 |
|
Misirin müdafiə naziri Əbdülməcid Sakr İsraillə sərhəddə olan orduya döyüş hazırlığı göstərişi verib.
Bu barədə Misir ordusunun sözçüsü polkovnik Qərib Əbdül Hafiz məlumat verib.
Üçüncü Səhra Ordusu Səfərbərlik Komandanlıq Mərkəzləri Layihəsinin əsas mərhələsində Misir Müdafiə naziri Sakr və Misir Baş Qərargah rəisi general-leytenant Əhməd Fethi İbrahim Xəlifə ilə bir çox komandirin iştirak edib.
“Üçüncü Səhra Ordusunun üzvləri hər cür şəraitdə onlara həvalə edilmiş vəzifə və öhdəlikləri yerinə yetirə bilmələri üçün döyüş hazırlığını ən yüksək səviyyədə saxlamalıdırlar”, - Misirin müdafiə naziri Sakr deyib.
Qeyd edək ki, Misirin Üçüncü Səhra Ordusunun ən mühüm vəzifələrinə ölkənin Sinay yarımadası və Qəzza zolağı ilə sərhədlərinin təhlükəsizliyini təmin etmək daxildir.
İrəvanın Rusiyanın Ermənistan-Azərbaycan münaqişəsinin həllindəki mümkün vasitəçilik təklifini qəbul etməsi ehtimalı azdır, lakin biz təklifləri müzakirə etməyə hazırıq, lakin keçmiş təcrübə bizdə çox pis xatirələr buraxıb.
Bunu Ermənistan parlamentinin spikeri Alen Simonyan deyib.
Onun sözlərinə görə, bunun üçün əsasları var: “Çünki hələ Rusiya Ermənistanın suallarını cavablandırmayıb. 100 ildə bir dəfə gəlib Ermənistanı müdafiə şüarları altında erməni xalqını alver predmetinə çevirmək yolverilməzdir".
İrəvanla Bakı arasındakı sülh danıqşılarına gəldikdə isə Simonyan bunu deyib: “Ermənistanla Azərbaycanın müstəqilliyi və suverenliyi bir-biri ilə sıx bağlıdır. Bu baxımdan gələcək bizim əlimizdədir. Bizim bu məsələləri birdəfəlik həll etmək üçün tarixi şansımız var”.
ABŞ Ukraynaya qoşun göndərməyi planlaşdırmır və yaxın vaxtlarda sülh sazişinin bağlanacağını gözləyir.
Bu barədə ABŞ-nin müdafiə naziri Pit Heqset Ştutqartda jurnalistlərlə söhbəti zamanı bildirib.
Onun sözlərinə görə, hazırkı Amerika administrasiyası Ukraynada sülh sazişinin tezliklə bağlanmasını təmin etmək niyyətindədir.
Xatırladaq ki, Tramp hələ inauqurasiyadan əvvəl Rusiya-Ukrayna müharibəsini dayandırmaq üçün bütün mümkün tədbirləri görmək niyyətində olduğunu dəfələrlə bəyan etmişdi.
Hazırda dünyada mövcud olan elektrik enerjisi istehsal gücləri süni intellekt (AI) texnologiyalarını gücləndirmək məqsədilə minlərlə yeni məlumat mərkəzinin tikintisi planlarını dəstəkləmək üçün yetərli deyil.
Bunu Beynəlxalq Enerji Agentliyinin (BEA) rəhbəri Fatih Birol Parisdə süni intellekt məsələlərinə həsr olunmuş beynəlxalq konfransda çıxışı zamanı deyib.
Onun sözlərinə görə, dünyada enerjitutumlu sahə olan data mərkəzlərinin tikintisinə yüz milyardlarla dollar sərmayə qoyulur: “Biz növbəti beş il üçün təsdiqlənmiş bütün dünyada məlumat mərkəzinin tikintisinə qoyulan investisiyaları təhlil edirik. Minlərlə yeni obyektin tikintisi planlaşdırılır. Eyni zamanda mövcud elektrik enerjisinin həcmi bu artıma uyğun gəlmir ki, bu da bəzi layihələrin ləngiməsinə və hətta ləğvinə səbəb ola bilər".
