 |
|
Polislər də yanğınsöndürənlərlə birgə alovun qarşısının alınmasında iştirak edib
Bu gün "Sədərək" Ticarət Mərkəzində baş vermiş yanğın zamanı polis əməkdaşları da yanğınsöndürənlərlə birgə alovun qarşısının alınmasında iştirak edib. Yol-xeber.az xəbər verir ki, vətəndaşlar tərəfindən yayılan videoda polis əməkdaşlarının sahibkarların əmlakının təhlükəsiz yerə çıxarılmasında və mühafizə olunmasında köməklik göstərmələri də əksini tapıb. Həmin görüntüləri təqdim edirik;
Son zamanlar xüsusən paytaxtda xarici nömrələrlə hərəkət edən avtomobillərin sayı çoxalıb.
“ATV.az” xəbər verir ki, bu cür avtomobillərin sürücüləri yol hərəkəti qaydalarını pozarkən cərimə tətbiq olunsa da, əksər hallarda əcnəbi vətəndaşlar cəriməni ödəməkdən yayınıblar.
Bununla bağlı baş Dövlət Yol Polis İdarəsi əcnəbi sürücülərə müraciət edib. Artıq mexanizm də hazırlanıb.
Polis sürücülər üçün bildiriş paylayıb. Həmin bildirişdə qeyd olunub ki, tərtib olunmuş protokola əsasən cərimə məbləği 30 gün müddətində ödənilmədikdə həmin məbləğin üzərinə 1% dəbbə pulu gələcək.
Cərimələrin ödənilməsi üçün sərhəd keçid məntəqələrində ödəniş terminalları mövcuddur.
Bu gün “Sədərək” ticarət mərkəzində baş verən yanğın zamanı 60 mağazaya ziyan dəyib.
Hadisə zamanı zərər görən mağaza sahiblərindən biri sığortalarının olmadığını bildirib:
“Nə sığorta? Bazarda sığorta var? Ancaq yer pulu veririk”.
Mağaza sahibləri deyir ki, yanğın ilk olaraq dəri satılan mağazadan başlayıb, sonra parça satılan mağazaya keçib.
“300-400 top parça olan mağaza yanıb. Parçaların bir topu 150-200 manatdır. Ən az dəyən zərər 100 min manatdır”.
Qeyd edək ki, yanğın 900-1000 kvadratmetr ərazini əhatə edib. Fövqəladə Hallar Nazirliyinin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq qüvvələri tərəfindən yanğın söndürülüb. (oxu.az)
Bakı Nəqliyyat Agentliyi (BNA) “Sədərək” Ticarət Mərkəzində baş verən yanğınla bağlı məlumat yayıb.
BNA-nın mətbuat katibi Mais Ağayev Modern.az-a bildirib ki, yanğın nəticəsində 117, 120, 126, 130, 164, 174, 176, 194, 206, 211 nömrəli müntəzəm marşrutların fəaliyyətində müəyyən çətinliklər yaranıb:
“Məsələ ilə bağlı daşıyıcılarla əlaqə saxlanılıb və alternativ yollardan istifadə etməklə marşrutların fasiləsiz fəaliyyətinin təmin olunması tapşırılıb”.
Xərclərə qənaət etməyin ən yaxşı yolu gözlənilməyən əlavə risklərdən sığortalamaqdır. Ziyan dəymə riskinin daha çox olduğu avtomobil sığortası bu mənada birinci yerdə gəlir.
Nəzərə alsaq ki, ölkəmizdə əhali arasında da bu sığorta növü daha çox tanınır, o zaman çoxlarını maraqlandıran bu suala cavab tapmaq yerinə düşər: Azərbaycanda avtomobili sığortalamaq neçəyə başa gəlir?
Fins.az məsələ ilə bağlı Azərbaycan sığorta bazarında qiymətləri və şərtləri araşdırıb. Şirkətlərdən verilən məlumata görə, avtomobilin istehsal tarixindən, bazar qiymətindən, azadolma məbləğindən, sürücülük təcrübəsindən və bir sıra amillərdən asılı olaraq sığorta haqqı arta və ya azala bilir. Ona görə də, bazar qiyməti 11 min manat olan avtomobil misalı üzərində qiymətlər müəyyən edilib.
