 |
|
"Həzi Aslanov" stansiyasında planlaşdırılan təmir məhz qabaqlayıcı tədbir kimi nəzərdə tutulub
Bir sıra kütləvi informasiya vasitələrində yayılmış məlumatlarda yanlış olaraq, Bakı metropoliteninin "Həzi Aslanov" stansiyasının əsaslı təmir məqsədilə sərnişinlərin giriş-çıxışına bağlanacağı bildirilir.
"Bakı Metropoliteni" QSC-nin Mətbuat Xidmətinin rəhbəri Bəxtiyar Məmmədov Avtosfer.az-a bildirib ki, yayılmış məlumat həqiqəti əks etdirmir və Səhmdar Cəmiyyətin sədr müavini Hidayət Məmmədov heç bir kütləvi informasiya vasitəsinə bununla bağlı açıqlama verməyib, eyni zamanda, məsələ ilə bağlı müəssisənin mətbuat xidməti və ictimaiyyətlə əlaqələr şöbəsinə müraciət olunmayıb: "Bu günlərdə QSC sədrinin müavini televiziya proqramlarından birinin efir qonağı kimi hidrogeoloji təsirlərin qarşısının alınması məqsədilə "Həzi Aslanov" stansiyasında qabaqlayıcı tədbirlərin görülməsi üçün əsaslı təmir işlərinin aparılmasının nəzərdə tutulduğunu və bu məqsədlə dövlətin müvafiq səlahiyyətli orqanına müraciət olunduğunu qeyd edib. Lakin onun çıxışında stansiyanın bağlanması ilə bağlı ifadə yer almayıb. Buna rəğmən məlumat dərc edən kütləvi informasiya vasitələri heç bir əsas olmadan və naməlum səbəblərdən təmir işləri ilə stansiyanın bağlanması arasında qəribə məntiqi bağlılıq quraraq və dəqiqləşdirmə aparmadan tamamilə yanlış məlumat yayıblar. Bununla da ictimaiyyət arasında çaşqınlığın yaranmasına səbəb olublar.
"Bakı Metropoliteni" QSC bildirir ki, "Həzi Aslanov" stansiyasında planlaşdırılan təmir məhz qabaqlayıcı tədbir kimi nəzərdə tutulub. Stansiya infrastrukturunu və onun konstruksiyasını hazırda hər hansısa təhlükə gözləmir. Əsaslı təmir məhz gələcəkdə yarana biləcək təhlükənin qarşısını əvvəlcədən almağa hesablanıb. Ən əsası, təmir dövründə stansiyanın sərnişinlərin giriş-çıxışına bağlanması nəzərdə tutulmayıb".
Ümumiyyətlə, "əsaslı təmir" anlayışı stansiyanın mütləq şəkildə bağlanması zərurətini yaratmır və bunu nəzərdə tutmur: "Təmirlə əlaqədar sərnişinlərə hər hansısa təhlükənin yaranması ehtimalı olduqda, habelə təmirlə əlaqədar onların hərəkətinin tam məhdudlaşdırılmasına zərurət yarandığı hallarda stansiyanın bağlanması qaçılmaz olur. Əsaslı təmir və yenidənqurma zamanı stansiyanın bağlanmadan aparılmasına "Nizami" stansiyasında görülmüş işlər əyani nümunədir. Həmçinin "Xətai" stansiyasında da platforma və yolların təmiri stansiya bağlanmadan həyata keçirilmişdi. Bu stansiyanın bağlanması zərurətini istismar müddətini başa vurmuş eskalatorların dəyişdirilməsi zamanı onun bir giriş-çıxışlı olması yaratmışdı. Məlumdur ki, son illərdə "Elmlər Akademiyası", "İnşaatçılar", "20 Yanvar" stansiyalarında eskalatorlar yenisi ilə əvəz edilərkən, sərnişinlər digər giriş-çıxışlardan, "28 May" stansiyasında isə "Cəfər Cabbarlı" stansiyasının keçidlərindən istifadə edirdilər".
Yaxın gələcəkdə bütün təcrübə imtahan mərkəzlərində analoji sistemlər quraşdırılacaq
Baş Dövlət Yol Polisi İdarəsinin Sumqayıt şəhəri üzrə Regional Qeydiyyat və Texniki Bxış Şöbəsinin təcrübə imtahan qəbulu üçün xüsusi bağlı meydançasının təqdimatı keçirilib. Avtosfer.az xəbər verir ki, mərasim zamanı ictimaiyyət və media nümayəndələri üçün burada yaradılan şəraitlə bağlı məlumat verilib.
Şöbənin əməkdaşı, polis mayoru Hacı Hacıyev jurnalistlərə açıqlamasında bildirib ki, burada sistem tam avtomatlaşdırılmış formadadır. Belə ki, təcrübə imtahanı zamanı sürücünün yol verdiyi bütün səhvlər elektron qaydada aşkar olunacaq və monitorda öz əksini tapacaq. Həmçinin sürücü özü sərbəst şəkildə yol nişanlarının tələblərinə uyğun olaraq hərəkət edir və əgər qayda pozarsa bu elektron qaydada qeyd olunur. Sürücü təcrübi imtahanı başa çatdırdıqdan sonra məqbul, yaxud qeyri-məqbul olması ilə bağlı avtomatik məlumat alır. Yəni hər hansı kənar müdaxilə və ya göstəriş olmur.
