 |
|
Azərbaycan-Özbəkistan birgə müəssisəsi “Azərmaş CP” MMC tərəfindən Hacıqabul Sənaye Məhəlləsinin ərazisində investisiya həcmi 104 milyon manat olan minik avtomobillərin istehsalı kompleksi yaradılacaq.
Bunu iqtisadiyyat naziri Mikayıl Cabbarov "X" sosial şəbəkəsindəki hesabında yazıb.
Nazir qeyd edib ki, “Azərmaş CP” MMC-yə Hacıqabul Sənaye Məhəlləsinin rezidenti statusu verilib və rezidentlərin sayı 14-ə çatıb.
Şirkət tərəfindən bu istehsal kompleksində 1 200 nəfər işlə təmin ediləcək.
Prezident İlham Əliyev "Böyükşor–Pirşağı avtomobil yolunun layihələndirilməsi və tikintisi ilə bağlı tədbirlər haqqında" Sərəncam imzalayıb.
Sərəncamla Bakı şəhərində nəqliyyat sıxlığının azaldılması məqsədilə uzunluğu 12,7 km olan altı hərəkət zolaqlı Böyükşor–Pirşağı avtomobil yolunun layihələndirilməsi və tikintisi üçün Azərbaycan Respublikasının 2023-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Avtomobil Yolları Dövlət Agentliyinə ilkin olaraq 4,7 milyon (dörd milyon yeddi yüz min) manat ayrılıb.
Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin edəcək.
İqtisadiyyat Nazirliyi bu Sərəncamın 1-ci hissəsində göstərilən avtomobil yolunun tikintisinin başa çatdırılması üçün zəruri olan maliyyə vəsaitini Azərbaycan Respublikasının 2024-cü il dövlət büdcəsi layihəsində dövlət əsaslı vəsait qoyuluşu xərclərinin bölgüsündə nəzərdə tutacaq.
Nazirlər Kabineti isə bu Sərəncamdan irəli gələn məsələləri həll edəcək.
"Azərbaycan Hava Yolları" QSC-nin (AZAL) birinci vitse-prezidenti, quruma rəhbərlik edən Samir Rzayevin dəvəti ilə ofisində görüşdüm. Bu günə qədər AZAL-la bağlı publik səsləndirdiyim tənqidi məqamları, cəmiyyətdə yaranmış fikirləri Samir müəllimə dedim. Çox ətraflı və maraqlı müzakirəmiz oldu, haqlı tənqidləri qəbul etdi, bəzi mözvulara aydınlıq gətirdi.
"Bunu iqtisadçı ekspert Natiq Cəfərli deyib. O bildirib ki, vitse-prezidentlə görüşündə regionlarda olan hava limanlarının boş qalması məsələsini müzakirə edib:
"AZAL-ın bu limanlardan effektiv istifadə etməməsi şirkətə əlavə xərc və yük gətirir. Hörmətli Samir müəllim dedi ki, bütün hava limanları ilə bağlı, hətta simvolik icarə haqqına razı olmaqla xarici şirkətlərə müraciət olunub, danışıqlar gedir. Yəni, bu məsələdə AZAL-ın indiki rəhbərliyi danışıqlara da, qərar verməyə də hazırdır".
Ekspert vitse-prezidentin qiymətlərin baha olması ilə bağlı tənqidlərini normal qarşıladığını, bu yöndə ciddi işlər apardıqlarını deyib: "Bəzi aksilayaların, məsələn, Türkiyədə oxuyan tələbələrə güzəştli biletlər satılmasının artıq həll olunduğunu, bu yanaşmanın başqa ölkələrdə oxuyan tələbələrə də şamil olunması üçün işlər görüldüyünü dedi. Qiymətlərin aşağı düşməsi üçün xərclərin azaldılması proqramı olduğunu söylədi, artıq keçən illə müqaisədə xərclərin 15% aşağı salınmasına nail olduqlarını, bunun da qiymətlərə təsir etdiyini dedi. Yaxın zamanlarda yeni qiymət endirimlərinin olacağını da söylədi".
