 |
|
Azərbaycan, Gürcüstan, Rumıniya və Macarıstan arasında sentyabrın 3-də Buxarest şəhərində imzalanmış yaşıl enerjinin inkişafı və ötürülməsi sahəsində strateji tərəfdaşlıq haqqında sazişə düzəliş protokolu təsdiq edilib.
Prezident İlham Əliyev bununla bağlı fərman imzalayıb.
Energetika Nazirliyi protokol qüvvəyə mindikdən sonra onun müddəalarının həyata keçirilməsini təmin etməli, Xarici İşlər Nazirliyi protokolun qüvvəyə minməsi üçün zəruri olan dövlətdaxili prosedurların yerinə yetirildiyi barədə Gürcüstan, Rumıniya və Macarıstana bildiriş göndərməlidir.
Rusiya “altılıq” platformasını hərtərəfli struktura çevirmək üzərində işləyir; 3+3 formatında olan ölkələrin ümumi iqtisadiyyatı dünyanın 5-ci ən böyük ekonomik gücü deməkdir - Tiflis ”daşı ətəyindən tökəcəkmi”?
İkinci Qarabağ savaşından sonra regionda sülh və əməkdaşlığın möhkəmlənməsi, bölgədə stabilliyin təmin edilməsi üçün müxtəlif variantlar təklif edildi. Bunlardan ən praqmatiki və bölgə üçün uzunmüddətli sülhü, əməkdaşlığı, təhlükəsizliyi təmin edəcək 3+3 formatı idi.
Azərbaycanın dövlət başçısının irəli sürdüyü ideya qardaş Türkiyənin rəhbərliyi tərəfindən də dəstəkləndi, eyni zamanda Rusiyanın da müsbət münasibəti oldu. Bu mənada ideyanın gerçəkləşməsi istiqamətində 2022-2023-cü illərdə müxtəlif görüşlər keçirildi, lakin nəticə olmadı. Prosesi tormozlayan əsas səbəblərdən biri də Gürcüstan-Rusiya münasibətləri ilə bağlı oldu. Gürcüstan həmin dönəmdə Qərbin təsiri ilə Rusiyanın olduğu formatda yer almaqdan imtina edirdi. Lakin indi şərtlər dəyişib, Gürcüstan Qərbin boyunduruğundan çıxıb, müstəqil siyasət yürütməyə, bu kontekstdə Rusiya ilə münasibətləri yaxşılaşdırmağa çalışır.
Rusiyanın birinci diplomatı Sergey Lavrov isə yaxın keçmişdə bildirib ki, bu platformanın qapıları Gürcüstan üçün də açıqdır və Tiflisin iştirak etməsi zəruri hesab olunur. Gürcüstanın bu formatda iştirak etməsinə dair çağırışlar təkcə Rusiyadan deyil, həm də Türkiyədən də dəfələrlə səsləndirilib. Ancaq Gürcüstan hökuməti Rusiyanın bölgədəki hərbi varlığı və işğalına görə bu əməkdaşlıqdan imtinanı davam etdirir. Bu formatda indiyədək xarici işlər nazirlərinin Moskva, Tehran və İstanbulda üç görüşü keçirilib. Lakin Azərbaycan və Türkiyə istisna olmaqla 3+3 formatının iştirakçıları heç də hamısı eyni mövqeyi təmsil etmirlər. Halbuki beynəlxalq arenada olan mövcud vəziyyət tərəflərin müzakirələr aparmasını daha zəruri edir.
:1200.jpg)
Rusiya xarici işlər nazirinin müavini Mixail Qaluzin bugünlərdə deyib ki, Rusiya Cənubi Qafqaz ölkələri arasında əməkdaşlıq və qarşılıqlı əlaqəni genişləndirmək məqsədi daşıyan 3+3 formatını hərtərəfli struktura çevirmək üzərində işləyir. Qaluzin vurğulayıb ki, Rusiya Ermənistanla Azərbaycan arasında münasibətlərin bütün sahələrdə normallaşmasına sadiq qalır. O, artıq öz effektivliyini sübut edən 3+3 platformasının əhəmiyyətini vurğulayıb. “Rusiya Cənubi Qafqazda davamlı sülh və sabitliyə nail olmaq üçün ölkələr arasında əməkdaşlığın koordinasiyası üçün 3-3 formatını effektiv bir mexanizm olaraq nəzərdən keçirir". Bunu da Rusiya XİN-in rəsmi nümayəndəsi Mariya Zaxarova açıqlayıb. Zaxarovanın bildirdiyinə görə, bu platforma regionda qarşılıqlı faydalı əməkdaşlığın genişləndirilməsi üçün bir fürsətdir. Xüsusilə ticarət-iqtisadi, nəqliyyat-logistika və mədəni-humanitar sahələrdə əməkdaşlıq potensialının böyük olduğu vurğulanır. Rusiya, İran, Türkiyə, Azərbaycan, Ermənistan və Gürcüstanı birləşdirən bu platforma bölgədəki münaqişələrin həlli və sabitliyin təmin edilməsi üçün zəruri addım kimi qiymətləndirilir.
