 |
|
Səfərbərlik və Hərbi Xidmətə Çağırış üzrə Dövlət Xidmətinin Sabunçu rayon idarəsinə yeni rəis təyin edilib.
"Unikal” xəbər verir ki, bu barədə Dövlət Xidmətinin rəisi Mürsəl İbrahimov Əmr imzalayıb.
Əmrə əsasən, polkovnik-leytenant Eldar Nəbiyev SHXÇDX-nin Sabunçu rayon idarəsinin rəisi vəzifəsinə təyinat alıb.
Qeyd edək ki, E.Nəbiyev bu təyinatadək SHXÇDX-nin Sabunçu rayon idarəsində həqiqi hərbi xidmətə çağırış şöbəsinin rəisi olub.
Sentyabrın 1-də Naxçıvan Muxtar Respublikası Ali Məclisinə seçkilər keçirilib və 1995-ci ildən bəri ilk dəfə olaraq Vasif Talıbov olmadan 45 nəfərlik yeni Ali Məclis formalaşıb. Ali Məclisə seçkilərdə ən çox səs toplayan isə şəhid anası Rüstəmova Gülşad Qəzənfər qızı olub - 75,28%.
Bəxtiyar Məmmədov Naxçıvan Baş nazirinin müavini təyin edildi.
“Aldığım məlumata görə, ikinci ən yüksək səs toplayanı Ali Məclisin sədri qoymaq istəyirlər. Söhbət Məmmədov Bəxtiyar İbrahim oğlundan gedir. O, 41 saylı Ordubad şəhər seçki dairəsindən seçilib və guya seçicilərin 74,38%-nin səsini toplayıb. Bu böyük nəticə ilə Abdullayev Qəzənfər İsmayıl oğlu (74,09%) və Bayramov Mübariz Novruz oğlu kimi rəqiblərini (74,07%) 0.3%-lə geridə qoyub”. Dia-az.info xəbər verir ki, bu açıqlama ilə tanınmış jurnalist Heydər Oğuz çıxış edib.
Heydər Oğuz deyib ki, Bəxtiyar Məmmədov vaxtilə Naxçıvan baş nazirinin müavini və SOCAR neft emalı zavodunun direktoru işləyib.
Azərbaycanın Birinci vitse-prezidenti Mehriban Əliyeva Azərbaycan paraatleti Lamiyə Vəliyevanın “Paris-2024” Yay Paralimpiya Oyunlarında qızıl medal qazanması ilə bağlı paylaşım edib.
“Ura! Növbəti qələbəmiz! Dördqat dünya çempionu Lamiyə Vəliyeva “Paris-2024” Yay Paralimpiya Oyunlarında qızıl medal qazandı! İdmançımızı səmimi-qəlbdən təbrik edirəm! Azərbaycan azarkeşlərinə bəxş etdikləri sevincə görə bütün qaliblərə təşəkkürümü bildirirəm!”.
ABŞ və Qərbin yanlış siyasi kursu Türk İttifaqının rəqib qlobal düşərgənin xeyrinə seçim etmək ehtimalını ciddi şəkildə artırıb və artıq prinsipial qərarlar verilməyə başlayıb... Həm Azərbaycan, həm də Türkiyə yeni dünya düzənində aparıcı mövqelərə iddia edən regional güc mərkəzləri olduğundan bu iki ölkənin əks qütbdə yer alması Qərb üçün önəmli strateji itki sayıla bilər...
Dünyada qütbləşmə yeni mərhələyə keçmək üzrədir. Belə ki, hazırda əksər dünya dövlətləri gələcəyə yönəlik strateji geopolitik seçim etmək məcburiyyətində qalıblar. Üstəlik, bu seçimlərin prioritet hədəflərində hərbi-siyasi və iqtisadi-ticari faktorlar ön planda yer alır. Və belə anlaşılır ki, yeni dünya düzəni məhz indiki qlobal qütbləşmənin nəticəsində şəkillənməyə başlayacaq.
Onu da qeyd etmək lazımdır ki, mövcud qlobal qütbləşmənin əsas stimulverici faktoru ABŞ və Qərbin qurduğu geopolitik oyunlara bağlıdır. Belə ki, Ağ Ev və ABŞ-ın Qərbdəki strateji müttəfiqləri onsuz da dünyanı israrla bölüşdürməyə cəhd göstərirlər. Qərb siyasi dairələrinin geopolitik hədəflərində dünya dövlətləri bir neçə kateqoriyaya ayrılır.
