 |
|
11:48
Gürcüstanda ikinci turdan öncə bir sıra insidentlər qeyd alınıb.
Axar.az xəbər verir ki, Zuqdidi şəhərində Vahid Milli Hərəkatın nümayəndəsi Vaxtanq Xviçiya gecə seçki məntəqəsindən polis idarəsinə gətirilib. Buna səbəb onun yerli seçki komissiyasının üzvləriylə dalaşması olub.
Daha bir insident Qardabani rayonunda baş verib. Burada Zurabişvili və Vaşadze tərəfdarları arasında dava düşüb. Polis bir neçə nəfəri həbs edib.
***
Gürcüstanın Gənc Hüquqşünaslar Assosiasiyası qeyri-hökumət təşkilatı seçkinin ikinci turunda ilk pozuntu hallarını qeydə alıb.
Təşkilat seçkinin ikinci turunda 7 pozuntu haqda məlumat yayıb. Pozuntulardan 5-i Kaxetiya bölgəsində, ikisi isə ermənilərin çoxluq təşkil etdiyi Axalkalaki şəhərində baş verib.
Bundan başqa, əhalinin telefonlarına 48 nömrəsiylə Bidzina İvanişvilinin adından zənglər daxil olduğu bildirilib. Belə ki, telefon zənginə cavab verənlər burada İvanişvilinin səs yazısını eşidirlər. İvanişvili “zəng etdiyi” şəxsi seçkiyə çağırır.
İranın Kürdüstan əyalətinin Banə şəhərində atışma baş verib.
İranda bəluc əsilli sünni ruhani Mövləvi Əbdülqafur Camalzehi naməlum şəxslər tərəfindən odlu silahla qətlə yetirilib.
BMT Təhlükəsizlik Şurasında bir ölkənin iki dodağı arasına məhkum bir dünyanı görürəm.
00:08
Rusiya Kerç körfəzində Ukraynaya qarşı 2008-ci ildə Gürcüstana tətbiq etdiyi ssenarini təkrarlamaq istəyirdi.
Axar.az xəbər verir ki. bu sözləri Ukrayna Prezidenti Pyotr Poroşenko yerli kanallara açıqlamasında deyib. O bildirib ki, hücum zamanı Ukrayna əsgərləri müdafiə olunublar:
“Rusiya bu provokasiya ilə bizim atəş açmağımızı hədəfləyirdi. Buna əminəm. Hətta ölüm hadisəsinin baş verməsi nəzərdə tutulurdu. Bundan sonra Rusiya 2008-dəki gürcüstan ssenarisini işə salacaqdı”.
Poroşenko hərbi vəziyyətin elan edilməsi məsələsinə də aydınlıq gətirib və bildirib ki, Ukraynanın 10 vilayətində elan olunan hərbi vəziyyət 26 dekabra qədər davam edəcək:
“Hərbi vəziyyətin elan edilmə tarixi 26 noyabrdan başlayır və bu, 30 gün qüvvədə olacaq”.
Qeyd edək ki, Rusiyanın Ukrayna dəniz donanmasına hücumu və 3 gəmini, 24 əsgəri girov götürməsinin ardından ölkədə bir aylıq hərbi vəziyyət elan olunub. Ali Radanın təsdiqi ilə qüvvəyə minən fərmana görə, Ukraynanın Rusiya ilə sərhəd bütün vilayətləri, həmçinin Azov-Kerç akvatoriyasında hərbi vəziyyət elan edilib.
ABŞ Prezidenti Donald Trampla Rusiya lideri Putin G20 çərçivəsində ikitərəfli görüş keçirəcəklər.
Axar.az xəbər verir ki, bu barədə Ağ Evin mətbuat katibi Sara Sanders məlumat verib. O bildirib ki, sammit zamanı Trampın bir neçə liderlə görüşü nəzərdə tutulur:
“ABŞ Prezidenti bir çox liderlə, o cümlədən Argentina və Rusiya prezidentləri, Yaponiya baş naziri, Almaniya kansleri ilə görüşəcək”.
ABŞ Prezidentinin milli təhlükəsizlik müşaviri C.Bolton isə müzakirə olunacaq məsələlərə aydınlıq gətirib:
“Düşünürəm ki, təhlükəsizlik, silahlara nəzarət, Yaxın Şərq də daxil olmaqla, regional məsələlər və s. müzakirə ediləcək”.
Qeyd edək ki, G20 sammiti 30 noyabr-1 dekabrda Argentinada keçiriləcək.
Prezident Həsən Ruhaninin rəhbərlik etdiyi hökumət Azərbaycan dili institutunun açılmasına şərait yaratmalıdır.
Azərtac xəbər verir ki, bu sözləri İran İslam Şurası Məclisinin (parlament) Təbrizdən seçilmiş deputatı Əhməd Əlirza Beygi deyib. İran Aşıqlar Birliyinin konfransında çıxış edən deputat diqqətə çatdırıb ki, prezident seçkiləri ərəfəsində Təbrizə səfər edən Həsən Ruhani seçicilərə Azərbaycan dili institutunun açılacağı haqqında söz vermişdi. H.Ruhaninin rəhbərlik etdiyi hökumət verdiyi sözü tutmalıdır.