Yeni format təkcə siyasi və təhlükəsizlik deyil, həm də iqtisadi baxımdan böyük potensial vəd edir. Hesablamalara görə, 3+3 formatında olan ölkələrin ümumi iqtisadiyyatı 3 trilyon dollara yaxındır ki, bu da ABŞ, Çin, Yaponiya və Almaniyadan sonra dünyanın 5-ci ən böyük iqtisadiyyatı deməkdir. Bu yeni format 331 milyon nəfər əhalisi ilə dünyada 3-cü, ərazisinə görə isə birincidir. Bəs sanksiyalar altında olan Rusiya üçün böyük iqtisadi əhəmiyyət kəsb edən bu planı baş tuta bilərmi? Gürcüstan "daşı ətəyindən töküb" bu layihəyə qoşulacaqmı? Ermənistan necə, Rusiyanın olduğu regional platformada iştirakla bağlı hansı mövqe sərgiləyəcək? Onsuz da İrəvan Avrasiya İqtisadi Birliyində də var...
Qabil Hüseynli
Professor Qabil Hüseynli bu layihənin reallaşmasını Zəngəzur dəhlizinin açılması aspektindən də perspektivli sayır. Onun sözlərinə görə, “altılıq” platforması region üçün dayanıqlı sülh və sabitlik anlamına gəlir. “Bu bölgənin öz "şengen zonası" olmaq fürsətləri yarana bilər. Çünki ölkələrin mədəni-tarixi, coğrafi bağlılıqları var. Türkiyə və Azərbaycan bu ideyanın gerçəkləşməsinin əsas həmmüəllifləridir. Rusiya və İran da əməkdaşlıqda maraqlıdır. Sadəcə, Gürcüstanı hansısa formada razı salmaq lazımdır. Əgər Moskva “Gürcü Arzusu” ilə anlaşaraq Abxaziyanın qaytarılmasına şərait yaratsa, tezliklə Tiflisi də 3+3 formatında görə bilərik”, - deyə Q.Hüseynli belə proqnozlaşdırır. Onun fikrincə, Ermənistan da gec-tez bu platformaya gələcək və reallıqları dərk etməkdədir: “Paşinyan Türkiyə və Azərbaycansız iqtisadi açılımın mümkün olmadığını anlayır. Madam ki, bu həqiqəti qəbul edir, deməli, həm 3+3 formatında iştirak etməli, nəqliyyat kommunikasiyalarının blokadadan çıxması və Zəngəzur dəhlizinin açılması üçün addımlar atmalıdırlar. Yerdə qalan ölkələrlə bağlı problem yoxdur. Əksinə, Rusiya və İran kimi sanksiya altında olan qonşularımızın bu platformaya daha çox ehtiyacı var. Çünki sanksiyaların yaxın illərdə aradan qaldırılması gözlənilmir. Hətta Ukrayna böhranı atəşkəslə başa çatsa belə, yenə Rusiyaya iqtisadi təzyiqlərin davamı gələcək".