Belə ki, həmin ölkələrin bir qismi Ağ Evə və ABŞ-ın müttəfiqlərinə strateji cəhətdən yaxın siyasi-ideoloji mövqeyə malikdir. İkinci kateqoriyaya Qərbin təsir dairəsinə düşmə ehtimalı olan ölkələr aid edilir. Üçüncü kateqoriyada ABŞ və Qərbin strateji tərəfdaşlıq planlarına daxil olmayan dövlətlər yer alır. Nəhayət, sonuncu kateqoriyada ABŞ və Qərbin potensial düşmənləri hesab olunan dövlətlər də mövcuddur.
Təbii ki, ABŞ və Qərb ilk iki kateqoriyaya aid olan dövlətləri himayə etməyə cəhd göstərir. Həmin ölkələri Qərbin narrativləri üzrə xarici siyasət kursu müəyyən etməyə məcbur edir. Digər iki kateqoriyada yer alan dövlətlər isə ABŞ və Qərbin gələcək strateji hədəfləri sayılır. Və bu ölkələrin yeni dünya düzənində təsir gücü olmamalıdır, onlar Qərbin imperialist maraqlarında yalnız arzuolunmaz rəqib kimi diqqətə alınır.
Bütün bunları nəzərə alan bir çox ölkə ABŞ və Qərbin gələcək total təzyiq dalğasından özünü sığortalamaq üçün indidən yeni hərbi-siyasi müqavimət sisteminin qurulmasına məcburdur. Belə müdafiə və müqavimət sistemləri sırasında hələlik Şanxay Əməkdaşlıq Təşkilatı (ŞƏT) və BRİCS daha çox diqqəti çəkir. Halbuki, bu iki beynəlxalq əməkdaşlıq platforması hələlik hərbi müqavimət faktorlarından uzaqdır. Daha çox siyasi və iqtisadi-ticari maraqların uzlaşdırılmasına duyulan ehtiyacları ön planda tutur.
Yəni, indiki halda, ŞƏT və BRİCS yalnız Avropa Birliyinə alternativ rolunu oynaya bilər. Bu baxımdan, hər iki qurumun Qərbin əsas hərbi güc faktoru olan NATO ilə rəqabət şansı yoxdur. Belə rəqabət hələlik ən yaxşı halda, Çin, Rusiya və s. kimi ölkələrin hərbi qüdrətinə görə müəyyən edilə bilər. Və bu, tam etibarlı hərbi müdafiə variantı olmadığından yaxın gələcəkdə siyasi, iqtisadi-ticari əməkdaşlıq platformalarına hərbi tərəfdaşlıq faktorları da əlavə oluna bilər.
Onu da qeyd etmək lazımdır ki, müasir qlobal qütbləşmə Türk İttifaqını - Azərbaycan və Türkiyəni də prinsipial strateji seçim məcburiyyəti qarşısında buraxmağa başlayıb. Azərbaycan və Türkiyənin isə hazırda tədricən Qərbin hədəfə aldığı qütbə yaxınlaşmağa üstünlük verdiyi də müşahidə olunur. Və bu, qətiyyən səbəbsiz deyil.
Məsələ ondadır ki, Rusiyanı Cənubi Qafqazdan sıxışdırmağa can atan ABŞ və Qərb bu regiona məhz Azərbaycanın düşməni olan Ermənistan üzərindən yerləşməyə cəhd göstərir. Yəni, ABŞ və Qərb hazırda ifrat ermənipərəst mövqeyi ilə Azərbaycana qarşı real geopolitik təhlükə mənbəyinə çevrilməyə başlayıb. Rəsmi Bakı bundan narahat olduğundan yaxın gələcəyə yönəlik prinsipial strateji seçimə məcbur qalıb.
Təbii ki, təxminən oxşar situasiya Türkiyəni də narahat edir. Çünki ABŞ və Qərb NATO üzvü olan Türkiyənin maraqlarına kifayət qədər ciddi problemlər yaradır. Rəsmi Ankara Qərbin Türkiyənin milli maraqlarına təhlükə törətməkdə davam edəcəyini anlayır. Ona görə də, Türkiyənin dövlət mənafeyinə uyğun şəkildə yeni prioritetlərin müəyyən olunması böyük önəm daşıyır.