Qeyd edək ki, hazırda Bakı, Gəncə və Sumqayıt şəhərlərində analoji sistem tətbiq olunur. Yaxın gələcəkdə bütün təcrübə imtahan mərkəzlərində analoji sistemlər quraşdırılacaq.
300 ədəd şam ağacı əkilib, onların suvarılması həyata keçirilib
Azərbaycan ədəbiyyatı tarixinə böyük töhfələr vermiş, dövrün elmi-fəlsəfi düşüncəsinin aydın ifadəçisi İmadəddin Nəsiminin 650 illik yubileyi ilə əlaqədar ağacəkmə aksiyasına Ucar RPŞ-nin şəxsi heyəti də həvəslə qatılıb.
DİN Mətbuat Xidmətinin Şirvan şəhərindəki regional qrupundan Yol-xeber.az-a verilən məlumata görə, Ucar Rayon Rayon Polis Şöbəsinin rəisi, polis polkovniki Eldar Paşayev və şöbənin bütün şəxsi heyəti fəal iştirak edib.
Bayraq Meydanının ərazisində polis əməkdaşları tərəfindən 300 ədəd şam ağacı əkilib, onların suvarılması həyata keçirilib. Aksiya çərçivəsində isə 100-dən çox ağaca aqrotexniki qaydada qulluq göstərilib.
Ucar Rayon Polis Şöbəsinin əməkdaşları ətraf mühitin qorunması, ekoloji vəziyyətin daha da yaxşılaşdırılması məqsədilə ağacların əkilməsi və onlara qulluq göstərilməsi işini bundan sonra da davam etdirəcəklər.
100-dən çox dekorativ və meyvə ağacları əkilib
DİN Mətbuat Xidmətinin Lənkəran rayonunda regional qrupundan verilən məlumata görə, böyük şair İmadəddin Nəsiminin xatirəsinin əbədiləşdirilməsi, Azərbaycanın ədəbi və mədəni irsinin tanıdılması məqsədini daşıyan ağacəkmə aksiyası bütün respublika ərazisində olduğu kimi Astara şəhərində də baş tutub.
Tədbirdə Astara Rayon Polis Şöbəsinin əməkdaşları böyük fəallıq nümayiş etidiriblər. Astara RPŞ-nin rəisi, polis polkovniki Azər Cahangirovun və şəxsi heyətin qatıldığı aksiya zamanı 100-dən çox dekorativ və meyvə ağacları əkilib. Eyni zamanda əkilən ağacların suvarılması həyata keçirilib, onlara aqrotexniki qaydada qulluq göstərilib, ağacların küləkdən qorunması üçün qoruyucu dirəklər basdırılıb.
Mübariz Quliyev və şöbənin bütün şəxsi heyəti fəal şəkildə qoşulub
DİN Mətbuat Xidmətinin Lənkəran rayonunda regional qrupundan Yol-xeber.az-a verilən məlumata görə, böyük şair İmadəddin Nəsiminin xatirəsinin əbədiləşdirilməsi məqsədilə Respublika ərazisində keçirilən ağacəkmə aksiyasına Cəlilabad Rayon Polis Şöbəsinin rəisi, polis polkovniki Mübariz Quliyev və şöbənin bütün şəxsi heyəti fəal şəkildə qoşulub.
Polis əməkdaşları rayonun iqlim şəraitinə daha uyğun və dözümlü olan 250-dən artıq dekorativ və meyvə ağacları əkiblər. Aksiya çərçivəsində əkilən ağaclar suvarılıb və küləkdən qorunması üçün dirəklər basdırılıb.
Cəlilabad Rayon Polis Şöbəsinin əməkdaşları ətraf mühitin qorunması, ekoloji vəziyyətin daha da yaxşılaşdırılması istiqamətində səylərini bundan sonra da davam etdirəcəklərini bildiriblər
Türkiyənin təcrübəsindən istifadə olunacaq
Azərbaycan Türkiyənin meqapolisi olan İstanbuldakı nəqliyyat idarəetmə təcrübəsini Bakıda tətbiq etmək istəyir. Bu məqsədlə Bakı Nəqliyyat Agentlyinin rəsmiləri bu şəhərdəki nəqliyyat idarəetməsi ilə yerində tanış olublar.
İstanbul Böyükşəhər Bələdiyyəsinin İdarəetmə Mərkəzində keçirilən görüşdə ictimai nəqliyyatın idarə olunması prosesi haqda məlumat verilib. Görüş zamanı ictimai nəqliyyatda sərnişinlərin təhlükəsiz və rahat şəkildə məzil başına çatması üçün Avropa ölkələrində tətbiq olunan son texnologiyalardan faydalanıldığı bildirilib.