Sonda N. Cəfərli AZAL-da İctimai Şura yaradılacağını və bu qurumun işində iştirak etməyə dəvət edildiyini qeyd edib.
İşğaldan azad olunan ərazilərə əhalinin köçürülməsinin Bakıda daşınmaz əmlaka təsiri ilk növbədə nə qədər şəxsin ora köçürülməsindən asılı olacaq.Bunu Sputnik Azərbaycan-a açıqlamasında daşınmaz əmlak üzrə ekspert Elnur Azadov deyib.
"Təxmini hesablamama görə bu rəqəm 350 mindən az olmayacaq. Yaşlılar, işi olmayan gənclər, orta yaşlı təbəqə üçün ora köçüb yaşamaq maraqlı olacaq. Köç prosesi həm də həmin ərazilərdə yeni iş yerlərinin açılması, münbit şəraitin yaradılmasından asılı olacaq. Yəni işgüzar əhali üçün orada yaşamağa münbit şərait olacaqsa, onlar orda qalacaqlar" - ekspert deyib.
Köç prosesinin Bakıda mənzillərin qiymətlərinə təsirə gəlincə, ekspert bildirib ki, bu, daha çox ümumi vəziyyətdən asılı olacaq:
"Son 2-3 ildə tikinti şirkətləri qiymətləri qaldırdı ki, bu da ümumi olaraq daşınmaz əmlak bazarına təsir etdi. Hər hansı bir dəyişiklik olmazsa, qiymətlərdə ciddi şəkildə azalma gözlənilmir. Lakin kirayə qalanların sayında mühüm azalma olarsa, evsiz şəxslər Bakıdan köçüb işğaldan azad olunan ərazilərdə məskunlaşarsa, nəticə etibarı ilə təkliflər artarsa, kirayə mənzil bazarında qiymətlər azala bilər".
Daşınmaz əmlak üzrə digər ekspert Ceyhun Şıxəliyev Sputnik Azərbaycan-a bildirib ki, Bakıda yaşayan əhalinin bir qisminin işğaldan azad olunan ərazilərə köçməsi nəticəsində paytaxtda mənzillərə tələbat azalarsa, qiymətlərdə azalma gözləniləndir:
"Düşünürəm ki, bu da daha çox özünü ikinci əl evlərdə biruzə verəcək. Tikinti materiallarının qiymətini, Bakıda torpağın baha olmasını nəzərə alsaq, bazara yeni çıxarılan mənzillərin qiymətində azalmanı proqnozlaşdıra bilmərik".
Şirvan şəhəri, Naxçıvan küçəsində yerləşən 8,11 ha torpaq sahəsində 1, 2, 3, 4, 6, 17, 18 , 19, 20, 21, 22, 23, 24 və 25 nömrəli çoxmənzilli yaşayış binaları tikiləcək.
Tikinti işlərini “DDlar İnşaat” QSC və “Araz İnşaatçı” MMC konsorsiumu, “Yar İnşaat Təmir-Tikinti” MMC və “DDlar İnşaat” QSC konsorsiumu və “HN Construction” QSC həyata keçirəcək.
Mənzil İnşaatı Dövlət Agentliyinə məxsus “MİDA” MMC 2 konsorsium və 1 şirkətə müvafiq olaraq 13 582,337 min manat, 13 602,415 min manat və 20 925,123 min manat ödəniş edəcək.
“Bu yol “Şimal-Cənub” Beynəlxalq Nəqliyyat Dəhlizinin tərkib hissəsidir. Artıq həm şimaldan, həm cənubdan ölkəmizə daxil olan tranzit, həmçinin daxili yüklərin bu yol vasitəsilə rahat daşınması təmin olunacaq”.
Oxu.Az xəbər verir ki, bu barədə Azərbaycan Avtomobil Yolları Dövlət Agentliyinin mətbuat katibi Anar Nəcəfli bu gün ödənişli avtomobil yolu ilə bağlı medianın suallarını cavablandırarkən deyib.
Onun sözlərinə görə, yük və sərnişindaşıma prosesi bir qədər də asanlaşacaq:
“Bu yolun istifadəyə verilməsi ilə yeni iş yerlərinin açılması, turizmin daha da inkişaf etdirilməsi və sosial baxımdan digər bir çox sahələrin də inkişafı təmin olunacaq”.
A.Nəcəfli ödənişli yolun standartlara uyğun olaraq sürətli yol kimi inşa edildiyini və hər bir istiqamətdən xüsusi çəpərlər vasitəsilə bağlandığını qeyd edib:
“Bu yola hər hansı maneənin çıxmasının qarşısının alınması üçün görülən tədbirdir. Onu da qeyd edim ki, sürücü A nöqtəsindən B nöqtəsinə sürəti dəyişmədən eyni sürətlə hərəkət etmək imkanı qazanır. Çünki yolda təhlükəsizlik tam formada təmin edilib. Avtomobil yolu boyunca zəruri olan kamera və digər avadanlıqlar yerləşdirilib. Zərurət yarandıqca bu avadanlıqların sayının artırılması da təmin ediləcək. Ehtiyac olarsa, radarlar da quraşdırılacaq.
Yeni yol köhnə yoldan 13 km daha qısadır. Sürücü mənzil başına vaxt etibarilə də daha tez və rahat çatacaq”.
“Hazırda ödənişli yoldan istifadə qaydaları müəyyənləşdirilir. Qaydalarla yolda hərəkət üçün sürət məsələsi də təyin ediləcək”.
Oxu.Az xəbər verir ki, bu barədə Azərbaycan Avtomobil Yolları Dövlət Agentliyinin mətbuat katibi Anar Nəcəfli bu gün ödənişli avtomobil yolu ilə bağlı medianın suallarını cavablandırarkən deyib.
Onun sözlərinə görə, ödənişli yolun digər magistral yollardan daha sürətli olması planlaşdırılır.
“Ödəniş məsələsi nağd və bank kartları vasitəsilə, eləcə də onlayn formada həyata keçirilə biləcək”, - deyə A.Nəcəfli əlavə edib.
Yol-xeber.az" xəbər verir ki, Ödənişli yol sistemi istifadəçilərin hərəkətini idarə etmək, yolların baxım və təmiri üçün maliyyələşdirmə mənbəyini təmin etmək üçün bir vasitədir.
Ödənişli yoldan istifadə xüsusi çip yerləşdirilmiş kartlar vasitəsilə mümkün olacaq. Sözügedən kartları ödənişli yola giriş və çıxışlarından, yaxın gələcəkdə isə şəhər və rayonlarda müxtəlif satış nöqtələrindən əldə etmək mümkün olacaq.
Kartların 2 cür olması nəzərdə tutulub. Belə ki, yoldan daimi istifadə edənlər daimi kartlardan, yoldan vaxtaşırı istifadə edən sürücülər isə müvəqqəti və ya birdəfəlik kartlardan əldə edə biləcəklər.
Ödənişli yol sistemi avtomobil yoluna daxil olarkən sürücülərə müxtəlif hərəkət zolaqlarından istifadə imkanı verir – adi və dayanmadan keçid zolaqları.
Adi zolağa daxil olan sürücü ödəniş məntəqələrində keçid üçün xüsusi çiplə təchiz olunmuş kartı əldə edərək avtomobilin ön şüşəsinə yerləşdirir və daha sonra ödənişli yoldan istifadə etmək hüququna sahib olur.
Dayanmadan keçid zolağı isə sürücülərə ödəniş məntəqələrində sürəti endirmədən və dayanmadan keçməyə imkan verir. Bunun üçün sürücüdə öncədən əldə edilmiş xüsusi çipli kart və yetərli ödəniş balansının olması kifayətdir. Dayanmadan keçid zolaqlarında ən son texnoloji standartlara uyğun olaraq xüsusi nömrə oxuma kameraları, təhlükəsizlik kameraları, avtomobilləri klassifikasiya etməyə imkan verən avadanlıqlar və digər innovativ texnoloji həllərdən istifadə olunmuşdur.
