 |
|
Noyabrın 21-i saat 22:10-dan saat 23:25-dək Ermənistan silahlı qüvvələrinin bölmələri Basarkeçər rayonunun Günəşli, Tovuzqala rayonunun Çinarlı yaşayış məntəqələri istiqamətlərində yerləşən mövqelərindən Azərbaycan Ordusunun Daşkəsən rayonunun Astaf və Tovuz rayonunun Koxanəbi yaşayış məntəqələri istiqamətlərində yerləşən mövqelərini müxtəlif çaplı atıcı silahlardan fasilələrlə atəşə tutub.
Bu barədə Azərbaycan Müdafiə Nazirliyindən məlumat verilib.
Bundan başqa Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstəsinin üzvləri tərəfindən Ordumuzun Xocavənd və Füzuli rayonları istiqamətlərində yerləşən mövqeləri də noyabrın 21-i saat 16:50-dən noyabrın 22-si saat 01:05-dək fasilələrlə atəşə tutulub.
Qeyd olunan istiqamətlərdə yerləşən bölmələrimiz tərəfindən adekvat cavab tədbirləri görülüb.
Lənkəran rayonunda məktəbli naməlum şəxslər tərəfindən döyülüb.
Report məlumatına görə, hadisə ötən gün axşam saatlarında qeydə alınıb.
Belə ki, Viyən kənd tam orta məktəbinin XI sinif şagirdi, 2006-cı il təvəllüdlü Qədirov İsmət Amil oğlu naməlum şəxslərin hücumuna məruz qalıb.
O, Lənkəran Mərkəzi Xəstaxanasınin reanimasiya şöbəsinə yerləşdirilib.
Şagirdin vəziyyəti orta-ağır kimi qiymətləndirilir.
Faktla bağlı araşdırma aparılır.
Bakıda sübh saatlarında ağır yol qəzası baş verib.
Bildirilir ki, qəzaya uğrayan avtomobil N.Mənsimliyə məxsus olub və həmin vaxt nəqliyyat vasitəsini onun dostu Xəlil idarə edirmiş.
Vəfat edən 28 yaşlı N.Mənsimli, tanınmış coğrafiyaçı alim Mirzəxan Mənsimovun oğludur. Mirzəxan Mənsimov həm də "İqlim" MMC şirkətinin rəhbəridir.
"Azərbaycan Ordusu Ermənistan bölmələrinə atəş açmayıb".
Bu barədə Müdafiə Nazirliyindən bildirilib.
"Azərbaycan Ordusunun bölmələri tərəfindən guya noyabrın 20-si saat 21:00-da Ermənistan silahlı qüvvələrinin bölmələrinin mövqeləri istiqamətində atəş açılması ilə bağlı qarşı tərəfin yaydığı məlumat tamamilə yalandır, həqiqəti əks etdirmir. Ermənistan müdafiə nazirliyinin yaydığı bu məlumatı qəti surətdə təkzib edirik", - məlumatda qeyd edilib.
Dəfələrlə qeyd etdiyimiz kimi, sülhü istəyənə, onu qoruyana “sülhməramlı qüvvə” deyilir. İki il öncə Azərbaycanın rus sülhməramlıların Qarabağa gətirilməsinə razı olmasında məqsəd sülhün təmini, Ermənistanın hərbi birləşmələrinin və erməni terrorçularının oradan çıxarılması idi.
Bu sözləri Axar.az-a rus sülhməramlıların müvəqqəti yerləşdiyi Azərbaycan ərazisindəki qanunsuz erməni silahlı birləşmələrinin üzvlərinin Ağdam və Xocalı rayonları ərazilərində döyüş mövqelərinin möhkəmləndirilməsi üçün mühəndis işləri aparması haqqında danışan Türkiyənin ölkəmizdəki keçmiş hərbi attaşesi general Yücel Karauz deyib.
Generalın sözlərinə görə, sülhməramlılar onlara olan inam və etibarı itirib:
“İkinci Qarabağ müharibəsi zamanı Vladimir Putin Ermənistanın KTMT-yə müraciətinə Qarabağın Azərbaycanın suveren ərazisi olduğunu və heç bir dövlətin ərazisinə hücum edilmədiyi cavabını verməsini hamımız xatırlayırıq. Ortada imzalanmış 10 noyabr bəyanatı var. Əfsus ki, rus sülhməramlılar nə Ermənistanın hərbi birləşmələrini, nə terrorçuları Qarabağdan çıxardı, nə də təxribatların, terror fəaliyyətinin qarşısını aldı. Onlar sülhə töhfə verəcək fəaliyyət göstərə bilmədi. Terrorçuların hansısa bir ölkənin ərazisində özünə səngər qazması, müdafiəyə hazırlaşması, döyüş hazırlığı görməsi qəbuledilməzdir. Yəni bunu etmək nə Azərbaycanda, nə Rusiyada, nə də Fransada mümkündür. Rusiya dövləti öz ərazisində hansısa silahlı birləşmələrin, terrorçu dəstələrin göz görə-görə fəaliyyətinə razı olarmı? Əlbəttə ki, yox. Sahib olduğu ərazidə öz suverenliyini və toxunulmazlığını qorumaq beynəlxalq hüququn, milli dövlətçiliyin əsas şərtlərindəndir. Azərbaycan da eyni məntiqlə hərəkət edərək bu təxribatın qarşısını alıb və bundan sonra da alacaq. Sülhməramlılardan gözlənilən erməni terrorçuları və Ermənistan hərbi birləşmələrini son nəfərinədək Azərbaycanın ərazisindən çıxarmaqdır”.
