 |
|
Azərbaycan Dəmir Yolları QSC-nin kollektivi qarşıdan gələn Qurban bayramı ilə əlaqədar gücləndirilmiş iş rejimində çalışır.
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 21 dəfə pozub.
“Qafqazinfo”nun Müdafiə Nazirliyinə istinadən məlumatına görə, Ermənistanın Noyemberyan rayonunun Şavarşavan kəndində yerləşən mövqelərdən Qazax rayonunun Quşçu Ayrım kəndində yerləşən mövqelərimiz atəşə tutulub.
Ağdam rayonunun işğal altında olan Cəvahirli, Sarıcalı, Acarlı, Mərzili, Xocavənd rayonunun Kuropatkino, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Ağdam və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.
Bu gün Azərbaycan Kinosu Günüdür.
Azərbaycan mötəbər idman tədbirlərindən biri olan Avropa Gənclər Olimpiya Festivalına uğurla ev sahibliyi etməklə idman tarixinə daha bir parlaq səhifə yazdı. Avropa Gənclərin Olimpiya Festivalı yaddaşlarda möhtəşəm idman bayramı kimi qaldı, ölkəmizin gücü və qüdrətini, irimiqyaslı beynəlxalq tədbirləri yüksək səviyyədə təşkil etmək bacarığını bir daha dünyaya nümayiş etdirdi.
Bu sözləri Azərbaycan Güləş Federasiyasının vitse-prezidenti Firdovsi Umudov Axar.az-a açıqlamasında deyib.
Firdovsi Umudov Azərbaycanın sürətli inkişafı, müasir infrastrukturu və təhlükəsiz ölkə olmasının məhz bu cür irimiqyaslı tədbirlərin ölkəmizdə reallaşmasında əsas rol oynadığını qeyd edib:
“Belə bir irimiqyaslı tədbirin keçirilməsi üçün təkcə idman sahəsində yox, bütün sahələrdə müasir infrastruktur olmalıdır. Azərbaycan xalqımızın ümummilli lideri Heydər Əliyevin təşəbbüsü ilə beynəlxalq Olimpiya hərəkatına qoşulub. Ulu öndər Heydər Əliyevin siyasi irsini yeni ideyalarla zənginləşdirən Azərbaycan Prezidenti İlham Əliyevin uzaqgörən siyasəti nəticəsində ölkəmizdə bütün istiqamətlərdə, o cümlədən idman sahəsində həyata keçirilən nəhəng layihələr, böyük quruculuq işləri uğurla davam edir. Ötən illər ərzində infrastrukturun yenilənməsi, bütün sahələrdə quruculuq işlərinin bir an belə səngiməməsi ölkəmizi bugünkü yüksəlişə addım-addım yaxınlaşdırıb. Azərbaycanın sürətli inkişafı, müasir infrastrukturu və təhlükəsiz ölkə olması məhz bu cür irimiqyaslı tədbirlərin ölkəmizdə reallaşmasında əsas rol oynayır. Ölkəmiz ən mötəbər beynəlxalq idman tədbirlərinin keçirilməsində artıq kifayət qədər böyük təcrübəyə malikdir. Azərbaycan Respublikasının Birinci vitse-prezidenti Mehriban xanım Əliyevanın sədri olduğu Təşkilat Komitəsinin rəhbərliyi ilə Bakıda keçirilmiş I Avropa Oyunları və IV İslam Həmrəyliyi Oyunları kimi mötəbər idman tədbirlərinin yüksək səviyyədə təşkili bütün dünyada əks-sədaya səbəb olub. Mötəbər tədbirlərin ev sahibliyinin Olimpiya hərəkatının nüfuzlu ölkələrindən olan Azərbaycana etibar edilməsi dünyada ölkəmizə bəslənilən inam və etimadın təzahürüdür”.
F.Umudov təşkilatçılıqla yanaşı, ölkələrin idman sahəsində əldə etdikləri nəticələrin də çox mühüm amil olduğunu diqqətə çatdırıb:
"Azərbaycan inkişaf etdikcə idman sahəsində nailiyyətlərin sayı da artır. Əldə edilən böyük nailiyyətlər həm idmançılarımızın gücünü, eyni zamanda, dövlətimizin qüdrətini nümayiş etdirir. Diqqət etsək görərik ki, ancaq inkişaf etmiş güclü dövlətlərdə idman sahəsində yüksək nailiyyətlər əldə edilir. Təqdirəlayiq haldır ki, idmançılarımız həmişə onlara göstərilən etimadı doğruldublar. Avropa Gənclər Olimpiya Festivalında gənc idmançılarımızın nəticələri buna parlaq misaldır. Onlar böyük əzmkarlıq göstərərək bu mötəbər yarışda 23 medal – 10 qızıl, 7 gümüş və 6 bürünc qazandılar. Azərbaycan millisi komanda hesabında dördüncü pillədə qərarlaşdı”.