Ə.Beygi bildirib ki, dil institutunun açılması İranın mədəniyyətinin zənginliyini göstərəcək. Onun sözlərinə görə, Azərbaycan dili müxtəlif ölkələrdə yaşayan xalqların bir-biri ilə ünsiyyətində işlədilən dildir. Bu səbəbdən də Azərbaycan dili institutunun açılması İranın mədəniyyətinə zənginlik bəxş edər.
Xatırladaq ki, 2013-cü ildə İranda keçirilən prezident seçkilərində namizəd olan Həsən Ruhani Təbrizdə seçiciləri ilə görüşündə bildirmişdi ki, seçiləcəyi təqdirdə Təbriz Universitetində Azərbaycan dili fakültəsinin açılması haqqında sərəncam verəcək.
Əslində, Suriya hökumətində ciddi dəyişikliklər gözlənilən idi.
Bu sözləri Axar.az-a Suriyadakı hakimiyyət dəyişikliyi ilə bağlı danışan analitik Vüqar Zifəroğlu deyib. Analitik bildirib ki, Əsəd siyasi islahatlara getməklə özünə qarşı olan narazılıqların qarşısını müəyyən qədər almaq məqsədi güdür:
“Bu proses elə Əsəd iqtidarından narazılıqlara görə başlayıb. Bununla əlaqədar olaraq da 2011-ci ildə başlayan ərəb baharının bir dalğası Suriyaya gəlib çatıb. Bu mənada Suriya daxilindəki ciddi qarşıdurmalardan sonra Əsədin müəyyən kadr islahatlarına getməsi və dəyişikliklərə imza atması gözlənilən idi. Hətta bu məsələdə zamanlama istər-istəməz diqqət çəkir. Görünür, Əsəd artıq siyasi gücünün təmin olunmasına əmindir ki, bu addımı da atıb. Bundan sonra Əsəd çətin ki, hər hansı bir şəkildə başqa bir siyasi müxalifət qüvvəsi ilə əvəz olunsun. Beləliklə, Qərbin də sonrakı proseslərdə bu dəyişikliklərə müsbət yanaşacağını ehtimal etmək mümkündür”.
Qeyd edək ki, ötən gün Suriya hökumətində dəyişiklik edilib. Belə ki, general Məhəmməd Xalid Rəhman daxili işlər, Atif Nəddaf Su ehtiyatları, Məhəmməd Rami Rədvan-Martini Turizm, Müvəffəq əl-Əzəb Maarif, Bəssam Bəşir İbrahim Ali təhsil, Süheyl Məhəmməd Abdül Lətif İctimai işlər və mənzil tikintisi, Əyad Məhəmməd əl-Xatib Kommunikasiya və texnologiyalar, Məhəmməd Müinzin əl-Abdin Cizbə isə Sənaye naziri təyin olunub.
10:59
Dörd ölkənin nümayəndə heyəti Qara dəniz Əməkdaşlıq Təşkilatının Parlament Assambleyasının İrəvanda keçirilən 52-ci baş assambleyasının iclasında təşkilatın 25 illiyi ilə əlaqədar yubiley medalı almaqdan imtina edib.
10:03
Kerç böhranı Vladimir Putin və Pyotr Poroşenkoya sərfəlidir.
Axar.az xəbər verir ki, bunu “Exo Moskva” radiosunun baş redaktoru Aleksey Venediktov deyib.
“Rusiya prezidentinin reytinqi düşür, buna görə də o, arxasında Qərb işğalçılarının dayandığı qonşusunun aqressiya təhdidinə qarşı xalqı ətrafına toplamalıdır. Bu, artıq Putinin istifadə etdiyi və hər kəsə bəlli olan metodudur. Belə metodlardan Estoniya və Gürcüstan konfliktləri zamanı istifadə edilib.
Poroşenkoya bu dəniz insidenti hərbi vəziyyət zamanı prezident seçkisinin keçirilməsinin dayandırılması üçün lazımdır. Hazırkı prezidentin reytinqi o qədər aşağıdır ki, o, ikinci tura keçə bilmir və Timoşenko ilə Yuri Boykonu özündən irəliyə buraxır.
Kerç böhranını kimin başlaması vacib deyil. Vacib olan bundan Rusiya və Ukrayna prezidentlərinin siyasi fayda əldə etmələridir”, – deyə o bildirib.
Qeyd edək ki, ötən gün Ali Rada Poroşenkonun hərbi vəziyyətlə bağlı fərmanını təsdiqləyib. Rada hərbi vəziyyətin fərmanda göstərildiyi kimi, 60 gün deyil, 30 gün olmasını (28 noyabrdan başlayaraq) qəbul edib, həmçinin bu durumun seçkilərin vaxtına təsir etməyəcəyi, prezident seçkilərinin 2019-cu il 29 martda keçiriləcəyi xüsusi vurğulanıb.