Q.Hüseynliyə görə, bu formatın bir təşkilat kimi fəaliyyəti də gələcəkdə mümkündür: “Azərbaycan çoxşaxəli iqtisadi əməkdaşlıq siyasəti həyata keçirir. Biz hamı ilə bərabərhüquqlu əməkdaşlıq tərəfdarıyıq. Bu gün müxtəlif platformalarda iştirak edirik və regional layihələrin də genişlənməsini istəyirik. Sadəcə, bu prosesə problem yaradan tərəflər var. Misal üçün, Qərb Ermənistanı Rusiyanın olduğu yerlərdən uzaqlaşmağa çağırır. Hərgah Rusiyasız Ermənistan iqtisadiyyatı məhv olar. Avropa Birliyinin, ABŞ-ın verdiyi qəpik-quruşla Ermənistan saxlamaq olmaz. Baxın, ermənilər ruslara sanksiyalardan yayınmağa kömək edir, ticarət dövriyyəsi 10 milyardı keçir. O baxımdan, Ermənistan, eləcə də Gürcüstan 3+3 formatına gəlməlidir. Bundan özlərini izolyasiya etsələr, itirən tərəf olacaqlar, biz 2+2 formatı da qura bilərik”.
Ermənistandan qovulmuş azərbaycanlıların geri qayıtması beynəlxalq hüquq baxımından tamamilə ədalətlidir.
Axar.az xəbər verir ki, bunu rusiyalı politoloq İqor Korotçenko “Moskva-Bakı”ya müsahibəsində Azərbaycan prezidentinin beynəlxalq konfrans iştirakçılarına dünənki müraciətində qaldırdığı Ermənistandan qovulmuş azərbaycanlıların geri qaytarılması zərurəti mövzusunu şərh edərkən deyib.
“Ermənistan ərazisindən qovulmuş azərbaycanlılar və onların övladları geri qayıtmalı, İrəvan hökuməti Azərbaycandan rəsmi üzr istəməli, təzminat ödəməli və azərbaycanlıların Ermənistana qaytarılması prosesini açmalıdır. Bu mövzu İrəvanda anlayışla qarşılanacaqmı? Yox. Onlar sualın özünü belə müzakirə etmək istəmirlər. Halbuki həqiqət həmişə qalib gəlir. İrəvanın azərbaycanlılarla dialoq aparmasının zəruriliyi mövqeyi getdikcə üstünlük təşkil edəcək. İndiki Ermənistan əsasən monoetnik dövlətdir. Bu isə millətçiliyin və milli eqoizmin böyüməsi üçün münbit zəmindir”, - o bildirib.
“Əməliyyat-axtarış fəaliyyəti prosesində gizli qaydada informasiya alınması üçün nəzərdə tutulmuş texniki vasitələrin növlərinin Siyahısı”nda dəyişiklik edilib.
Bununla bağlı Baş nazir Əli Əsədov qərar imzalayıb.
Qərarla “Əməliyyat-axtarış fəaliyyəti prosesində gizli qaydada informasiya alınması üçün nəzərdə tutulmuş texniki vasitələrin növlərinin Siyahısı” genişləndirilib.
Belə ki, sözügedən siyahıya aşağıdakı məzmunda 17-24-cü hissələr əlavə edilib:
- İnsanın psixofiziki reaksiyalarının qeydi üçün çoxkanallı registratorlar;
- Radioyayım qurğularının olduğu yerin müəyyən edilməsi və nəzarətdə saxlanılması üçün nəzərdə tutulmuş radioavadanlıq daxil olmaqla, ötürülən məlumatın və gizli yerləşdirilmiş texniki vasitələrin aşkar edilməsi üçün çoxfunksiyalı texniki vasitələr;
- Akustik məlumatın məsafəyə ötürülməsi, işlənilməsi, gücləndirilməsi və dəyişdirilməsi üçün texniki vasitələr;
- Video və (və ya) audio məlumatın gücləndirilməsi, işlənilməsi, yazılması, saxlanılması və əks etdirilməsi üçün kiçik ölçülü (50x50x50 mm-dən az) texniki vasitələr;
- Təsvirin ötürülməsi, optik və ya optik-elektron dəyişdirilməsi üçün texniki vasitələr; 22. Radioyayım tezlik diapazonlarından kənarda işləyən ötürücü-qəbuledici radioavadanlıq;
- Telefon danışıqlarının çoxkanallı (2 və daha çox xətlərdən) qeydini (yazılmasını) aparan texniki vasitələr və proqram təminatları;
- Radioefirdə nəzarət və axtarış həyata keçirilməsi üçün gizli daşınan radiopelenqasiya və radionaviqasiya vasitələri.
Prezident İlham Əliyev Finlandiya Respublikasının Prezidenti Aleksandr Stubba təbrik məktubu ünvanlayıb.
