 |
|
Prezident İlham Əliyev İsveçrə Konfederasiyasının Prezidenti Alan Berseyə təbrik məktubu ünvanlayıb.
Təbrikdə deyilir:
"Hörmətli cənab Prezident,
Ölkənizin milli bayramı münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm.
İnanıram ki, Azərbaycan ilə İsveçrə arasında dostluq əlaqələri, qarşılıqlı faydalı əməkdaşlığımız bundan sonra da xalqlarımızın mənafelərinə uyğun olaraq birgə səylərimizlə daha da inkişaf edəcək və möhkəmlənəcəkdir.
Bu bayram günündə Sizə ən xoş arzularımı çatdırır, İsveçrə Konfederasiyasına daim rifah və firavanlıq diləyirəm".
Azərbaycan və Qarabağ erməni icması nümayəndələri arasında Bratislavada görüş planlaşdırılsa da, həmin görüş alınmayıb.
Bu barədə Xankəndidəki irredentist qüvvələrin nümayəndəsi, qondarma “anti-böhran rəsmisi” Tiqran Petrosyan yazıb.
“ABŞ və Avropa indi üçüncü ölkədə Azərbaycan və Qarabağın erməni icmasının nümayəndələri arasında görüş təşkil etməyə çalışırlar”, - Petrosyan qeyd edib.
Onun sözlərinə görə, ilkin razılaşmaya əsasən, avqustun 1-də Sofiyada ictimai təşkilatların nümayəndələri arasında görüş keçirilməli idi.
O qeyd edib ki, Rusiya bundan xəbər tutub və müəyyən addımlar atıb.
“Sonra format dəyişdi. Görüş Bratislavada keçirilməli idi, lakin ötən gün Bakı heç bir səbəb göstərmədən görüşdən imtina etdi. Sabah və ya o biri gün Qərb ölkələrinin nümayəndələri gələcək, müəyyən müzakirələr aparılacaq və onlar başa çatdıqdan sonra nəticələri təqdim edəcəyəm. Moskva bizə Yevlaxda görüş təklif edir”, - o vurğulayıb.
O əlavə edib ki, Qarabağda vəziyyət son dərəcə ağırdır.
Daxili İşlər Nazirliyi (DİN) fermerlərə müraciət edib.
Nazirliyin Mətbuat xidmətindən bildirilib ki, Azərbaycanın bir sıra rayonlarında fermerlərin biçini başa çatmış sahələri yandırması müşahidə olunur.
"Kənd təsərrüfat təyinatlı əkin sahələrinin biçindən sonra şumlamaq əvəzinə yandırılması həmin ərazilərdə bir sıra neqativ fəsadların yaranmasına səbəb olur.
Polis əməkdaşları tərəfindən respublikamızın bütün ərazilərində bu kimi halların aradan qaldırılması və fermerlərlə profilaktik, təbliğat-maarifləndirmə tədbirləri həyata keçirilir.
Bu istiqamətində Goranboyda 7, Bərdədə 3, Göyçayda 2, Saatlıda 2, Şamaxıda 2, Beyləqanda 1, Şabranda 1, Qubada 1, Abşeron 1 fakt üzrə İnzibati Xətalar Məcəlləsinin müvafiq maddəsinə uyğun olaraq məsuliyyət tədbirləri görülüb.
Qeyd olunanları nəzərə alaraq fermerlərdən xahiş edirik ki, biçini başa çatan sahələrin yandırılmasından çəkinsinlər, qaydalara uyğun olaraq əkin sahələrinin biçindən sonra şumlanmasına üstünlük versinlər", - nazirlikdən qeyd olunub.
Azərbaycan və Özbəkistan hərbi qulluqçularının iştirakı ilə Daşkənd vilayətinin Çirçik poliqonunda keçirilən “UZAZ-2023” kompüter dəstəkli taktiki komanda-qərargah təlimi başa çatıb.
MN-dən verilən məlumata görə, birgə təlimin sonuncu mərhələsində xüsusi döyüş fəaliyyətlərinin aparılması üzrə tapşırıqlar kompüter və xəritə üzərində icra edilib.
Təlimin başa çatması münasibətilə keçirilən tədbirdə çıxış edənlər hərbi qulluqçuların peşəkarlığını yüksək qiymətləndirib və qarşıya qoyulan məqsədlərə nail olunduğu qeyd edilib. Bildirilib ki, təlimin bütün mərhələləri üzrə tapşırıqlar müvəffəqiyyətlə yerinə yetirilib.
Tədbirin sonunda qarşılıqlı hədiyyələr təqdim edilib.
