 |
|
HƏMAS lideri Yəhya Sinvanın ölümü İran və onun Yaxın Şərqdəki “müqavimət oxuna” ciddi zərbədir. Tehran uzun illərdir HƏMAS-ı dəstəkləyir. Sinvar rəhbərliyi ələ keçirəndə bu, İran üçün əsas oyun dəyişikliyi olmuşdu.
Teleqraf.com xəbər verir ki, bu barədə “Yerusəlim Post” yazır.
Nəşr bildirir ki, İran iplərini Sinvarın saxladığı HƏMAS-a böyük sərmayə yatırmışdı.
YP-nin fikrincə, HƏMAS-ın öldürülən lideri İranın regional planlarının əsas icraçılarından biri idi:
“İranın son dövrlərdə aldığı zərbələrə baxmaq vacibdir. Sinvar və Nəsrullahı itirdi. Bunlar İsrailə zərər verən iki güclü qrupun əsas fiqurları idi. İl ərzində Tehran özünü qalib hiss edirdi. Çünki 1000 israilli öldürülmüş, İsrailin şimal bölgəsi (Livanla sərhəd) boşaldılmışdı. Aprel-oktyabr aylarında dron və uzaqmənzilli ballistik raketlərlə birbaşa hücumlar həyata keçirdi. İraqdakı yaraqlılar da İsraili PUA-larla hədəfə alırlar. Husilər Qırmızı dənizdə təxribat törədirlər, hətta Təl-Əvivə dron atdılar.
İran üçün İsrailə ən yaxın piyada HƏMAS idi. “İslami Cihad” (Fələstin) daha kiçik proksi qrupdur. HƏMAS isə güclüdür, İranın regional planlarının açarıdır. Məhz HƏMAS İranın İsraili məğlub edəcəyinə və (Fələstinlə İsrail arasında) ikitərəfli həll planını qəbul etdirəcəyinə ümid edirdi.
İndi Sinvar ölüb, İran yenidən düşünməli olacaq. Qətər də HƏMAS-ı dəstəkləyir və Sinvara pul ödəyirdi. Qətər vasitəsilə Tehran ümid edirdi ki, ABŞ-a İsraili atəşkəsə təzyiq etmək üçün təsir edə bilərlər. Doha Qəzzada HƏMAS və Sinvarı qorumaq üçün atəşkəs əldə etməyə çalışmışdı. Amma İsrail HƏMAS liderlərini sıradan çıxararaq vəziyyəti dəyişdi. İsmayıl Haniyə və Salah əl-Aruri öldürüldü. Mərvan İsa və Məhəmməd Dyef öldürüldü.
HƏMAS-ın çox az lideri var, əksəriyyəti Dohada yaşayır. İndi ABŞ-ın HƏMAS-a ev sahibliyi etməyi dayandırmaq üçün Qətərə təzyiq göstərəcəyi vaxtdır. İran indi geri qalır. Livanda məğlub ola, evdə rüsvayçılıqla üzləşə bilər. Sinvarın ölümü İranın İsrailə qarşı çoxcəbhəli müharibəsində digər dominoların düşməsinə səbəb ola bilər.
İsrail indi öz kartlarını oynamalıdır. Onun bu regional şahmat taxtasını yenidən hazırlamaq şansı var. İranın şahmat taxtasındakı piyadası Sinvarın çıxarılması vacib gediş oldu. İndi bu oyunda İranın “kral”ına atəş açmaq və rejimin özünə zərbə vurmaq vaxtıdır”.
Avropa Birliyi Gürcüstanda keçiriləcək növbəti parlament seçkilərinə kobud müdaxilə etmək niyyətini qətiyyən gizlətmir... Rəsmi Tiflisə qarşı “siyasi savaş” açan bu beynəlxalq qurumun Gürcüstanda başlatdığı təxribatlar artıq açıq müstəviyə keçirilir...
Avropa Birliyinin öz yaradılış missiyasından tədricən uzaqlaşdığı açıq-aşkar nəzərə çarpır. Hər halda, bu nüfuzlu beynəlxalq qurum indi yalnız iqtisadi və ideoloji dəyərlər üzərindən fəaliyyət göstərən təşkilat deyil. Belə ki, Avropa Birliyi son onilliklərdə hərbi-siyasi ambissiyalarla yüklənib. Hərbi təzyinatlı qurum olmasa da, NATO-nu təqlid etməyə çalışır. Beynəlxalq siyasət məkanındasa, geopolitik hədəflər icad etməklə, təzyiq və diqtə metodlarına üstünlük verir. Və bu baxımdan, Avropa Birliyini indi artıq beynəlxalq hegemoniya niyyətinə düşmüş imperialist Qərb qurumu da hesab etmək mümkündür.