Dünən Azərbaycan Qoşunlarının Radioelektron mübarizə bölmələri Rusiya istehsalı olan “Orlan-10” PUA-sını Qarabağda endiriblər.
Oxu.az xəbər verir ki, bu barədə Ermənistanın “Telegram” kanalları məlumat yayıb.
Mənbənin sözlərinə görə, kəşfiyyat xarakterli pilotsuz uçuş aparatı sülhməramlıların məsuliyyət zonasında, Azərbaycan mövqeləri yaxınlığında zərərsizləşdirilib, bundan sonra separatçılar tərəfindən aşkar edilib.
Noyabr ayının 15-də saat 19:20-də Dövlət Sərhəd Xidmətinin (DSX) Sərhəd Qoşunlarının “Horadiz” sərhəd dəstəsinin Zəngilan rayonunun Baharlı kəndi yaxınlığında yerləşən sərhəd zastavasının xidməti ərazisində narkotik vasitələrin qaçaqmalçılıq yolu ilə İran İslam Respublikasından Azərbaycana keçirilməsinin qarşısı alınıb.
Bu barədə DSX-nin Mətbuat Mərkəzindən məlumat verilib.
Keçirilən sərhəd axtarışı və əməliyyat tədbirləri nəticəsində Araz çayının sahilində gizlədilən 1 ədəd bağlamanın içərisində təxmini çəkisi 8 kiloqram 500 qram narkotik vasitəyə bənzər maddə (marixuana) aşkar olunaraq götürülüb,
Faktlar üzrə əməliyyаt-istintaq tədbirləri dаvаm еtdirilir.
İqtisadiyyat Nazirliyi yanında Əmlak Məsələləri Dövlət Xidməti Dövlət Təhlükəsizliyi Xidmətinin (DTX) Beyləqan Ərazi Dövlət Kadastrı və Daşınmaz Əmlakın Reyestri İdarəsində keçirilən əməliyyat barədə açıqlama verib.
Xidmətdən oxu.az-ın sorğusuna cavab olaraq bildirilib ki, vətəndaşların və sahibkarların əmlak hüquqlarının, qanuni maraqlarının qorunması, fəaliyyətində şəffaflığın artırılması və korrupsiyaya şərait yaradan halların qarşısının alınması məqsədilə İqtisadiyyat Nazirliyi yanında Əmlak Məsələləri Dövlət Xidməti tərəfindən sistemli və davamlı tədbirlər həyata keçirilir:
“Əməkdaşlarının fəaliyyətinin qanunvericiliyin tələblərinə uyğun təmin edilməsi, neqativ halların aradan qaldırılması Dövlət Xidmətinin fəaliyyətində prioritet hesab edilir.
ƏMDX korrupsiya ilə əlaqədar hüquqpozmaların aşkar edilməsi, qarşısının alınması və nəticələrinin aradan qaldırılması istiqamətində hüquq-mühafizə orqanları ilə sıx əməkdaşlıq edir. Qeyd edək ki, son illərdə Dövlət Xidmətinin bəzi əməkdaşlarının cinayət məsuliyyətinə cəlb olunması istiqamətində hüquq-mühafizə orqanları ilə birgə tədbirlər həyata keçirilib.
Kütləvi informasiya vasitələrində Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri publik hüquqi şəxsin Beyləqan Ərazi idarəsinin əməkdaşının saxlanılması xəbəri ilə bağlı bildiririk ki, yol verilən qanun pozuntusu barədə Xidmətə daxil olmuş məlumatlar hərtərəfli və obyektiv araşdırılması üçün aidiyyəti hüquq-mühafizə orqanına təqdim edilib. Hazırda araşdırma aparılır.
Aparılan araşdırmanın qərəzsizliyinin və barələrində təhqiqat aparılan şəxslərin hüquqlarının təmin edilməsi, hal-hazırda təhqiqat prosesinin fəal fazada olmasını, həmçinin təqsirsizlik prezumpsiyasını əsas götürərək araşdırmanın gedişatı barədə rəsmi məlumatın səlahiyyətli orqanından gözlənilməsini məqsədəuyğun hesab edirik. Hazırkı məqamda ƏMDX tərəfindən əlavə şərhlərin verilməsi nəzərdə tutulmur”.
