 |
|
Ekspert yol nəqliyyat hadisələrinin bəzilərinin intihara söykəndiyini vurğulayıb
"Yol nəqliyyat hadisələri ilə bağlı açılan cinayət işlərində müstəntiqlər, təhqiqatçılar işə düzgün yanaşmır, məsələyə pul gözü ilə baxırlar”. Bunu Qaynarinfo-ya açıqlamasında nəqliyyat ekspert Elməddin Muradlı yol nəqliyyat hadisələrində piyadaların rolundan danışarkən deyib. O bildirib ki, piyadanın kamera görüntüsünü aşkarlayıb məsuliyyətə cəlb etmək üçün texniki imkanlar yoxdur: "Bu günlərdə biz təhlükəsiz şəhər kameraları ilə qeydə alınan yol nəqliyyat hadisələrini əks etdirən iki videoçarx hazırladıq. Onların hər ikisində piyadaların səhvi ücbatından yol nəqliyyat hadisəsi baş verib. Bu görüntülər açıq şəkildə göstərir ki, qəzanın səbəbkarı piyadadır. Amma elə bir texniki vasitə yoxdur ki, piyadanı kamera görüntüsü ilə aşkarlayıb məsuliyyətə cəlb eləsinlər. Məsələn, orada iki sürücü mübahisə edir, baxırlar ki, piyada yoxdur, gedib. Elə bir mükəmməl texnologiya lazımdır ki, piyadaların üz cizgiləri əsasında onun kimliyini müəyyənləşdirmək mümkin olsun. Bu, hətta Cinayət Məcəlləsində də öz əksini tapıb. Yol nəqliyyat hadisəsi nəticəsində zərərçəkən şəxsin sağlamlığına ağır və yaxud az ağır xəsarət dəyərsə, o zaman piyada cinayət məsuliyyəti daşıyır. Sadəcə olaraq, bugünkü qanunvericiliyi dərindən öyrənmək və tətbiq etmək lazımdır. Çox təəssüf... Son illərin təcrübəsi göstərir ki, adətən yol nəqliyyat hadisələrində piyadavurmalarda sürücülər məsuliyyətə cəlb olunur. Cəlb olunmasa belə, baş verən hadisə onun həyatı bahasına başa gəlir. Sürücü var-dövlətini satır, nəyi varsa əlindən çıxır, sonda ailə-uşaq qarşısında da başıaşağı olur. Və bundan sonra həbsdən canını qurtarır. Məsələn, bir avtomobil sürət həddini aşır, sürücü kobud surətdə qaydaları pozur, sağ-sol manevrlər edir və nəticədə başqa bir avtomobilə dəyib ölür. Belə hadisələrdə bəzən polis onu vuran avtomobilin sürücüsünü məsuliyyətə cəlb edir. Deyir ki, "onu sən öldürdün”. O, öz yolu ilə gedirsə, niyə məsuliyyətə cəlb olunmalıdır? Başqa faktlar var. Məsələn, müstəntiqlər sürücülərə psixoloji təsir edir. Deyirlər ki, "get ailənlə sağollaş, sənədlərini gətir, həbsə hazır ol” və s... Belə yollarla sürücülərə təsir göstərirlər. Belə olmaz, insan həyatıdır. Müstəntiq kimdir ki, insan həyatı ilə oynasın. Sənə bu haqqı kim verib? Azərbaycanda piyadavurma hadisələrində 97 % sürücü məsuliyyət daşıyır, piyadalar günahkar sayılmır”.
Elməddin Muradlı təəssüf hissi ilə qeyd edib ki, yol nəqliyyat hadisələrində müstəntiqlər, təhqiqatçılar işə düzgün yanaşmır: "Məsələyə pul gözü ilə baxırlar, qazanc mənbəyi güdürlər. Anlamırlar ki, günahsız bir insanın həyatını puç edirlər. Hər bir halda piyadanın günahı var. Onların günahını məsuliyyətdən kənar saxlamaq qanun pozuntusudur”.
Ekspert yol nəqliyyat hadisələrinin bəzilərinin intihara söykəndiyini vurğulayıb: "Bəzi piyadaların da intihar məqsədi ilə yola çıxdığı hallar var. Əgər piyadavurma hadisələrində düzgün təhli aparılsa, piyadaların intihar hallarına rast gəlmək olar. Müstəntiqlər bir tərəfdən, ölənlərin yaxınları digər tərəfdən insanların həyatı ilə oynayır. Hadisə obyektiv araşdırılsa, nə sürücü həbs olunar, nə də onun yaxınlarından pul tələb etmək olar”.