Sığorta bazarında bəzi şirkətlər 2006-cı ildən aşağı olan avtomobilləri sığortalamırlar. Əksər şirkətlər isə istehsal tarixi 2008-ci ildən yuxarı olan avtomobilləri sığortalamağa razılıq verirlər.
Sığorta eksperti İlkin İbrahimov deyir ki, Azərbaycanda avtomobillərin sığortalanması qaydası, dünyada tətbiq olunan “kasko-könüllü” qaydada həyata keçirilir. Sığortalanma zamanı sığorta haqqı avtomobilin ilindən asılı olaraq qiymətinin 2.5-3% nisbətində müəyyən edilir:
“Lakin elə könüllü sığorta növləri vardır ki, burada sığorta haqqı 15%-ə qədərdir (10% sığorta haqqı + 5%-ə qədər də azadolma) Bura əlavə olaraq şərtsiz azadolma (sığorta şirkətləri tərəfindən bu məbləğə qədər olan hissə hər hadisə zamanı çıxılır) məbləğini də əlavə etdikdə sığorta haqqı kifayət qədər yüksəlir”.
Ümumiyyətlə, icbari sığortalar sosial xarakterli olduğundan və hər kəsin əlçatanlığı təmin edildiyindən bu növ sığorta daha sərfəlidir. Hazırda ölkəmizdə kasko sığorta növü üzrə ən çox istifadə edilən məhsullar müəyyən olunmuş məbləğin il ərzində istifadəsi qədər təminatın verilməsidir. Məsələn, könüllü növ üzrə 550 manat ödəyib, 5500 manatlıq müqavilə bağlayırıq. Bu müqavilə müddətində sığorta şirkəti sığortalı il ərzində 5500 min manatlıq sığorta kompensasiyası ödəməyi öz öhdəsinə götürür.
Bura hər hadisə üzrə 150-200 manatlıq azadolmanı da gəlsək, bu sığorta haqqının kifayət qədər baha olmasını görərik. Lakin icbari sığortada verilmiş təminat hər hadisə üçün il ərzində baş verən hadisələr nəzərdə tutulur. Misal üçün, 5000 manatlıq təminat azadolma istifadə edilmədən il ərzində hər hadisə üçün maksimal ödəniş nəzərdə tutulur.
Azərbaycan Respublikasının ərazisinə gətirilən tərkibində spirtin miqdarı 9 faizdən az olan tündləşdirilməmiş alkoqollu içkilər üçün aksiz dərəcəsi və idxal gömrük rüsumu müəyyənləşdirilib.
APA bildirir ki, bu Nazirlər Kabinetinin “Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələrinin təsdiq edilməsi haqqında” qərarında və “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə etdiyi dəyişikliklərdə əksini tapıb.
Beləliklə, tərkibində spirtin miqdarı doqquz faizdən az olan tündləşdirilməmiş alkoqollu içkilərin hər litri üçün 1,9 manat aksiz dərəcəsi müəyyənləşib. Bu içkilərin hər litri üçün isə iki ABŞ dolları idxal gömrük rüsumu tətbiq olunacaq.
Hər iki qərar dərc edildiyi gündən 30 gün sonra – martın 19-da qüvvəyə minir.
Münhen Təhlükəsizlik Konfransı çərçivəsində Azərbaycan Respublikasının Prezidenti cənab İlham Əliyevin və ermənistanın baş naziri Nikol Paşinyanın iştirakı ilə Ermənistan-Azərbaycan, Dağlıq Qarabağ münaqişəsi ilə bağlı keçirilən panel müzakirələr Ağstafa Regional Mədəniyyət İdarəsində "Qarabağda Ermənistanın heç biri tarixi irsi yoxdur" mövzusunda keçirilən konfransda müzakirə edildi.
Bakı Şəhər Baş Polis İdarəsinin İctimai Təhlükəsizlik İdarəsi və ərazi polis orqanları tərəfindən 573 reyd təşkil olunub
Azyaşlı məktəblilərin və yeniyetmələrin profilaktikası istiqamətində keçirilən tədbirlər kampaniya xarakteri daşımır. Hər bir Azərbaycan vətəndaşının təhlükəsizliyini qorumaq, hüquqlarını bərpa etmək bizim üçün müqəddəs vəzifədir. Bu məsələ müzakirə olunmur, dərhal icra edilir.
