 |
|
Koronavirus pandemiyasına görə sərhədlərin bağlanması səbəbindən Rusiyadan vətənə qayıda bilməyən Azərbaycan vətəndaşları üçün müvəqqəti yerləşmə məntəqəsi açılacaq.
TASS-ın məlumatına görə, məntəqəni Rusiya Fövqəladə Hallar Nazirliyinin (FHN) Dağıstan Respublikası üzrə İdarəsi açacaq.
Məlumatda bildirilir ki, Rusiya FHN-in Dağıstan Respublikası üzrə Baş İdarəsinin avtomobil qatarı Mahaçqaladan Məhərəmkənd rayonuna 210 nəfərlik insan üçün avadanlıq çatdırıb.
Hazırda həmin regionda Azərbaycana qayıda bilməyən çoxlu sayda vətəndaşımızın olduğu bildirilir.
Azərbaycanda ünvanlı sosial yardım almaq üçün maraciət etmək prosedurları asanlaşacaq.
Oxu.az məlumatına görə, bununla bağlı “Ünvanlı dövlət sosial yardımı” haqqında qanuna dəyişiklik təklif edilir.
Layihəyə əsasən, bundan sonra ünvanlı sosial yardım almaq istəyən vətəndaş barədə heç də bütün məlumatlarla bağlı dəyişikliklərin təqdim edilməsinə zərurət yoxdur.
Yəni, elektron sistemdə olan məlumatlarda dəyişiklik olursa, vətəndaş tərəfindən onun yenidən təqdim olunmasına ehtiyac qalmayacaq.
Milli Məclisin Əmək və sosial siyasət komitəsinin üzvü Vüqar Bayramov saytımıza deyib ki, bununla belə, elektron sistemə daxil olmayan məlumatlarda dəyişiklik olarsa, vətəndaş bununla bağlı müvafiq icra qurumunu məlumatlandırmalıdır.
“Bu cür məlumatlandırmaq üçün isə müddət 5 gündən 15 günədək müəyyənləşdirilir”, - deyə V.Bayramov əlavə edib.
Deputatın sözlərinə görə, layihədə ailə tərkibi ilə bağlı informasiyaların təqdim edilməsi ilə bağlı prosedurların təkmilləşdirilməsi də nəzərdə tutulur.
“Qanuna təklif edilən dəyişikliklər ümumilikdə, ünvanlı sosial yardım proqramının təkmilləşməsinə xidmət edir. Dəyişikliklər aztəminatlı ailələrin ünvanlı sosial yardım proqramına çıxış imkanlarının daha da genişləndirilməsinə nail olmağa hesablanıb”.
Qeyd edək ki, adıçəkilən qanuna dəyişikliklər parlamentin Əmək və sosial siyasət komitəsinin mayın 12-də keçiriləcək iclasında birinci oxunuşda müzakirəyə çıxarılacaq.
Mayın 11-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, lakin gecə bəzi yerlərdə yağış yağacağı gözlənilir.
Milli Hidrometeorologiya Xidmətindən verilən məlumata görə, səhər duman olacaq, arabir güclənən şimal-qərb küləyi gündüz cənub küləyi ilə əvəz olunacaq.
Havanın temperaturu Abşeron yarımadasında gecə 9-11, gündüz 17-20, Bakıda gecə 9-11, gündüz 18-20 dərəcə isti təşkil edəcək.
Atmosfer təzyiqi 764 mm civə sütunu, nisbi rütubət gecə 70-80, gündüz 50-55 faiz olacaq.
Mayın 11-də Azərbaycanın rayonlarında bəzi yerlərdə şimşək çaxacağı, arabir yağış yağacağı, gündüz əksər rayonlarda əsasən yağmursuz keçəcəyi gözlənilir. Gecə və səhər duman olacaq, qərb küləyi ayrı-ayrı yerlərdə arabir güclənəcək.
Havanın temperaturu gecə 7-12, gündüz 15-20, dağlarda gecə 1-6, gündüz 8-13 dərəcə isti olacaq.
440-dan artıq şəxs barəsində protokol tərtib edilib
Xüsusi karantin rejiminin tələblərinin təmin olunması məqsədilə sərnişindaşıma sahəsindəki vəziyyətə ciddi nəzarət olunur. Rayondaxili marşrutlarda sıxlığın yaranmaması, sərnişinlər arasında sosial məsafənin qorunması, həm sürücülərin, həm də sərnişinlərin sağlamlığının qorunması məqsədilə tibbi maskalardan istifadənin təmin olunması məqsədilə istər profilaktiki, istərsə də reyd xarakterli tədbirlər davam etdirilir. Yol-xeber.az-ın APA-ya istinadən verdiyi məlumata görə, Lənkəran Şəhər Rayon Polis Şöbəsinin DYPB-nin əməkdaşları tərəfindən sərnişindaşıma ilə məşğul olan iri və kiçiktutumlu nəqliyyat vasitələri saxlanılmaqla karantin rejiminin tələblərinə riayət olunub olunmaması yoxlanılıb. Karantin qaydalarını pozanlar barəsində inzibati qaydada protokollar tərtib edilib. Marşrutlarda sərnişin sıxlığı hallarına çox rast gəlinməsə də, sərnişinlərin bir çoxunun maskadan istifadə etmədiyi üzə çıxıb. Həmin sərnişinlərə polis əməkdaşları tərəfindən maskalar paylanıb. Reyd zamanı eyni zamanda 2 nəfərdən artıq sərnişin daşıyan taksi sürücüləri də aşkarlanıb. Onlara da karantin qaydalarını pozduqları izah olunub və barələrində qanunamüvafiq tədbirlər görülüb.