Cənub-qərb küləyi əsəcək, ayrı-ayrı yerlərdə arabir güclənəcək
Azərbaycanda sabaha müşahidə olunacaq hava şəraiti açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən Yol-xeber.az-a verilən məlumata görə, Bakıda və Abşeron yarımadasında fevralda 28-də havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Səhər bəzi yerlərdə zəif duman olacaq. Cənub-qərb küləyi arabir güclənəcək. Havanın temperaturu Abşeron yarımadasında gecə 5-8, gündüz 10-14, Bakıda gecə 5-7, gündüz 11-13 dərəcə isti olacaq.
Atmosfer təzyiqi 761 mm civə sütunundan 755 mm civə sütununa enəcək, nisbi rütubət gecə 70-80, gündüz 45-50 faiz olacaq.
Azərbaycanın rayonlarında sabah hava əsasən yağmursuz keçəcək. Gecə və səhər bəzi yerlərdə duman olacaq. Cənub-qərb küləyi əsəcək, ayrı-ayrı yerlərdə arabir güclənəcək.
Havanın temperaturu gecə 2-7, gündüz 14-19 dərəcə isti, dağlarda gecə 3 dərəcə şaxtadan 2 dərəcəyədək isti, gündüz 8-13 dərəcə isti olacaq.
Tibbi-meteoroloji proqnoza gəlincə, fevralın 28-də Abşeron yarımadasında arabir güclənən gilavar küləyinin əsəcəyi gözlənilir ki, bu da meteohəssas insanlarda narahatlıq yarada bilər.
Bir qrup azərbaycanlı İrəvanda çəkiliş aparıb.
Oxu.24 xəbər verir ki, görüntülərdə Ermənistan paytaxtının zəif işıqlandırılması, dağılmaq təhlükəsi altında olan yaşayış binaları əksini tapıb.
“Biz indi qədim Azərbaycan şəhəri olan İrəvandayıq. Uşaqlar, sevimli Bakımızdan fərqli olaraq, sizdə zəif işıqlandırılma var. Erməni xüsusi xidmət orqanları, nədənsə, çox pis işləyirsiz. Bu kimdir? (qarşıdakı heykəli göstərir - red) Hətta işıqlandırmırlar ki, bunun kim olduğunu bilək”, - deyə videoda qeyd olunub.
Bu günə gözlənilən hava proqnopzu açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamenti xəbər verir ki, fevralın 27-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Səhər bəzi yerlərdə zəif duman olacaq. Cənub-qərb küləyi arabir güclənəcək. Havanın temperaturu Abşeron yarımadasında gecə 5-7, gündüz 9-12, Bakıda gecə 5-7, gündüz 10-12 dərəcə isti olacaq.
Atmosfer təzyiqi normadan yüksək 768 mm civə sütunundan 764 mm civə sütununa enəcək, nisbi rütubət gecə 70-80, gündüz 50-55 faiz olacaq.
Azərbaycanın rayonlarında hava əsasən yağmursuz keçəcək, gecə və səhər bəzi yerlərdə duman olacaq. Cənub-qərb küləyinin arabir güclənəcəyi gözlənilir. Havanın temperaturu gecə 1-6, gündüz 12-17 dərəcə isti, dağlarda gecə 2-5 dərəcə şaxta, gündüz 3-8 dərəcə isti olacaq.
Fevralın 27-28-də Abşeron yarımadasında arabir güclənən gilavar küləyinin əsəcəyi gözlənilir ki, bu da meteohəssas insanlarda narahatlıq yarada bilər.
Bütün kirləri yuyaraq borucuqların təmizlənməsi və tıxaclarla mübarizə aparır
Çox sayda forum və reklamlar, yanacaq çəninə tökmək üçün nələr təklif etmirlər ki: broşura: başa düşülən tərkiblərdən tutmuş fenomenal zəhərli bitki tərkibli mayelərədək. Və hamısı birinə görə; sadiq "dəmir at" mümkün qədər uzun müddət həkim istəməsin. Avtosfer.az portalı artıq aseton, spirt və çoxsaylı əlavələr haqqında yazıb, bu gün isə növbə kerosinindir.