Dayanmadan keçid zolaqları ödənişli yolun yalnız başlanğıc və son nöqtəsində, yəni Yaşma və Xaçmaz (SDK) məntəqələrində mövcuddur. Yolun Giləzi, Siyəzən, Gəndob və Xaçmaz yaşayış məntəqələrinə birləşən yolların girişində inşa edilmiş məntəqələrdə isə yalnız HİBRİD keçid zolaqları qurulub. Bu məntəqələrdə sürücülər yerində ödəniş edərək, və ya öncədən əldə edilmiş kartla eyni zolaqlardan istifadə edərək ödənişli yola daxil ola biləcəklər.
Ödənişli yoldan istifadə tarifləri yeni müəyyən olunduğu üçün hazırda həmin tariflərin ödəniş sistemində inteqrasiyası həyata keçirilir. İnteqrasiya yekunlaşdıqdan sonra ödəniş sisteminin proqram təminatı test ediləcək. Sınaqlar başa çatdıqdan sonra yol ümumi istifadəyə veriləcək. Qeyd olunan işlərin qısa müddət ərzində aparılaraq yekunlaşdırılması nəzərdə tutulur.
Gediş üçün ödənişin məbləği nəqliyyat vasitəsinin qət etdiyi məsafə, çəkisi və ay ərzində gedişlərin sayı nəzərə alınmaqla müəyyənləşdirilib.
Qeyd edək ki, bütün məntəqələrdə qabaqcıl texnoloji qurğular və təhlükəsizliyi təmin etmək üçün xüsusi nəzarət kameraları quraşdırılmışdır. Həmçinin, çəkiyə nəzarət və yolun dayanıqlığını təmin etmək məqsədilə elektron tərəzi sistemi də qurulub.
Müasir avadanlıqlarla təchiz olunmuş ödənişli yol sitemi istifadəçilərin rahatlıq, güvənlilik və vaxta qənaət baxımından üstünlüyü ilə seçilən bir yol sistemidir. Belə ki, elektron ödənişlər, mobil tətbiqlər və avtomatik ödənişlər, sürücülərin yoldan çıxıb ödəniş terminalına yaxınlaşması və ya ödənişləri nəğd etməsi ehtiyacını azaldır. Həmçinin, gələcəkdə avtomatik ödənişlər və ya QR kodları ilə mobil ödənişlər də mümkün olacaq.
Qeyd edək ki, H.Z.Tağıyev qəsəbəsindən başlayaraq tikilən 150 kilometrlik Bakı–Quba–Rusiya Federasiyası ilə dövlət sərhədi yeni avtomobil yolunun 129 kilometr hissəsi ödənişli yol kimi müəyyən edilib. Ödənişli avtomobil yolu I b texniki dərəcəlidir və hərəkət zolaqlarının sayı 4-dür.
Avtomobil yolunun ödənişli hissəsinin başlanğıc nöqtəsi və son nöqtəsi, həmçinin digər avtomobil yolları ilə 4 kəsişmə və birləşmələri mövcuddur.
Alternativ ödənişsiz avtomobil yolunun uzunluğu 142 km-dir və yolun 80 kilometri Ib dərəcəli, 62 kilometri II dərəcəlidir. Müvafiq olaraq yol 4 və 2 hərəkət zolaqlıdır.
Yeni avtomobil yolunun tikilməsi nəqliyyat xidmətlərinin daha da yaxşılaşdırması ilə yanaşı, bölgədə turizmin inkişafına əlavə təkan verəcək, respublikamızın iqtisadi maraqlarına uyğun yüklərin, o cümlədən tranzit yüklərin daha geniş cəlb olunmasına, yük həcminin çoxalmasına və gəlirlərinin artmasına, ölkəmizin nəqliyyat infrastrukturunun inkişafına, yeni iş yerlərinin açılmasına və bir çox sosial problemlərin həllinə şərait yaradacaqdır.
YOLUNUZ AÇIQ OLSUN...
Ödənişli olacaq Bakı-Quba-Rusiya dövlət sərhəddi yeni avtomobil yolu yaxın vaxtlarda istifadəyə veriləcək.
