 |
|
"Crocus City Hall"da törədilən terror aktı ilə Rusiyanın bədxahları ölkənin iki ənənəvi dini olan xristianlıqla və İslamı bir-birinə qarşı qoymağa çalışıblar.
Bunu Moskvanın və bütün Rusiyanın patriarxı Kirill terror aktını şərh edərkən deyib.
“Rusiyanın bədxahları miqrasiya vəziyyəti ilə bağlı daxili problemlərdən, o cümlədən radikal islamçı amilin köməyi ilə ölkəmizdə millətlərarası münasibətləri gərginləşdirərək istifadə etməyə çalışıblar. İki ənənəvi dini bir-birinə qarşı qoymaq, insanları dini prinsiplərə görə bölmək, həmçinin bir-birinə qarşı qoymaq cəhdi edilib”, - patriarx bildirib.
Rusiya üçün qeyri-dost ölkələr yoxdur, lakin bu ölkələrin dost olmayan elitaları var.
Bunu Rusiya Prezidenti Vladimir Putin Tver vilayətinin mədəniyyət işçiləri ilə görüşündə deyib.
“Bizim qeyri-dost adlandırdığımız ölkələrin belə, bu gün çoxsaylı nailiyyətləri var”, - deyə Putin qeyd edib.
Rusiya lideri əlavə edib ki, Avropa mədəniyyətində yaxşı cəhətlər çoxdur, lakin hazırda bu ölkələrin həyatında çoxsaylı problemlər də var.
Fransa Prezidenti Emmanuel Makron Qərb qoşunlarının Ukraynaya göndərilməsinə dair açıqlaması ilə bütün Avropanı həyəcanlandırıb. Qərbdə bu məsələdə hələ də konsensus yoxdur.
Axar.az xəbər verir ki, bu barədə “Le Figaro” nəşri məlumat yayıb.
"NATO qoşunlarının Ukraynaya göndərilməsinin beş mümkün ssenarisini var:
Ssenari 1: Fransa Ukraynada zavodlar yaradır. Bu planın bir hissəsi kimi Paris silah istehsalı zavodları tikə bilər.
Ssenari 2: Hərbçilər minalardan təmizləmə və təlimlə məşğul olacaqlar. Bu halda Fransa Ukrayna Silahlı Qüvvələrinin döyüşçülərinə birbaşa təlim keçəcək, həmçinin ölkə ərazisinin partlayıcı obyektlərdən təmizlənməsinə kömək edəcək.
Ssenari 3: Odessanın müdafiəsi. Fransa Ukraynanın liman şəhərinin qorunmasında fəal iştirak edə bilər.
Ssenari 4: Fransız ordusu müdafiə zonası yaradır. Burada söhbət fransız qoşunlarının ukraynalılara kömək etmək üçün bufer zonaları yaratmasından gedir.
Ssenari 5: Səngərlərdə qarşıdurma. Bu plan fransız qoşunlarının Ukrayna cəbhəsindəki döyüşlərdə birbaşa iştirakını nəzərdə tutur", - məqalədə bildirilib.
Rusiyalı aparıcı Vladimir Solovyovun “Krokus Siti Holl”da baş verən terror hadisəsindən sonra “səhvən” terrorçulardan birinin Azərbaycan soyadını daşımasını bildirməsi onun ciddi tənqidinə səbəb olub. Rusiyalı aparıcı tənqidlərin ardınca özünə bəraət qazandırmağa çalışıb.
Axar.az xəbər verir ki, o, bu barədə “Solovyov Layf” efirində deyib.
“Guya mənim hansısa milləti təhqir etdiyim deyilir. Terror hadisəsindən sonra o əclafların birinin soyadını Azərbaycan soyadına oxşatmışam. Bunu erməni və ya qazax soyadına da oxşada bilərdim. Bəyəm, bu, Azərbaycan xalqı ilə problemin olduğunu göstərir? Özünüzə gəlin! Yoxsa demək istəyirsiniz ki, bizdə “müqəddəs millət” və “cinayətkar millət” var? Amma beləsi yoxdur. Mən sovet beynəlmiləlçisiyəm, bütün millətlərə hörmətim var. Sovet dövrünün parlaq xadimləri olub ki, onların sırasına Ermənistandan olanları aid etmirəm, Belarusdan olanları aid edirəm. Azərbaycan rəhbərliyinə gəlincə, Əliyevlə görüşmüşəm və onun haqqında çox yüksək fikirdəyəm. Sakitləşin. Millətlərarası münaqişəni qızışdırmaq istəsəydim, bəzi blogerlərin yolu ilə gedərdim. Bəyəm Zelenskini tənqid edəndə, onun yəhudi olmasına görə yəhidələrdən əks cavab gözləyim?” - o bildirib.
