 |
|
Hər iki vətəndaş nəcib əmələ görə polis əməkdaşlarına təşəkkürlərini bildiriblər
Fevralın 18-də metronun Xalqlar Dostluğu stansiyasında oturacağın üzərində olan polietilen paket orada xidmət aparan polis əməkdaşının diqqətini çəkib. Polis serjantı Rəhman Ağayev onun sahibsiz olduğunu görüb və aidiyyəti üzrə Metropolitendə Polis Şöbəsinə təhvil verib. Həmin gün vətəndaş X.Nəzərova metroda üzərində nömrəsi olan gömrük karqo paketini unutması barədə Metropolitendə Polis Şöbəsinə müraciət edib. O, Şöbəyə dəvət olunub, polis əməkdaşları qeyd olunan əşyanı sahibinə qaytarıblar. Fevralın 19-da isə Metropolitendə Polis Şöbəsinə dəvət edilən digər vətəndaş – M.Məhərrəmovaya polis əməkdaşları itirdiyi pulu təhvil veriblər.
Qeyd edək ki, o, metronun Xalqlar Dostluğu stansiyasında 200 manatını itirmişdi. Stansiyanın girişindən pulu tapan polis əməkdaşları onu aidiyyəti üzrə təhvil verdikdən sonra məlum olub ki, həmin qadın Metropolitendə Polis Şöbəsinə pulunu itirməsi ilə bağlı müraciət edib. Hər iki vətəndaş belə humanistliyə və nəcib əmələ görə polis əməkdaşlarına təşəkkürlərini bildiriblər.
Sauala düzgün və izahlı cavab verən şəxs hədiyyələr qazanacaq
Avtosfer.az saytı dayanma-durma ilə bağlı yeni sual təqdim edir. Göstərilən yerdə dayanma və ya durmaya icazə verilir?
1) İcazə verilmir
2) İcazə verilir
3) Sərnişin mindirib-düşürmək üçün icazə verilir.
4) Avtomobil nasaz olan vəziyyətdə dayanmağa icazə verilir.
Sualın ilk düzgün və izahlı cavabını verən şəxs Avtosfer.az saytı tərəfindən 5 manatlıq danışıq kartı və "Monza" yağlarından pulsuz yağdəyişmə, eləcə də yağ və filterə 50 faiz endirim qazanacaq.
Misal üçün yağ və filter 40 manat edirsə, siz endirimdən istifadə edərək 20 manat ödəniş edəcəksiniz.
Cavabları 055 777 63 17 Whatsapp nömrəsinə göndərməyiniz xahiş olunur. Cavabla yanaşı ad, soyad da qeyd olunmalıdır.
Ölkəmizdə nağdsız ödəniş ənənələrinin inkişafına daim dəstək verən Azərbaycan Beynəlxalq Bankı bu məqsədlə daha bir yeniliyə imza atıb. Bank, ödənişlərini nağdsız aparmağı sevən müştərilər üçün restoran və kafelərdə hesabdan əlavə bəxşişləri də kart vasitəsilə ödəmək imkanı yaradıb.
Bu barədə bankdan verilən məlumatda bildirilib.
Qeyd edilib ki, keyfiyyətli xidməti ilə müştəri məmnuniyyəti yaradan ofisiantlara sifarişin haqqından əlavə bəxşişin də ödənilməsi əksər ölkələrdə bir ənənədir:
“Bu ənənə Azərbaycanda da geniş yayılıb. Amma ölkəmizdə müştərilər bunun üçün nağd puldan istifadə etməli olurdular. Çünki Azərbaycanda bu cür ödənişləri nağdsız aparmaq mümkün deyildi. Azərbaycan Beynəlxalq Bankı bir neçə kafe və restorandakı POS terminallarında pilot olaraq yeni funksiyanın tətbiqinə başlamaqla bu məhdudiyyəti aradan qaldırıb. Bankla tərəfdaşlıq edən həmin xidmət məkanlarında bu funksiya artıq işləkdir.
Yeni funksiya “BƏXŞİŞ” adlanır. Müştəri sifarişinin haqqını kartla ödədikdən sonra istəyinə uyğun olaraq POS terminaldakı “BƏXŞİŞ” menyusuna keçid alır. Ödəmək istədiyi bəxşişin faiz dərəcəsini göstərib əməliyyatı tamamlayır. Bu yenilik həm təsərrüfat-xidmət obyektləri, həm də kart sahibləri üçün müştəri məmnuniyyəti yaradacaq və nağdsız ödəniş ənənələrinə daha bir töhfə verəcək. Yaradılmış yeni imkan turizmə əlavə dəstək verəcək, ölkəmizə gələn xarici turistlərin rahatlığı baxımından da faydalı olacaq”.
