![]() |
|
Son günlər ölkə ərazisində hava şəraitinin kəskin dəyişməsi müşahidə edilib. Qarın və yağışın yağması nəticəsində küçə və yollarda çirkli su və palçığ yaranaraq, bu səbəbdən sürücülərın avtomobillərinin, o cümlədən onların dövlət qeydiyyat nişanlarının təmiz saxlanılmaması müşahidə olunur. Bununla bağlı Baş Dövlət Yol Polisi İdarəsi növbəti dəfə xəbərdarlıq edib.
BDYPİ-nin şöbə rəisi Rüfət Quliyev bildirib ki, “Yol hərəkəti haqqında” Qanunun tələbinə əsasən hərəkətdə olan nəqliyyat vasitəsinin dövlət qeydiyyat nişanının görünməsi üçün onun təmiz saxlanılması təmin edilməlidir. Nəqliyyat vasitələrinin sürücüləri tərəfindən bu vəzifənin yerinə yetirilməməsi avtomobilin istismarı qaydalarının pozulması hesab edilir.”
Polis polkovnik-leytenantı qeyd edir ki, “Hazırda qış mövsümü ilə əlaqədar küçə və yollarda çirkli su və ya palçığın yaranma ehtimalının artığını bu səbəbdən sürücülərın avtomobillərinin, o cümlədən onların dövlət qeydiyyat nişanlarının təmiz saxlanılmasına daha çox diqqət yetirilməlidir. Lakin, bəzi sürücülərin havaların yağışlı, çisginli olmasını bəhanə gətirərək avtomobillərinin dövlət qeydiyyat nişanlarını təmiz saxlamadıqlarını, hətta bilərəkdən nişanların üstünü süni şəkildə biraz da çirkləndiriməsi yol verilməzdi.”
Sonda şöbə rəisi bildirib ki, İnzibati Xətalar Məcəlləsinin 342.1.7 maddəsinin tələbinə əsasən, hərəkətdə olan nəqliyyat vasitəsinin dövlət qeydiyyat nişanının görünməsi üçün onun təmiz saxlanılmamasına görə 40 manat məbləğində cərimə nəzərdə tutulur”.
Yeni il tətilinin sonunda bölgələrdən paytaxt Bakı istiqamətində sərnişin axını başlayıb.
Lənkəran avtovağzalında son iki gün ərzində paytaxta üz tutanların sayında artım müşahidə olunur.
Rayon avtovağzalından bildirilib ki, sərnişin sıxlığına görə bu gün günorta saatlarına kimi 12 avtobus Lənkərandan Bakıya yola salınıb.
Biletlərini alan sərnişinlər Bakıya yola düşüblər. Qiymətdə isə artım olmayıb.
Zaqatala şəhərlərarası rayon avtovaqzalında da adi günlərlə müqayisədə canlanma müşahidə olunur. Normal günlərdə burada 9 avtobus olurdusa, bu gün daha iki avtobus xəttə buraxılıb. Sabah üçün isə əlavə 5 avtobusun xəttə buraxılması nəzərdə tutulub.
Zaqatala avtovağzalında sərnişinlərin ən çox sıxlığı Bakı marşrutu istiqamətində hərəkət edən avtobuslarda müşahidə edilir. Zaqatala- Bakı üzrə marşrut xəttinin gediş haqqı 10 manatdır.
Tətil günləri bölgələrdən paytaxt istiqamətində sərnişin artımı Tovuz avtovağzalında da müşahidə olunub. Rayon avtovağzalından verilən məlumata görə, sərnişin sıxlığını nəzərə alaraq əvvəlcədən əlavə avtobuslar təyin edilib. Bundan əlavə, Gürcüstan və Sınıq Körpü sərhəd-keçid məntəqəsindən gələn avtobusların rayon avtovağzalına keçid etməsi də sərnişin sıxlığının azalmasına dəstək olub.