Qeyd edək ki, Solovyov terrorçulardan birinin soyadını azərbaycanlıya “səhvən” bənzədəndən sonra Azərbaycanın teraktda əli olması ehtimalını da irəli sürəcək qədər irəli gedib və ölkəmizə ənənəvi nifrətini nümayiş etdirib.
Almaniyanın Hannover şəhərində bir qrup PKK terrorçusu Türkiyənin Baş Konsulluğunun binasına hücum edib.
Hücum edənlər Türkiyənin Baş Konsulluğunun binasına daş və dəyənəklə ona zərər vurmağa cəhd ediblər.
Belçikanın Limburq bölgəsinin Heusden-Zolder rayonunda terror təşkilatı PKK tərəfdarları türklərə məxsus avtomobilləri yandırıb.
Uşaq salfetləri, yuyucu vasitələr, eləcə də dırnaq boyalarında olan OFR və QAC kimyəvi maddələri beyin strukturlarına zərər verə bilər və autizm riskini artırır.
Lent.az bildirir ki, bunu ABŞ-ın Case Uestern Reserve Universiteti Tibb Fakültəsinin alimləri müəyyən ediblər. Tədqiqatın nəticələri "Nature Neurology" jurnalında dərc olunub.
Qeyd olunur ki, OFR gecikdirici materialların hazırlanmasında istifadə olunur. Mebel parçalarında, dırnaq boyalarında, uşaq salfetlərində, xalçalarda və elektronikada rast gəlinir. QAC mikrobları öldürmək üçün istifadə edilən bir növ kimyəvi maddədir. Onlar təmizləyici məhsullar, şampunlar, günəş kremləri və fərdi qulluq məhsulları istehsalında istifadə olunur.
Bu kimyəvi maddələrin beyin fəaliyyətinə necə təsir etdiyini öyrənmək üçün alimlər siçanlar üzərində təcrübə aparıblar. Gənc gəmiricilərin beyin toxuması OFR və QAC-lərə məruz qaldıqda, onların oliqodendrositləri (beyində sinirləri qoruyan strukturlar) inkişafı və fəaliyyətini dayandırıb.
Əlavə bir araşdırmada tədqiqatçılar 3-11 yaşlı uşaqların sidikdə OFR və QAC səviyyələrini qiymətləndiriblər. Ümumilikdə bir neçə min nümunə təhlil edilib. Məlum olub ki, ASD (autizm spektri pozğunluğu) olan uşaqların sidikdə kimyəvi OFR konsentrasiyası əhəmiyyətli dərəcədə yüksəkdir.
Moskva yaxınlığındakı “Crocus City Hall”da baş vermiş terror aktında Ukrayna izi var. "Bunu Rusiya Federal Xidmətinin rəhbəri Aleksandr Bortnikov deyib.
Onun sözlərinə görə, bu cür məlumatlar terror aktı ilə bağlı cinayət işinin istintaqı çərçivəsində saxlanılan şəxslərdən alınıb.
Bortnikov qeyd edib ki, Rusiya xüsusi xidmət orqanlarının ölkədə seçki günlərində terror aktının hazırlanması barədə məlumatı olub.
“Ukraynadakı münaqişə Rusiya ilə Qərb arasında müharibəyə çevrilə bilər”.
Bu barədə “Anadolu” dövlət agentliyi Türkiyə Böyük Millət Məclisinin (TBMM) sədri Numan Kurtulmuşun bəyanatına istinadən məlumat yayıb.
Onun sözlərinə görə, Ankarada bu qarşıdurmaya təkcə bu iki ölkə arasında müharibə kimi deyil, həm də əvvəldən Rusiya ilə Qərb ölkələri arasında müharibəyə çevrilə biləcək münaqişə kimi baxılır.
Parlamentin spikeri qeyd edib ki, Türkiyə buna əsaslanaraq Rusiya ilə Ukrayna arasında müharibənin tezliklə bitməsinə çalışır.
Kurtulmuş hesab edir ki, tərəflər Türkiyənin İstanbulda vasitəçiliyi ilə artıq atəşkəs sazişi bağlamağa yaxın idilər, lakin sənədin imzalanması müəyyən qüvvələr tərəfindən pozulub: “Rusiya ilə Ukrayna arasında sülh sazişi Dolmabaxçada imzalanmağa yaxın idi”.
Kurtulmuş, hər iki tərəfin qəbul edəcəyi ədalətli və bərabər sülhün bağlanmasının mümkün olduğunu xatırladıb.
Spiker xəbərdarlıq edib ki, Rusiya ilə Ukrayna arasında qarşıdurma təkcə Qara dəniz regionu və Şərqi Avropaya deyil, həm də xeyli genişlənə bilər.
Ermənistanın Rusiya ilə Qərb arasında geosiyasi mübarizə poliqonuna çevrilməsi artıq ölkə daxilində ciddi təlatümlərə gətirib çıxarır.Qeyd edək ki, martın 24-də Ermənistanda qanunsuz olaraq silah və sursat daşımaq və saxlamaqda şübhəli bilinən 49 nəfər saxlanılaraq ərazi polis bölmələrinə aparılıb.
Ermənistan Daxili İşlər Nazirliyinin mətbuat katibi Narek Sarkisyan “Sputnik Ermənistan” radiosuna bildirib ki, saxlanılanların hamısı “Döyüş Qardaşlığı” birliyinin nümayəndələridir.
Artıq hüquq-mühafizə orqanları həmin silahlı qruplaşmanın üzvlərinə qarşı ittiham aktı qaldırıb.
"Döyüş Qardaşlığı" silahlı qruplaşmasının üzvləri müəyyən silah-sursat ilə Azərbaycanın işğal altında olan kəndlərə doğru hərəkət etməyə cəhd göstəriblər. Məlumata görə, silahlı qruplaşma həmin kəndlərdə məskunlaşan sakinləri silahlandırmaq və onları Azərbaycana qarşı təxribatlara çəkmək məqsədi daşıyıb.
Maraqlıdır, bu kimi hadisələrin arxasında Rusiya dayana bilər? Moskva, həqiqətən Ermənistanda radikal siyasi qüvvələri və silahlı birləşmələri hərəkətə gətirmək istəyir?
Məsələ ilə bağlı politoloq Oqtay Qasımov "Cebhe.info"-ya açıqlamasında qeyd edib ki, Moskva Paşinyan hakimiyyətini cəzalandırmaq niyyətindədir:
"Əlbəttə ki, Ermənistanda fəaliyyət göstərən radikal təşkilatların hər biri bu və ya digər formada xarici qüvvələrə bağlıdır. Bu ölkədə həm Rusiya, həm də Qərbin maraqlarına xidmət edən kifayət qədər radikal millətçilər var. Ermənistan üzərində hazırkı geosiyasi mübarizə ölkənin daxili siyasətinə ciddi şəkildə təsir edir. Sözsüz ki, bu, özünü həmin təşkilatların faəliyyətində büruzə verir.
Ən çox da Rusiyameyilli radikal təşkilatlar özlərinə qabağa veriblər. Keçmiş “Qarabağ klanı” ilə bağlantıları olan yarım hərbi birləşmələrin addımları, xüsusilə Azərbaycanın işğal altında olan kəndlərinin qaytarılmasına hər vəhclə mane olmaları bunu aydın sübut edir. Həmin birləşmələrin dünənki təxribatı bu ölkə üzərində geosiyasi mübarizənin təzahürlərdən biridir. Yəni Rusiya və Qərb bir-birini sıxışdırmağa çalışır.
Son zamanlar Rusiyayönümlü qüvvələrin aktiv olması müəyyən səbəblərlə bağlıdır. Ən başlıca səbəb isə Ermənistan hakimiyyəti öz xarici siyasət vektorunu dəyişməyə çalışması, yəni Rusiyadan uzaqlaşmaq və Qərbə inteqrasiya etmək istiqamətində addımlarını intensivləşdirməsidir. Bunun fonunda Paşinyan hakimiyyəti öz mövqeyini möhkəmləndirir. Bu isə radial müxalifəti qane etmir.
Təbii ki, müxalifət də müxtəlif vasitələrlə öz mövqeyini gücləndirir. Ermənistan parlamentində mandat sahibi olan radikal müxalifətin əhəmiyyətli hissəsi Rusiyameyillidir. Bütün bunları diqqətə aldıqda hesab etmək olar ki, Moskvanın təlimatları əsasında radikal müxalifət və revanşist silahlı birləşmələr ölkə daxilində təxribatlara əl ata bilər".
Ermənistanda daşnaklar da daxil, radikal-revanşist ünsürlər Paşinyan hakimiyyətinə qarşı qiyama hazırlaşırlar.Tezliklə İrəvanda və ölkənin digər şəhərlərində ciddi silahlı toqquşmaların baş verməsinin şahidi ola bilərik.
Qeyd edək ki, Qazaxın işğal altındakı Yuxarı Əskipara kəndinə döyüş hazırlığı keçməyə gedən silahlı dəstə saxlanılıb.
Ermənistan KİV-lərinin məlumatlarına görə, "Döyüş Qardaşlığı" adlı silahlı dəstənin 24 üzvü hüquq-mühafizə orqanları tərəfindən saxlanılıb və onların silah-sursatları ələ keçirilib.
Ermənistan Daxili İşlər Nazirliyinin mətbuat katibi Narek Sarkisyan artıq bu məlumatı təsdiqləyib.
Bildirilib ki, “Döyüş Qardaşlığı” silahlı qruplaşma Qazaxın işğal altında olan kəndlərinə doğru hərəkət etməkdə məqsədi həmin kəndlərin Azərbaycana qaytarılmasına mane olmaq idi.
Yəni sözügedən qrup kəndlərin geri qaytarılmaması üçün ərazidə qeyri-qanuni məskunlaşan əhalini müharibəyə səsləmək, delimitasiya prosesinin icrası zamanı isə Azərbaycan Ordusuna qarşı təxribat törətməyi planlaşdırırdı.
Xatıradaq ki, bundan öncə “Döyüş Qardaşlığı” Ermənistanın nəzarətində olan Qazaxın Yuxarı Əskipara kəndinə girəcəyini və ərazinin Azərbaycana geri qaytarılmasına imkan verməyəcəklərini bəyan etmişdilər.
Üzvlərinin həbs olunmasına etiraz olaraq "Döyüş Qardaşlığı" qruplaşmanın digər üzvləri İrəvanda Nor-Nork icmasının polis şöbəsinin binasına silahlı basqın etməyə cəhd ediblər. Nəticədə qrupun 49 üzvü saxlanılıb.
Hazırda Ermənistanın “Shamshyan.com” saytı xəbər verib ki, departament binasının yaxınlığında toplaşan “Döyüş Qardaşlığı” təşkilatının üzvləri olan bir qrup vətəndaş təmsil etdikləri təşkilatın üzvlərinin həbsdən azad edilməsini tələb ediblər.
Ermənistanın hökumətyönlü “Telegram” kanalları yazır ki, İrəvanda polis binasını ələ keçirmək cəhdi “Sasna Çer” terrorçularının işidir.
Maraqlıdır, Ermənistanda nə baş verir? Doğrudanmı, Ermənistanda radikal-revanşist ünsürlər və müxalif qüvvələr Paşinyan hakimiyyətinə qarşı qiyama hazırlaşır?
Məsələ ilə bağlı Türkiyənin Erciyes Universitetində ermənişünaslıq bölümünün rəhbəri, Azərbaycan-Ermənistan Araşdırmaları Mərkəzinin rəhbəri Qafar Çaxmaqlı "Cebhe.info"-ya açıqlamasında qeyd edib ki, Ermənistanda radikal və revanşist dairələr istənilən zaman qiyam təşkil edə bilərlər.
"Ermənistanın hüquq-mühafizə orqanlarında son hadisə ilə bağlı araşdırmalar aparılır. Hələlik bir nəticə yoxdur. Bildirim ki, “Sasna Çer” və "Döyüş Qardaşlığı" könüllülərdən ibarət olan silahlı qruplaşmalardır.
Xüsusilə, “Sasna Çer” Paşinyan hakimiyyətinə qarşı kəskin ittihamlar səsləndirir. Bu təşkilatın rəhbərləri keçmiş erməni terrorçularıdır. Həmin şəxslərdən biri Livandan gəlib Ermənistanda yerləşmiş Jirar Sefiryandır. Sözügedən təşkilatın rəhbərləri, həmçinin "Ermənistan Qütbü" adlanan təşkilat da qurublar. Artıq “Sasna Çer” daxil bütün revanşist ünsürlər Paşinyan hakimiyyətinin devrilməsi üçün istənilən addımı atacaqlarını bəyan ediblər. Ona görə də onlar tərəfindən hər hansı iğtişaşın törədilməsi gözləniləndir.
Artıq Ermənistan ictimaiyyətində işğal altında olan səkkiz kəndin Azərbaycana qaytarılması ilə bağlı söz-söhbətlər gedir. Radikal erməni millətçiliyini təbliğ edən müxalifət, hətta silahlı qruplaşmaların rəhbərləri buna qarşı çıxırlar. Bununla əlaqədar olaraq aprelin 5-də İrəvanda radikal müxalifət nümayiş keçirəcək.
Radikal erməni müxalifəti bəyan edir ki, onlar Nikol Paşinyanı zorla hakimiyyətdən uzaqlaşdıracaqlar. Ermənistan Milli Assambleyasında N.Paşinyanı impiçment etmək qeyri-mümkündür. Bu baxımdan onların iğtişaşa və qiyama cəhd etməsi istənilən an baş tuta bilər".
“Sasna Çer”, "VOMA", "Yerkapah" və digər silahlı qruplaşmaların birləşib Paşinyan hakimiyyətinə qarşı qiyam qaldıracağı məsələsinə gəlincə, Q.Çaxmaqlı Ermənistanda belə bir zamanın yetişmədiyini bildirib:
“Sasna Çer” "VOMA" və digər silahlı birləşmələrin hazırda bir cəbhədə birləşməsi qeyri-mümkün görünür. Çünki bu qruplaşmaların hər birinin fərqli məqsədləri və baxışları var. Bildiri ki, həmin təşkilatlar arasında münaqişə də yaşanır və bir-birlərini həzm edə bilmirlər. Düzdür, Nikol Paşinyanın hakimiyyətdən uzaqlaşdırılması məsələsində həmfikirdirlər. Amma ümumilikdə, həmin təşkilatlar bir araya gələ bilmirlər. Hərəsi öz mitinqini təşkil edir, özünə məxsus addım atır".
O ki qaldı Ermənistan cəmiyyətində Paşinyanın səkkiz kənd ilə bağlı mövqeyinin necə qarşılanmasına, Q.Çaxmaqlı böyük əksəriyyətin buna qarşı olduğunu deyib:
"Ermənistan ictimaiyyətində bu məsələ barədə ciddi və qızğın mübahisələr aparılır. Bəzi erməni ekspertlər hesab edirlər ki, səkkiz kənd mütləq boşadılıb Azərbaycana qaytarılmalıdır, yoxsa növbəti müharibə qaçılmaz olacaq. Amma erməni cəmiyyətində əksəriyyət bu kəndlərin qaytarılmasına qarşı çıxırlar.
Hətta bu kəndlərin Azərbaycana məxsus olduğunu bilən ermənilər deyirlər ki, xəritələr ortalığa qoyulmadan və delimitasiya prosesi aparılmadan kəndlər qaytarılmamalıdır. Həmçinin bəziləri iddia edir ki, Paşinyan növbəti dəfə Azərbaycana torpaq bəxşiş edir və öz hakimiyyətini uzatmaq üçün bu addımı atır".