Təbrikdə deyilir:
"Hörmətli cənab Prezident,
Finlandiya Respublikasının milli bayramı – Müstəqillik Günü münasibətilə Sizi və xalqınızı öz adımdan və Azərbaycan xalqı adından ürəkdən təbrik edirəm.
İnanıram ki, Azərbaycan ilə Finlandiya arasında münasibətlərin xalqlarımızın mənafelərinə uyğun olaraq dostluq məcrasında inkişafı yolunda bundan sonra da birgə səylər göstərəcəyik. COP29-da iştirak etmək üçün Azərbaycana səfərinizi və Sizinlə keçirdiyimiz görüşü xoş təəssüratlarla xatırlayıram.
Bu bayram günündə Sizə möhkəm cansağlığı, işlərinizdə uğurlar, xalqınıza daim əmin-amanlıq və firavanlıq arzulayıram".
Maltada keçirilən ATƏT Xarici İşlər Nazirləri Şurasının 31-ci iclası çərçivəsində Azərbaycanın xarici işlər naziri Ceyhun Bayramov qazaxıstanlı həmkarı Murat Nurtleu ilə ayaqüstü görüş keçirib.
Bu barədə Qazaxıstan Xarici İşlər Nazirliyinin məlumatı xəbər verir.
“Görüş zamanı tərəflər ikitərəfli münasibətləri, o cümlədən Cənubi Qafqazdakı vəziyyəti müzakirə ediblər”, - məlumatda qeyd edilib.
Bundan əlavə, nazirlər qarşılıqlı maraq doğuran məsələlər üzrə məsləhətləşmələrin davam etdirilməsi barədə razılığa gəliblər.
Gələn həftə bələdiyyə seçkiləri ilə əlaqədar namizədin qeydə alınması üçün zəruri olan seçki sənədlərinin dairə seçki komissiyasına təqdim edilməsinə başlanılır.
Bununla bağlı məsələ Mərkəzi Seçki Komissiyasının (MSK) təsdiq etdiyi "Azərbaycan Respublikasında bələdiyyə seçkilərinin hazırlanıb keçirilməsi üzrə əsas hərəkət və tədbirlərin Təqvim Planı"nda öz əksini tapıb.
Qeyd edilib ki, namizədin qeydə alınması üçün zəruri olan seçki sənədlərini namizəd və ya onun səlahiyyətli nümayəndəsi, siyasi partiyanın və ya siyasi partiyalar blokunun səlahiyyətli nümayəndəsi DSK-ya təqdim edə bilər.
Seçki Məcəlləsinə əsasən, seçki sənədləri səsvermə gününə ən çoxu 50, ən azı 30 gün qalmış saat 18:00-dək təqdim edilməlidir.
Təqvim planında bu müddət 2024-cü il dekabrın 10-dan dekabrın 30-u saat 18.00-dək nəzərdə tutulub.
Xatırladaq ki, MSK-nın qərarına əsasən, növbəti bələdiyyə seçkiləri 2025-ci il yanvarın 29-na təyin edilib.
Azərbaycan və Ermənistan preambula, o cümlədən müqavilə mətninin 17-dən 15-i üzrə razılığa gəliblər
Bunu Ermənistanı xarici işlər naziri Ararat Mirzoyan Maltada ATƏT XİN Şurasında çıxışında deyib.
“Sülh müqaviləsinin imzalanması məsələsində müəyyən irəliləyiş var. Mətndə preambula və 17 maddədən 15-i üzrə razılığa gəlib. İradə nümayəiş olunsa, sənəd Cənubi Qafqazda düşmənçilik səhifəsini bağlaya bilər”, - Mirozyan qeyd edib.
zərbaycanın rabitə və informasiya texnologiyaları sahəsi işçiləri “Tərəqqi” medalı ilə təltif ediliblər.
Bununla bağlı Prezident İlham Əliyev Sərəncam imzalayıb.
Sərəncamla Azərbaycanda rabitə və informasiya texnologiyaları sahəsində səmərəli fəaliyyətinə görə aşağıdakı şəxslər “Tərəqqi” medalı ilə təltif ediliblər:
Abbasov Emil İsmayıl oğlu
Ağamirova İradə Rahil qızı
Ağasiyeva Sevinc Əlibaba qızı
Bədirxanov Dunay Rasim oğlu
Əliyev Müşfiq Cabir oğlu
Hüseynov Pərviz Firuz oğlu
İsmayılov Pərviz Nazim oğlu
Kərimov Vüsal Rəvan oğlu
Mərdanov Nail Teyyub oğlu
Nağıyev İbrahim Abdulla oğlu
Vəliyeva Sevinc Misirxan qızı.