Qeyd edək ki, “UZAZ-2023” təlimi "Azərbaycan Respublikası Müdafiə Nazirliyi və Özbəkistan Respublikası Müdafiə Nazirliyi arasında imzalanmış 2023-cü il üçün ikitərəfli əməkdaşlıq Planı"na əsasən keçirilib.
“Ermənistanın Qarabağı Azərbaycanın tərkib hissəsi kimi tanınması, faktiki olaraq 9 noyabr sənədində olan bəndi aradan qaldırır, söhbət Laçın dəhlizindən gedir. Əgər Qarabağ Azərbaycana məxsusdursa, Laçın dəhlizi də Azərbaycanındır”.
Bunu “Ermənistan və artsaxda təhlükəsizlik problemləri və onların həlli yolları” mövzusunda keçirilən müzakirədə “Ana Ermənistan” hərəkatının koordinatoru Andranik Tevanyan deyib.
Onun sözlərinə görə, beynəlxalq ictimaiyyət bu qərara etiraz etməyəcək.
“Qərb üçün Rusiyanı bu regiondan çıxarmaq çox vacibdir və ilk addım rus sülhməramlılarının çıxarılması olacaq. Daha sonra Rusiya hərbi bazası çıxarılması problemi yaranacaq və onun ardınca isə Ermənistanın dövlətçilik problemi yaranacaq. Çünki o zaman bizim təhlükəsizlik sahəsində imkanlarımız olmayacaq”, - Tevanyan qeyd edib.
O əlavə edib ki, bu gün Qarabağ danışıqlar mövzusu kimi mövcud deyil, Ermənistan hakimiyyəti bu məsələni bağlayıb.
“Bu gün Ermənistan məsələsi müzakirə olunur. Danışıqlar prosesi sırf Ermənistanla bağlıdır və bu halda Ermənistan masa arxasında deyil, masaya qoyulur. Dövlət başçısı səviyyəsində Ermənistan-Qarabağ qarşıdurması inkişaf edir. Bu, məqsədli şəkildə edilir”, - siyasətçi qeyd edib.
Tevanyan daha sonra qeyd edib ki, Qarabağ aşağıdakı ssenari ilə üz-üzə qalacaq. “Ya Qarabağ erməniləri kütləvi miqrasiyası baş verəcək, ya da bu vəziyyətdə qalacaq”, - o vurğulayıb.
Nazirlər Kabineti “Ödənişli arxiv xidmətlərinin siyahısının və onların göstərilməsinə görə xidmət haqlarının məbləği”ni təsdiq edib.
Bununla bağlı Baş nazir Əli Əsədov qərar imzalayıb.
Qərarda dəyişiklik ölkə prezidentinin 24 avqust 2002-ci il tarixli fərmanı ilə təsdiq edilmiş “İcra hakimiyyəti orqanlarının normativ hüquqi aktlarının hazırlanması və qəbul edilməsi qaydası haqqında Əsasnamə”yə uyğun edilə bilər.
Paşinyan hakimiyyətinin “humanitar təxribatı” artıq bumeraq effekti verir, rəsmi İrəvan özünü “geopolitik bataqlığa” salıb... Azərbaycanı beynəlxalq təzyiqlərə məruz qoyacağına ümid bəsləyən Ermənistan indi tədricən özünün “qazdığı quyu”ya düşməyə başlayıb...
Ermənistan siyasi-ideoloji böhrana doğru irəliləyir. Erməni propoqandası hədəflərindən uzaq qalmaqla yanaşı, iflas dövrünü yaşayır. Halbuki, son vaxtlara qədər rəsmi İrəvan beynəlxalq səviyyədə Ermənistana veriləcək dəstəyə böyük ümidlər bəsləyirdi. Və bu dəstəyin yenə də Ermənistana üstünlük qazanadıra biləcəyinə əminiydi.
Ancaq rəsmi İrəvanın Ermənistanın beynəlxalq himayədarlarına bəslədiyi ümidlər bir-birinin ardınca boşa çıxmaqda davam edir. Üstəlik, bu reallığın olduqca ciddi səbəbləri mövcuddur. Ən önəmlisi isə odur ki, erməni toplumu bu səbəbləri hələ də anlaya bilməyib.
Məsələ ondadır ki, erməni düşüncəsi dünyanın artıq ciddi şəkildə dəyişdiyini indiyə qədər başa düşə bilməyib. Erməni toplumu özünü inandırıb ki, “dünya Ermənistanın ətrafında fırlanır”. Halbuki, “erməni faktoru” hazırda erməni diasporundan aldığı rüvşətdən qidalanan bəzi beynəlxalq siyasətçilərdən başqa heç kimə lazım deyil. Və indi ermənilərin gələcək taleyi heç kimi düşündürmür.