Dizeldən istifadə edənlər çiyinlərini çəkəcəklər: nə olub ki? Zamanla Я-5 "Kocu" - ilk Sovet ağır yanacaqlı yük avtomobilinə polşalı Lukaseviçin sürücüləri yanacaq çənlərinə tökürdülər. Tək bir məqsədlə tökürdülər: yanacağın donmaması üçün. Zamanla nisbətlər 50-yə 50-dən - 1-dən 10-a qədər dəyişdi, amma mənası əvvəlkitək qalırdı: əgər dizel yanacağına kerosin əlavə olunarsa, avtomobil istənilən şaxtada hərəkətdə olmalıdır. Ancaq benzinlə işləyən bir avtomobilə gəldikdə?..
Bu həqiqət üçün layiqli bir izahat var: yerli benzin heç vaxt yüksək keyfiyyəti ilə fərqlənməyib. Sözün məcazi mənasında partlayıcını yanacaq çənlərinə tökərək, dinamikanın pisləşdiyini, gücün düşməsini və bir çox digər avtomobil problemlərini hiss edirlər. Və dərhal onlarla mübarizə aparmağa başlayırlar.
Daha zəngin olanlar tələsik dərhal bütün problemləri aradan qaldıracaq və hətta çiyələk kimi qoxuyacaq "qabdakı sehr"i almaq üçün dükanlara qaçırlar. Problemin mahiyyətini anlamağa qərar verənlər xarici bankı çevirəcək və mürəkkəb dövriyyənin ağrılı şəkildə tanış olan bir sözünü tapacaqlar - kerosin.
Həqiqətən, kerosin yanacaq sistemindən bütün kirləri yuyaraq borucuqların təmizlənməsi və tıxaclarla mübarizə aparır. Sonacan səmimi olmaq üçün kerosinə heç bir əlavəyə ehtiyac yoxdur - əsas odur ki, borucuqlar bu partlayıcı gücdən sağ çıxsınlar.
Həmişə olduğu kimi, hər hansı bir möcüzənin əks tərəfi var: birincisi, yanacaq çəninə kerosin əlavə etməyi hissələrə bölmək lazım deyil. Bunu altı ayda bir etmək kifayətdir. İkincisi, ilk - sınaq vaxtı xüsusilə diqqətli olmaq lazımdır. Məsələ burasındadır ki, kerosin - yalnız borucuqlardan və yanacaq xəttindən çöküntüləri təmizləməklə yanaşı, illərdir yanacaq çənində yığılmış bütün çirkləri də qaldıracaqdır. Və nəinki qaldıracaq, həm də birbaşa müqəddəslər müqəddəsi - mühərrikə göndərəcəkdir. Bundan kimin yaxşılaşacağı böyük bir sual altındadır, buna görə kerosinlə təcrübə etməzdən əvvəl, yanacaq çənini çıxartmalı və yaxalamalısınız. Yeri gəlmişkən, həmin vasitə ilə mümkündür.
Növbəti onlayn cəmiyyətdə yüksək səslə ifadə olunan "baba" metodlarını tətbiq etməzdən əvvəl nəticələrini diqqətlə ölçməlisiniz: ötən əsrdə Jiquli və Moskviç mühərriklərinə tökülən kerosini müasir, yüksək texnoloji mühərrikə tökməyə dəyərmi? Yanacaq xəttindən və həmin "Volqa"nın "qazanları"ndan vedrə keçə bilərdi - heç kim diqqət etməzdi. Ancaq istehsalçının özü üç il qiymətləndirdiyi yeni bir xarici avtomobilin kövrək borucuğu bu yanaşmanı qiymətləndirə bilməz. Hər şey həddində olduqda, bütün vasitələr yaxşıdır.
Bu gün Azərbaycanda gözlənilən hava şəraiti açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən Bakıda və Abşeron yarımadasında fevralda 26-da havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Gecə və səhər bəzi yerlərdə duman, çiskin olacaq. Gün ərzində mülayim cənub küləyi əsəcək. Havanın temperaturu Bakıda və Abşeron yarımadasında gecə 4-6, gündüz 8-10 dərəcə isti olacaq.