Maraqlıdır ki, Türk İttifaqının prinsipial strateji seçimində hər hansı siyasi-ideoloji ziddiyyətlər müşahidə edilmir. Belə ki, həm Azərbaycan, həm də Türkiyə eyni istiqamət üzrə hərəkət etmək qərarı verib. Yəni, hər iki Türk dövləti ŞƏT və BRİCS-ə üzv olmaq niyyətindədir. Böyük ehtimalla Azərbaycan və Türkiyənin bu strateji əməkdaşlıq platformalarına qəbulu yaxın vaxtlarda reallaşa bilər. Və bu, Qərb üçün bir qədər gözlənilməz manevr təsiri bağışlayır.
Onu da qeyd etmək lazımdır ki, Türkiyə hələlik Avropa Birliyindən və Qərblə əməkdaşlıqdan tamamilə imtina etmək niyyətində olmadığını da qabardır. Yəni, rəsmi Ankara Qərbin Türkiyə ilə bağlı strateji seçim etməsində maraqlıdır. Hər halda, indiki situasiyada Türkiyə üçün hər iki qlobal qütblə paralel əməkdaşlıq tamamilə sərfəlidir. Ancaq Qərb Türkiyəni tamamilə itirmək istəmirsə, onda rəsmi Ankaranın tələb və istəklərinə daha həssas yanaşmalı olacaq. Və burada Azərbaycanla strateji müttəfiqlik münasibətləri də böyük əhəmiyyət daşıyır.
Hər halda, rəsmi Ankara Türkiyənin əsas strateji müttəfiqi olan Azərbaycanın gələcək taleyini daim ön planda tutmaqda israrlıdır. Yəni, ABŞ və Qərb Türkiyə ilə yanaşı, Azərbaycanın da milli maraqlarına həssas yanaşmalı olacaq. Əks halda, Türk dünyasına birbaşa liderlik edən iki güclü dövlət - Azərbaycan və Türkiyə Qərbin rəqibləri ilə eyni düşərgədə yer almaqdan qətiyyən çəkinməyəcək. Və başlanğıcda bu, yalnız iqtisadi-ticari faktorlarla yüklənmiş olsa belə, Qərbin davranışlarına uyğun olaraq, sonradan Türk İttifaqının hərbi-siyasi mövqeyinə də yenidən baxıla bilər.
Belə anlaşılır ki, ABŞ və Qərbin yanlış siyasi kursu Türk İttifaqının rəqib düşərgənin xeyrinə seçim etmək ehtimalını artırır. Həm Azərbaycan, həm də Türkiyə yeni dünya düzənində aparıcı mövqelərə iddia edən regional güc mərkəzləri olduğundan bu iki ölkənin rəqib düşərgədə yer alması Qərb üçün önəmli strateji itki sayıla bilər. Bu baxımdan, Azərbaycan və Türkiyənin eyni vaxtda həm ŞƏT, həm də BRİCS-ə üzvlük qərarı verməsi hazırda Qərb siyasi dairələrində siyasi şok effekti yaratmağa başlayıb. Və bu baxımdan, Qərbin Türk İttifaqı ilə anlaşmağa məcbur qala biləcəyi qətiyyən istisna deyil.(Musavat.com)
Politoloq Qabil Hüseynli Teleqraf.com-un suallarını cavablandırıb.Onunla müsahibəni təqdim edirik.
- Ermənistan Baş naziri Nikol Paşinyan yenidən sülhdənyayınma yolunu tutub. Sülhə yeganə maneə olan Ermənistan Konstitusiyasını dəyişməkdən çəkinən Paşinyan bu azmış kimi, Azərbaycanı da ölkəsinə qarşı “ərazi iddiası”nda ittiham edir. Üstəgəl, deyir ki, sülh müqaviləsini imzalamağa hazırdır. Paşinyan nə etməyə çalışır, niyə davranışları ziddiyyətlidir?
- Üç ay əvvələ qədər sülh müqaviləsinin imzalanması üçün Azərbaycana yalvarırdı. Makron və Blinkenin əlinə keçəndən sonra ürəkləndi, silahlar almağa başladı, militaristləşdirmə xəttini tutdu. Üstəgəl, ölkə daxilində reytinqini xeyli yaxşılaşdırdı. Əvvəl Konstitusiyada Azərbaycan əleyhinə olan müddəaları götürməyə razı idisə, indi vaxt istəyir, müxtəlif bəhanələr uydurur. Belə görünür ki, sülh müqaviləsini imzalamağa o qədər də meylli deyil.