Onu da qeyd etmək lazımdır ki, Avropa Birliyi öz üzvlərinin xarici siyasətinə tam nəzarət taktikası tutub, onları bu qurumun müəyyən etdiyi beynəlxalq çərçivələr daxilində fəaliyyətə məcbur edir. Avropa Birliyinə üzv dövlətlərin suveren hüquqlarına və müstəqil qərarlar qəbul etmək haqlarına demək olar ki, əhəmiyyət verilmir.
Buna misal olaraq, Avropa Birliyinə üzv Macarıstana qarşı bu qurumun sərt təzyiqlərini göstərmək olar. Orban hökuməti müstəqil xarici siyasət yürütdüyü, Rusiya və Çinlə iqtisadi-ticari əməkdaşlığı davam etdirdiyi üçün Macarıstan Avropa Birliyinin açıq hədəfinə çevrilib. Və hazırda Avropa Birliyi Macarıstanı Rusiya-Çin cütlüyünün bu qurum daxilindəki for-postu elan edərək, sərt ittihamlara məruz qoyur.
Digər tərəfdən, bu qurum üzvlük üçün müraciət edən ölkələrə də Avropa Birliyinin hədəflərini diqtə edir. Həmin ölkələrdən Avropa Birliyinin maraqları və sifarişləri çərçivəsində mövqe tutulmasını tələb edir. Yəni, bu qurum üzvlük üçün müraciət etmiş ölkələrdən öz suveren hüquqlarından məhz Avropa Birliyini xeyrinə imtina olunmasını istəyir. Halbuki, onilliklər boyu davam edən müzakirələrdən sonra həmin ölkələrin nə vaxtsa, Avropa Birliyinin sıralarına qatıla biləcəyinə də heç bir təminat verilmir. Və bununla da Avropa Birliyi öz nəzarəti altında “siyasi müstəmləkələr bloku”nun yaradılmasına çalışır.
Təbii buna ən real örnək Ukrayna, Moldova və Gürcüstana münasibətdə Avropa Birliyinin davranışlarını göstərmək olar. Bu üç postsovet ölkəsi uzun müddətdən bəri Avropa Birliyinə üzvlük niyyətlərini rəsmiləşdirsələr də, hələ də bu qurumun “qapalı qapıları” qarşısında gözlədilir. Üstəlik, bu müddət ərzində hər üç ölkə Avropa Birliyinə inteqrasiya niyyətləri ucbatından bir çox ənənəvi tərəfdaşlarını itirərək, sarsıdıcı geopolitik zərbələr də məruz qalıblar. Gürcüstan isə ümumiyyətlə, hazırda Avropa Birliyinin açıq hədəfinə çevrilib.
Gürcüstan hökumətinin ölkə parlamentində təsdiqlətdiyi “xarici agentlər” və LGBT barədə məhdudlaşdırıcı qanunlar ABŞ və Avropa Birliyinin ortaq qəzəbinə tuş gəlib. ABŞ və Avropa Birliyi rəsmi Tiflisdən bu iki qanunun dərhal ləğv edilməsini tələb edir. Bu tələbi hər iki qanunun insan haqları və demokratik dəyərlərin təsirini məhdudlaşdırması ilə bağlı iddialarla əsaslandırmağa çalışır. Halbuki, “xarici agentlər” barədə qanunun Fransa başda olmaqla, Avropa Birliyinin əksər ölkələrində də mövcuddur. Və nə qədər qəribə də olsa, Avropa Birliyi rəsmi Tiflisi indi Gürcüstana məhz bu səbəblərdən sanksiyalar tətbiq etməklə təhdid edir.
Məsələ ondadır ki, Avropa Birliyi Gürcüstanın bu quruma üzvlük müraciəti əsasında artıq illərlə davam edən müzakirə prosesini dayandırdığını rəsmən bəyan edib. Bu qurumun Tiflisdəki səfiri Pavel Qerçinski Gürcüstanın “nə bu gün, nə sabah, nə də 2030-cu ildə Avropa Birliyinə üzv ola bilməyəcəyini” bildirib. O, bildirib ki, Avropa Birliyi Gürcüstan vətəndaşlarının seçiminə hörmət edir. Və bununla da seçki ərəfəsində Avropa Birliyi ilə kəskin ziddiyyətlər yaşayan mövcud hökumətin dəyişdirilməsinə yönəlik Gürcüstan seçicilərinə dolayısı mesaj verib.
Avropa Birliyinin səfiri xatırladıb ki, bir həftədən sonra Gürcüstanda növbəti parlament seçkiləri keçiriləcək. Ona görə də, avropalı səfirin fikrincə, Gürcüstan vətəndaşları özlərinin və övladlarının gələcəyi ilə bağlı doğru seçim etməlidirlər. Avropalı səfir vurğulayıb ki, xalqın seçimə hörmət edilməsi Avropa Birliyi və keçmiş SSRİ arasındakı əsas fərqlərdən biridir: “Ancaq Avropa Birliyinin də müzakirəyə açıq olmayan müəyyən dəyərlər – azadlıq, demokratiya, qanunun aliliyi, insan hüquqları və s. əsasında formalaşdığına hörmət olunmalıdır”.
