Azərbaycana idxal ediləcək ət və ət məhsulları ilə bağlı yeni tələb qoyulub.

Bu, Nazirlər Kabinetinin qərarı ilə təsdiqlənən “Azərbaycan Respublikasının gömrük ərazisinə idxal olunması üçün təhlükəsizliyini təsdiq edən müvafiq sənədlə müşayiət edilməli olan qida və yem məhsullarının Siyahısı”nda əksini tapıb.

Qərara əsasən, Azərbaycan Respublikasının gömrük ərazisinə idxal olunması üçün təhlükəsizliyini təsdiq edən müvafiq sənədlə müşayiət edilməli ət, toyuq və hindişka məhsulları aşağıdakılardır:

Twitter

Prezident İlham Əliyev Gədəbəy rayonunun Kiçik Qaramurad‒Cəfərli‒Əyrivəng‒Alnabat‒Kərimli‒İnəkboğan‒Göyəmli‒Şınıx‒Göyəlli‒Çobankənd‒Şahdağ‒Çiçəkli avtomobil yolunun əsaslı təmiri ilə bağlı Sərəncam imzalayıb.

Sərəncama əsasən, on yeddi min nəfər əhalinin yaşadığı 19 yaşayış məntəqəsini birləşdirən Kiçik Qaramurad‒Cəfərli‒Əyrivəng‒Alnabat‒Kərimli‒İnəkboğan‒Göyəmli‒Şınıx‒Göyəlli‒Çobankənd‒Şahdağ‒Çiçəkli avtomobil yolunun əsaslı təmiri məqsədilə 2 milyon manat Azərbaycan Avtomobil Yolları Dövlət Agentliyinə ayrılıb.
Maliyyə Nazirliyinə bu Sərəncamın 1-ci hissəsində göstərilən məbləğdə maliyyələşməni təmin etmək, İqtisadiyyat Nazirliyi bu Sərəncamın 1-ci hissəsində göstərilən avtomobil yolunun əsaslı təmirinin başa çatdırılması üçün zəruri olan maliyyə vəsaitini Azərbaycan Respublikasının 2024-cü il dövlət büdcəsi layihəsində dövlət əsaslı vəsait qoyuluşu xərclərinin bölgüsündə nəzərdə tutmaq tapşırılıb.

Nazirlər Kabinetinə bu Sərəncamdan irəli gələn məsələləri həll etmək tapşırılıb.

Twitter

“Fərdi yaşayış evi alan zaman mütləq şəkildə əmlakın çıxarışının olması ilə bağlı məlumat əldə etmək lazımdır. Belə evləri yalnız notarial qayda ilə almaq təhlükəsizdir. Çünki əmlakın yüklü olub-olmaması, birgə nikah dövründə əldə edilməsini və digər problemləri öyrənmək üçün notarial qaydada alqı-satqıya müraciət etmək lazımdır. Bu çox önəmli məqamdır”.

Bu sözləri “Yeni Sabah”a əmlak məsələləri üzrə ekspert Ramil Osmanlı deyib.

Ekspert ev alan zaman diqqət edilməsi vacib olan nüansları açıqlayıb:

“Təəssüflər olsun ki, bugün yeni tikililərdə satış qaydaları o qədər də mütərəqqi deyil. Qanunvericilikdə yeni tikililərdə mənzil satılarkən ilkin qeydiyyat arayışının təqdim olunması təminat olsa da, məlum tikinti korporativlərinin əksəriyyəti bu sənədi vermir yaxud verə bilmir. Bu mənada hesab edirəm ki, yeni tikililərdə mənzil alqı-satqısı bir qədər problemdir. Nağdsız alqı-satqılar zamanı əlavə dəyər vergisinin müəyyən hissəsini geri qaytarılması ilə bağlı qərarın da qəbulu bu işi bir qədər mürəkkəbləşdirir.

Düşünürəm ki, bu istiqamətdə ciddi addımlar atılmasına ehtiyac var. Təbii ki, respublika prokurorluğu bu illər ərzində oxşar tələyə düşən 5 mindən artıq vətəndaşın mövcud vəziyyətini əsas götürərək əhaliyə məsələ ilə bağlı müraciətlər edir. Amma biz digər istiqamətlərə də nəzər salmalıyıq ki, orada da mövcud qanunvericiliyimiz bu istiqamətdə alqı-satqı əməliyyatlarının aparılmasına imkan verir? Alternativ yollarımızın nədən ibarət olduğu barədə də düşünməliyik”.