Eyni zamanda, onu da nəzərə almaq lazımdır ki, son 30 ildə dünya ciddi şəkildə dəyişib. Müasir texnologiyalar bəşəri düşüncəni öz təsiri altına salıb. Belə şəraitdə bəsit erməni yalanları ilə bütün dünyanı aldatmaq, uydurma iddialarla beynəlxalq məkanı əvvəlki səviyyədə manipulyasiya etmək mümkün deyil. Və indi erməni yalanlarını ifşa edib, əsl reallıqları bütün dünyaya yaymaq elə də əlçatmaz hədəf deyil.
Halbuki, erməni toplumu hələ də bu reallığı qəbul etmək istəmir. Əksinə, erməni propoqanda mexanizmləri 30 il əvvəl olduğu kimi, yenə davamlı uydurduqları yalanları həqiqət kimi dünyaya sırımaq vərdişlərinə sadiqdirlər. Ona görə də, son vaxtlar rəsmi İrəvanın bütün israrlı cəhdlərinə baxmayaraq, erməni propoqandası beynəlxalq məkanda təsirsiz qalmağa başlayıb.
Üstəlik, Azərbaycan da artıq güclənib və rəsmi Bakı beynəlxalq məkana müdaxilə mexanizmləri əldə etməyə nail olub. Azərbaycan hazırda dünyanın bir çox nüfuzlu ölkələri üçün önəmli iqtisadi-siyasi tərəfdaş statusu qazanıb. Və həmin ölkələr isə heç kimə lazım olmayan “erməni faktoru”, eləcə də, faydasız Ermənistan ucbatından Azərbaycanla münasibətlərini korlamaq niyyətində deyillər.
Maraqlıdır ki, rəsmi İrəvanın son vaxtlar Azərbaycana qarşı reallaşdırmağa çalışdığı propoqanda manipulyasiyalarına münasibətdə bu, açıq-aşkar müşahidə olunur. Belə ki, Paşinyan hakimiyyəti Azərbaycanın Qarabağ regionunda erməni azlığının açlıq və səfalət içərisində olduğu barədə yalanları bütün dünyaya qəbul etdirməyə çalışır. Ancaq rəsmi Bakı bunun əksini sübut edən real faktları yaymaqla, erməni propoqandasını darmadağın etməyi bacarır.
Digər tərəfdən, Paşinyan hakimiyyəti Azərbaycanı “blokada” ittihamına məruz qoymaq üçün Laçın postuna “humanitar yük” göndərib. Rəsmi İrəvan bu “humanitar yük”ün Laçın postundan buraxılmayacağını böyük ehtimalla əvvəlcədən bilirdi. Çünki rəsmi Bakıdan icazə alınmamışdı. Və Paşinyan hakimiyyətinin əsas məqsədi də bu təxribatla məhz Laçın postunun qapalı olduğunu sübut etməkdən ibarətiydi.
Ancaq rəsmi İrəvanın məqsəd və hədəflərinin reallaşmayacağını Ermənistanda da artıq anlamağa başlayıblar. Belə ki, rəsmi Bakı “humanitar yük”ün keçməsi üçün Azərbaycandan icazə alınmadığını bəyan edib. Ermənistanın davranışları təxribat kimi dəyərləndirilib. Hər halda, beynəlxalq hüquq normalarına görə, Azərbaycanın öz sərhədlərinə nəzarət hüququ mövcuddur. Və rəsmi Bakı Azərbaycanın bu suveren hüquqlarından istifadə edir.
Ona görə də, heç bir beynəlxalq qurumun Azərbaycanı hər hansı “blokada”da ittiham etməyə haqqı yoxdur. Üstəlik, rəsmi Bakı “humanitar yük”ün müəyyən sərhəd prosedurları çərçivəsində alternativ marşrutla – Ağdam-Xankəndi yolu ilə də keçirilə biləcəyini vurğulayıb. Və bununla da həm Ermənistana, həm də onun beynəlxalq himayədarlarına “Laçın dəhlizi daha yoxdur” mesajı verib.
Təbii ki, Ermənistanın “humanitar yük” təxribatı indi tədricən bumeranq effekti verməyə başlayıb. Çünki əgər, məqsəd Qarabağın erməni azlığına “humanitar yük” çatdırmaqdırsa, Ağdam-Xankəndi yolu ilə bunu etmək mümknüdür. Ancaq rəsmi İrəvan bundan imtina etməklə, Qarabağın erməni azlığı barədə deyil, məhz Azərbaycana qarşı beynəlxalq təzyiqlərə nail olmaq barədə düşündüyünü ortaya qoyur. Və bununla da özünü birmənalı şəkildə ifşa edir.