Festivalda güləşçilərin nailiyyətlərini xüsusi qeyd edən F.Umudov medallardan 16-nı məhz güləşçilərin əldə etdiklərini vurğulayıb:
“Güləş Azərbaycanda ən məşhur idman növüdür və pəhləvanlarımız əldə etdikləri nailiyyətlərlə həmişə diqqət mərkəzində olublar. Bu sahədə ən böyük qələbələrimiz isə müstəqillik dövründə əldə edilib. Güləşçilərimiz festivala da ciddi hazırlaşmışdılar və hədəf maksimum nəticə göstərmək idi. Azərbaycan Güləş Federasiyasının rəhbərliyi, məşqçilər korpusu pəhləvanlarımızın yüksək nəticələr qazanması üçün böyük səy göstəriblər. Güləşçilər onlara bəslənilən etimadı doğruldaraq Azərbaycanı yüksək səviyyədə təmsil ediblər. Bu mötəbər yarışda komandamızın əldə etdiyi 23 medalın 16-sı (8 qızıl, 5 gümüş və 3 bürünc medal) məhz güləşçilərimizin payına düşür. Əldə edilmiş nəticələr ötən illər ərzində Azərbaycanda çox güclü güləşçilər nəslinin yetişdiyini bir daha sübut edir. Təqdirəlayiq haldır ki, son illər region güləşçiləri mühüm nailiyyətlər əldə edirlər. Şübhəsiz, bu da Azərbaycanın bölgələrində də güləşin yüksək səviyyədə inkişafına göstərilən diqqətin nəticəsidir. Əminik ki, pəhləvanlarımız bundan sonra daha böyük qələbələrə imza atacaqlar”.
Nəsimi Rayon Polis İdarəsinin 19-cu Polis Şöbəsi əməkdaşlarının keçirdikləri əməliyyat tədbirləri nəticəsində iyulun 27-də Bakı şəhər sakini Ş.Quliyevə küt alətlə xəsarət yetirib 350 manat pul və mobil telefonunu quldurluq yolu ilə almaqda şübhəli bilinən paytaxt sakinləri İ.Qurbanov, E.Bəhmənli, Şəki şəhər sakini A.Əliyev və Gəncə şəhər sakini F.Məmmədov saxlanılıblar.
Daxili İşlər Nazirliyinin mətbuat xidmətindən Axar.az-a bildiriblər ki, İ.Qurbanovun və F.Məmmədovun ətrafında aparılmış əməliyyat tədbirləri ilə onların daha bir nəfəri döyüb 50 manat pulunu və mobil telefonunu quldurluq yolu ilə almaları da müəyyənləşdirilib.
Faktla bağlı araşdırmalar davam etdirilir.
Bakı şəhərində çimərlik mövsümündə vətəndaşlardan daxil olan müraciətlər, onların istək və arzuları nəzərə alınaraq aidiyyatı dövlət qurumlarının tapşırıqlarına əsasən paytaxtın bir sıra dənizkənarı ərazilərində ictimai çimərliklərin yaradılması işlərinə başlanıb.
Müdafiə naziri general-polkovnik Zakir Həsənov və nazirliyin digər rəhbər heyəti hərbi hissələri yoxlamaq məqsədilə cəbhəboyu zonada səfərdədir.
"Qafqazinfo" MN-ə istinadən xəbər verir ki, nazir bölmələrdən birinin şəxsi heyəti üçün inşa edilən yeni yaşayış kompleksinin açılışında iştirak edib.
Müdafiə Nazirliyinin rəhbərliyi hərbi hissənin ərazisində yerləşən əsgər yataqxanası, tibb məntəqəsi, döyüş texnikası üçün saxlanc, avtopark, silah otağı, ideoloji otaq, məişət otağı, yeməkxana, hamam, əşya anbarı və digər xidməti otaqlara baxış keçirdikdən sonra şəxsi heyətlə birlikdə nahar edib.
Sonra Müdafiə naziri qoşunların təmas xəttinə yaxın kəndlərdən birində yaşayan aprel döyüşləri zamanı şəhid olmuş Orxan Həmidovun ailəsini ziyarət edib.
Şəhidin anası Tamilla xanım ailəsinə dövlət başçısı tərəfindən göstərilən diqqətə və Müdafiə naziri adından təqdim edilən hədiyyələrə görə təşəkkür edərək bildirib ki, hərbi qulluqçuların köməyi ilə oğlunun ailəsinin yaşadığı həyətə su çəkilərək “Orxan bulağı” inşa edilib.
Vergilər Nazirliyində departamentlər ləğv edilib, yerində isə baş idarələr yaradılıb.
“Qafqazinfo” xəbər verir ki, bu, Prezident İlham Əliyevin imzaladığı sərəncamda öz əksini tapıb.
Prezidentin sərəncamı ilə həmçinin yeni Aksizli və Markalanmalı Malların Dövriyyəsinə Nəzarət Baş İdarəsi yaradılıb.