“Xidmətdən yararlanmaq istəyən təsərrüfat-xidmət obyektlərinin sahibləri POS terminalların quraşdırılması üçün bankın 937 nömrəli Məlumat Mərkəzinə müraciət edə bilər”,-deyə məlumatda qeyd edilib. (modern.az)
“Əsgərə salam” aksiyasına qoşulmaqla Silahlı Qüvvələrimizin şəxsi heyəti ilə həmrəyliyini nümayiş etdirir
Paytaxt polisi Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin yanvarın 17-də start verdiyi “Əsgərə salam” aksiyasına qoşulmaqla Silahlı Qüvvələrimizin şəxsi heyəti ilə həmrəyliyini nümayiş etdirir. Bakı Şəhər Baş Polis İdarəsinin (BŞBPİ) Mətbuat Xidmətindən Yol-xeber.az-a bildirilib ki, Soyuq səngərlərdə əldə silah düşmənlə üz-üzə dayanan, öz xidməti vəzifəsini və vətən qarşısında övladlıq borcunu şərəflə yerinə yetirən hərbçilərimizin qəlbinə hərarəti xalqımızın sevgisi və etibarı, dövlətimizin gücü və qüdrəti verir.
Fevralın 19-da Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturu Abşeron yarımadasında gecə 4-6, gündüz 8-11, Bakıda gecə 4-6, gündüz 9-11 dərəcə isti olacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən atmosfer təzyiqi 771 mm civə sütunundan 764 mm civə sütununa enəcək, nisbi rütubət gecə 65-75, gündüz 55-60 faiz olacaq.
Azərbaycanın rayonlarında havanın əsasən yağmursuz keçəcəyi, lakin səhər və axşam bəzi cənub rayonlarında yağıntılı olacağı, dağlıq ərazilərdə qar yağacağı gözlənilir. Cənub-qərb küləyi ayrı-ayrı yerlərdə arabir 18-23 m/s-dək güclənəcək.
Havanın temperaturu gecə 0-5, gündüz 9-14 dərəcə isti, dağlarda gecə 5-10 dərəcə şaxta, gündüz 1-6 dərəcə isti olacaq.
Tibbi-meteoroloji proqnoza əsasən fevralın 19-da Abşeron yarımadasında atmosfer təzyiqinin enməsi fonunda arabir güclənən gilavar küləyi meteohəssas insanlarda narahatlıq hissi yarada bilər.
Bakıda gecə 4-6, gündüz 9-11 dərəcə isti olacaq
Sabaha Azərbaycanda gözlənilən hava şəraiti açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən Yol-xeber.az-a verilən məlumata görə, Bakıda və Abşeron yarımadasında fevralın 19-da havanın dəyişkən buludlu olacağı, əsasən yağmursuz keçəcəyi gözlənilir. Mülayim cənub-qərb küləyi əsəcək.
Havanın temperaturu Abşeron yarımadasında gecə 4-6, gündüz 8-11, Bakıda gecə 4-6, gündüz 9-11 dərəcə isti olacaq.
Atmosfer təzyiqi 771 mm civə sütunundan 764 mm civə sütununa enəcək, nisbi rütubət gecə 65-75, gündüz 55-60 faiz olacaq.
Azərbaycanın rayonlarında sabah havanın əsasən yağmursuz keçəcəyi, lakin səhər və axşam bəzi cənub rayonlarında yağıntılı olacağı, dağlıq ərazilərdə qar yağacağı gözlənilir. Cənub-qərb küləyi ayrı-ayrı yerlərdə arabir 18-23 m/s-dək güclənəcək.
Havanın temperaturugecə 0-5, gündüz 9-14 dərəcə isti, dağlarda gecə 5-10 dərəcə şaxta, gündüz 1-6 dərəcə isti olacaq.
Tibbi-meteoroloji proqnoza gəlincə, fevralın 19-da Abşeron yarımadasında atmosfer təzyiqinin enməsi fonunda arabir güclənən gilavar küləyi meteohəssas insanlarda narahatlıq hissi yarada bilər.
Hadisə Türkiyənin Bingöl vilayətində baş verib
Avtobus sürücüsü əlil gənci avtobusa qucağında mindirib. “HaberGlobal”ın verdiyi məlumata görə, baş verənlər avtobusa quraşdırılan kameralar tərəfindən qeydə alınıb. Hadisə Türkiyənin Bingöl vilayətində baş verib. Sürücü Mahmut Çökük dayanacaqda duran əlil gəncin yeriməkdə əziyyət çəkdiyini görəndə, avtobusdan düşərək onu qucağına alıb, ictimai nəqliyyata mindirib, sonra isə yoluna davam edib.