Ümumilikdə isə indiyə qədər Lənkəranda yol patrul xidməti əməkdaşları tərəfindən xüsusi karantin rejimi qaydalarını pozan 440-dan artıq şəxs barəsində protokol tərtib edilib.
Asayiş keşikçiləri tərəfindən maskadan istifadə etməyənlərə tibbi maska paylanılıb
Balakəndə də vətəndaşların sağlamlığının qorunması, sanitar rejimin tələblərinə riayət edilməsi məqsədilə Rayon Polis Şöbələrinin əməkdaşları tərəfindən tədbirlər davam etdirilir.
DİN-in Mətbuat Xidmətinin Şəki regional qrupundan Yol-xeber.az-a verilən məlumata görə, maddi yardımın verilməsi ilə bağlı rayonda poçt məntəqələrinin, bankların, idarələrin qarşısına toplaşan vətəndaşlara polis əməkdaşları tərəfindən sanitar rejiminin tələbləri izah olunub, sosial məsafənin qorunması tələb edilib. Həmçinin, Polis Şöbəsinin əməkdaşları tərəfindən maskadan istifadə etməyənlərə tibbi maska paylanılıb.
Əsas məqsəd əhalinin sağlamlığının qorunmasıdır
"COVID-19 pandemiyası ilə əlaqədar olaraq paytaxt Bakıda, o cümlədən Abşeron rayonu və Sumqayıt şəhərində Dövlət Yol Polisi ictimai nəqliyyatda təhlükəsizlik qaydalarına riayət edib-etmədiyini yoxlayır."
Bunu Yol-xeber.az-a Baş Dövlət Yol Polisi İdarəsinin şöbə rəisi, polis polkovniki Kamran Əliyev deyib. Onun sözlərinə görə, həm Saray qəsəbəsi ərazisində yerləşən postda, həm də Ekoloji Nəzarət Bölüyünün xidmət ərazisində olan postda avtobuslar saxlanılaraq sərnişinlər yoxlanılır. "Maskasız hərəkət edən sərnişinlərə bu dəfə tibbi maskalar paylansa da növbəti dəfə onların maskasız hərəkət etmələrinə icazə verilməyəcəyi barədə xəbərdarlıq olunur. Bildirilir ki, tələb olunan sanitariya-gigiyena qaydalarına ciddi əməl olunmalı və ictimai nəqliyyatda tibbi maskadan mütləq şəkildə istifadə edilməlidir."
Şöbə rəisi bildirib ki, bu tədbirlər karantin müddətində gündəlik olaraq davam etdiriləcək. "Əsas məqsəd əhalinin sağlamlığının qorunması və virusun yayılmasının qarşısının alınmasıdır."
Karantin rejimi müddətində də nəqliyyat vasitələrinə texniki baxış həyata keçirilir.
Mövzu ilə bağlı ARB TV-nin “Günə Doğru” proqramında süjet yayımlanıb.
Texniki baxışa gətirilən avtomobillərin sürücüləri məntəqəyə daxil olaraq, ara məsafəsini gözləməklə, maşınlarını müayinədən keçirə bilərlər.
“Bayram günləri və həftəsonlarında sərt karantin rejiminin tətbiq edilməsi operativ qərargaha təklif edilə bilər”.
Bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.
Sədr bildirib ki, insanların sosial məsafəni qorumasını, maska taxmasını yaxından izləyəcəklər:
“Səyyar maska satışına başlanılıb. Metrolarda apteklərdə də satılır. İş yerləri açıldıqca maska qıtlığı yarana bilər. Evdə parçalardan maskalar hazırlamaq mümkündür”. /oxu.az
Krediti olan ailələr də ünvanlı sosial yardım ala biləcəklər.
Bunu Əmək və Əhalinin Sosial Müdafiəsi Nazirliyinin Sosial təminat siyasəti şöbəsinin müdiri Babək Hüseynov deyib.
Onun sözlərinə görə, "Ünvanlı sosial yardım haqqında" qanuna təklif edilən yeni dəyişikliyə əsasən, artıq adında pul krediti olan ailələr də ünvanlı dövlət sosial yardımdan yararlana biləcəklər.
Babək Hüseynov bildirib ki, ünvanlı sosial yardım sistemi üzrə 3 istiqamətdə islahatların aparılması nəzərdə tutulub.
Qanunda digər bir dəyişiklik isə ünvanlı sosial yardımın təyinolunma müddətinin azaldılması ilə bağlıdır. Qanun layihəsinə əsasən, sosial yardım almaq üçün müraciət edilən ayın 1-dən etibarən 1 il müddətinə təyin olunacaq. Qüvvədə olan qanuna əsasən isə, bu müddət 2 il idi.
Qeyd edək ki, "Ünvanlı sosial yardım haqqında" qanuna təklif edilən yeni dəyişikliklər layihəsi nazirlik tərəfindən hazırlanaraq Milli Məclisə təqdim edilib.
Mövzu ilə bağlı daha ətraflı videomaterialı təqdim edirik:
“Bakı metrosunda sərnişinlərin bir oturacaqdan bir oturması nəzərdə tutulur”.
Oxu.az xəbər verir ki, bunu “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov deyib.
Onun sözlərinə görə, qatarda sərnişinlərin yalnız oturacaqların sayına görə oturmasını tənzimləmək mümkün deyil:
“Əməkdaşlarımız tərəfindən oturacaqların üzərinə işarələr vurulub. Sərnişinlərin ara məsafəsini saxlaması üçün bir oturacaqdan bir əyləşməsi nəzərdə tutulub. Ayaq üstdə gedən sərnişinlər üçün də xüsusi işarələr quraşdırılıb. Sərnişinlərimizdən bu normalara riayət etmələrini xahiş edirik”.