Bakıya üz tutanlar arasında daha çox tələbələr üstünlük təşkil etdir.
Bu barədə Bakı Nəqliyyat Agentliyindən (BNA) məlumat verilib.
BNA vətəndaşlara bayram tədbirlərinin keçirildiyi məkanlara ictimai nəqliyyatdan istifadə etməklə getmələrini tövsiyə edib: "Bu cür mədəni kütləvi tədbirlər zamanı şəxsi nəqliyyat vasitəsindən daha az istifadə olunması hər kəsin mənzil başına daha tez, rahat və maneəsiz çatmasına imkan verir. Vətəndaşlarımızdan anlayış göstərərək ictimai nəqliyyatdan istifadəyə üstünlük vermələrini xahiş edirik. Bundan əlavə, Nəqliyyatın İntelektual İdarəetmə Mərkəzi tərəfindən dekabrın 31-i gecə saatlarında, xüsusən də mərkəzi küçə və prospektlərdə sıxlığın aradan qaldırılması məqsədi ilə svetoforlarda yaşıl dalğa tətbiq ediləcək.
Həmçinin, əhalinin rahat hərəkətini təmin etmək üçün gün ərzində qanunsuz parklanmaya nəzarət həyata keçiriləcək. Ümumilikdə isə bayram tətili günlərdə nəqliyyatın işinə nəzarəti təşkil etmək məqsədi ilə Bakı Nəqliyyat Agentliyi fəaliyyətini xüsusi rejimdə davam etdirəcək.
Sürücülərdən xahiş edirik ki, avtomobillərini dayanma-durmanın qadağan olunduğu yerlərdə saxlayaraq digər hərəkət iştirakçılarına mane olmasınlar".
11, 30, 40, 71 və 199 nömrəli müntəzəm marşrut xətləri üzrə elan edilən müsabiqənin şərtləri açıqlanıb.
"Report" bu barədə Bakı Nəqliyyat Agentliyinə istinadən xəbər verir.
Məlumata görə, şərtlərlə Agentliyinin internet səhifəsində müsabiqələr bölməsində tanış olmaq mümkündür. Müsabiqə “Avtomobil nəqliyyatı haqqında” qanuna, Nazirlər Kabinetinin 2009-cu il 3 aprel tarixli qərarı ilə təsdiq edilmiş “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi qaydasına” uyğun keçiriləcək. Müsabiqədə iştirak etmək istəyənlər 14 yanvar 2020-ci il saat 17:00-a qədər Agentliyə ərizə ilə müraciət etməlidirlər.
Bakı Beynəlxalq Avtovağzal Kompleksi Dünya Azərbaycanlılarının Həmrəyliyi Günü və Yeni il münasibətilə dekabrın 21-dən etibarən gücləndirilmiş iş rejimində çalışır və yanvarın 5-nə qədər davam edəcək. Yol-xeber.az xəbər verir ki, digər günlərlə müqayisədə daha çox sərnişin axınının olacağı nəzərə alınaraq xəttə ehtiyat avtobusları cəlb olunub. Ötən ilin statistikasına görə ən çox sərnişin sıxlığı 28,29,30 dekabr tarixlərinə təsadüf edib.
Sərnişinlərə yarana biləcək sıxlığı nəzərə alaraq biletləri bir neçə gün öncədən əldə etmələri tövsiyyə olunur.
27 və 28 dekabr tarixlərində ümumilikdə 25 mindən çox sərnişin avtovağzaldan yola salınıb. Biletləri avtovağzalın kassalarından, eyni zamanda www.avtovagzal.az saytı və mobil tətbiq vasitəsilə 10 gün öncədən 1 gün qabağa qədər əldə etmək mümkündür.
Sərnişinlər yarana biləcək hər hansı sual, sorğu və ya şikayətlə bağlı (012) 406-01-58/59 nömrəli “Məlumat Mərkəzi” nə zəng edə, eyni zamanda Bakı Beynəlxalq Avtovağzal Kompleksinin facebook səhifəsinə və ya info@avtovagzal.az e-mail ünvanına yazıb müraciət edə bilərlər.