"Qanın, qan komponentlərinin tədarükü, emalı, saxlanması və bölüşdürülməsi ilə məşğul olan qan xidməti müəssisələrinin (qan banklarının) Siyahısı" yenilənib.
Bu barədə Baş nazir Əli Əsədov Qərar imzalayıb.
Qərarla yeni redaksiyada təqdim olunan Qanın, qan komponentlərinin tədarükü, emalı, saxlanması və bölüşdürülməsi ilə məşğul olan qan xidməti müəssisələrin (qan banklarının) siyahısını təqdim edirik:
Azərbaycan Respublikasının Xüsusi Tibb Xidməti
1. Mərkəzi Klinik Xəstəxananın qanköçürmə şöbəsi
Azərbaycan Respublikasının Səhiyyə Nazirliyi
1. Respublika Qan Bankı üzrə:
1.1. Respublika Qan Bankının Gəncə bölməsi
1.2. Respublika Qan Bankının Şəki bölməsi
1.3. Respublika Qan Bankının Quba bölməsi
2. Milli Onkologiya Mərkəzinin qanköçürmə şöbəsi
3. Milli Hematologiya və Transfuziologiya Mərkəzi
4. Azərbaycan Elmi-Tədqiqat Travmatologiya və Ortopediya İnstitutunun
qanköçürmə şöbəsi
5. Akademik M.A.Topçubaşov adına Elmi Cərrahiyyə Mərkəzinin qanköçürmə
şöbəsi
6. Bakı Sağlamlıq Mərkəzinin qanköçürmə şöbəsi
Tibbi Ərazi Bölmələrini İdarəetmə Birliyi
1. Bakı şəhəri üzrə:
1.1. Akademik M.Ə.Mirqasımov adına Respublika Klinik Xəstəxanasının qanköçürmə şöbəsi
1.2. Akademik Mirməmməd Cavadzadə adına Respublika Kliniki Uroloji Xəstəxanasının qanköçürmə şöbəsi
1.3. Respublika Neyrocərrahiyyə Xəstəxanasının qanköçürmə şöbəsi
1.4. Mərkəzi Neftçilər Xəstəxanasının qanköçürmə şöbəsi
1.5. Yeni Klinikanın qanköçürmə şöbəsi
1.6. Kliniki Tibbi Mərkəzin qanköçürmə şöbəsi
1.7. Ə.D.Məlikov adına Binəqədi Tibb Mərkəzinin qanköçürmə şöbəsi
1.8. Nərimanov Tibb Mərkəzinin qanköçürmə şöbəsi
1.9. Nizami Tibb Mərkəzinin qanköçürmə şöbəsi
1.10. Sabunçu Tibb Mərkəzinin qanköçürmə şöbəsi
1.11. M.Ə.Əfəndiyev adına Xətai Tibb Mərkəzinin qanköçürmə şöbəsi
2. Sumqayıt şəhəri üzrə:
2.1. Sumqayıt 1 nömrəli Şəhər Xəstəxanasının qanköçürmə şöbəsi
3. Şəhər və rayonlar üzrə:
3.1. Şirvan Şəhər Mərkəzi Xəstəxanasının qanköçürmə şöbəsi
3.2. Mingəçevir Şəhər Mərkəzi Xəstəxanasının qanköçürmə şöbəsi
3.3. Ağdam Rayon Mərkəzi Xəstəxanasının qanköçürmə şöbəsi
3.4. Ağdaş Rayon Mərkəzi Xəstəxanasının qanköçürmə şöbəsi
3.5. Ağcabədi Rayon Mərkəzi Xəstəxanasının qanköçürmə şöbəsi
3.6. Ağsu Rayon Mərkəzi Xəstəxanasının qanköçürmə şöbəsi
3.7. Ağstafa Rayon Mərkəzi Xəstəxanasının qanköçürmə şöbəsi
3.8. Astara Rayon Mərkəzi Xəstəxanasının qanköçürmə şöbəsi
3.9. Balakən Rayon Mərkəzi Xəstəxanasının qanköçürmə şöbəsi
3.10. Beyləqan Rayon Mərkəzi Xəstəxanasının qanköçürmə şöbəsi