Pavel Qerçinski davamında əsl təxribata cəhd edərək, bildirib ki, əgər, Gürcüstan seçiciləri Gürcüstanın təkpartiyalı dövlətə çevrilməsinə, müxalif partiyaların qadağan olunmasına, vətəndaş cəmiyyətinin ölkədən qovulmasına, müstəqil KİV-lərin sıradan çıxarılmasına və insan haqlarının arxa plana keçirilməsinə dəstək verəcəklərsə, deməli, bu ölkə heç vaxt Avropa Birliyinin üzvü olmayacaq. Avropalı səfirin bu açıqlaması Gürcüstan vətəndaşlarına qarşı açıq və birbaşa təzyiq göstərmək cəhdidir. Yəni, insan haqlarından və demokratiyadan danışan avropalı səfir Gürcüstan vətəndaşlarını yönəltməyə çalışır. Və Gürcüstanın diktaturaya yönəlməkdə olduğuna dolayısı ilə eyham vurur.
Göründüyü kimi, Avropa Birliyi Gürcüstanda keçiriləcək növbəti parlament seçkilərinə kobud müdaxilə etmək niyyətini qətiyyən gizlətmir. Avropalı səfirin açıqlaması bu kobud müdaxilənin artıq başlandığını təsdiqləyir. Çünki onun açıqlaması seçkiyə kobud müdaxilədir və Gürcüstan seçicilərini hakim “Gürcü arzusu” Partiyasının əleyhinə səs verməyə çağırış məzmunu daşıyır. Və bu, Avropa Birliyinin “demokratiya” anlayışını, eləcə də, digər “dəyərlər”ini təsəvvür etməyə imkan verir.(Yeni Müsavat)
Türkiyədə ağır yol-nəqliyyat hadisəsi baş verib.
“TRT Haber”xəbər verir ki, Aksaray-Ankara avtomobil yolunda tur avtobusu aşıb.
İlkin məlumata görə, qəza zamanı 6 nəfər həlak olub, daha 25 nəfər isə yaralanıb.
Hadisənin hansı səbəbdən baş verməsi hələ məlum deyil.
HƏMAS lideri Yəhya Sinvarın ölümündən bir neçə dəqiqə öncəki görüntüləri internetə sızdırılıb.
Videonu “İsrail Azadlıq Ordusu” öz telegram kanalında yayımlayıb.
Belə ki, pilotsuz uçuş aparatının görüntülərində Qəzza zolağında raket hücumu nəticəsində dağılan evdə yaralı HƏMAS liderinin olduğu görünür. O, əlindəki əşya ilə PUA-nı vurmağa çalışsa da, buna nail ola bilməyib. Daha sonra snayper ona atəş açıb.
Həmin görüntüləri təqdim edirik:
İranın Azərbaycandakı səfirliyi Azərbaycanın dövlət müstəqilliyinin bərpası ilə bağlı paylaşım edib.
Bu barədə səfirliyin “X” hesabında məlumat paylaşılıb.
“Təbrik edirik”, - paylaşımda bildirilib.
Postsovet məkanının cənub tərəfində NATO ilə Azərbaycan qədər güclü əlaqələri olan ikinci ölkə tapmaq mümkün deyil.
Globalinfo.az xəbər verir ki, bu sözlər erməni ekspert Arman Abovyanın məqaləsində yer alıb.
O iddia edib ki, NATO Türkiyə və Azərbaycanla birgə Ermənistanın cənub hissəsinə nəzarəti Bakıya vermək üçün hər şeyi edir.
Abovyan NATO generallarının ötən həftə Azərbaycana gəlib, Hərbi Qənimətlər Parkını ziyarət etməsinin Ermənistandakı qərbyönlülər üçün biabırçılıq olduğunu bildirib:
“Anlamalıyıq ki, NATO, Türkiyə-Azərbaycan tandemi və Qafqazdakı digər geosiyasi oyunçular hər şeydən öncə öz maraqlarını qoruyurlar. Ermənistanın maraqları isə onlarınkı ilə qismən üst-üstə düşür. Bu o deməkdir ki, sabah türklər Zəngəzur dəhlizinə fiziki müdaxilə etsələr, NATO heç bir şey etməyəcək. Bu bizim xoşumuza gəlsə də, gəlməsə də faktdır”.
2024-cü il oktyabrın 17-dən Rosselxoznadzor Qazaxıstandan Rusiyaya pomidor, bibər, günəbaxan toxumu, təzə bostan məhsulları, buğda, kətan toxumu və mərcimənin idxalına müvəqqəti məhdudiyyətlər qoyur.
