Bakının 20 yanvar kimi tanınan ərazisində taksi sürücülərinin qayda pozntuları, yolun hərəkət hissəsində avtomobil saxlayaraq yolu bağlaması adi hal alıb. Avtosfer.az xəbər verir ki, dəfələrlə bu ərazidə reydlər həyata keçirilsə də təssüf ki, sürücülər yenidən qayda pozuntularına davam edirlər. Bu dəfə özü qaydaları pozaraq digərlərini də buna məcbur edən sürücü kameraya düşüb. Belə ki, 90 KC 206 dövlət nömrə nişanlı avtomobilin sürücüsü cəmi iki zolağı olan yolun hərəkət hissəsində saxlayıb maşından düşür.

Digər ürücülərdən biri 1.1 xəttinin tələblərini pozaraq yoluna davam etməyə məcbur olur. Lakin videonu qeydə alan sürücü irad bildirərək burada maşın saxlamağın qadağan olduğunu və buna görə qayda pozmayacağını deyir. Sürücünün cavabı isə qəribə olur. "Burda belə şey yoxdur. Cərimə yazmırlar." Sürücünün iddasına görı burada 1.1 xətti artıq qüvvədən düşüb. Görünən odur ki, qayda pozan sürücülər buna adət etdikləri üçün qanunları da özlərinə uyğun "dəyişiblər." Görüntüləri təqdim edirik:

Ümummilli lider Heydər Əliyevin anım günü ilə bağlı Fəxri Xiyabana ziyarətə gələn dövlət işçiləri öz avtomobillərini harada gəldi park edərək yolu zəbt ediblər. Avtosfer.az xəbər verir ki, Mikayıl Müşviq küçəsində ("Unibank"ın qarşısında) həmin şəxslər avtomobillərini səkiyə çıxararaq piyadaların yolunu kəsiblər. Yaxınlıqda olan avtobus dayanacağı da avtomobillər tərəfindən zəbt olunmuşdu. 

Sürücülərə tövsiyə edirik ki, bu cür hallarda tək öz rahatçılıqlarını düşünərək digər hərəkət iştirakçılarının yolunu kəsməsinlər. Siz harasa daha yaxın məsafədə piyada hərəkət etmək istədiyiniz kimi, digər insanlar da, səkidə rahat getmək və dayanacaqda avtobusa rahat minib-düşmək istəyir.

Paytaxtda və digər yollarda bəzi yolayrıcları (birləşmə yerləri) var ki, sürücülər orada lüzumsuz olaraq dayanıb digər istiqamətdən gələn, lakin trayektoriyası kəsişmədiyi avtomobillərə yol verir. Bunun səbəbi isə sürücülərin qanunu yaxşı bilməməsi və yol polisi əməkdaşları tərəfindən sürücülərin qanunsuz şəkildə saxlanılmasıdır. Bu cür yolayrıclarının birində sürücünün yol polisi tərəfindən qanunsuz olaraq saxlanılması videosunu Avtosfer.az sizə təqdim edir. Bakı-Dairəvi yolunda çəkilmiş bu videoya diqqətlə baxdıqda məlum olur ki, birləşmə yerində iki zolaq var və hər iki istiqamətdən gələn sürücülər dayanmadan öz zolaqları üzrə hərəkət edə bilər. Bu yolayrıcında trayektoriyalar kəsişmir. Trayektoriya kəsişməyən yolayrıcına isə üstünlük nişanı quraşdırılması qaydalar çərçivəsində deyil. “Yol ver” və “baş yol” nişanları zolaqların və istiqamətlərin kəsişdiyi nöqtələrə qoyulmalıdır ki, hansı istiqamətdən gələn avtomobilin üstün olması sürücülərə aydın olsun. Videodakı kimi yolayrıclarında üstünlük nişanları quraşdırılmamalıdır. Quraşdırılmış olsa belə həmin nişanların heç bir əhəmiyyəti yoxdur.

Təqdim etdiyimiz görüntüdə aydın şəkildə görünür ki, yolayrıcının hüdudlarında hərəkət edən sürücü sola yerdəyişmə edən zaman Yol Hərəkəti Haqqında Qanunun V hissəsinin tələbini pozaraq (Sürücü yerdəyişmə zamanı hərəkət istiqamətini dəyişmədən eyni səmtə gedən nəqliyyat vasitələrinə yol verməlidir) sol zolaqdakı sürücüyə yol vermir. Lakin polis haqsız olaraq sol zolaqdakı sürücüyə "saxla əmri" verir. Bu cür hallarla rastlaşmış sürücülər isə növbəti dəvə polisin onu saxlayacağından ehtiyat edib lüzumsuz olaraq dayanıb tıxac yaradır.