Yaxın günlərdə iki ölkənin sərhəd komissiyaları arasında bir əsasnamə imzalandı. Bu, sərhədlərin müəyyənləşdirilməsi, eləcə də sərhəddə qarşıdurmanın qarşısının alınması ilə bağlıdır. Yaxın vaxtlarda əsasnamənin mətni mətbuatda dərc olunacaq. Digər yandan, Paşinyan sülh müqaviləsini imzalamaq istəyi ilə bağlı bir süni görüntü yaratmağa çalışır. Çünki buna görə Qərb qurumlarından xeyli vəsait əldə etmək istəyir. Bu baxımdan, axır vaxtlarda xeyli ürəklənib. Amma həm də sülh prosesini əngəlləyəcək fikirlər tapmağa çalışır.
Zənnimcə, bəzi Qərb ölkələri Ermənistanı sülhə gətirmək üçün ona təzyiq göstərir. Düzdür, bu zaman Ermənistanın tərəfini tuturlar, amma həm də bölgədə isti müharibənin baş verməsini istəmirlər. Burada Fransa istisnadır. Bu isti müharibəni istəyən həm də Rusiyadır. Buna görə də, hələlik bölgədə sülh və əmin-amanlıq tam bərqərar olmur, bu da sülh müqaviləsinin imzalannasına əngəllər yaradır.
- Rusiya Prezidenti Vladimir Putinin vasitəçilik təklifinə cavab verən Ermənistan baş naziri söylədi ki, Bakı ilə ikitərəfli danışıqlar formatına üstünlük verir. Buna onun Putinin təklifindən imtinası kimi baxa bilərikmi?
- Rusiya regionda qalmaq üçün min oyundan çıxır. Bundan əvvəl sülh müqaviləsinin imzalanması üçün vasitəçilik səylərindən imtina eləmişdi. İndi birdən-birə nə oldusa, sülh müqaviləsinin bağlanmasının önəmindən danışmağa başlayıb. Əlbəttə, Putinin vasitəçilik missiyasını üzərinə götürmək istəyi aranı qarışdırmaq cəhdidir. Rusiyanın olduğu yerdə sülh xeyli çətin olacaq.
- Bəs Ermənistanı silahlandıran Qərb ölkələrinin, eləcə də Hindistanın məqsədləri nədir? Xarici işlər naziri Ceyhun Bayramov bu kontekstdə bildirdi ki, Ermənistana ciddi təhdid mənbəyi ola biləcək vədlər də verilir. Söhbət hansı vədlərdən gedir?
- Hindistan və Fransa Ermənistana silah verməyə başlayanda deyirdilər ki, “müdafiə silahları”dır. İndi məlum olur ki, bunlar ölümcül silahlardır, hücum xarakterlidir. Ermənilər bununla bağlı müxtəlif bəhanələr uyudururlar ki, Azərbaycan İsrail, Bolqarıstan, Serbiya, İtaliya, Belarus və digər ölkələrdən silah alır. Bunlar bəhanələrdir. Əlbəttə, ölkə özünün əmin-amanlıq və təhlükəsizliyini təmin etmək üçün silah almalı, ordusunu gücləndirməlidir. Amma bu durum revanşist hədəfləri və ərazi iddiaları olan Ermənistandan fərqlənir. Ermənistanın Azərbaycana qarşı ərazi iddialarının olduğu, revanşist məqsədlər güddüyü kimsəyə sirr deyil. Bunu elə onu silahlandıran ölkələr də bilirlər.
Ermənistanın silahlanma məsələsi ilə bağlı Azərbaycana yönəlik əsassız iddiaları sülh müqaviləsinin imzalanmasını uzatmaq məqsədi daşıyır. Ermənilər bu məsələni xeyli uzatmaq istəyirlər. Amma vəziyyət hər nə qədər qarışıq görünsə də, ötən günlərdə tərəflər arasında sərhədlə bağlı bir əsasnamə imzalandı. Bəziləri hesab edirlər ki, bu, sülh müqaviləsinin imzalanması prosesinə müsbət təsir edəcək bir anlaşmadır. Bunu zaman göstərəcək.