Bu barədə Rosselxoznadzor məlumat yayıb.
Məlumata görə, buğda, kətan toxumu və mərcinin tranzitinə Qazaxıstan nümayəndələrinin fitosanitar sertifikatlarının birbaşa son təyinat ölkəsinə rəsmiləşdirilməsi və Qazaxıstan mənşəli taxılın dəmir yolu vaqonlarından birbaşa ambarlara daşınması şərtilə icazə verilir.
"Qərar Qazaxıstanın səlahiyyətli idarələrinin Rusiyanın fitosanitar təhlükəsizliyini təmin etmək üçün tədbirlər görməməsi səbəbindən qəbul edilib", - məlumatda qeyd olunur.(axar.az)
ABŞ İran neftini daşıyan beş şirkətə və onların tankerlərinə qarşı sanksiya tətbiq edib
ABŞ Maliyyə Nazirliyi İran nefti və neft məhsullarını daşıyan beş şirkət və onların tankerlərinə qarşı sanksiyalar tətbiq olunduğunu açıqlayıb.
Bu barədə ABŞ Maliyyə Nazirliyinin sanksiyalar sahəsində icraya cavabdeh bölməsi olan Xarici Aktivlərə Nəzarət Ofisinin (Office of Foreign Assets Control, OFAC) press-relizində bildirilib.
Qurumun məlumatına görə, bu neft məhsullarının satışından əldə edilən gəlirlər, digər şeylərlə yanaşı, husiləri və onların Yaxın Şərqdəki hücumlarını maliyyələşdirmək üçün xərclənilir. O cümlədən husilərin İsrail ərazisinə, eləcə də Qırmızı dənizdən keçən ticarət gəmilərinə raket və PUA-larla hücumları maliyyələşdirilir.
“Husilər zorakılıq kampaniyalarını davam etdirmək məqsədilə İran neftini nəql etmək və satmaq üçün Səid əl-Camal və onun vasitəçilərinin beynəlxalq şəbəkəsinə bel bağlamağa davam edirlər. ABŞ Maliyyə Nazirliyi husilərə vəziyyəti destabilləşdirməyə imkan verən bu əsas qeyri-qanuni gəlir mənbəyinin qarşısını almaq üçün bütün mövcud vasitələrdən istifadə etməyə qərarlıdır”, - ABŞ maliyyə nazirinin terrorizm və maliyyə kəşfiyyatı üzrə müavini vəzifələrini müvəqqəti icra edən Bredli T.Smit deyib.
"Sabah İstanbulda Azərbaycan, Rusiya, İran və Ermənistan xarici işlər nazirlərinin görüşü keçiriləcək".
Bunu Türkiyənin xarici işlər naziri Hakan Fidan "Haber Global"a müsahibəsində deyib.
O bildirib ki, toplantıda bir sıra regional məsələlər müzakirə olunacaq.
"Biz Azərbaycanla bir millət, iki dövlətik. Bir çox məsələdə isə bir dövlət kimi davranırıq. İqtisadiyyat və digər sahələrdə əməkdaşlığımız çox sıxdır", - deyə Fidan vurğulayıb.
Nazir əlavə edib ki, Azərbaycanla Ermənistan arasında sülhün əldə olunması regiona böyük fayda gətirəcək. O, həmçinin qeyd edib ki, Türkiyə Prezidenti Rəcəb Tayyib Ərdoğanın bu məsələ ilə bağlı mövqeyi aydındır.
Qərbin sanksiyaları altında Rusiyanın həm Ermənistanda, həm də Azərbaycanda mövcudluğu yenidən formalaşdırılır.
Bunu rusiyalı politoloq Andrey Areşev deyib.
Onun fikrincə, bu məsələdə qarşılıqlı faydalı əlaqələr olacaq və onlar təkcə dövlət qurumları deyil, ayrı-ayrı şirkətlər, korporasiyalar səviyyəsində də inkişaf edəcək.
Təhlükəsizlik məsələlərinə gəlincə, ekspert əlavə edib ki, bölgədə təhlükəsizlik sahəsində də vəziyyət dəyişir: "Türkiyə daha çox əhəmiyyət kəsb edir, çünki təkcə Bakı deyil, İrəvan da bununla razılaşır.
Eyni zamanda, Rusiya yeni yaranan şərtlər çərçivəsində hərəkət edəcək. Rusiyanın Cənubi Qafqazdakı hərbi mövcudluğunun daha da azaldılması ilə bağlı addımları istisna etmək olmaz. Əgər Ermənistan-Türkiyə münasibətləri normallaşarsa, Gümrüdə Rusiya bazasının olmasının mənası anlaşılmaz olacaq”, - ekspert qeyd edib.