Şübhəsiz ki, rəsmi Bakı öz prionsipial mövqeyindən heç bir halda geri çəkilməyəcək, “humanitar yük” Laçın postundan buraxılmayacaq. Beynəlxalq siyasi dairələr də bu mövzu ilə bağlı Azərbaycana təzyiq göstərə bilməzlər. Çünki rəsmi Bakının bütün qərarları və atdığı addımlar məhz beynəlxalq hüquq normalarına uyğundur.
Beləliklə, Paşinyanın növbəti provokativ manipulyasiyalar üzərindən beynəlxalq məkanda Azərbaycana qarşı propoqanda qurmaq cəhdi boşa çıxmış kimi görünür. Əslində, indi Paşinyan hakimiyyətinin “humanitar yük”ün İrəvana geri qaytarılması üçün uyğun şəraitin yaradılması üzərində düşündüyü barədə də müəyyən məlumatlar mövcuddur. Çünki Paşinyan hakimiyyəti “humanitar yük”ün İrəvana qaytarılmasından sonra Ermənistan cəmiyyətində növbəti siyasi-ideoloji uğursuzluqla bağlı ittihamlarla üzləşəcəyindən narahatdır.
Belə anlaşılır ki, rəsmi Bakının prinsipial mövqeyi Ermənistanı olduqca cətin vəziyyətə salıb. Hətta hesab etmək olar ki, rəsmi Bakı “humanitar yükü” geri Paşinyan hakimiyyətinin çiyninə yükləməyi bacarıb. Ermənistan indi bunun altında qalaraq, tədricən əzilməyə başlayıb.(Yeni Müsavat)
Ağır məğlubiyyətə uğrayan Ermənistan
Ermənistan hakimiyyəti artıq özünün məkrli və hiyləgər “humanitar şou”sunun girovuna çevrilib. Çıxılmaz vəziyyətə düşən İrəvan nə irəli, nə də geri addım ata bilir. Ermənistan növbəti dəfə Bakının daha düşünülmüş, qətiyyətli və sərt cavabı ilə öz qazdıqları quyuya yenə də özləri düşmüş oldular. Nəticədə “şou”nun müəllif və rejissorları gözlədiyi nəticə ala bilmədilər.
Hiyləgər və məkrli planın müəllifləri hesab edirdilərsə, bununla nəinki erməni cəmiyyətinin, həmçinin beynəlxalq birliyin Azərbaycana təzyiqini təşkil edib onu geri çəkməyə vadar etməyi düşünürdülərsə, yanıldılar.
Birincisi, erməni cəmiyyəti, xüsusən də siyasi palitrada, politoloqlar və ekspertlər cəmiyyəti də bunu “şou” hesab edirlər. Onlar hesab edir ki, bu “şou” erməni cəmiyyətini birdəfəlik Qarabağdan əl çəkməyə xidmət edir. Yəni Paşinyan hakimiyyəti bununla erməni cəmiyyətinə və onu buna vadar edən mərkəzlərə mesaj verir ki, bax, gördünüz, əlimizdən gələni etdik, amma alınmadı.
İkincisi, məqsədinə nail olunmayan “şou” Ermənistanın güczüs və zəif olduğunu dünyaya bir daha nümayiş etdirdi.
Üçüncüsü, beynəlxalq birliyin, xüsusən də sülh danıqşılarında vasitəçi rolunda iştirak edən dövlətlərin və maraqlı güclərin Azərbaycana qarşı təzyiqini təşkil etmək planı iflasa uğradı. Beynəlxalq birlik və maraqlı tərəflər fəaliyyətlərini ancaq bəyanat verib tərəfləri gərginlik yaratmaqdan geri çəkilmək barədə çağırış oldu. Çünki beynəlxalq aləm də əvvəlcədən tərəflər arasında razılaşdırılmayan “humanitar şou”nun beynəlxalq hüquq norma və prinsiplərinə zidd olduğundan, belə bir “şou”ya dəstək nəticədə beynəlxalq praktikada xoş olmayan presidentlərə gətirib çıxara bilər. Hətta təbii fəlakətlər və digər böhranlarda dövlətlər humanitar yardım göstərmək istəyərkən yardıma ehtiyacı olan ölkə ilə razılaşdırıb bunu edir. Bu, bir beynəlxalq norma və praktikadır.
