 |
|
Dünya ölkələri pandemiya şəraitində vətəndaşların məhkəmələrə əlçatanlığını təmin etmək, ədalət mühakiməsini dayandırmamaq məqsədilə müxtəlif həll yolları axtarır. Çünki, yeni işlərin daxil olması və icraatda olan müraciətlərə baxılmaması, onsuz da işi ağır olan məhkəmələrin daha da yüklənməsinə gətirib çıxarır. Vəziyyətdən çıxış yolu kimi elektron texnologiyaların tətbiqi yenə köməyə çatır.
Ölkəmizdə də ilk dəfə olaraq bu vasitələrin köməkliyi ilə onlayn məhkəmə prosesi keçirilib. Bu zaman məhkəmə fəaliyyətinin xüsusiyyəti, proses iştirakçılarının fərdi məlumatlarının qorunmasına xüsusi diqqət yetirilib.
Onlayn prosesdə təqsirləndirilən şəxsin dedikləri audio və video yazı formasında birbaşa protokola köçürülür. İştirakçılar razılıqları əsasında əvvəlcədən təyin olunmuş vaxtda prosesə məhkəmə tərəfindən göndərilmiş elektron keçid üzərindən kompüter və ya mobil telefon vasitəsilə qoşula bilirlər. Bunun üçün “Elektron məhkəmə” informasiya sistemində xüsusi proqram modulu işlənib istifadəyə verilib.
Yenilik vətəndaşın işini asanlaşdırmaqla yanaşı, həm də iqtisadi baxımdan da səmərəlidir. Bunun nəticəsində şəffaflıq təmin olunur, məhkəmə prosesləri vaxtında və daha çevik üsulla həyata keçirilir. Bu səbəbdən onlayn məhkəmə prosesi pandemiyadan sonrakı dövrdə də geniş istifadə edilə bilər. oxu.az
Dünya ölkələri pandemiya şəraitində vətəndaşların məhkəmələrə əlçatanlığını təmin etmək, ədalət mühakiməsini dayandırmamaq məqsədilə müxtəlif həll yolları axtarır. Çünki, yeni işlərin daxil olması və icraatda olan müraciətlərə baxılmaması, onsuz da işi ağır olan məhkəmələrin daha da yüklənməsinə gətirib çıxarır. Vəziyyətdən çıxış yolu kimi elektron texnologiyaların tətbiqi yenə köməyə çatır.
Ölkəmizdə də ilk dəfə olaraq bu vasitələrin köməkliyi ilə onlayn məhkəmə prosesi keçirilib. Bu zaman məhkəmə fəaliyyətinin xüsusiyyəti, proses iştirakçılarının fərdi məlumatlarının qorunmasına xüsusi diqqət yetirilib.
Onlayn prosesdə təqsirləndirilən şəxsin dedikləri audio və video yazı formasında birbaşa protokola köçürülür. İştirakçılar razılıqları əsasında əvvəlcədən təyin olunmuş vaxtda prosesə məhkəmə tərəfindən göndərilmiş elektron keçid üzərindən kompüter və ya mobil telefon vasitəsilə qoşula bilirlər. Bunun üçün “Elektron məhkəmə” informasiya sistemində xüsusi proqram modulu işlənib istifadəyə verilib.
Yenilik vətəndaşın işini asanlaşdırmaqla yanaşı, həm də iqtisadi baxımdan da səmərəlidir. Bunun nəticəsində şəffaflıq təmin olunur, məhkəmə prosesləri vaxtında və daha çevik üsulla həyata keçirilir. Bu səbəbdən onlayn məhkəmə prosesi pandemiyadan sonrakı dövrdə də geniş istifadə edilə bilər. oxu.az
Qusar polisi sakinlərə tibbi maska paylayıb.
Daxili İşlər Nazirliyinin Mətbuat Xidmətinin Quba rayonunda regional qrupundan verilən məlumata görə, Qusar Rayon Polis Şöbəsinin əməkdaşları tərəfindən koronavirus pandemiyasının yayılmasının qarşısının alınması istiqamətində tədbirlər davam etdirilir.
Şöbə əməkdaşları tərəfindən mütəmadi olaraq rayon sakinləri ilə maarifləndirici söhbətlər aparılır, rejim qaydaları barədə məlumatlar verilir.
Həmçinin polis əməkdaşları tərəfindən rayon ərazisində yerləşən poçt məntəqələrinin, bankların, idarələrin qarşısına toplaşan vətəndaşlara sosial məsafənin qorunmasının zəruriliyi barədə məlumatlar verilir, onlara tibbi maska paylanılır.
Koronavirusla bağlı 190 manat birdəfəlik yardım üçün imtina cavabı alanlar yenidən qeydiyyatdan keçə bilər.