- Proses kifayət qədər mürəkkəb görünür. İrəvanın həm sülhdən yayınması, həm də silahlanması vəziyyəti qarışıq hala gətirir. Sizcə, bu durum bizi hara aparır – sülh, ya yeni bir savaşa?
- Zənnimcə, hərbi toqquşma və ya müharibə olmayacaq. Bölgədə isti müharibə istəyən Rusiyadır, amma onun özü uçuruma doğru gedir. İndi Rusiyanın əlində elə güclü vasitələr yoxdur ki, bunlarla bölgəni qızışdırsın. Yaxın Şərq və dünyanın digər nöqtələrində qarşıdurmalar ola bilər, amma mənim zənnimcə, Ermənistanla bizim aramızdakı vəziyyət çətin olsa da, sülhə doğru gedir.
- Paşinyan dolayı yolla onu da etiraf elədi ki, 1918-20-ci illərdə Zəngəzur, Dərələyəz, Göyçə və digər bəzi ərazilər Azərbaycan Xalq Cümhuriyyətinin tərkibində olub. Hətta bununla bağlı Antanta dövlətlərinə təqdim edilən 1919-cu il xəritəsinə də istinad elədi. Paşinyanın bu gözlənilməz etirafı nə ilə bağlıdır?
- Paşinyan elə bir adamdır ki, arada həqiqətləri də deməkdən çəkinmir. Özü də Tarix fakültəsini bitirib, yəni tarixi bilgiləri zəngindir. Bəli, Zəngəzur, Göyçə, Dərələyəz, Vedi və digər ərazilər Azərbaycan Xalq Cümhuriyyətinin tərkibində olub. Paşinyan məhz bunu etiraf elədi. SSRİ dönəmində bu ərazilər qanunsuz olaraq Azərbaycandan qoparılıb və Ermənistana ilhaq edilib.
Prezident İlham Əliyev San-Marino Respublikasının Regent Kapitanları Alessandro Rossi və xanım Milena Qasperoniyə təbrik məktubu göndərib.
Məktubda deyilir:
"Zati-aliləri,
Ölkənizin milli bayramı – Respublika Günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edir, ən xoş arzularımı çatdırıram.
Belə bir xoş gündə Sizə möhkəm cansağlığı, xoşbəxtlik, işlərinizdə uğurlar, San-Marino xalqına daim əmin-amanlıq və firavanlıq diləyirəm".
Bu il Bakıda keçiriləcək COP29-a hazırlıq işləri sürətlə davam edir, lazımi tədbirlər görülür.
"Report" xəbər verir ki, bunu ekologiya və təbii sərvətlər naziri, COP29-un müəyyən olunmuş prezidenti Muxtar Babayev jurnalistlərə açıqlamasında deyib.
Onun sözlərinə görə, Azərbaycan böyük bir forumun ev sahibi kimi Bakı Beynəlxalq İqlim Şəffaflığı Platformasını təklif edib: "Təşəbbüsü Azərbaycan tərəfi irəli sürüb. Bununla da çox ciddi məsələlərin müzakirəsi üçün şərait yaradılacaq. Azərbaycan iqlim şəffaflıq hesabatının hazırlanmasında digər ölkələrə köməklik göstərilməsini təşkil edir. Artıq bizim təlimlər keçirilib. Növbəlilik Afrikada və digər ölkələrdə olacaq".
M.Babayev vurğulayıb ki, şəffaflıq hesabatlarının COP29-dan əvvəl təqdim edilməsi nəzərdə tutulur: "İqlim dəyişikliyi hesabatının sənədinin təqdim edilməsi üçün son tarix isə dekabr ayıdır".
İran Qafqaz regionunda geosiyasi dəyişikliklərin əleyhinədir.
İRNA xəbər verir ki, Rusiyanın Tehrandakı səfiri Aleksey Dedov bazar ertəsi axşam saatlarında İran XİN-ə çağırılıb.
Bu barədə məlumat verən İran XİN-in xarici siyasət qrupunun rəsmisi Müctəba Dəmirçilu bildirib ki, İranın xarici işlər nazirinin müavini və Avrasiya məsələləri üzrə baş direktoru Tehranın regional sülh və sabitliyə dəstəyini və beynəlxalq səviyyədə tanınmış sərhədlər və geosiyasi status-kvonun hər hansı dəyişikliyinə qarşı olduğunu vurğulanıb.
