 |
|
Ermənistanın baş naziri Nikol Paşinyanın xanımı Anna Akopyan ABŞ-nin birinci xanımı adından təşkil edilən ziyafətdə Türkiyənin birinci xanımı Əminə Ərdoğanla görüşüb.
Bu barədə özü paylaşım edib.
Bundan öncə Türkiyə prezidenti Rəcəb Tayyib Ərdoğanla Ermənistan baş naziri Nikol Paşinyanla Nyu-Yorkda "Türk evi"ndə görüşüb.
Görüşdən sonra prezident Ərdoğan Paşinyana yazdığı “Daha ədalətli dünya mümkündür” kitabını hədiyyə edib.
"Mən prezident olsaydım, təhdid edən ölkəyə - bu halda həmin ölkə İrandır - onlara deyərdim ki, əgər bu adama hər hansı bir şəkildə zərər versəniz, ən böyük şəhərlərinizi və ölkənizi məhv dərik. Sizi yerlə yeksan edərik".
Belə bir bəyanatla ABŞ-nin keçmiş prezidenti və Respublikaçılar Partiyasının prezidentliyə namizədi Donald Tramp Şimali Karolinada İranı hədəf alaraq təhdid edib.
Tramp əlavə edib ki, bildiyiniz kimi, mənim həyatıma iki sui-qəsd olub və sui-qəsddə İranın da əli ola da, olmaya da bilər. "Çox güman ki, bunun İranla əlaqəsi var. Amma hələ də bilmirəm", - Tramp deyib.
Prezident Məsud Pezeşkianın BMT-nin 79-cu Baş Assambleyası çərçivəsində Nyu Yorkda səfərdə olduğuna diqqət çəkən Tramp deyib: "Bu arada İran prezidenti ölkəmizdədir və o, böyük bir təhlükəsizlik qüvvəsi tərəfindən qorunur. Buna baxmayaraq, ölkəmizin keçmiş prezidenti və ABŞ-nin növbəti prezidenti olmaq üçün lider namizədi təhdid edirlər".
Ermənistan Azərbaycanla sülh müqaviləsi imzalamağa hazırdır. Erməni tərəfi Bakıda COP29-a qədər sülh müqaviləsinin artıq razılaşdırılmış maddələrini imzalamağa hazırıq.
Bunu Ermənistanın baş naziri Nikol Paşinyan BMT-nin 79 Baş Assambleyası çərçivəsində keçirlən tədbirdə çıxışı zamanı deyib.
Paşinyan rəhbərlik etdiyi hökumətin Cənubi Qafqazda münaqişələrlə bağlı səhifəni bağlamağa və mövcud dinamikanı firavanlıq, sabitlik və sülh naminə əməkdaşlığa çevirməyə sadiq oluduğnu dilə gətirib.
"Biz müsbət impulsdan istifadə etməyə və 1991-ci il Alma-Ata Bəyannaməsini əsas götürərək delimitasiya komissiyalarımız arasında normativ sənədlər əsasında sərhədlərin delimitasiyası prosesini davam etdirməyə hazırıq", - o qeyd edib.
Yaxın Şərqdə total müharibə mümkündür, lakin İsrailin Qəzzada və Livanın "Hizbullah" hərəkatı ilə münaqişələrini həll etmək imkanı da var.
Bunu ABŞ prezidenti Co Bayden ABC telekanalının “The View” verilişində deyib.
“Total müharibə mümkündür, amma düşünürəm ki, hələ də bundan bunun qarşısını almaq üçün imkanlar var. Biz hazırda bütün bölgəni kökündən dəyişdirə biləcək bir həll prosesindəyik”, - Bayden qeyd edib.
“Ermənistan sülh sazişinin artıq razılaşdırılmış maddələrini noyabrda baş tutacaq COP29 iqlim konfransına qədər imzalamağı təklif edir”.
TASS xəbər verir ki, bunu Ermənistanın Baş naziri Nikol Paşinyan BMT Təhlükəsizlik Şurasının təşkil etdiyi “Sülh naminə liderlik” tədbiri çərçivəsində deyib.
Paşinyan hesab edir ki, bu, sülh prosesinin irəli aparılması üçün stimullaşdırıcı mühit yaratmağa kömək edə bilər.
Rusiya raket və PUA-ların kütləvi hücumuna cavab olaraq nüvə silahından istifadə edə bilər və bu, istisna deyil.
Bunu Rusiya prezidenti Vladimir Putin bəyan edib.
O bildirib ki, nüvə silahından istifadənin əsası Rusiyaya qarşı aerokosmik hücum silahlarının kütləvi şəkildə buraxılması ilə bağlı məlumat ola bilər.
