilər. Lakin yadda saxlamaq lazımdır ki, biz döyüşdə deyil, yarışda qalib gəlmişik”, - deyə K.Quliyev bildirib.
İyulun 20-də “Arsenal” Rusiya çempionatının matçında səfərdə Samaranın “Krılya Sovetov” komandasını 3:2 hesabla məğlub edib.
“Mən “Arsenal”ın “Krılya Sovetov” komandasına qarşı oyununu izləyərkən böyük zövq aldım. Bu, futbol təntənəsi idi. Mən “Arsenal”ın ünvanına xoş sözləri indi burada olduğuma görə demirəm. Ona görə deyirəm ki, bu, yaxşı məşqçiyə, əla azarkeşlərə və çox yaxşı prezidentə malik olan güclü, bacarıqlı komandadır”, - deyə “Neftçi”nin prezidenti əlavə edib.
“Neftçi” Tula şəhərində “Arsenal”a 1:0 hesabla qalib gəlib.
Cavab matçı avqustun 1-də Bakıda təşkil olunacaq.
Çox şey alınmadı. Rəqibin ilk dəqiqələrdən tətbiq etdiyi pressinqdən çıxa bilmədik.
Report xəbər verir ki, bunları Rusiyanın "Arsenal" komandasının baş məşqçisi İqor Çerevçenko "Neftçi"yə evdə 0:1 hesabı ilə uduzduqları UEFA Avropa Liqasının ilk oyunundan sonra təşkil edilən mətbuat konfransında söyləyib.
Onun sözlərinə görə, hələ mərhələ keçmək şanslarını saxlayıblar:
"Neftçi" müdafiədə çox əla oynadı. Futbolçularımızı bağladılar. Uduzduq, belə alındı. Amma cavab matçı var. Bu gün 0:0 olsaydı belə, səfərdə qol vurmalıydıq. "Neftçi" hər il avrokuboka gedən komandadır, təcrübələri çoxdur. İlk 5 dəqiqədə öz meydanımızdan çıxa bilmirdik. Rəqib çox yaxşı pressinq etdi. Buna hazırlaşmışdıq, amma alınmadı. Hamımız birgə məğlub olduq. Məğlubiyyəti futbolçuların və ya məşqçinin ayağına yazmayaq".
Qeyd edək ki, bu komandalar arasında cavab oyunu avqustun 1-də Bakıda olacaq.
Bu gün "Qəbələ" və "Neftçi" komandaları UEFA Avropa Liqasında II təsnifat mərhələsinin ilk oyununu keçirəcəklər.