Birolun sözlərinə görə, "orta ölçülü bir məlumat mərkəzi 100 000 ev təsərrüfatı qədər elektrik enerjisi istehlak edir" və bunların bir çoxu onları təmin etmək üçün əlavə elektrik xətlərinin çəkilməsini tələb edir: "Bizim qarşımızda ciddi bir vəzifə durur - məlumat mərkəzlərini elektrik enerjisi, təmiz, etibarlı və sərfəli elektrik enerjisi ilə təmin etmək”.
BEA rəhbəri qeyd edib ki, “data mərkəzi bir ildən az müddətdə tikilə bilər, elektrik ötürücü xəttinin tikintisi isə təxminən beş il çəkəcək”: "Bu proseslər arasında vaxt fərqi var və bizim hamımız üçün əsas problem hökumətlər, texnologiya şirkətləri və enerji sənayesi arasında əməkdaşlıq qurmaqdır".
Rusiya ordusunun Ukraynadakı müharibədə itkilərinin sayı açıqlanıb.
Ukrayna Silahlı Qüvvələrinin Baş Qərargahı fevralın 11-i səhər saatlarında açıqladığı məlumata görə, rus ordusunun indiyədək itkilərinin sayı 851 880 nəfərə çatıb.
Baş Qərargahın verdiyi məlumata görə, Rusiyanın canlı qüvvəsi ilə yanaşı, 70 minədək hərbi və zirehli texnikası məhv edilib.
Ermənistan-Türkiyə sərhədində yerləşən Marqara keçid məntəqəsi tezliklə açılacaq.
Bu barədə erməni mediasına diplomatik mənbələrdən məlumat verilib.
Bildirilir ki, Ermənistanla Türkiyə sərhədində keçid məntəqəsinin açılışı martın 1-nə planlaşdırılır.
Eyni zamanda, nəzarət-buraxılış məntəqəsinin Ermənistan Milli Təhlükəsizlik Xidmətinin qüvvələri tərəfindən mühafizə olunması nəzərdə tutulur.
Əvvəllər bildirilib ki, Ermənistanla Türkiyə arasında sərhədin birinci mərhələdə üçüncü ölkə vətəndaşları və diplomatik pasport sahibləri üçün açılması planlaşdırılır.
Rəsmi Bakının “Rus evi”nin bağlanması ilə bağlı verdiyi qərar bir çox postsovet ölkələrində ciddi reaksiyaya səbəb olub.
Bununla bağlı mövqeyini açıqlayan məşhur ukraynalı jurnalist Dmitri Qordon bunları deyib:
“Mən Azərbaycan dövlətinin, xüsusən də Prezident İlham Əliyevin yürütdüyü siyasətə və sərgilədiyi mövqeyə heyranam. Çox gözəl”.
Ekspert daha sonra əlavə edib: “Başa düşmək lazımdır ki, Azərbaycanın arxasında həm Türkiyə, həm Böyük Britaniya dayanır. Bu da vacib amildir. Bizim üçün Türkiyənin də mövqeyi önəmlidir”.
Qordon onu da qeyd edib ki, yaxın zamanda Rusiyanı yaxşı heç nə gözləmir: "Dünyanın çox ölkələri ona qarşı sərt mövqeyinin şahidi olacağıq".
ABŞ Prezidenti Donald Tramp Hökumətin Effektivliyi Departamentinin (DOGE) rəhbəri milyarder İlon Maskın milyarderin apardığı audit zamanı Pentaqonda milyardlarla dollarlıq fırıldaqçılıq və sui-istifadəyə dair sübutlar tapacağını gözlədiyini bildirib.
Bu barədə ABŞ prezidenti Donald Tramp “Fox News” telekanalına müsahibəsində deyib.
Tramp müsahibəsində orduda yoxlamalara başlamaqla bağlı tapşırıqlar verdiyini bildirib. “Gəlin ordunu yoxlayaq”, - o qeyd edib.
Tramp əlavə edib ki, bununla bağlı Maska, bəlkə də, 24 saat ərzində Təhsil Nazirliyi ilə əlaqə saxmağı və yoxlamalara başlamağı tapşıracaq.
"Biz fırıldaqçılıq və milyardlarla, yüz milyonlarla dollardan sui-istifadə hallarını tapacağıq", - Tramp Müdafiə Nazirliyindəki (Pentaqon) yeyintilər haqqında deyib.