Beləliklə, sərəncamla “Azərbaycan Respublikası Vergilər Nazirliyinin strukturu” aşağıdakı kimi təsdiqlənib:
1. Vergilər Nazirliyinin Aparatı (baş idarələr, idarələr, şöbələr və bölmələr).
2. Vergilər Nazirliyinin strukturuna daxil olan qurumlar:
2.1. Milli Gəlirlər Baş İdarəsi;
2.2. Vergi Cinayətlərinin İbtidai Araşdırılması Baş İdarəsi;
2.3. İdxal-İxrac Əməliyyatları üzrə Nəzarət Baş İdarəsi;
2.4. Aksizli və Markalanmalı Malların Dövriyyəsinə Nəzarət Baş İdarəsi;
2.5. Bakı şəhəri Lokal Gəlirlər Baş İdarəsi;
2.6. Bakı şəhəri Kiçik Sahibkarlıqla İş üzrə Baş İdarə;
2.7. Çağrı Mərkəzi (baş idarə səlahiyyətli);
2.8. yerli bölmələr (baş idarələr, idarələr və şöbələr).
Azərbaycan-İran gömrük xidmətləri arasında əldə olunan razılığa əsasən iyulun 24-dən etibarən Bakı-Naxçıvan-Bakı marşrut xətti üzrə səfər edən sərnişin avtobusları daha tez mənzil başına çatacaq və sərhədkeçmə prosesi zamanı tətbiq edilən gömrük nəzarəti yoxlamaları azaldılacaq.
“Qafqazinfo” xəbər veirr ki, bu barədə DGK Mətbuat və İctimaiyyətlə Əlaqələr İdarəsi və DANX İctimaiyyətlə əlaqələr sektorunun birgə yaydığı məlumatda deyilir.
Məlumata görə, əvvəllər sərhədi keçən avtobuslar hər iki ölkənin gömrük postlarında ümumilikdə 4 dəfə gömrük nəzarətindən keçirilir və bu zaman həm də sərnişinlərin əl yüklərin dəfələrlə yoxlanılırdı. Bu da vaxt itkisi ilə yanaşı, xüsusilə gecə reyslərində səyahət edən sərnişinlər üçün diskomfort vəziyyət yaradırdı.
Son bir il ərzində İranın gömrük xidmətinin rəhbərliyi ilə Bakıda və Naxçıvanda keçirilən ikitərəfli görüşlərdə DGK rəhbərliyi tərəfindən bu məsələnin həlli istiqamətində dəfələrlə müvafiq təkliflər irəli sürülüb. Eyni zamanda, NRYTN yanında Dövlət Avtomobil Nəqliyyatı Xidməti tərəfindən İranın müvafiq qurumları qarşısında məsələ qaldırılıb. Aparılan danışıqların və həyata keçirilən tədbirlərin nəticəsi olaraq iyun ayının 13-ü 2019-cu ildə Azərbaycanla İran arasında həyata keçirilən beynəlxalq avtomobil əlaqələri sahəsində birgə komissiyanın növbəti iclasında Bakı-Naxçıvan-Bakı marşrut xətti üzrə hərəkətdə olan avtobuslardakı əl yüklərinin sərhəd keçid məntəqələrində yoxlanma prosedurlarında dəyişikliyə dair razılıq əldə olunub.
Razılığa əsasən Azərbaycan tərəfdə gömrük nəzarətindən keçirilən avtobuslar və sərnişinlərə aid yüklər xüsusi nömrələr və plomblarla təmin olunduqdan sonra İran ərazisinə daxil olur. İki ölkənin gömrük orqanları arasında imzalanan memoranduma əsasən Azərbaycan qarşı tərəfə avtobusların yük yerlərində qaçaqmal faktı təşkil edən və İran ərazisində dövriyyəsi qadağan edilən malların olmadığına dair təminat verdiyi üçün avtobuslar İranda artıq gömrük yoxlamasından keçirilmir. Beləliklə, İran ərazisinə daxil olan avtobusun heç bir əlavə yoxlama aparılmadan sürətli şəkildə gömrük postlarından keçidi təmin olunur.
İyulun 24-də yeni qaydaların tətbiqi çərçivəsində iki ölkənin gömrük orqanlarının nümayəndələri arasında görüş keçirilib. Bu gün səhər saat 09:00-da Bakı Beynəlxalq Avtovağzal Kompleksindən Bakı-Naxçıvan-Bakı marşrutu ilə yola düşən avtobus saat 11:30-da Cənub Ərazi Baş Gömrük İdarəsinin "Biləsuvar" gömrük postuna çatıb. Postun ərazisinə daxil olan sərnişin avtobusunun sərhədkeçmə prosesi hər ölkənin gömrük xidmətinin nümayəndələri tərəfindən izlənilib. Sərnişinlərə məxsus əl yükləri yoxlanıldıqdan və müvafiq nömrələrlə təmin edildikdən sonra avtobusun yük yerinə yığılıb və nəqliyyat vasitəsi gömrük təminatı vurularaq yola salınıb. Daha sonra nümayəndə heyətlərinin üzvləri İran tərəfə keçərək buradakı gömrük postunda həyata keçirilən prosesləri müşahidə ediblər.
Qeyd edək ki, tərəflər arasında keçirilən görüş zamanı iki ölkə arasında gömrük sahəsində əməkdaşlığın daha da gücləndirilməsi, tranzit dəhlizlərinin potensialının artırılması, gömrük prosedurlarının sadələşdirilməsi və digər məsələlər ətrafında da müzakirələr aparılıb.