Qeyd edək ki, ötən gün DTX-nın İqtisadiyyat Nazirliyi yanında Əmlak Məsələləri Xidmətinin Beyləqan Ərazi Dövlət Kadastrı və Daşınmaz Əmlakın Reyestri İdarəsində əməliyyat keçirildiyi barədə məlumat yayıldı.
İqtisadiyyat Nazirliyi yanında Əmlak Məsələləri Dövlət Xidməti Beyləqandakı əməliyyatla bağlı məlumat yayıb.
Dövlət Xidmətindən daxil olan məlumatda deyilir:
"Vətəndaşların və sahibkarların əmlak hüquqlarının, qanuni maraqlarının qorunması, fəaliyyətində şəffaflığın artırılması və korrupsiyaya şərait yaradan halların qarşısının alınması məqsədilə İqtisadiyyat Nazirliyi yanında Əmlak Məsələləri Dövlət Xidməti tərəfindən sistemli və davamlı tədbirlər həyata keçirilir.
Əməkdaşlarının fəaliyyətinin qanunvericiliyin tələblərinə uyğun təmin edilməsi, neqativ halların aradan qaldırılması Dövlət Xidmətinin fəaliyyətində prioritet hesab edilir. Əmlak Məsələləri Dövlət Xidməti korrupsiya ilə əlaqədar hüquqpozmaların aşkar edilməsi, qarşısının alınması və nəticələrinin aradan qaldırılması istiqamətində hüquq-mühafizə orqanları ilə sıx əməkdaşlıq edir.
Qeyd edək ki, son illərdə Dövlət Xidmətinin bəzi əməkdaşlarının cinayət məsuliyyətinə cəlb olunması istiqamətində hüquq-mühafizə orqanları ilə birgə tədbirlər həyata keçirilib.
Kütləvi informasiya vasitələrində Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri publik hüquqi şəxsin Beyləqan Ərazi idarəsinin əməkdaşının saxlanılması xəbəri ilə bağlı bildiririk ki, yol verilən qanun pozuntusu barədə Xidmətə daxil olmuş məlumatlar hərtərəfli və obyektiv araşdırılması üçün aidiyyəti hüquq-mühafizə orqanına təqdim edilib. Hazırda araşdırma aparılır.
Aparılan araşdırmanın qərəzsizliyinin və barələrində təhqiqat aparılan şəxslərin hüquqlarının təmin edilməsi, hazırda təhqiqat prosesinin fəal fazada olmasını, həmçinin təqsirsizlik prezumpsiyasını əsas götürərək araşdırmanın gedişatı barədə rəsmi məlumatın səlahiyyətli orqanından gözlənilməsini məqsədəuyğun hesab edirik. Hazırkı məqamda Əmlak Məsələləri Dövlət Xidməti tərəfindən əlavə şərhlərin verilməsi nəzərdə tutulmur".
Məlum olduğu kimi, ötən gün Xırdalanda “AAAF” Park Yaşayış kompleksində partlayış baş verib. Hadisə nəticəsində 3-ü azyaşlı olmaqla 4 nəfər yaralanıb. Partlayışın təsirindən evin divarı həyətə aşıb, yaxınlıqda parklanmış avtomobillərə ciddi ziyan dəyib. İlkin ehtimala görə, partlayışa səbəb qaz sızmasıdır.
Hadisə baş verəndən sonra sözügedən yaşayış kompleksinin sakinləri sosial şəbəkələrdə uzun müddətdir qaz problemindən əziyyət çəkdiklərini xatırladıblar.
Onların bildirdiyinə görə, binalara verilən qazın təzyiqi oynayır, qaz qəfildən artıb-azalır, sönür-yanır. Vətəndaşların sözlərinə görə, bu problemlə bağlı "Azəriqaz" İstehsalat Birliyi də daxil olmaqla, bütün aidiyyəti qurumlara dəfələrlə şikayət olunsa da, heç bir tədbir görülməyib. Sakinlər iddia edirlər ki, ötəngünkü hadisə də məhz bu səbəbdən yaşanıb və növbəti dəfə başqa binada bənzər halın baş verəcəyi istisna deyil.
Problemlə əlaqədar "Azəriqaz" İstehsalat Birliyi ilə əlaqə saxladıq. Qurumdan sorğumuza cavab olaraq bildirildi ki, həmin kompleksdə qazla bağlı hər hansı ciddi problem olmayıb: “Noyabrın 15-dən qış rejiminə keçilib. Bu rejimə keçəndə də qazın təzyiqini yoxlayırıq. Təzyiq normaya salınandan sonra mütəmadi o təzyiq altında qaz verilir. Həmin kompleksdə qazda ciddi problem olmayıb.
Əgər 3-4 gündür bu problem var idisə, partlayış niyə dünən baş verib? Bunun partlayışa heç bir dəxli yoxdur, partlayış sızma ilə bağlıdır. Həmin ailə mətbəxi eyvana keçirib. Bu, təzyiq nəticəsində partlayış deyil, sızma halıdır”.