Dördüncüsü, İrəvan “humanitar şou” adı altında Azərbaycana qarşı beynəlxalq mediada informasiya müharibəsinə nail olmaq istəyirdi. Amma bu məsələdə də planları iflasa uğradı.
Beşincisi, sülh prosesində iştirak edən ölkələrlə Azərbaycanı qarşı-qarşıya qoymaq planı da puç oldu. Başda ABŞ olmaqla nə Qərb, nə də Moskva məsələdə Bakıya qarşı sərt çıxış etdi. Sülh platformasının iştirakçıları tərəfləri gərginlik yaratmaqdan geri addım atmağa çağırdı. Hətta ABŞ Dövlət katibi Entoni Blinken Azərbaycan Prezidenti ilə telefon danışığında Bakının təklif etdiyi Ağdam-Xankəndi yolundan istifadəni bir daha gündəmə gətirməli oldu.
İrəvanın “humanitar şou” aksiyasına isə Bakının adekvat cavabı daha sərt oldu. Bakı Qarabağda əlini azərbaycanlıların qanına bulaşdıran cani Vaqif Xaçaturyanı həbs etməklə ermənilərə və onun havadarlarına “ağlınızı başınıza yığın” ciddi mesajını vermiş oldu. Bununla demək istədi ki, bu cür oyunbazlıqla Azərbaycana təzyiq etmək mənasız və absurd yanaşmadır. Sülh şərtləri bəllidir və Bakı şərtləri açıqlayıb. Əgər sülhə mane olan təxribatlar davam edərsə və ya bundan manipulyasiya, spekulyasiya edilərsə, o zaman Bakı daha sərt addımlara əl ataraq sülhəməcburetmə taktikasına əl ata bilər və bu istisna deyil. Vaqif Xaçatryanın həbsi bunun bariz nümunəsidir.
Xaçatryanın həbsi eyni zamanda Ermənistandakı revanşistlərə, Xankəndidəki terrorçu-quldur dəstəsinə və onların havadarlarına da ciddi mesaj idi. Əgər onlar hesab edirdilərsə ki, onlar törətdikləri bəşəri cinayətlərdən xilas olacaqlar, yanılırlar. Xaçatryanın həbsi bunu bir daha sübut etdi ki, günün birində onların da qolları qandallanıb ədalət mühakiməsi qarşısına çıxarılacaqlar və layiqli cəzalarını alacaqlar.
Yekun olaraq onu qeyd etmək olar ki, ermənilər nə qədər belə hiyləgər və məkrli oyunlar quracaqsa, Azərbaycan tərəfinin də həmin oyunları pozub onları öz qazdıqları quyuya salmaq üçün cavab tədbirləri də mövcuddur. Azərbaycanın cavab addımları ilə Ermənistanın öz inadkar “istəyi” ilə daha ağır məğlubiyyətlərə uğradılacaq.
Türkiyə Prezidenti Rəcəb Tayyib Ərdoğan Azərbaycan xarici işlər naziri Ceyhun Bayramovu qəbul edərkən Ermənistanla münasibətlərin normallaşdırılması prosesini də müzakirə edib.
APA "Anadolu" agentliyinə istinadən xəbər verir ki, Ərdoğan qeyd edib ki, Ermənistanla normallaşma prosesi üçün Zəngəzur dəhlizinin tezliklə açılması və Azərbaycanla hərtərəfli sülh sazişinin tezliklə həyata keçirilməsi vacibdir.
Blinkenin Əliyevlə telefon danışığında “Laçın yolundan tranzitin açılmasına ehtiyac olduğunu və humanitar yüklərin Qarabağdakı əhaliyə çatdırmaq üçün alternativ marşrutlar üzrə razılaşmaların zəruriliyini” vurğulayıb.Bakı erməni əhalisinin keçidi və BQXK-nın xəstələrin daşınması üçün Laçın postunu açıq saxlayır, beləliklə, Vaşinqtonun istədiyi tranziti təmin edir. Yüklərin daşınması üçün alternativ marşrut olaraq Ağdam yolunu təklif edir. Blinkenin açıqlamasını ABŞ-ın Ağdam-Xankəndi marşrutunu dəstəkləməsi kimi qəbul edə bilərik. Avropa İttifaqından sonra (Mişelin mövqeyi fonunda Borrelin açıqlaması əsas deyil və daha çox balans yaratmaq məqsədi daşıyır) ABŞ-ın da mövqeyi rəsmi Bakının əlinin güclənməsi baxımından əhəmiyyətlidir. Bu həm də ümumilikdə Qərb cəbhəsinin mövqeyinə təsir edə biləcək amildir.
Asif Nərimanlı