Qeyd edək ki, bu konfiqurasiyada olan yolayrıclarından biri də Hüseyn Cavid parkının qarşısında (Elmlər Akademiyası metrosunun yaxınlığında) yerləşir. Həmin yolayrıcında da sürücülər lüzumsuz olaraq dayanıb digər istiqamətdən gələn sürücüləri gözləyirlər. Bu tip yolayrıcında hər iki istiqamətdən gələn sürücülər dayanmadan hərəkətlərinə davam edə bilər. Əgər sürücülər zolaqlar üzrə yerdəyişmə edərsə, yerdəyişmə edən sürücü digər zolaqdakı sürücüyə yol verməlidir. Əgər sürücülər yerdəyişməni eyni vaxtda edirlərsə, onda sürücü özündən sağdakı nəqliyyat vasitəsinə yol verməlidir.

Dünən Bakı-Sumqayıt yolunda “Eurohome” Ticarət Mərkəzi yandı. Gün ərzində ərazid Fövqaladə Hallar Nazirliyi, Daxili İşlər Nazirliyinin və digər dövlət qurumlarının əməkdaşları xidmət apardılar. Amma diqqətçənək bir məqam var idi. Polisin fədakarcasına davranışı. Bəlkə də bəziləri bunu mübaliğə olaraq qəbul edəcək. Amma istər sosial şəbəkələrdə yayılan görüntülərdə, istərsə də vətəndaşların mövqeyində bir məsələ fokus nöqtə idi. Polis vətəndaşlara hərtərəfli kömək etdi. Bəziləri bu yerdə “vəzifə borcudur etməlidir” fikrini də irəli sürə bilər. Amma insafla yanaşsaq polisin ağır boya qablarını daşımaq, yaxud qapını qucağına alıb çıxartmaq, yanğının içinə girib, özünü təhlükəyə ataraq onsuz da ziyana düşmüş vətəndaşın az da olsa zərərinin azalmasına yardım etmək vəzifə borcu deyil. Amma istər polis əməkdaşları, istərsə də yol polisləri gün ərzində fədakarcasına xidmət apardılar. Kardlarda sanki öz malı yanırmış kimi vətəndaşlarla çiyin-çiyinə boya qabları, müxtəlif inşaat materialları daşıyan, o cümlədən yanan avtomobili qucağına alın hadisə yerindən uzaqlaşdırmaq, həmçinin yolda hərəkətin bərpası üçün çalışmaq öz əksini tapır. Bu mənzərənin bir adı var. HƏMRƏYLİK, BİRLİK!

Əlbəttə burada sadə vətəndaşların da rolu az deyildi. Amma formada olan polisin elə sadə vətəndaşlar kimi qolunu çırmalaması, istənilən an vətəndaşın ən çətin günündə yanında olduğunu nümayiş etdirməsi bir daha inamın göstəricisidir.

P.S. Bir neçə il əvvəl yanan binadan qucağında uşaq çıxardan polisin fotosu dünya mətbuatının manşetinə çevrilmişdi. Bu dəfə də analoji hadisələr oldu. Hansısa qərb ölkəsində bunun yüzdə birini edən polis olsa təbii ki, qəhraman elan olunur. Bizim üçün polislərimiz bizim qəhrəmanlarımızdır. Sizinlə fəxr edirik!

Azərbaycan xalqının ümummilli lideri Heydər Əliyevin vəfatının 16-ci ildönümü ilə bağlı DİN-in Polis Akademiyasında anım mərasimi keçirilib. Əvvəlcə qonaqlar və akademiyanın əməkdaşları ümummilli lider Heydər Əliyevin xatirəsini dərin ehtiramla yad edərək Polis Akademiyasında ucaldılmış abidəsi önünə əklil qoyublar.

Mərasim ulu öndər Heydər Əliyevin, Azərbaycanın azadlığı uğrunda canlarından keçmiş şəhidlərin və polis əməkdaşlarının xatirəsinin anılması ilə başlayıb.

Dövlət himni səsləndikdən sonra tədbiri açan rəis, polis general-mayoru Nazim Əliyev ulu öndərin siyasi fəaliyyəti, dövlət idarəçiliyindəki qətiyyəti, cəsarəti, eləcə də çoxşaxəli fəaliyyəti ilə böyük bir məktəb yaratdığını, zəngin irs qoyduğunu, onun ali hakimiyyətə qayıdışından sonra ölkəmizdə siyasi və iqtisadi sabitliyin bərqərar olduğunu, insan hüquq və azadlıqlarının təminində normativ-hüquqi bazanın yaradıldığını, konstitusiyamızın məhz onun rəhbərliyi ilə hazırlandığını, cinayətkarlığın qarşısının alınması istiqamətində mühüm nəticələr əldə edildiyini qeyd edib.