3.11. Bərdə Rayon Mərkəzi Xəstəxanasının qanköçürmə şöbəsi
3.12. Biləsuvar Rayon Mərkəzi Xəstəxanasının qanköçürmə şöbəsi
3.13. Cəlilabad Rayon Mərkəzi Xəstəxanasının qanköçürmə şöbəsi
3.14. Şabran Rayon Mərkəzi Xəstəxanasının qanköçürmə şöbəsi
3.15. Goranboy Rayon Mərkəzi Xəstəxanasının qanköçürmə şöbəsi
3.16. Göyçay Rayon Mərkəzi Xəstəxanasının qanköçürmə şöbəsi
3.17. Hacıqabul Rayon Mərkəzi Xəstəxanasının qanköçürmə şöbəsi
3.18. Xaçmaz Rayon Mərkəzi Xəstəxanasının qanköçürmə şöbəsi
3.19. Göygöl Rayon Mərkəzi Xəstəxanasının qanköçürmə şöbəsi
3.20. İmişli Rayon Mərkəzi Xəstəxanasının qanköçürmə şöbəsi
3.21. İsmayıllı Rayon Mərkəzi Xəstəxanasının qanköçürmə şöbəsi
3.22. Kürdəmir Rayon Mərkəzi Xəstəxanasının qanköçürmə şöbəsi
3.23. Qazax Rayon Mərkəzi Xəstəxanasının qanköçürmə şöbəsi
3.24. Qax Rayon Mərkəzi Xəstəxanasının qanköçürmə şöbəsi
3.25. Qəbələ Rayon Mərkəzi Xəstəxanasının qanköçürmə şöbəsi
3.26. Qobustan Rayon Mərkəzi Xəstəxanasının qanköçürmə şöbəsi
3.27. Qusar Rayon Mərkəzi Xəstəxanasının qanköçürmə şöbəsi
3.28. Lerik Rayon Mərkəzi Xəstəxanasının qanköçürmə şöbəsi
3.29. Lənkəran Rayon Mərkəzi Xəstəxanasının qanköçürmə şöbəsi
3.30. Masallı Rayon Mərkəzi Xəstəxanasının qanköçürmə şöbəsi
3.31. Neftçala Rayon Mərkəzi Xəstəxanasının qanköçürmə şöbəsi
3.32. Oğuz Rayon Mərkəzi Xəstəxanasının qanköçürmə şöbəsi
3.33. Saatlı Rayon Mərkəzi Xəstəxanasının qanköçürmə şöbəsi
3.34. Sabirabad Rayon Mərkəzi Xəstəxanasının qanköçürmə şöbəsi
3.35. Salyan Rayon Mərkəzi Xəstəxanasının qanköçürmə şöbəsi
3.36. Siyəzən Rayon Mərkəzi Xəstəxanasının qanköçürmə şöbəsi
3.37. Şamaxı Rayon Mərkəzi Xəstəxanasının qanköçürmə şöbəsi
3.38. Şəmkir Rayon Mərkəzi Xəstəxanasının qanköçürmə şöbəsi
3.39. Tovuz Rayon Mərkəzi Xəstəxanasının qanköçürmə şöbəsi
3.40. Tərtər Rayon Mərkəzi Xəstəxanasının qanköçürmə şöbəsi
3.41. Ucar Rayon Mərkəzi Xəstəxanasının qanköçürmə şöbəsi
3.42. Yevlax Rayon Mərkəzi Xəstəxanasının qanköçürmə şöbəsi
3.43. Zaqatala Rayon Mərkəzi Xəstəxanasının qanköçürmə şöbəsi
3.44. Zərdab Rayon Mərkəzi Xəstəxanasının qanköçürmə şöbəsi
Naxçıvan Muxtar Respublikası
1. Qan Bankı və Qan köçürmə Mərkəzi
2. Naxçıvan Muxtar Respublika Xəstəxanasının qanköçürmə kabinəsi
3. Naxçıvan Sağlamlıq Mərkəzinin qanköçürmə kabinəsi
4. Naxçıvan Muxtar Respublikası Perinatal Mərkəzinin qanköçürmə kabinəsi
5. Şərur Regional Tibb Mərkəzinin qanköçürmə kabinəsi
6. Culfa Regional Tibb Mərkəzinin qanköçürmə kabinəsi.