Onlar bunun üçün yerli məşğulluq idarələrinə, həmçinin e-mail vasitəsilə Əmək və Əhalinin Sosial Müdafiəsi Nazirliyinə müraciət etməlidir.
Dövlət Məşğulluq Xidmətinin mətbuat katibi Əsmər Nəcməddinqızı bildirib ki, imtina ilə bağlı narazılığı olan hər bir vətəndaşın müraciətinə cavab göndəriləcək:
"Həmin vətəndaşların şikayətlərinə 15 iş günü ərzində cavab verilir. Lakin təkrar yoxlanma tələb olunarsa, bu müddət uzadıla da bilər. Vətəndaşlar müraciət ediblərsə, mütləq onlara cavab gələcək".
Qeyd edək ki, aşağıdakı videoda yenidən müraciət edəcəyiniz elektron ünvanlar göstərilib. redaktor.az
Şənbə günü Azərbaycanda müşahidə olunacaq hava şəraiti açıqlanıb.
Milli Hidrometeorologiya Xidmətindən verilən məlumata görə, mayın 9-da Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Lakin gecəyə doğru bəzi yerlərdə yağış yağacağı ehtimalı var. Gecə və səhər bəzi yerlərdə duman olacaq. Cənub-qərb küləyi gündüz arabir güclənən şimal-qərb küləyi ilə əvəz olunacaq.
Havanın temperaturu gecə 12-14° isti, gündüz 18-23° isti olacaq. Bakıda gecə 12-14° isti, gündüz 20-22° isti olacaq.
Atmosfer təzyiqi 758 mm civə sütunundan 762 mm civə sütununa yüksələcək. Nisbi rütubət gecə 70-80 %, gündüz 40-45 % olacaq.
Tibbi-meteoroloji proqnoza gəlincə, mayın 9-da gündüz Abşeron yarımadasında mülayim xəzri küləyinin arabir güclənəcəyi gözlənilir ki, bu da əksər meteohəssas insanlarda narahatlıq hissi yarada bilər.
Azərbaycanın rayonlarında hava əsasən yağmursuz keçəcək. Lakin gecə və axşam bəzi yerlərdə şimşək çaxacağı, arabir yağış yağacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi ehtimalı var. Səhər saatlarında duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 10-15° isti, gündüz 23-28° isti, dağlarda gecə 2-7° isti, gündüz 10-15° isti olacaq
Çağacıq çayında suyun həcmi hələ azalmayıb, sel davam edir
Qubada ötən gün körpülərin sel aparması ilə bağlı Quba Rayon İcra Hakimiyyətinin başçısı əraziyə gəlib. Yol-xeber.az-ın "Report"a istinadən verdiyi məlumata görə, hadisə yerinə gələn Quba Rayon İcra Hakimiyyətinin başçısı Ziyəddin Əliyev gediş-gəliş əlaqəsinin müvəqqəti bərpa edilməsi üçün əraziyə texnikanın cəlb olunması və digər zəruri tədbirlərin həyata keçirilməsi üçün göstəriş və tövsiyələrini verib.
Çağacıq çayında suyun həcmi hələ azalmayıb, sel davam edir.
İcra başçısı Z.Əliyev bildirib ki, körpülərin inşaası zamanı iri diametrli metal borulardan istifadə olunub: “Lakin bu üsul əlverişli olmadı. Buna görə də hər iki körpünün yenidən betondan tikilməsi qərarı qəbul olunub”.
Qeyd edək ki, Quba rayonunun Xanagah kəndində Çağacıq çayının üzərində inşa edilən körpülərin sel aparması nəticəsində kəndin məhəllələri arasındakı gediş-gəliş əlaqəsi kəsilib.
Media nümayəndələrini ictimai nəqliyyatda davranış qaydalarının təbliğinə və virusun yayılmasına qarşı maarifləndirmə tədbirləri ilə bağlı işə dəstək vermələrini çağırırıq
“Xaliq Faiqoğlu” şirkəti sərnişinlərə müraciət edib. Şirkətindən Yol-xeber.az-a verilən məlumata görə, son günlərdə istismarımızda olan müntəzəm və ekspress marşrut xətləri üzrə avtobuslarda sərnişinlərin əksəriyyətinin kəskin respirator virusun yayılmasına qarşı zəruri olan vasitələrdən istifadə etməmələri, sosial məsafəni qorumamaları müşahidə edilir. Şirkət hər bir sərnişinə ictimai nəqliyyatdan istifadə edərkən qoruyucu maskadan istifadə etmələrini və sosial məsafə qaydalarına riayət etmələrini tövsiyə edib: “Unutmayın ki, yaşayış yerimizi tərk etməməklə, əks-epidemik tədbirlərlə bu virusun yayılmamasına töhfə verə və ölkəmizdə vəziyyətin tezliklə başa çatmasına nail ola bilərik. Media nümayəndələrini ictimai nəqliyyatda davranış qaydalarının təbliğinə və virusun yayılmasına qarşı maarifləndirmə tədbirləri ilə bağlı işə dəstək vermələrini çağırırıq.