Atmosfer təzyiqi 763 mm civə sütunundan 768 mm civə sütununa yüksələcək, nisbi rütubət gecə 70-80 , gündüz 45-50 faiz olacaq.
Azərbaycanın rayonlarında sabah hava əsasən yağmursuz keçəcək, lakin gecə və səhər bəzi yerlərdə yağış, dağlıq ərazilərdə qar yağacağı gözlənilir. Arabir duman olacaq. Qərb küləyi əsəcək, gündüz ayrı-ayrı yerlərdə arabir güclənəcək.
Havanın temperaturu gecə 0-5, gündüz 8-13 dərəcə isti, dağlarda gecə 0-5 dərəcə şaxta, gündüz 2-7 dərəcə isti olacaq.
Tibbi-meteoroloji proqnoza gəlincə, fevralın 26-da Abşeron yarımadasında meteoroloji amillərin zəif və mülayim tərəddüdü gözlənilir ki, bu da əksər meteohəssas insanlar üçün əsasən əlverişlidir.
Bu istər DYP vaxtında, istərsə də BNA vaxtında problem olaraq qalıb
Bir neçə gün əvvəl Bakı Nəqliyyat Agentliyinin İdarə heyətinin sədri Vüsal Kərimli paytaxtda nəqliyyatın intensiv hərəkətini təmin etmək üçün ciddi iş aparıldığını bildirib. Lakin dayanma durma nişanlarının bəzən zərurət olmadığı yerlərdə, ictimai nəqliyyatın hərəkət etmədiyi genişzolaqlı küçələrdə qoyulması sürücülərin ciddi narahatlığına səbəb olur.
Yol-xeber.az Baku.Tv-yə istinadən xəbər verir ki, cərimələrdən bezən sürücülər, öncə avtomobilləri park etmək üçün müvafiq yerlərin olmasını tələb edir. Yalnız bundan sonra qaydanı pozan sürücülər cərimələnməlidir.
Sürücüləri cana yığan parkinq problemi. Hamının haqqlı narazılığı paytaxtda bir çox küçə və prospektlərdə eləcə də indi olduğumuz Bəsti Bağırova küçəsində dayanma-durma qadağındır nişanının olması, əvəzində isə avtomobilləri park etmək üçün lazımi parkinqlərin olmamasıdır. Nəzərə alsaq ki, 5-6 hərəkət zolaqlı bu yoldan ictimai nəqliyyat keçmir, əlavə olaraq bu ərazidə xəstəxana, yaşayış və ofislər binaları yerləşir. Bəs nə üçün sürücülər üçün parkinqlər yaradılmır? Sürücülər öz avtomobillərini harada saxlamalıdır.
“Bu ərazidən ictimai nəqliyyat keçir? Xeyr, keçmir. Dayananda da gəlib nəqliyyat şəkil çəkir. İmkan vermirlər bizə, biz də dolana bilmirik. Vəziyyətimiz də çox çətindir”, - deyə sakin narazılıq edir.
Eyni mənzərəni Süleyman Ələsgərov küçəsində də görmək mümkündür. Belə ki, bu ərazidə də parkinqlərin olmaması səbəbindən sürücülər məcbur qalaraq maşınları qadağan olunmuş ərazidə saxlayırlar. Sakinlər bildirir ki, məhəllə daxilində bu işarəyə ehtiyac yoxdur.
Həmin küçədə yaşayan sakin hesab edir ki, hər yerdə durma, dayanma qadağan nişanının qoyulması insanlara əziyyət verir.
“Bizi incidirlər. Onun üçündə yaxşı olardı ki, şəhərin mərkəzində müəyyən yerlərdə parkinqlər olsun. Bu küçə heç nəyə mane olmur. Maşınların intensiv işlədiyi bir küçə deyil. Saxlayır hamı işdədi, normal da tənzimlənir“, - deyə digər bir sakin əlavə edir.
“Əziyyət çəkirik girirsən aptekə 10 manata dərman alırsan, çıxırsan 20 manat BNA-a cərimə ödəyirsən. Bəs bu maşını harada saxlayaq biz? Məhlədi də kimə narahatlıq yaradır? Avtobus da keçmir”, - deyə sürücülərdən biri gileylənir.