Əmlak mütəxəssisi vətəndaşları ayıq-sayıq olmağa səsləyib:

“Vəziyyətin belə olmağı mövcud problemlə bağlı nə isə deməyə imkan vermir. Vətəndaşlar sadəcə diqqətli olmalıdırlar. Çünki burada çoxlu problemli məqamlar var. Çıxarışı olmayan həyət evlərinin alınması təhlükəlidir. Həmin evin kimə məxsus olduğu müəmmalı məsələdir. Eyni zamanda bəzən sənədsiz evi satan şəxsin həyat yoldaşının razılığı olmadıqda problemlər yaranır. Bu nüanslara həssas yanaşmaq lazımdır. Çoxmərtəbəli binalardan ev almaq isə daha qəliz prosesdir. Ona görə də, seçilən tikinti şirkətinin bazarda müəyyən nüfuzu və etibarı olsun. Bu məqam aldanma riskini olduqca azaldır”.

Twitter

Azərbaycan seqmentində “TikTok” yayımlarında yüz minlərlə dollar dövr edir. Bəzi iddialara görə Azərbaycanda da bir çox ölkələrdə olduğu kimi sui istifadə halları var.

Bunu texnobloger Fərid Pərdəşünas son günlər qonşu Türkiyədə blogerlərə qarşı nəzarətin gücləndirilməsindən danışarkən deyib.

“Türkiyədə dəbdəbəli həyat tərzi ilə diqqət çəkən bloger, “influencer”lər uzun müddətdir nəzarətdədir. Artıq bir neçə cütlük çirkli pulların yuyulmasında iştirak etdiyinə görə həbs edilib. Adətən? hər hansı pul yumaq istəyən şəxs “influencer”ə çox böyük miqdarda rəsmi köçürmə edir. Daha sonra həmin “influencer” də aldığı ödənişin bir hissəsini ödəyənə geri qaytarır. Ortada çox böyük məbləğlərdən söhbət gedir.

Əlavə olaraq “TikTok” yayımlarında hədiyyə qarşılığında bədən əzalarını göstərən xanımlar da qanunla məsuliyyətə cəlb edilib. Dövlət orqanları bunu bədənini canlı yayımda satmaq olaraq mövqeləndirir. Bir məsələ də var ki, bədənin müxtəlif nahiyələrinin fotolarının “OnlyFans” da satılmasına görə “OnlyFans” da Türkiyədə bloklanıb. Türk xanımlar isə “OnlyFans”ın bloklanmasına görə hökümətə etirazlar edirlər.

Nəzərə almaq lazımdır ki, Azərbaycan seqmentində də “TikTok” yayımlarında yüz minlərlə dollar dövr edir. Bəzi iddialara görə Azərbaycanda da bir çox ölkələrdə olduğu kimi sui istifadə halları var”, - deyə F. Pərdəşünas bildirib.

Twitter

Cəbrayıl rayonu, Horovlu kənd yaşayış məntəqəsində 2, 3 , 4 , 5 otaqlı, 1 və 2 mərtəbəli fərdi yaşayış evləri tikiləcək.

“Tikinti işlərini “19 Saylı Tikinti Təmir İdarəsi” MMC həyata keçirəcək.

Şərqi Zəngəzur İqtisadi Rayonunda 1 Saylı Bərpa, Tikinti və İdarəetmə Xidməti layihə ilə bağlı şirkətə 45 739,888 min manat ödəniş edəcək.

Qeyd edək ki, ötən il Cəbrayıl rayonunun Horovlu kəndinin salınması üçün əsaslandırmalara 387 min manat ayrılmışdı.

Twitter

Prezident İlham Əliyev Şuşa‒Laçın avtomobil yolunun yenidən qurulması ilə bağlı tədbirlər haqqında Sərəncam imzalayıb.

Sərəncamla qırx bir kilometr uzunluğu olan Şuşa‒Laçın avtomobil yolunun yenidən qurulması məqsədilə Azərbaycan Respublikası Prezidentinin 2023-cü il 23 yanvar tarixli 3720 nömrəli Sərəncamı ilə təsdiq edilmiş “Azərbaycan Respublikasının 2023-cü il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.25-ci yarımbəndində göstərilmiş məbləğin 6,0 (altı) milyon manatı Azərbaycan Avtomobil Yolları Dövlət Agentliyinə ayrılıb.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

Twitter

Milli Məclis 2024-cü il büdcə zərfini qəbul edib.

