 |
|
İranda ağır yol- nəqliyyat hadisəsi baş verib.
“Qafqazinfo”nun “Press TV”yə istinadən verdiyi xəbərə görə, Mazandaran əyalətində Tehran-Kunbed istiqaməti üzrə hərəkətdə olan sərnişin avtobusu yoldan çıxaraq aşıb. Nəticədə, 20 nəfər ölüb, 24 nəfər xəsarət alıb.
Yaralılar xəstəxanaya yerləşdirilib.
Qəzanın sürücünün idarəetməni itirməsi nəticəsində baş verdiyi bildirilir.
Piyada keçidi olmayan yerdə dayanan səkkiz yaşlı oğlan ölüb
Rusiyada təcili yardım maşını azyaşlı uşağı vurub.
Lenta.ru-nun xəbərinə görə, hadisə Stavropol əyalətinin Zelençukski rayonunda Arxız və Romantik qəsəbələri arasında yerləşən şossedə baş verib.
Nəticədə, piyada keçidi olmayan yerdə dayanan səkkiz yaşlı oğlan ölüb.
Bildirilir ki, təcili yardım bu zaman başqa bir qəzada zərərçəkmiş şəxsi aparırmış.
Bu barədə kadrlar hadisə şahidlərinin telefonu vasitəsilə çəkilib
Türkiyənin İstanbul şəhərində baş verən maraqlı hadisə hər kəsə duyğulu anlar yaşadıb. Belə ki, polislər şəhərdə qasırğa zamanı sifarişi çatdırmağa çalışan motosikletçiyə güclü küləkdən qorunmaq üçün sipər olublar.
“Haber7”nin məlumatına görə, bu barədə kadrlar hadisə şahidlərinin telefonu vasitəsilə çəkilib.
Video sosial şəbəkədə böyük rəğbət qazanaraq ən çox izlənənlər arasına girib.
Hazırda polis “Toyota” sürücüsünü axtarır
ABŞ-ın Viskonsin ştatında sürücü atəş açaraq iki yeniyetməni yaralayıb. Yol-xeber.az xəbər verir ki, insident Miluoki şəhərində baş verib. Bu barədə yerli polis “Twitter” hesabından məlumat yayıb.
Məlumata görə, 12 yaşlı qız və 13 yaşlı oğlan bir neçə həmyaşıdları ilə bərabər yoldan keçən avtomobillərə qartopu atıblar. Atılan qartopudan biri ağ rəngli “Toyota” markalı avtomobilə dəyib. Bundan sonra əsəbiləşən sürücü silahı çıxararaq uşaqlara atəş açıb və sonrada hadisə yerini tərk edib.
Nəticədə güllə xəsarətləri alan iki uşaq, hadisə yerinə çağırılan ambulansla xəstəxanaya çatdırılıb.
Hazırda polis sürücünü axtarır.
Göyərtədə 172 sərnişin və 7 ekipaj üzvü olub
Kanadada “WestJet” aviaşirkətinə məxsus sərnişin təyyarəsi uçuş-eniş zolağından kənara çıxıb. Yol-xeber.az xəbər verir ki, insident yanvarın 6-da axşam saatlarında Yeni Şotlandiya əyalətində baş verib. Bu barədə “CTV” telekanalı məlumat yayıb.
Telekanalın məlumatına görə, Torontodan havalanan “Boeing 737” sərnişin təyyarəsi, Qalifaks hava limanına eniş edən zamanı güclü qar səbəbindən uçuş-eniş zolağından çıxıb və 50 metr irəlilədikdən sonra dayanıb.
Hava gəmisinin göyərtəsində 172 sərnişin və 7 ekipaj üzvü olub. Bildirilir ki, hadisə vaxtı xəsarət alan olmayıb. Təyyarə dayandıqdan sonra sərnişinlər avtobusla aeroporta çatdırılıblar.
Ölkənin Nəqliyyat Təhlükəsizliyi Şurasının mütəxəssisləri faktla bağlı araşdırmalara başlayıb.
Qəzada ölən və ya xəsarət alanların olduğu barədə məlumat verilməyib
Rusiyanın Sankt-Peterburq şəhərində iki minik avtomobilin toqquşması görüntüləri təhlükəsizlik kamerasına düşüb. Yol-xeber.az xəbər verir ki, insident ötən gün axşam saatlarında Krasnoselsk rayonunda qeydə alınıb.
Kadrlarda sürücü sürətlə idarə etdiyi “Volkswagen Passat” markalı avtomobillə svetoforun sarı işığından keçdiyi və bu arada manevr edən “Mercedes”ə çırpıldığı görülür.