Parkinq Problemini Qutqaşınlı küçəsində də görmək mümkündür. Burada da sürücülər parkinq olmadığı üçün öz avtomobillərini qadağan olunmuş ərazidə saxlayırlar.
“Burada yaşayıram, bunu mən saxlamalıyam da evimə gəlmişəm. Harada saxlamalıyam? 2 km. uzaqda saxlayıb uşaqla bura gəlməliyəm?” - deyə sakin narazılıq edir.
Ekspert Elməddin Cəfərli deyir ki, paytaxtda ən çox parkinq problemi əsasən xəstəxanaların, şadlıq evlərinin, məktəblərin ətrafında müşahidə olunur.
“Bu gün elə yerlər var ki, orada saat 7-dən sonra avtomobillər rahat bir cərgə səkiyə paralel və ya perpendikulyar park eləyə bilərlər. Heç kimə də mane olmurlar. Amma görürsüz avtomobil evakuasiya olunur, sürücüyə cərimə yazılır. Buna nə ehtiyac var!? Şəhərin elə küçə və prospektləri var ki, orada heç 1 dəq ərzində 50-60 maşın ancaq hərəkət edir. Əgər belə intensivlik yoxdursa 2-3 zolaqlı yoldusa, burada sağda-solda 1 cərgəlik parkinqə icazə vermək nə çətin şeydir ki? Bu istər DYP vaxtında, istərsə də BNA vaxtında problem olaraq qalıb“.
Görünən odur ki, paytaxtda əlavə parkinq yerlərinin salınması zərurətdir. Ekspertlər bildirir ki, Bakı Nəqliyyat Agentliyi ən qısa zamanda araşdırma aparmalı, şəhərdə quraşdırılmış nişanları yenidən nəzərdən keçirməlidir.
Böyük Britaniyanın paytaxtı Londonda həmvətənlərimiz Xocalı soyqırımını anıblar.
Bir qrup azərbaycanlı Londonda yerləşən Ermənistan səfirliyinin qarşısında etiraz aksiyası keçiriblər.
Aksiya zamanı xüsusilə Londonda yaşayan həmyerlilərimiz Nigar Abbasova, Ruslan Abbasov və onların 5 yaşlı övladı Xədicə Xocalı soyqırımını törədənləri qınayıb, müxtəlif şüarlar səsləndiriblər.
Türkiyənin "gecce.com" saytında "Survivor 2020-nin qalibi kim olacaq?” başlığı ilə sorğu keçirilib.
23% səslə yarışmada iştirak edən Cemal Can Cansevən 1-ci olub.
2-ci yeri 11,9% səslə dəfələrlə dünya çempionu olan “Kobra” ləqəbli kikboksçumuz Pərviz Abdullayev, 3-cü yeri isə 9,6% səslə Mərt Öcal tutub. (axşam.az)
Sürücülərin əl atdığı bu üsul qəzaya səbəb olan əsas amillərdəndir
Bəzi sürücülər avtomobilin arxa yaylarını qaynaq etdirərək idarə edirlər. Bununla avtomobilin arxa hissəsi aşağı olur və onlar belə zənn edirlər ki, maşın belə olan halda daha yaxşı görünür. Bəzən isə hansısa detalı dəyişmək əvəzinə onu qaynaq yolu ilə bərpa etməyə üstünlük verirlər. Lakin ustalar bunun çox təhlükəli olduğunu bildirir.
Bakıda bəzi sürücülərin əl atdığı bu üsul qəzaya səbəb olan əsas amillərdəndir. Ustalar deyir ki, gənclər avtomobilin arxa hissəsini aşağı göstərmək üçün ustalara avtomobilin yaylarını qızdıraraq aşağı saldırırlar. Bu dəb isə son illər yaranıb.
Sürücülər də şəhərdə belə avtomobillərin çox olduğunu bildirir. Etiraf edirlər ki, bu təhlükəlidir.
Avtomobil ustası Sahil Ağabəyli bildirir ki, bəzən sürücülər ucuz başa gəlsin deyə bəzi detalları qaynaq etdirərək büdcələrinə qənaət etməyə çalışır. Və yaxud hansısa detal baha olduqda onun qəlibini çıxararaq istifadə edirlər.
Ustalar sürücülərə avomobilin detalını dəyişərkən ancaq keyfiyyətliləri ilə əvəz etməyi tövsiyyə edir.