“Rusiyanın nüvə silahından istifadəyə keçməsi üçün şərtlər açıq şəkildə göstərilib. Aerokosmik hücum silahlarının kütləvi şəkildə buraxılması və onların dövlət sərhədimizi keçməsi barədə etibarlı məlumat əldə etdikdən sonra bu ehtimalı nəzərdən keçirəcəyik. Mən strateji və ya taktiki təyyarələri, qanadlı raketləri, PUA-ları, hipersəsli və digər təyyarələri nəzərdə tuturam”, - Putin bildirib.
Rusiyanın nüvə doktrinasına ediləcək düzəlişlərdən danışan Putin onu da əlavə edib ki, bunlara Rusiyaya və Belarusa qarşı təcavüz halında nüvə silahından istifadə etmək hüququ da daxildir.
“Bütün bu məsələlər Belarus tərəfi ilə, Belarus prezidenti ilə razılaşdırılıb", - Putin bildirib.
Emanuel Makron Fransa tarixində ən uğursuz dövlət başçısıdır. Bu dövlət dünya siyasətində rolu olmuş və öz ölkəsinin milli maraqlarına uyğun uğurlu siyasəti yürütmüş Jak Şirak, Fransua Mitteran kimi dövlət başçıları ilə tarixdə iz qoyub. Amma bu gün Fransa dövlət başçısının yerində olmamasından əziyyət çəkir.
Bunu Trend-ə açıqlamasında deputat Azər Badamov deyib.
O qeyd edib ki, 2018-ci ildə prezident seçilən Makron dövlətə rəhbərlik etdiyi dövrdə qəbul etdiyi uğursuz qərarları ilə Fransanı iflasa sürükləyib, dünya çapında nüfuzdan salıb.
"Təbii ki, Makronun necə dövlət başçısı olduğunu fransızlar deyir. Yəni Fransada aparılan rəy sorğusunda respondentlərin cəmi 25%-i Makronu dəstəkləyib. Bu da Fransaya rəhbəlik etmiş liderlər arasında ən aşağı göstəricidir. Təbii ki, fransızlar üçün birinci yerdə maraqlısı ölkədə sosial rifahının vəziyyətidir. Makronun hakimiyyəti Fransanın ayrı-ayrı sektorlarında çalışanların, pensiyaçıların etiraz mitinqləri ilə yadda qalır.
O cümlədən, fermerlərin Paris küçələrinə traktorlarla gətirib mal-qara tullantılarının da səpələdiklərini müşahidə etdik. Fransanın üst-üstə yığılaraq qalmış daxili problemlərini həll edib əhalisinin istəklərini nəzərə almaq əvəzinə Makron islamofob, antisemitizm, Azərbaycanofob siyasətinə xidmət edən bir rəhbər olaraq özünü hörmətdən salıb. Belə ki, Makron özünə aid olmayan yerlərə başını soxur və sülhlə yaşamaq istəyən dövlətlər arasında düşmənçilk toxumlarını səpməyə, yeni gərginlik ocaqlarını yaratmağa çalışır.
Məhz Makronun uğursuz xarici siyasəti nəticəsində Fransa Afrika ölkələrindən qovuldu. Fransa bu gün ada dövlətlərinin istismarını davam etdirməklə insan haqlarını kobudcasına pozan və beynəlxalq hüququ ayaq altına atan dövlət kimi tarixə düşüb. Makron Merkeldən sonra Avropada özünü bütün Avropanın lideri kimi aparmağa çalışdı. Amma onun dövlət rəhbərinə xas olmayan qeyri-normal hərəkətləri Fransanı Avropada da hörmətdən salıb. Məhz Makronun səriştəsiz rəhbər olması onun iqtidarını Avropa və Fransanın parlament seçkilərində uduzması ilə nəticələnib. Fransa konqresində artıq Makronun impiçment məsələləsi müzakirə olunur.
Fransanın tarixində Makron xalqın istəmədiyi bir prezident kimi yadda qalır. Təbii ki, Makronda xalqın tələbinə görə istefa vermək və Fransanın milli maraqlarını müdafiə edən başqa bir liderə yerini vermək etikası yoxdur. Ona görə də diktator kimi vəzifəsini davam etdirməyə çalışır. Paris küçələrində etirazını bildirən insanlara qarşı güc tətbiq edilir və insan haqlarını kobudcasına pozur. Bütün bunlar dünyaya demokratiya carçısı kimi özünü təqdim etməyə çalışan Makronun iç üzünü açır",- deyə o əlavə edib.