Bu barədə Avtosfer.az-ın sorğusuna cavab olaraq Bakı Şəhər Baş Polis İdarəsinin mətbuat xidmətinin rəisi, polis mayoru Elşad Hacıyev bildirib ki, uşaq hüquqları üzrə üzərimizə düşən vəzifələrin icrası istiqamətində daxil olan bütün müraciətlərə diqqətlə yanaşılır. Təkcə rəsmi müraciətlər yox, eyni zamanda, sosial şəbəkələrdə, mətbuatda uşaq hüquqlarının pozulması ilə bağlı yayılan məlumatlar da nəzarətə götürülür, yoxlanılır, araşdırılır, müvafiq tədbirlər həyata keçirilir. Hər bir Azərbaycan vətəndaşının təhlükəsizliyini qorumaq, hüquqlarını bərpa etmək bizim üçün müqəddəs vəzifədir. Bu məsələ müzakirə edilmir, dərhal icra olunur. Uşaq hüquqlarının qorunmasında risk qrupuna daxil olan, yaxud münaqişəli ailələrdə böyüyən azyaşlıların mühafizəsinə həssas yanaşırıq. Uşaq hüquqlarının pozulmasının qarşısının alınması ilə yanaşı, onların təhsilə cəlb edilməsi, ailələrlə profilaktiki söhbətlərin aparılması işi fəaliyyətimizin tərkib hissəsidir. Bakı Şəhər Baş Polis İdarəsinin İctimai Təhlükəsizlik İdarəsi və ərazi polis orqanları tərəfindən orta ümumtəhsil ocaqlarında və ona bərabər yerlərdə ötən il azyaşlıların profilakatikası, maarifləndirilməsinə dair 468 müxtəlif məzmunlu görüşlər keçirilib.
Küçə uşaqları ilə bağlı vəziyyətin də daim diqqət mərkəzində olduğunu deyən E.Hacıyev bildirib: “Tərəfimizdən belə hal aşkarlandıqda dərhal araşdırma başlanılaraq, onun mənsub olduğu ailə öyrənilir, olmadıqda isə profilaktiki qeydiyyata alınaraq müvafiq sığınacaqlara yerləşdirilir. Bu məqsədlə ötən il Bakı Şəhər Baş Polis İdarəsinin İctimai Təhlükəsizlik İdarəsi və ərazi polis orqanları tərəfindən 573 reyd təşkil olunub. Aşkarlanan 46 uşaq sosial sığınacaqlara yerləşdirilib, eləcə də 7 nəfər atılmış körpə tərəfimizdən tapılaraq, uşaq evlərinə təhvil verilib”.
Bakıda avtobus sürücüsü sərnişinlərin həyatını təhlükəyə atıb.
Oxu.az xəbər verir ki, sərnişinlər 37 nömrəli müntəzəm xətt üzrə hərəkət edən avtobus sürücülərindən şikayət edirlər.
Şikayətə görə, 37 nömrəli müntəzəm xətt üzrə hərəkət edən sərnişin avtobusunun sürücüsü yolboyu telefonla danışıb:
“Sürücülər qaydalara riayət etmirlər. Yolboyu telefonla danışırlar. Sərnişinlər etiraz edəndə isə kobud cavab verirlər: “Kimə istəyirsiniz, şikayət edin”. Qəza olanda da deyəcəklər ki, bizdə günah yoxdur”.
Nişanı yerinə bağlayan yoxdur
Bakıda nizamlanmayan piyada keçidlərinin birində yol nişanın düşməsi ilə bağlı redaksiyamıza məlumat göndərilib. Avtosfer.az xəbər verir ki, paytaxtın A.M.Şərifzadə küçəsində (Respublika Klinik Xəstəxanasının qarşısında) yerləşən nizamlanmayan piyada keçidindəki 5.16.2 yol nişanı artıq neçə gündür yoxdur. Redaksiyamıza məlumat verən oxucu bildirir ki, nişan neçə gündür səkidədir, lakin onu zolağın qarşısındakı dirəyə bağlayan yoxdur.