Sürücü və sərnişinlərə tibbi maskalar hədiyyə olunub
Azərbaycan Respublikası Nazirlər Kabineti yanında operativ qərargahın koronavirus infeksiyasının geniş yayılmasının qarşısının alınmasına dair əlavə tədbirlər haqqında qərarına uyğun olaraq xüsusi karantin rejimi ilə əlaqədar Bakı şəhəri, Suraxanı rayonunun bir sıra küçə və prospektlərində qurulan postlarda xidmət davam edir. Rayon Dövlət Yol Polisi Şöbəsinin əməkdaşları postlarda hər bir nəqliyyat vasitəsini fərdi şəkildə saxlayaraq yoxlayır. İcazə sənədi, xüsusi bildirişi olmayan nəqliyyat vasitələrinin sürücüləri karantin rejimini pozduğunu görə cərimələnir.
Eyni zamanda avtomobildə olan icazəsi olmayan sərnişinlər barəsində də tədbir görülür.
Yol polisi əməkdaşları sürücü və sərnişinlərə tibbi maskalardan istifadə etməyi tövsiyə edir. Tibbi maskası olmayanlara maska hədiyyə olunur.
Vətəndaşlar yol polisinin bu addımından razılıqlarını ifadə edirlər.
“Aprel ayında xüsusi karantin rejiminə görə işini itirən qeyri-formal işləmiş, 190 manatlıq birdəfəlik ödəmə alan aztəminatlı şəxsin may ayında işləmək imkanı yaranarsa, onun işsiz kimi qeydiyyatı dayandırılır”.
Oxu.az məlumatına görə, bunu Əmək və Əhalinin Sosial Müdafiəsi nazirinin müavini Anar Əliyev “Yeni” TV-nin canlı yayımında bildirib.
Onun sözlərinə görə, həmin şəxsə ikinci ay üzrə 190 manat ödəniş verilməyəcək:
“190 manat birdəfəlik ödəniş iki aylıq nəzərdə tutulmuşdu. Koronavirus pandemiyası ciddi qeyri-müəyyənlik yaradır və vəziyyətin nə qədər davam edəcəyi bilinmir. Şəraitdən asılı olaraq, bu məsələyə baxıla bilər”.
“Ölkəmizin istənilən məsələ ilə bağlı proqramı icra etməyə və əhaliyə dəstək göstərməyə imkanı var. Lakin indidən bu barədə proqnoz vermək və danışmaq tezdir”, - deyə nazir müavini qeyd edib.
Yeni növ koronavirus infeksiyası (COVID-19) ilə əlaqədar Azərbaycan Respublikası ərazisində tətbiq olunan xüsusi karantin rejiminin mərhələli yumşalma planına və mövcud sanitar-epidemioloji vəziyyətə uyğun olaraq Bakı Metropoliteninin fəaliyyətinin 9 may 2020-ci il saat 06.00-dan etibarən bərpa edilməsinə dair qərar verilmişdir.
Nazirlər Kabineti yanında Operativ Qərargah xəbər verir ki, metro stansiyalarına yalnız yaşayış yerini SMS icazə ilə, "icaze.e-gov.az" portalında qeydiyyatdan keçməklə, xidməti vəsiqə və ya iş yeri barədə arayışla tərk edən sərnişinlərin girişinə icazə veriləcək.
Bundan başqa, sərnişinlərin metro stansiyası ərazisində, eləcə də qatarlarda qoruyucu maskalardan istifadəsi və sosial məsafəni gözləməsi mütləqdir.
Aparılan təmir-tikinti işləri ilə əlaqədar olaraq Abşeron rayonu, Saray qəsəbəsi Heydər Əliyev prospektində bu gündən başlayaraq hərəkət hissə-hissə qismən məhdudlaşdırılacaq.
Azərbaycan Avtomobil Yolları Dövlət Agentliyindən (AAYDA) verilən məlumata görə, məhdudlaşma təmir işləri bitənədək qüvvədə olacaq.
Bu səbəbdən sürücülərdən öncədən hərəkət istiqamətlərinə uyğun olaraq alternativ yollardan istifadə etmələri tövsiyə olunur.
AAYDA yarana biləcək müvəqqəti narahatlığa görə vətəndaşlardan üzr istəyir.