Zərbənin təsirindən “Mercedes” yerində bir neçə dəfə fırlanır, “Volkswagen” isə əvvəlcə səkiyə çıxır sonra da işıqfora dəyərək onu aşırır.
Qəzada ölən və ya xəsarət alanların olduğu barədə məlumat verilməyib.
Polis faktla bağlı təhqiqatlara başlayıb
Türkiyənin Manisa vilayətində sərnişin mikroavtobusunun iştirakı ilə ağır yol qəzası baş verib. Yol-xeber.az yerli KİV-ə istinadən xəbər verir ki, hadisə bu gün saat 10.00 radələrində Salihli – Alaşehir şosesinin Örenköy kəndi ərazisindən keçən hissəsində qeydə alınıb.
Məlumata görə, Alaşehir istiqamətində hərəkətdə olan İbrahim Tufanın (45) idarə etdiyi 07 FUN 25 qeydiyyat nömrə nişanlı sərnişin mikroavtobusu qəfildən qarşısına çıxan iti vurmamaq üçün manevr edib. Bundan sonra idarəetmədən çıxan nəqliyyat vasitəsi yol kənarına aşıb.
Nəticədə 2 nəfər hadisə yerində vəfat edib, daha 9 nəfər isə xəsarət alıb.
Yaralılar, insident yerinə çağırılan ambulanslarla rayon xəstəxanasına çatdırılıblar.
Polis faktla bağlı təhqiqatlara başlayıb.
3,2 trln. yuandan (459,4 mlrd. dollar) çox olacağı gözlənilir
Çin 2020-ci ildə dəmir yollarının tikintisinə təxminən 800 mlrd. yuan (114,4 mlrd. ABŞ dolları) sərmayə yatırmağı planlaşdırır.
Xezerxeber.az-ın xarici mətbuata istinadən verdiyi məlumata görə, avtomobil və su yollarının tikintisinə yatırılacaq investisiyalar təqribən 1,8 trln. yuan (258,4 mlrd. dollar), mülki aviasiyanın inkişafına isə sərmayə qoyuluşu 90 mlrd. yuan (12,9 mlrd. dollar) təşkil edəcək.
2019-cu ildə Çinin nəqliyyat sektorunda əsas kapitala investisiya qoyuluşu 3,2 trln. yuandan (459,4 mlrd. dollar) çox olacağı gözlənilir.
Polis qəzanın baş vermə səbəblərini araşdırır
Misirdə mikroavtobusun və yük maşınının iştirakı ilə ağır yol qəzası baş verib. Yol-xeber.az xəbər verir ki, insident dekabrın 28-də Liman-Səid rayonunda qeydə alınıb.
Məlumata görə, tikiş fabrika işçilərini daşıyan mikroavtobus yük maşını ilə toqquşub.
Nəticədə 22 nəfər ölüb, daha 7 nəfər isə xəsarət alıb.
Qəza baş verən əraziyə çox sayda polis, xilasetmə və səhiyyə briqadaları cəlb edilib.
Yaralılar, hadisə yerinə çağırılan ambulanslarla xəstəxanalara çatdırılıblar.
Polis qəzanın baş vermə səbəblərini araşdırır.
Zavod 5 model olmaqla ildə 175 min avtomobil istehsal edəcək
Türkiyədə elektriklə işləyən yerli “TOOG” (Türkiyənin Otomobili Girişim Grupu) markalı avtomobilin təqdimetmə mərasimi keçirilib. Avtosfer.az yerli KİV-ə istinadən xəbər verir ki, mərasimdə prezident Rəcəb Tayyib Ərdoğan, millət vəkilləri və bir çox iş adam iştirak edib. Ölkə başçısı yerli avtomobildən ilk olaraq sifariş verib və avtomobil istehsal zavodunun Bursanın Gəmilikdəki Türk Silahlı Qüvvələrinin ərazisində tikiləcəyini açıqlayıb.
Bildirilir ki, avtomobil zavodunun ilk təməl qoyma mərasimi 2020-ci ildə atılacaq. Zavodda 4 min 323 nəfər işə götürüləcək. Zavod 5 model olmaqla ildə 175 min avtomobil istehsal edəcək.
Qeyd edilir ki, zavodun tikintisi 2022-ci ildə sona çatdırılacağı gözlənilir.
Təqdim etmə mərasimindən sonra Rəcəb Tayyib Ərdoğan ilk yerli avtomobilin sükan arxasına keçərək idarə edib.
Namiq Musayev