Trend-in suallarını cavablandıran politoloq İlyas Hüseynov qeyd edib ki, Fransa tarixində ən uğursuz, siyasi cəhətdən zəif və ölkəsinə yalnız neqativ amillər gətirən Makronun reytinqi çox aşağıdır.
O qeyd edib ki, 2018-ci ilin bu yana onun 25% reytinqinin olması Fransa kimi bir ənənəsi olan dövlətə heç yaraşmır.
"Fransanın nüfuzuna Makron qədər zərbə vuran heç bir lider olmayıb. Fransa Prezidenti E.Makron buraxdığı səhvlərdən bir nəticə çıxartmır. Bu gün Afrikada açıq-aşkar şəkildə Fransanı görmək istəmirlər. Fransa Burkina-Faso, Mali, Minger, Qabon kimi dövlətlərdən çıxır və eyni zamanda, müstəmləkəçilik hərəkatına da böyük zərbə vurulub. Dənizaşırı bölgələrdə xalqlar öz gələcəyini müəyyənləşdirmək üçün müstəqillik fikirlərini ifadə edirlər. Buna rəğmən, Fransa öz gücü ilə, öz hərbi qüdrəti ilə burada azadlıq səsini boğmağa çalışır.
Digər tərəfdən, Makron itirdiyi beynəlxalq nüfuzunu Cənubi Qafqazda Ermənistan hesabına qazanmağa çalışır. Cənubi Qafqazda gedən proseslərə müdaxilə edir. Yeni geosiyasi konfiqurasiyada Makrona yer yoxdur. Fransa regional proseslərdən geridə qalıb. O, arzuolunmaz dövlətə çevrilib. Ermənilərin sifarişlərini yerinə yetirir, amma bunun müqabilində beynəlxalq siyasətdə öz mövqeləri sarsılır", - deyə o bildirib.
"Rusiya İran prezidentinin bəyanatından şoka düşüb. Belə ki, o, Ukrayna münaqişəsini Rusiyanın Ukraynaya təcavüzü adlandırıb".
Bunu rusiyalı politoloq Sergey Markov bildirib.
"Bəyan edib ki, o (Pezeşkian), İran prezidenti olmadan əvvəl ölkəsi Rusiyanı raketlə təmin edib, amma prezident olandan sonra bu dayanıb və olmayacaq", - politoloq qeyd edib.
Amerika mediasınının İran prezidentinin bu bəyanatlarına sitat gətirdiyini deyən Markov vurğulayıb ki, Rusiya mətbu qurumun Pezeşkianın çıxışını təhrif etdiyinə ümid edir. "Və onlar İran rəsmilərindən açıqlama gözləyirlər", - deyə o bildirib.
Türkiyə prezidenti Rəcəb Tayyib Ərdoğanla Ermənistan baş naziri Nikol Paşinyanla Nyu-Yorkda baş tutan görüş maraqlı məqamları ilə yadda qalıb.
Görüşdən sonra prezident Ərdoğan Paşinyana yazdığı “Daha ədalətli dünya mümkündür” kitabını hədiyyə edib.
Ağ Ev və Pentaqon rəsmiləri bildiriblər ki, Ukrayna liderləri Rusiya hədəflərinin uzaqmənzilli raketlərlə hədəfə alınmasının müharibənin gedişinə əhəmiyyətli təsir göstərəcəyinə dair inandırıcı arqumentlər irəli sürməyiblər.
Bu barədə "The Washington Post” məlumat verib.
ABŞ rəsmiləri bildirirlər ki, Ukraynanın Krımdakı hədəflərə əvvəlki hücumları effektiv olub - Rusiya qoşunlarını yarımadadan geri çəkilməyə məcbur edilib.
Amerikalı nümayəndələrdən biri qeyd edib ki, Ukraynanın hazırkı tələbi Rusiyadan eskalasiya riskini doğrultmur.
O vurğulayıb ki, raket ehtiyatı məhduddur və Rusiya avia bombalar buraxan təyyarələrin 90%-ni ATACMS raketlərinin əhatə dairəsindən kənara çıxarıb. Bununla da, ABŞ-ın uzaqmənzilli silah siyasətində dəyişiklik döyüş əməliyyatlarına ciddi təsir etməyəcək.
Bununla belə, avropalı hərbi rəsmilər və diplomatlar bu yanaşmaya etiraz edərək, Rusiyaya qarşı daha uzaq məsafədən zərbələrin münaqişəyə daha çox təsir edə biləcəyini iddia edir və ABŞ-ın Qərb silahlarının istifadəsinə qoyulan məhdudiyyətləri aradan qaldırmaqdan imtina etməsini tənqid edirlər.