Sosial şəbəkədə yayımlanan bu kadrlar istifadəçilər tərəfindən böyük rəğbətlə qarşılanıb.
Tovuzda bəy öz toyunda uşaqlıq arzusunu reallaşdırıb. Vətənpərvər gənc toy karvanını üçrəngli dövlət bayrağımızla bəzəyib. Diqqət çəkən məqamlardan biri də odur ki, cütlük xoş günlərində ilk olaraq torpaqlarımızın ərazi bütövlüyü uğrunda canlarını fəda edən şəhidlərimizin məzarını ziyarət edib.
Ailə həyatı quran cütlük maraqlı addımları ilə diqqət çəkiblər... Tovuzrayonun vətənpərvər gənc müəllimlərindən olan Vasif Məmmədov uşaqlıq arusunu reallaşdırıb. O toy kartejini üçrəngli dövlət bayrağımızla bəzəyib.
Toy karvanı ilə gəlini götürməyə gələn gənc daha sonra maraqlı addım atıb. Onlarqız evindən piyada 5 km yol qət edərək şəhidlər xiyabanına gəliblər...
Gənc cütlük tər qərənfilləri xatirə abidəsinin önünə qoyduqdan sonra torpaqlarımızın ərazi bütövlüyü uğrunda canlarını fəda edən şəhidlərimizin əziz xatirəsini bir dəqiqəlik sükutla yad edib və ruhlarına dualar oxuyublar.
Buradan da toy evinə qədər 3 km yolu piyada qət edən cütlük şanlı bayrağımızı öpərək salona daxil olublar. Bundan sonra dövlət himnimizi hörmət və ehtiramla səsləndiriblər. Onların bu addımına qonaqlar da qoşulub və alqışl qarşılayıblar.
Avtomobilə və sürücüsünün vəziyyətinə uzaqdan nəzarət ediləcək.
Rusiyada yeni “Avtodata” elektron sisteminin hazırlanmasına başlanılıb. Bu sistem avtomobilin texniki nasazlığı, zərərli tutllantıların səviyyəsi, hərəkət marşrutları, həmçinin sərnişinlərin təhlükəsizlik kəmərindən istifadə edib-etməmələri barədə məlumatları məsafədən almağa imkan verəcək.
Sistemin müəlliflərinin açıqlamasına görə, bütün bu məlumatlar artıq dilerlərə və qeyri-leqal texniki xidmət stansiyalarına məlumdur. Ona görə də dövlət nəzarətini tətbiq etmək heç də çətin olmayacaq. Bunlar bunlar üçün işlər 3 ildən çox vaxt almayacaq.
Həmçinin qeyd edilir ki, “Avtodata”dan əldə edilən məlumatlar sürücülərin əlavə cərimə olunması üçün əsas olmyacaq.
Qeyd edək ki, Rusiya Dövlət Dumasında artıq avtomobillərdə telematik ötürücülərin yerləşdirilməsinə dair müzakirələr gedir.
Süni intellekt kamerların vasitəsilə sürücülərin yorğunluğunun həddini və avtomobili idarəetmə zamanı elektron qacetlərdən istifadəni müəyyən edə biləcək.
Yeri gəlmişkən, bənzər sistem Avropada bütün yeni avtomobillərə quraşdırılmaqla artıq 2022-ci ildə yaranacaq.
Sabah Bakıda və Abşeron yarımadasında havanın dəyişkən buludlu, əsasən yağmursuz keçəcəyi, axşam buludluluğun artacağı gözlənilir. Şimal-qərb küləyi gündüz mülayim cənub-qərb küləyi ilə əvəz olunacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən havanın temperaturu Abşeron yarımadasında gecə 2-5, gündüz 8-10, Bakıda gecə 3-5, gündüz 8-10 dərəcə isti olacaq.
Atmosfer təzyiqi 777 mm civə sütunundan 773 mm civə sütünuna enəcək, nisbi rütubət gecə 80-90, gündüz 50-55 faiz olacaq.
Azərbaycanın rayonlarında hava əsasən yağmursuz keçəcək, mülayim qərb küləyi əsəcək. Havanın temperaturugecə 1-6 , gündüz 8-13 dərəcə isti, dağlarda gecə 3-8 dərəcə şaxta, gündüz 1-6 dərəcə isti olacaq.
Tibbi-meteoroloji proqnoza gəlincə, Abşeron yarımadasında meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.