AMEA-nın Tarix İnstitutunun direktoru, akademik Yaqub Mahmudov ulu öndərin Azərbaycan tarixinin öyrənilməsindəki əvəzsiz xidmətlərindən danışaraq onun dilimizin qorunması üçün də atdığı addımları, dövlətçiliyimizin siyasi-ideoloji əsaslarını və milli inkişaf konsepsiyasını hələ sovetlər dönəmində yaratdığını, məhz onun rəhbərliyi ilə xalqımızın öz həqiqi dövlət müstəqilliyinə qovuşduğunu xüsusi vurğulayıb.

DİN Daxili Qoşunların Ali Hərbi Məktəbinin rəisi, general-mayor İlqar Məmmədov ulu öndərin 1971-ci ildə yaratdığı Cəmşid Naxçıvanski adına hərbi liseyin ordu quruculuğumuza mühüm töhfə olduğunu deyərək, bugünkü Silahlı Qüvvələrimizin regionun ən güclü ordusu kimi formalaşmasındakı əvəzsiz xidmətlərindən danışıb.

Yeni Azərbaycan Partiyası Xəzər Rayon təşkilatının sədri Namiq Əhmədov və digər çıxış edənlər ümummilli lideirimizin siyasi fəaliyyətinin, onun Azərbaycanın inkişafına yönəlmiş ideyalarının bu gün möhtərəm Prezidentimiz tərəfindən uğurla həyata keçirildiyini, ölkəmizin dünya dövlətləri sırasında öz layiqli yerini tutduğunu diqqətə çatdırıbar.

Sonra ulu öndərə həsr olunmuş sənədli film nümayiş olunub.

Avtosfer.az xəbər verir ki, bu barədə sürücü  Press.az-a bildirib ki, Bakının Yasamal rayonu ərazisində 99-YP-345 Dövlət qeydiyyatlı Yol Patrul Xidməti avtomobilində xidmət aparan DYP əməkdaşı İnspektor Şükür, 10-OD-280 Dövlət qeydiyyat nömrəli Vaz 2106 markalı avtomobilimin ön hissəsinin əlavə avadanlıqlarla qaldırıldığı bildirilərək DYP-ə aid 16 saylı (Qurd qapısı yaxınlığında) müvəqqəti dayanacağa aparıb. 

Sürücü iddia edib ki, avtomobilin ön hissəsində heç bir əlavə avadanlıqdan istifadə edilməyib və avtomobilin müvəqqəti dayanacağa aparılması üçün heç bir qayda pozuntusu olmayıb. DYP əməkdaşları əsassız olaraq avtomobili müvəqqəti duracağa yerləşdirib.

Avtosfer.az Press.az-a istinadən xəbər verir ki, bu barədə Bakı Şəhər Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədovla əlaqə saxlanılıb.

Vaqif Əsədov bildirib ki, sürücüyə cərimə tərtib edilən zaman həmçinin məlumat verilir ki, əgər protokol ilə razı deyilsə, bu barədə 10 gün müddətində Yol Polisi İdarəsinə şikayət ünvanlaya bilər. Həmin sürücüyədə Yol Polis İdarəsinə bu barədə şikayət ünvanlamağı tövsiyyə edirik ki, yaranmış vəziyyət araşdırılsın. Ümumiyyətlə sürücülər hər hansısa bir qayda pozuntusuna görə onlara tərtib edilən protokoldan narazı qaldıqlarında KİV-dən əvvəl Yol Polisi İdarəsinə şikayət etsinlər.

Avtosfer.az xəbər verir ki, məsələ ilə bağlı press.az ekspert Ərşad Hüseyinovla əlaqə saxlayıb. Ə. Hüseyinov bildirib ki, bu kimi hallarda avtomobil müvəqqəti duracağa aparılmamışdan öncə sənəd üzərində göstərilən göstəricilər sürücüyə təqdim edilməlidir:

"Bu kimi qayda pozuntusunu iddia edildikdə, sənəd göstərilməlidir ki, baxın qanunda budur, lakin sizdə qanuna uyğun deyil. Əyər qayda pozuntusu yerində sübut edilmirsə, bu artıq doğru deyil"- deyə Ə. Hüseyinov bildirib.

Sürücü bu barədə Yol Polisi İdarəsinədə şikayət edəcəyini bildirdi.

Avtosfer.az sürücünün Press.az-a göndərdiyi şəkilləri sizlərə təqdim edirik.