Xatırladaq ki, “Məlumat Mərkəzi” həftənin 7 (yeddi) günü səhər saat 07:00-dan 00:30-a kimi fəaliyyət göstərəcək.
Qeyd edək ki, Bakı Beynəlxalq Avtovağzalı yalnız avtovağzal ərazisindən fəaliyyət göstərən avtobuslara nəzarət edir. Qeyri-qanuni sərnişindaşıma ilə bağlı yarana biləcək hər hansı bir hadisəyə BBAK cavabdehlik daşımır.
Satan çoxdur, alan az... Görüntülər Tovuzdakı avtomobil bazarındandır... Satıcıların çoxu deyir ki, artıq dördüncü dəfədir nəqliyyat vasitəsini satmaq üçün bazara çıxarır.. Satıcıların dili ilə desək alıcı qıtlığı yaşanır. Alıcılar isə qiymətlərin od tutub yandığını deyirlər.
2019-cu ilin sonuncu bazar günündə Gəncənin avtomobil bazarında isə nisbətən canlanma müşahidə olunur. Regionun əsas avtomobil bazarına həmişəki kimi Gəncə şəhəri ilə yanaşı, ətraf bölgələrdən də gələnlər var. Alıcılar arasında qiymətləri normal hesab edən də var, baha olduğunu düşünənlər də.
Satıcılar isə qiymətlərin baha olması fikri ilə qismən razılaşalar da, bunun onlardan asılı olmadığını iddia edirlər.
Bura isə regionun ən böyük maşın bazarlarından biri olan Bərdənin avtomobil bazarıdır. Həftədə iki dəfə satış həyata keçirilən bazarda satan çoxdur, alan az.
Son günlər bazarda qiymətlər bir qədər aşağı düşsə də, alıcı tapılmır. Alıcı satıcıdan, satıcı da alıcıdan nazarıdır. Satıcıların sözlərinə görə, ildən-ilə avtomobillərin buraxılış ili köhnəldiyindən qiymətəri də ucuzlaşır. Bazarda daha cox tələbat isə keçmiş sovet istehsalı olan avtomobillərədir.
Satıcılar deyirlər ki, şəhər yerlərindən fərqli olaraq, rayonlarda və xüsusilə də kənd yerlərində Avropa və yapon istehsalı olan avtomobilləri sürmək sərfəli olmadığından onların müştərisi də azdır.
"Azərbaycan Avtomobil Yolları" Dövlət Agentliyi xəbər verir ki, məhdudlaşma 1 yanvar saat 10:00-dan 3 gün müddətinə tətbiq ediləcək.
Sürücülərdən aparılan işlərə anlayışla yanaşmaları xahiş olunur və öncədən hərəkət istiqamətlərinə uyğun prospektin əsas yolundan istifadə etmələri tövsiyə edilir.
Dünyanın bir çox ölkələrinin daxili işlər nazilrliklərinin ali təhsil müəssisələri, polis akademiyaları ilə qarşılıqlı əlaqələrin qurulmasına xüsusi diqqət yetirən DİN Polis Akademiyasının təşəbbüsü ilə ölkəmizin aparıcı ali təhsil müəssisələri ilə də bu istiqamətdə protokollar imzalanmışdır.
Bu günlərdə Daxili İşlər Nazirliyinin Polis Akademiyasında Azərbaycan Dillər Universiteti ilə birgə 31 dekabr Dünya Azərbaycanlılarının Həmrəyliyi Gününə həsr olunan tədbirdə polis general-mayoru Nazim Əliyev sentyabrın 30-da təhsil və elm sahələri üzrə qarışılıqlı fəaliyyət haqqında Protokolun imzalandığını xatırladıb, iki ali təhsil ocağı arasında qurulan əməkdaşlığı yüksək qiymətləndirib.