Qafqazda baş verən hadisələrlə bağlı fikir mübadiləsi aparan hər iki diplomat, onların fikrincə, davamlı sülhün və regional əməkdaşlığın təminatçısı olan ölkələrin milli suverenliyinə, ərazi bütövlüyünə və qarşılıqlı maraqlarına hörmətlə yanaşdıqlarını qeyd ediblər.
Görüşdə həmçinin Cənubi Qafqazın üç ölkəsi olan Azərbaycan, Ermənistan və Gürcüstan , həmçinin Rusiya, Türkiyə və İranın daxil olduğu 3+3 məşvərətçi formatının qarşıdakı görüşü müzakirə olunub. Format regionda təhlükəsizlik, iqtisadi və nəqliyyat əlaqələrinin açılması məsələlərini nəzərdən keçirir.
Qeyd edək ki, son günlər Moskvanın Ermənistan ərazisindən keçməklə Bakını Naxçıvanla birləşdirən dəhlizə dəstək verməsindən sonra İran Xarici İşlər Nazirliyinin Rusiyanın Tehrandakı səfirini görüşə çağırması barədə mətbuatda məlumat yayılıb.
Azərbaycan Respublikasının Prezidenti İlham Əliyev və birinci xanım Mehriban Əliyeva sentyabrın 2-də Kəlbəcər rayonuna səfər ediblər.
"Yol-xeber.az" xəbər verir ki, Prezident İlham Əliyev Kəlbəcər rayonunun İstisu qəsəbəsinin təməlini qoyub.
Sonra Prezident İlham Əliyev və birinci xanım Mehriban Əliyeva Kəlbəcər rayon sakinləri ilə görüşüblər.
Ermənistanın Baş naziri Nikol Paşinyanın son açıqlamaları reallıqdan uzaqdır. Bu, Azərbaycanın haqlı olaraq Ermənistan Konstitusiyasında yer almış əsassız ərazi iddialarına qarşı erməni tərəfinin növbəti oyunudur. Görünən odur ki, növbəti siyasi oyun gedir. Ermənistan üçün bu ilin payızı o qədər də asan olmayacq. Paşinyan da özünü mümkün qədər bu təhlükələrdən sığortalamağa can atır.Bunu Teleqraf.com-a politoloq Zərdüşt Əlizadə deyib.
O qeyd edib ki, Ermənistan müxalifəti Rusiyanın təzyiqi ilə Paşinyanı devirmək istəyir:
“Bunun üçün Ermənistanda yeni nümayiş dalğasını başlatmaq niyyətləri var. İşi elə qurmaq istəyirlər ki, mütləq bu aksiyalar nəticəsində ölənlər olsun, qan tökülsün. Daha sonra “cəllad erməni xalqının qanını tökdü” bağırtısı ilə hansısa silahlı qiyam təşkil edə bilsinlər. Bu həmin qüvvələrin son ümididir. Paşinyan bütün bunları bildiyi halda dövlət aparatını buna qarşı hazırlayır. Eyni zamanda xalqın diqqətini yayındırmaq üçün cürbəcür mənasız sözlər işlədir”.
Politoloq hesab edir ki, Ermənistan konstitusiyasında Azərbaycana qarşı ərazi iddiaları ilə bağlı müddəaların yer alıb-almamasının prosesə təsiri yoxdur və olmayacaq:
“Azərbaycanla Ermənistan arasında qüvvələr nisbəti göz qabağındadır. 10 milyondan artıq əhalisi olan Azərbaycana qarşı 2 milyonluq Ermənistan heç nə edə bilməz. Pulu, müttəfiqi, ordusu olan Azərbaycan qarşısında darmadağın olmuş Ermənistanın duruş gətirməsi mümkün deyil”.
Zərdüşt Əlizadəyə görə, indiki halda Paşinyanın bu cür açıqlamalar verməsi siyasi oyunun tərkib hissəsidir: “Bu siyasi oyunda regional və qlobal qüvvələr də iştirak edir. Ortaya atılan yeni kartlar isə mənasızdır. Azərbaycan isə real amillərə baxır. Bu güc, iqtisadi amillərlə bağlıdır. Kimin nə deməsindən, Ermənistanda kimin hakimiyyətdə olmasından asılı olmayaraq Azərbaycana təsir imkanları yoxdur”.