Milli Məclisin bu gün keçirilən iclasında 2024-cü il büdcə zərfinə daxil olan qanun toplusu müzakirə olunaraq qəbul edilib.

Parlament Azərbaycan Respublikasının 2024-cü il dövlət büdcəsinin gəlirləri 34 173 000,0 min manat, xərcləri 36 763 000,0 min manat (o cümlədən, mərkəzləşdirilmiş gəlirləri 33 399 895,0 min manat, yerli gəlirləri 773 105,0 min manat, mərkəzləşdirilmiş xərcləri 35 980 547,0 min manat, yerli xərcləri 782 453,0 min manat) məbləğində təsdiq edilməsinə səs verib.

Twitter

Gələn ildən bəzi avtomobillərin ölkəyə idxalı mümkün olmayacaq.

Xəzər TV xəbər verir ki, 2024-cü il yanvarın 1-dən 2014 və ya onlan əvvəlki dövrdə istehsal olunmuş avtomobillərin Azərbaycana idxal edilməyəcək.

Mövzu ilə bağlı danışan nəqliyyat sahəsi üzrə ekspert Yasin Mustafayev bildirib ki, bu məsələ Nazirlər Kabinetinin qərarına əsasən tənzimlənir.

Qərara əsasən artıq 2024-cü ildə istehsal ili 2014 və ya əvvəlki dövrdə olan nəqliyyat vasitələrinin ölkəyə idxalına məhdudiyyət qoyulacaq. Onun sözlərinə, bütün dünya ölkələri müasir tipli avtomobillərə keçid edir. Azərbaycan da bu prosesdən geri qalmaq istəmir.

Ekspert əlavə edib ki, istehsal ili 10 ildən çox olan avtomobillərin idxalına qoyulan qadağa bazara təsirsiz ötüşməyəcək. 2024-cü ilin ilk aylarından avtomobillərin qiymətində 5-10 faiz artımın olacağı gözlənilir.

O hesab edir ki, ölkəyə istehsal ili yeni, bir qədər ucuz avtomobillər idxal etməklə qiymət artımın qarşısını qismən almaq olar.

Twitter

Siqaret və spirtli içkilərə tətbiq edilən aksiz vergisi artırılacaq.

Bu, Vergi Məcəlləsinə növbəti dəfə ediləcək dəyişiklikdə nəzərdə tutulur.

Bəs Vergi Məcəlləsinə ediləcək bu və ya digər dəyişikliklər qiymət artımına səbəb ola bilərmi?

İqtisadçı Əyyub Kərimli bildirib ki, sözügedən dəyişiklik siqaret və içkilərdə qiymət artımına müəyyən təsirləri olacaq:

"Lakin digər ərzaq məhsullarının istehlak səbətinin qiymətinin artmasına elə bir əhəmiyyətli təsiri olmayacaq. Çünki spirtli içkilər və tütün məhsulları istehlak səbətinə daxil deyil”.

Əyyub Kərimli hesab edir ki, vergi dərəcəsinin artırılması mikrosahibkarları qeydiyyatsız işçilərlə əmək müqaviləsi bağlamağa sövq edəcək. Əks halda sahibkarlar daha çox vergi ödəməli olacaqlar. İqtisadçı Rəşad Həsənov isə belə düşünmür:

"Aksiz vergilərinin artması tütün məhsullarının və spirtli içkilərin qiymətinin artması ilə nəticələnəcək. Bu, özünü 0,5 litrlik spirtli içkilərdə 40 qəpik, bir litrliklərdə isə 80 qəpik ətrafında özünü göstərəcək.

Tütün məhsullarında isə bir paket üçün 10-15 qəpik əlavə xərc yaradacaq. Eyni zamanda sahibkarların vergi yükünün 4 dəfə artmasına səbəb olacaq”.

Ekspertin sözlərinə görə, bu da dolayı yolla qiymətlərin artmasına səbəb ola bilər. Amma bununla yanaşı, Məcəlləyə ediləcək dəyişikliklər arasında sahibkarların vergi yükünün azaldılmasına imkan verən müddəalar olduğu da bildirilir. Bunlardan biri regionlarda yerləşdirmə fəaliyyəti göstərən müəssisələrin əmlak vergisinin 75 faiz azaldılmasıdır.

Ətraflı Baku TV-nin süjetində:

Twitter