Pentaqonun büdcəsi ildə təxminən 1 trilyon dollar təşkil edir. Dekabrda ozamankı prezident Co Bayden sentyabrın 30-da başa çatacaq maliyyə ili üçün müdafiə xərclərinə 895 milyard dollar nəzərdə tutan qanun layihəsini imzalayıb.
“Azərbaycan tərəfində daha çox belə bir tezis üzərində cəmlənir ki, Ermənistan silahlanır və Azərbaycana hücuma hazırlaşır. Azərbaycanın isə özünü müdafiə etmək və qabaqlayıcı tədbirlər görmək hüququ var”.
Bu barədə Ermənistanın baş naziri Nikol Paşinyanın məqaləsində deyilir.
“Bu tezislərin yaranması ilə bağlı iki versiya var: ya Azərbaycan həqiqətən də Ermənistanın ona hücum etmək niyyətində olduğunu düşünür, ya da özü hücum etmək niyyətindədir və buna zəmin yaratmağa çalışır. Hər iki halda əsas mülahizə ondan ibarətdir ki, Azərbaycan Ermənistanın Azərbaycana hücum etmək niyyətində olduğunu iddia edir”, - o qeyd edib.
Bununla belə, Paşinyan əlavə edib ki, Ermənistanın heç bir halda Azərbaycana hücum etmək niyyəti yoxdur.
“Hətta bir neçə dəfə bəyan etmişəm ki, Ermənistanın beynəlxalq səviyyədə tanınmış suveren ərazisinin 29743 kvadrat kilometrdən artıq hissəsi olan və hazırda Azərbaycanın işğalı altında olan ərazilərinin 200 kvadrat kilometrdən çoxunu hərbi yolla geri qaytarmaq vəzifəsini belə qarşısına qoymur, çünki bu məsələnin həlli prinsipi artıq realdır. Bu, artıq delimitasiya prosesi ilə bağlı reqlamentdə öz həllini tapıb”, - vurğulayıb.
İrəvanla Bakı arasındakı münaqişənin həl yolları haqqında mövqeyini açıqlayan Paşinyan bildirib ki, həlli yolları masa üzərindədir və Ermənistan və Azərbaycan nümayəndələrinin birgə işi nəticəsində hazırlanıb: “Birincisi, sülh müqaviləsinin artıq razılaşdırılmış maddələri nəinki bir-birinə qarşı ərazi iddialarının olmaması, həm də gələcəkdə belə iddiaların təqdim olunmaması məsələsini tamamilə həll edib. Sülh müqaviləsinin razılaşdırılmış hissəsi kifayət qədər dolğundur və imzalanmağa hazırdır.
Bundan başqa, iki tərəf qarşılıqlı silahlanma nəzarəti mexanizmlərinin yaradılması və sərhəd insidentlərinin birgə araşdırılması ilə bağlı yazılı təklif təqdim edib.
Ermənistan ilə Azərbaycan arasında Dövlət Sərhədinin Delimitasiyası və Sərhəd Təhlükəsizliyi Komissiyası və Azərbaycan ilə Ermənistan arasında Dövlət Sərhədinin Delimitasiyası üzrə Dövlət Komissiyası normal və konstruktiv iş rejimində işləyir.
Bu günlərdə Ermənistan Respublikasının Əsir və itkin düşmüş, girov götürülmüş vətəndaşlarla əlaqədar idarələrarası komissiyasının (yeri məlum deyil) və Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasının nümayəndələrinin iclası keçirilib.
Bütün bunlar o deməkdir ki, regionda eskalasiya üçün heç bir ilkin şərt yoxdur, üstəlik, sülh üçün bütün ilkin şərtlər yaradılıb”.
"Kanada Amerikanın köməyinə arxalandığı üçün öz müdafiəsinə kifayət qədər pul xərcləmir".
Bu sözləri ABŞ prezidenti Donald Tramp jurnalistlərə açıqlamasında deyib.
“Onlar müdafiəyə çox az pul xərcləyirlər. Tamamilə müdafiəsizdirlər, çünki bizim onları qoruyacağımızı güman edirlər. Amma fakt budur ki, biz onlara ildə təxminən 200 milyard dollar subsidiya veririk. Əgər biz bunu dayandırsaq, rüsumlar tətbiq etməklə onların avtomobil istehsal etməsinə mane olsaq, Kanada "yararsız ölkə" olacaq”, - deyə Tramp bildirib.