Xezerxeber.az xəbər verir ki, bu yolda giriş-çıxış nöqtələri ilə yanaşı, sürücülərə yol boyu əlavə 4 yerdə də giriş-çıxış imkanları veriləcək. Avtomobil yolları dövlət agentliyinin sözçüsü Anar Nəcəfli deyir ki, başlanğıcını Hacı Zeynəlabdin Tağıyev qəsəbəsindən götürən yolda sürücülər 23-cü km-də Giləzidən, 53-cü km-də Siyəzəndən, 85-ci km-də Gəndobdan, 107-ci km-də isə xaçmazdan giriş və ya çıxış edə biləcəklər. Onlar avtomobillərinə və getdikləri məsafəyə uyğun ödəniş edəcəklər.
Həmçinin, sürücülərin avtomobili saxlayıb ödəniş etmələrinə də ehtiyac yoxdur. Bu sistem də avtomatlaşdırılır.
Anar Nəcəfli deyir ki, yoldan istifadə edənlər xüsusi kartlar əldə edəcəklər. Onların balansını isə onlayın artırmaq mümkün olacaq.
Bakı-Quba-Rusiya dövlət sərhəddi yeni avtomobil yolunun ümumi uzunluğu 150 km-dir. Həmin yolun 129 km-lik hissəsinin ödənişli olması nəzərdə tutulur.
Mövzu ilə bağlı daha ətraflı videomaterialı təqdim edir:
Azərbaycan Respublikası Mərkəzi Bankının İdarə Heyətinin 18 oktyabr 2023-cü il tarixli Qərarı ilə məcmu kapitalının miqdarının banklar üçün müəyyən edilmiş minimum miqdarından az olduğuna, məcmu kapitalının adekvatlıq əmsalının 3 faizdən az olmasına, cari fəaliyyətini etibarlı və prudensial qaydada həyata keçirmədiyinə, habelə bankın daxili idarəetmə və nəzarət prosedurları adekvat olmadığına görə “Banklar haqqında” Azərbaycan Respublikası Qanununun 16.1.6-cı, 16.1.7-ci, 16.1.9-cu, 16.1.18-ci, 57-ci və 61.1-ci maddələrinə əsasən “Muğan Bank” ASC-nin lisenziyası 19 oktyabr 2023-cü il tarixindən etibarən ləğv edilmiş, banka müvəqqəti inzibatçı təyin edilmiş və bankın müflisləşmə yolu ilə ləğv edilməsi barədə məhkəməyə müraciət olunmuşdur.
Mərkəzi Bankın İdarə Heyətinin yuxarıda qeyd olunan qərarı ilə “Muğan Bank” ASC-yə müvəqqəti inzibatçının təyin olunması ilə əlaqədar “Muğan Bank” ASC-nin idarә olunması üzrә bütün sәlahiyyәtlәr, o cümlәdәn bank sәhmdarlarının ümumi yığıncağının sәlahiyyәtlәri müvәqqәti inzibatçıya keçmişdir.
“Muğan Bank” ASC-nin ölkənin bank sisteminin aktivlərində xüsusi çəkisi 1,4%, kredit portfelində 2%, sektorun öhdəliklərində isə cəmi 1,3% təşkil edir. “Muğan Bank” ASC-nin bank lisenziyasının ləğvi bank sektorunun maliyyə dayanıqlığı və maliyyə sabitliyinə heç bir təhdid yaratmır.
Bildiririk ki, “Muğan Bank” ASC Əmanətlərin Sığortalanması Fonduna (Fond) üzv bankdır və əhalinin bu bankda sığortalanmış əmanətləri üzrə kompensasiyalar Fond tərəfindən qanunvericiliyə müvafiq qaydada ödəniləcəkdir. “Muğan Bank” ASC-nin digər öhdəlikləri məhkəmə tərəfindən təyin olunacaq ləğvedici tərəfindən qanunvericiliyə müvafiq qaydada tənzimlənəcəkdir. Bank tərəfindən Fonda təqdim olunmuş hesabatlara əsasən 2023-cü ilin III rübünün sonuna Bank üzrə sığortalanmış (kompensasiya olunan) əmanətlər 216,7 mln. manat təşkil edir. Qeyd edək ki, Bankın əmanətçilərinin say etibarı ilə 99,9%-nin əmanətləri kompensasiya olunacaqdır.