İstanbul Elektrik Tramvay Tunel Nəqliyyat İdarəsinin rəhbəri Hasan Çelik bildirib ki, nəqliyyat idarəetmə ilə bağlı bütün təcrübəni Azərbaycanla paylaşmağa hazırdırlar.
Qeyd edək ki, Bakı şəhərində ictimai nəqliyyatının idarə olunması üçün yaradılacaq vahid dispetçer xidmətinin formalaşdırılması üçün məhz Türkiyənin təcrübəsindən istifadə olunacaq.
Nəticədə Bakıda tramvay nəqliyyatı yenidən canlanacaq və metrobus nəqliyyatının tətbiqi üçün layihələrin reallaşması nəzərdə tutulur.
Avtosfer.az Xezerxeber.az-ın mövzu ilə bağlı daha ətraflı videomaterialı təqdim edir:
100-dən çox ağac əkilərək, onlara qulluq olunub
DİN Mətbuat Xidmətinin Şəki regional qrupundan Yol-xeber.az-a verilən məlumata görə, Zaqatalada da keçirilən ağacəkmə aksiyasında Rayon Polis Şöbəsinin rəhbərliyi, eləcə də şəxsi heyət fəal iştirak edib. Aksiya çərçivəsində RPŞ-nin əməkdaşları tərəfindən 100-dən çox ağac əkilərək, onlara qulluq olunub.
120 ədəd şam ağacı əkilib, onların suvarılması həyata keçirilib
DİN Mətbuat Xidmətinin Bərdə regional qrupundan Yol-xeber.az-a verilən məlumata görə, Bərdə rayonunda ağacəkmə tədbiri keçirilib. Tədbirdə RPŞ-nin rəisi, polis polkovniki Muradəli Babayev və şöbənin bütün şəxsi heyəti iştirak edib.
Polis əməkdaşları iqlim şəraitinə daha uyğun və dözümlü, dekorativ cəhətdən yaraşıqlı şam ağacları əkiblər. Aksiya çərçivəsində isə 100-dən çox ağaca aqrotexniki qaydada qulluq göstərilib, ərazi alaq otlarından təmizlənərək budama və suvarma işləri aparılıb, ağacların küləkdən qorunması və normal böyümələri üçün qoruyucu dirəklər basdırılıb. Bundan əlavə, ərazidə abadlıq və təmizləmə işləri görülərək boş qalmış yerlərə əlavə olaraq 120 ədəd şam ağacı əkilib, onların suvarılması həyata keçirilib.
Bərdə Rayon Polis Şöbəsinin əməkdaşları ətraf mühitin qorunması, ekoloji vəziyyətin daha da yaxşılaşdırılması məqsədilə ağacların əkilməsi və onlara qulluq göstərilməsi işini bundan sonra da davam etdirəcəklər.
100 ədəd şam ağacı əkilib, onların suvarılması həyata keçirilib
DİN Mətbuat Xidmətinin Şirvan şəhərindəki regional qrupundan Yol-xeber.az-a verilən məlumata görə, Kürdəmir rayonunda da ağacəkmə tədbiri keçirilib. Tədbirdə RPŞ-nin rəisi, polis polkovniki Sultan Zeynalov və şöbənin bütün şəxsi heyəti iştirak edib.
Kürdəmir rayonunun Xırdapay kəndi ərazisində polis əməkdaşları tərəfindən 100 ədəd şam ağacı əkilib, onların suvarılması həyata keçirilib. Bundan əlavə, kənd ərazisində aksiya çərçivəsində 100-dən çox ağaca aqrotexniki qaydada qulluq göstərilib, ərazi alaq otlarından təmizlənərək budama və suvarma işləri aparılıb, ağacların küləkdən qorunması və normal böyümələri üçün qoruyucu dirəklər basdırılıb.
Kürdəmir Rayon Polis Şöbəsinin əməkdaşları ətraf mühitin qorunması, ekoloji vəziyyətin daha da yaxşılaşdırılması məqsədilə ağacların əkilməsi və onlara qulluq göstərilməsi işini bundan sonra da davam etdirəcəklər.
1.1 xəttinin tələblərini kobud şəkildə pozaraq əks istiqamətə çıxıb
Bakıda qaydaları kobud şəkildə pozan avtomobilin sürücüsü kameraya düşüb. Avtosfer.az xəbər verir ki, hadisə Xəzər rayonu, Almas İldırım küçəsində qeydə alınıb. 90 FM 700 dövlət nömrə nişanlı, "Mercedes S class" markalı avtomobilin sürücüsü 1.1 xəttinin tələblərini kobud şəkildə pozaraq əks istiqamətə çıxıb. Bununla da qarşıdan gələn nəqliyyat vasitələrinə təhlükə yaradıb. Sürücü eyni qayda pozuntusunu bir neçə dəfə təkrarlayıb.
Bakı Şəhər Dövlət Yol Polisi İdarəsindən Avtosfer.az-a verilən məlumata görə, sürücü aşkar edilib və İnzibati Xətalar Məcəlləsinin 327.4-cü maddəsinə görə 100 manat və 4 bal cərimə edilib. Videonu təqdim edirik: