 |
|
Rusiyanın Ukraynaya qarşı başlatdığı müharibədə qələbəsi Avropa üçün qəbuledilməzdir. Ona görə də ABŞ-nin qərarından asılı olmayaraq, Avropa dəstəyi davam etdirməlidir.
Bu sözləri Fransa Prezidenti Emmanuel Makron İsveçə səfəri zamanı çıxışında deyib.
O qeyd edib ki, müdafiə istehsalının artırılması ilə bağlı artıq bir sıra qərarlar qəbul edilib.
Ermənistan Təhlükəsizlik Şurasının katibi Armen Qriqoryanla hakim “Vətəndaş sazişi”(“VS”) partiyasının üzvləri arasında münasibətlər gərgin inamsızlıq sferasına daxil olub.Moderator.az xəbər verir ki, bu haqda səhər saatlarında “Hraparak” yazıb.
“ “VS”-də artıq qərbyönlü komanda yoldaşlarına isti münasibət yoxdur, çünki Qriqoryan nə vaxtsa komandadan ayrılıb və ön plana keçib. Hər kəs Qarabağ mənşəli olduğunu inkar edən Armen Qriqoryanın partiya üzvləri arasından Qərb tərəfindən seçildiyini və hətta Nikol Paşinyanın varisi hesab edildiyini anlayıb”, - deyə davamında erməni nəşri yazır.
Nəşr iddia edir ki, Paşinyan Qərbin tələblərini yerinə yetirməsə, saziş imzalamaqdan imtina etsə və Rusiyaya qarşı aydın siyasət yürütməsə, o zaman onun planlarını tərəddüd etmədən və böyük məmnuniyyətlə həyata keçirəcək Qriqoryanın əvəzləməsi istisna edilmir.
“ “VS”-in komandadaxili müzakirələrində deyilir ki, Paşinyan əvvəlcə bu ssenarini ciddi qəbul etmirdisə, artıq indi Armen Qriqoryanın Qərblə müstəqil oyunu onu narahat etməyə başlayıb”,- deyə Ermənistan qəzeti vurğulayır.
Pakistanın keçmiş Baş naziri İmran Xan və sabiq XİN rəhbəri Şah Mahmud Qureşi ayrılıqda 10 il müddətinə azadlıqdan məhrum ediliblər.
“RİA Novosti” xəbər verir ki, onlar dövlət sirrinin yayılması işi üzrə mühakimə olunublar.
Xatırladaq ki, İmran Xan 2018-2022-ci illərdə Pakistanın Baş naziri olub.
İlon Maskın neyrotexnologiya şirkəti “Neuralink” ilk dəfə olaraq insan beyninə çip yerləşdirib.
Bu barədə Mask özünün “X” hesabında paylaşım edib.
Sahibkar əlavə edib ki, “Neuralink”in ilk məhsulu “Telepatiya” adlanır. O, insana düşüncə gücü ilə telefonu və kompüteri idarə etməyə imkan verəcək.
“İlk istifadəçilər ətraflarına nəzarəti itirmiş insanlar olacaqlar. Təsəvvür edin ki, Stiven Hokinq sürətli makinaçıdan və ya auksionçudan daha tez özünü ifadə edə bilir. Məqsəd budur”, - deyə o sözlərinə əlavə edib.
©oxu.az
“İran İordaniyanın Suriya ilə sərhədi yaxınlığındakı ABŞ bazasına pilotsuz uçan aparat hücumu ilə nəticələnən və 3 ABŞ hərbçisinin ölümünə səbəb olduğunu təkzib edib. İranın proksi qüvvələri son aylar ərzində xeyli aktivləşib. Məsələ burasındadır ki, oktyabrın 7-də HƏMAS-ın İsrailə hücumundan sonra İran özü də siyasi arenada aktiv rol oynamağa başladı. Bu da başa düşüləndir. Çünki İran həm özünü müdafiəyə keçdi, həm də göstərdi ki, Yaxın Şərqdə aktiv siyasi rol oynayır”.
Bunu Ölkə.Az-a açıqlamasında politoloq Rüstəm Tağızadə ABŞ-İran qarşıdurmasının hansı məcrada davam edəcəyi ilə bağlı fikirlərini bildirərkən deyib.
Onun sözlərinə görə, hazırda Ukrayna-Rusiya müharibəsində və Yaxın Şərq cəbhəsində olan ABŞ üçün 3-cü cəbhənin açılması arzuolunan deyil: “ABŞ konqrensmenləri İranla siyasətdə ehtiyatla davranan Co Baydənə təzyiq edirlər. Onların bəziləri İrana birbaşa zərbə vurmaqla bağlı çağırışlar edir. Məsələ burasındadır ki, hazırda Ukrayna-Rusiya müharibəsində və Yaxın Şərq cəbhəsində olan ABŞ üçün 3-cü cəbhənin açılması arzuolunan deyil. Bu ABŞ-nin qüvvələrinin bölünməsinə gətirib çıxaracaqdır. Təbii ki, indiki məqamda ABŞ zəiflik göstərə bilməz”.
Politoloqun fikrincə, ABŞ İranın proksi qüvvələrinə Suriyada və İraqda zərbələr endirə bilər: “Həmçinin Co Baydenə olan təzyiqlər bu hücumları legitim formaya sala bilər. Ancaq İran məsələsi Yaxın Şərq məsələsindən də qəliz olan sonu görünməz olan bir bataqlığa bənzəyir. ABŞ-nin indiki məqamda birbaşa İrana zərbə endirməsi real deyil. Çünki İran birinci növbədə Əfqanıstan və İraq kimi dövlət deyil. Bundan başqa İrana hücum ABŞ üçün xoş olmayan ssenarilər meydana gətirər”.
O hesab edir ki, ABŞ üçün optimal variant İran rejiminin daxildən dəyişməsidir: “Bu isə hələlik baş vermir. İran macərası isə ABŞ üçün mücərrəd olmasa da, çətin hesablanan bir oyundur. Ona görə də ABŞ İranın proksi qüvvələrinə ağır zərbələr endirib onları yerində oturtmalıdır. Görünən odur ki, seçkiqabağı prosesdə Baydenin vəziyyəti gərgindir. Həm daxildə olan miqrasiya hadisələri, həm də İran məsələsi ABŞ-ni dünya siyasətində yeniliklər etməyə məcbur edir”.
Paris Muxtar Nəqliyyat İdarəsinin (RATP) əməkdaşları fevralın 5-də başlayacaq və Parisdə Yay Olimpiya və Paralimpiya Oyunları dövrünü əhatə edəcək yeddi aylıq tətil barədə xəbərdarlıq edib. Bu barədə BFMTV kanalı ölkənin ən böyük həmkarlar ittifaqlarından biri olan Ümumi Əmək Konfederasiyasının (CGT) bəyanatına istinadən xəbər verir.
Tətil fevralın 5-dən sentyabrın 9-dək davam etməlidir. Nəqliyyat departamentinin rəhbəri Jean Castexı göndərilən məktuba görə, “bütün RATP personalı” aksiyada iştirak edəcək. Müvafiq qərar “2024-cü il üçün qeyri-adekvat əməkhaqqı tədbirləri ilə bağlı 29 yanvar bazar ertəsi danışıqlardakı fikir ayrılıqları” ilə əlaqədar qəbul edilib. CGT bir sıra tələblər irəli sürür, o cümlədən “tarif həddinin ləğvi, əlavə və səyahət xərcləri üçün saatlıq ödənişin yenidən qiymətləndirilməsi və genişləndirilməsi, 32 saatlıq iş həftəsi əsasında qısaldılmış iş saatlarının müzakirəsi” və kadr qaydalarında aşağı gəlirli insanlar üçün "məşğulluq mükafatı"nın təsbit edilməsi.
Qeyd edək ki, Paris Olimpiadası 2024-cü il iyulun 26-dan avqustun 16-dək keçiriləcək. Bundan əvvəl Parisin meri Ann Hidalqo Paris nəqliyyat sisteminin Olimpiya Oyunlarına hazır olmadığını, şəhərə oyunlar müddətində 20 milyona qədər turistin gələcəyini gözlədiyini açıqlamışdı. Olimpiya və Paralimpiya Oyunları zamanı paytaxt nəqliyyatında gediş haqqı iki dəfə artacaq. Xüsusilə bir metro gedişinin dəyəri 2,1 avrodan 4 avroya yüksələcək.(Musavat.com)
ABŞ Konqresi Ukraynaya yeni yardım paketlərinin razılaşdırılmasını gecikdirməkdə davam edərsə, bu, NATO ölkələri alyansının dağıla biləcəyi və genişmiqyaslı müharibə vəziyyətində Amerikanın dəstəyindən məhrum qalacağına dair siqnal olacaq.
Bunu Ukrayna prezidenti Volodimir Zelenski Almaniyanın ARD telekanalına müsahibəsində deyib.
Zelenskinin proqnozlarına görə, proses belə davam edərsə, Avropa və ABŞ arasında münasibətlərdə parçalanma olacaq.
“Əgər bu baş verərsə və ABŞ Ukraynaya dəstək proseslərini gecikdirərsə, bu, vahid Avropaya öz təsirini göstərəcək. Burada isə növbəti problemlər ortaya çıxacaq. Birincisi, Ukraynada silah və maliyyə çatışmazlığı ilə üzləşəcək. İkincisi, ABŞ və Avropa arasında müttəfiqlik itəcək”, - Zelenski qeyd edib.
Hərbi əməliyyatlar haqqında danışan Zelenski deyib ki, müharibənin 700-cü günündə insanlarda yorğunluq var: "Bu, əsgərlərdən tutmuş könüllü və ya kömək edən adi insanlara qədər hamıya aiddir”.
Azərbaycanın İrandakı səfirliyinə hücum edən şəxsin işə ilə bağlı məhkəmənin hökmü tezliklə elan olunacaq.
Bu barədə İran XİN-in sözçüsü Nasir Kənani bugünkü mətbuat konfransında deyib.
O bildirib ki, hakimin sözlərinə görə, yaxın vaxtlarda hökm çıxarılacaq.
Nasir Kənani xatırladıb ki, ötən şənbə günü Azərbaycan səfirliyinə hücum edən şəxsin məhkəməsi keçirilib.
“Azərbaycanın İrandakı səfirliyində həyatını itirən əməkdaşın ailəsinə bir daha başsağlığı verirəm. İranın məhkəmə orqanları ittihamlara qanun çərçivəsində baxacaqlarına əmin ediblər. İki ölkənin ədliyyə orqanlarının əməkdaşlığı ilə istintaq prosesi yekunlaşıb. Hakimin sözlərinə görə, yaxın vaxtlarda hökm çıxarılacaq. Bu hadisə iki ölkənin münasibətləri üçün acı olsa da, hakimiyyət bunun əlaqələrə təsirini minimuma endirməyə çox çalışıb. İki ölkənin yol xəritəsinə uyğun olaraq, son bir ildə biz müxtəlif sahələrdə nümayəndə heyətlərinin mübadiləsinin şahidi olduq. Ümid edirik ki, Azərbaycan səfirliyinin fəaliyyəti tezliklə bərpa olunacaq”, - XİN sözçüsü vurğulayıb.
©APA
Türkiyədə polis yanvarın 28-də kilsədə baş verən atışmada əli olmaqda şübhəli bilinən 47 nəfəri saxlayıb.
Bu barədə Türkiyənin daxili işlər naziri Əli Erlikaya məlumat verib.
Onun sözlərinə görə, 30 ünvanda əməliyyat keçirilib, saxlanılanlar arasında İŞİD ilə əlaqəsi ola biləcək bir Rusiya və bir Tacikistan vətəndaşı da olub.
Yanvarın 28-də Sarıyer rayonundakı Müqəddəs Məryəm Katolik Kilsəsində iki maskalı silahlının ayin zamanı atəş açması nəticəsində bir nəfər Türkiyə vətəndaşı həlak olub.
ABŞ-nin İordaniyadakı hərbi bazasına PUA hücumu nəticəsində 34 amerikalı hərbçi yaralanıb.
"Reuters" xəbər verir ki, PUA hücumu nəticəsində yaralanan hərbçilərin sayı 34-ə çatıb, 3 əsgər həlak olub.
CNN-nin verdiyi xəbərə görə, ABŞ-nin Yaxın Şərqdəki bazasına hücumdan sonra yaralı hərbçilər təxliyə edilib.
"Sky News Arabia"nın məlumatına görə, hücuma görə məsuliyyəti İraqda yerləşən “Kətaib Hizbullah” hərəkatı öz üzərinə götürüb.
Tehran ABŞ hərbi bazasına hücumda iştirakını inkar edib.
İRNA-nın verdiyi xəbərə görə, bu barədə İranın BMT-dəki daimi nümayəndəsi məlumat verib.
"İordaniya-Suriya sərhədindəki ABŞ hərbi bazasına pilotsuz təyyarənin endirilməsi ilə İranın heç bir əlaqəsi yoxdur", - o qeyd edib.
Diplomat belə bir bəyanatla Vaşinqton administrasiyasının Tehrana qarşı ittihamları ilə bağlı çıxış edib.