Akademiya rəisi rəhbərlik etdiyi təhsil müəssisəsi haqqında geniş məlumat verib, kursantların dil bilgisinin zəruriliyinə diqqət çəkib:
“Azərbaycan beynəlxalq miqyaslı nüfuzlu tədbirlərin mərkəzinə çevrilib. Polis xarici vətəndaşlarla təmasda olduğuna görə onun xarici dil bilməsi vacib şərtlərdəndir. Ona görə də biz 2012-ci ildən başlayaraq qarşımıza məqsəd qoyduq ki, akademiyanı bitirən gənclər ingilis dilində sərbəst danışıb, xarici vətəndaşın dediyini başa düşmək imkanına malik olmalıdır. Bu sahədə biz müəyyən tədbirlər gördük, proqramlar tətbiq etdik. Azərbaycanın ən böyük dil ocağı Dillər Universitetidir. Ona görə də biz universitetin rektoru, akademik Kamal Abdullaya müraciət etdik, arzularımızı bildirdik ki, bu sahədə sizinlə əməkdaşlıq etmək istəyirik. Kamal müəllim çox sağ olsun ki, səsimizə səs verdi, biz onların qonağı olduq, əməkdaşlığımızı rəsmiləşdirdik, gələcək əməkdaşlığın strategiyasını müəyyən etdik. Həmin strategiyanın davamı olaraq, universitetin kollektivi bu gün bizim qonağımızdır”.
Xalq yazıçısı Kamal Abdulla 31 dekabr Dünya Azərbaycanlılarının Həmrəyliyi Günü münasibəti ilə tədbir iştirakçılarını təbrik edib, kursantlara və zabit heyətinə işlərində uğurlar arzu edib.
Rektor Polis Akademiyasında qonaq olmaqdan məmnun olduğunu bildirib, əsası qoyulan əməkdaşlığın faydasından və əhəmiyyətindən danışaraq Azərbaycan Dillər Universitetində həyata keçirilən yerli və beynəlxalq layihələr haqqında məlumat verib, xarici dil bilgilərinin inkişafı, birgə konfranslarda iştirak, tədris vəsaitlərinin tərcüməsi və başqa məsələlərə toxunub. Kamal Abdulla Polis Akademiyasının maddi-texniki bazası, tədrisdə qazandığı uğurlarla bağlı yüksək fikirlərini bölüşüb:
“Polis Akademiyası ilə böyük məmnuniyyətlə tanış olduq. Hər bir ali məktəbin yaxşı mənada qibtə ilə baxa biləcəyi belə bir akademiyanı yaratdığına görə ölkəmizin rəhbərliyinə, Daxili İşlər Nazirliyinə, sizə minnətdarlığımızı bildiririk. Gənc kursantlar bizim gələcəyimizdir. Onlar bu şəraitdə formalaşırlarsa, deməli, bizim övladlarımızın gələcəyi etibarlı nəzarət altında olacaq”.
Akademik Kamal Abdulla əlavə edib ki, ADU və Polis Akademiyası arasında imzalanan razılığa əsasən universitetin professor-müəllim heyəti, tələbə, magistr və doktorantları Polis Akademiyasının tədris prosesində iştirak edəcək, birgə layihələrə öz töhfələrini verəcəklər.
Tədbirdə ADU-nun Tələbə Həmkarlar Komitəsinin sədri Şahin Sərdarlı və Polis Akademiyasının kursantı Nurlan Mirzəyev məruzə ilə çıxış ediblər.
Daha sonra konsert proqramı təqdim olunub. ADU-nun əməkdaş və tələbələri – Yaqub Cavadov, Arzu Məmmədova, Murad Əliyev, Şahverən Babayev, Samirə Babayeva böyük maraqla qarşılanan musiqili proqramla çıxış ediblər.