 |
|
Azərbaycanda avtomobil parkı yenilənəcək, istismar müddətini başa vuran avtomobillər isə utilizasiyaya göndəriləcək. Bunun əvəzində vətəndaşlara yeni avtomobillər almaları üçün şərait yaradılacaq.
Bakı.ws xəbər verir ki, ölkədə köhnə nəqliyyat vasitələrinin utilizasiyası ilə bağlı bir neçə dövlət qurumu tərəfindən birgə layihə hazırlanıb.
Belə ki, "Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı"nın 7.3.7.1-ci bəndində Azərbaycan Respublikasında yol hərəkətinin təhlükəsizlik səviyyəsini yüksəltmək, ekoloji vəziyyəti yaxşılaşdırmaq, eləcə də yerli avtomobil istehsalını stimullaşdırmaq məqsədilə köhnə, texniki-təhlükəsizlik və ekoloji cəhətdən yararsız nəliyyat vasitələrinin utilizasiya proqramının hazırlanması və tətbiqi nəzərdə tutulub.
Layihə nəticəsində yol hərəkəti və ekologiya üçün təhlükəli hesab edilən köhnə nəqliyyat vasitələri utilizasiya ediləcək, yollarda şütüyən köhnə avtomobillər isə mərhələli şəkildə yeniləri ilə əvəzlənəcək. Bildirilir ki, istismar müddətini başa vuran, ekoloji cəhətdən təhlükəli hesab edilən nəqliyyat vasitəsini utilizasiyaya göndərən avtomobil sahiblərinə pul vəsaiti veriləcək və ya digər güzəştlər tətbiq ediləcək.
Bu layihənin həyata keçirilməsi zamanı vətəndaşları maraqlandıran məsələlərdən biri köhnə avtomobillərin hansı qaydada utilizasiyaya göndəriləcəyi, hansı şərtlərlə yeni avtomobilləri ala biləcəyidir.
Azərbaycan Respublikası İqtisadiyyat Nazirliyindən bildirilib ki, “Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı”nın Tədbirlər Planının 7.3.7.1-ci bəndinə əsasən "Nəqliyyat vasitələrinin utilizasiyası proqramının hazırlanması və tətbiqi" istiqamətində işlər davam etdirilir:
"Proqram çərçivəsində nəqliyyat vasitələrinin utilizasiyasının tam könüllülük əsasında həyata keçirilməsi, o cümlədən bu istiqamətdə müəyyən stimullaşdırıcı tədbirlər nəzərdə tutulur.
Belə ki, vətəndaş könüllü şəkildə nəqliyyat vasitəsini utilizasiyaya verdikdən sonra ona təqdim ediləcək təsdiqedici sənəd əsasında yeni istehsal olunmuş avtomobil almaq istədikdə müəyyən qədər güzəşt əldə edəcək. Bundan başqa, təsdiqedici sənəd əsasında müəyyən məbləğin birdəfəlik ödəniş kimi alınması imkanı da nəzərdə tutulmuşdur.
Layihə hazırda dövlət qurumları ilə razılaşdırma mərhələsində olduğundan layihənin detalları barədə ətraflı məlumat aidiyyəti normativ sənədlər təsdiq edildikdən sonra veriləcək".
Hazırda Horadiz-Ağbənd dəmir yolu layihəsi üzrə 78%, tikinti işlərinin 38%-i yerinə yetirilib.
"Yol-xeber.az" Report-a istinadən xəbər verir ki, bu barədə “Azərbaycan Dəmir Yolları” QSC-nin sədri Rövşən Rüstəmov deyib.
Onun sözlərinə görə, müharibə başa çatdıqdan sonra Ali Baş Komandanın əmri ilə bir çox layihələrə, o cümlədən məcburi köçkünlərin qaytarılacağı ərazilərin bərpasına start verilib:
"Onların arasında dəmir yolu rabitəsi ilə bağlı olanlar da var, bunlar Bərdə-Ağdam və Horadiz-Ağbənd qollarıdır. Uzunluğu 110,4 kilometr olan Horadiz-Ağbənd dəmir yolunun təməli 2021-ci ilin fevralında qoyulub. Hazırda layihə üzrə 78%, tikinti işlərinin 38%-i yerinə yetirilib. Daha bir layihə - uzunluğu 47,1 kilometr olan Bərdə-Ağdam layihəsi müharibənin başa çatmasından bir neçə gün sonra istifadəyə verildi. Hazırda layihələndirmə işlərinin 90%-i, tikinti işlərinin 58%-i yerinə yetirilib".
R.Rüstəmov bildirib ki, “Azərbaycan Dəmir Yolları” bu layihələri 2023-2024-cü illərdə tam istismara verməyi planlaşdırır: "Zəngəzur dəhlizinə gəlincə, biz onun işə salınmasının şərtlərini hazırlayırıq. Əslində bu istiqamət Avropaya yeni marşrut yaradır. Zəngəzur dəhlizi daha qısa, asan, Avropaya daha yaxşı çıxış imkanına malikdir və bu, Azərbaycanın tranzit potensialını artıra bilər".
Bakı şəhərinin Nərimanov rayonu ərazisində avtomobil yollarının yenidən qurulması işlərinin davam etdirilməsinə 4,23 milyon manat ayrılıb.
"Yol-xeber.az" xəbər verir ki, Prezident İlham Əliyev noyabrın 22-də bununla bağlı sərəncam imzalayıb.
"Paşa Bank" ASC Şuşada filial açacaq.
Bunu bankın Komplayns və idarəetmə üzrə baş direktoru Anar Kərimov deyib.
O bildirib ki, sözügedən biznes mərkəzi həmin regionu əhatə etmək məqsədi daşıyır:
"Hazırda "Paşa Bank"ın Şuşada filialının açılması məsələsi müzakirə olunur. Gələn il isə bununla bağlı daha geniş məlumat veriləcək", - deyə A. Kərimov əlavə edib.
Səudiyyə Ərəbistanının Neft İxrac Edən Ölkələr Birliyi (OPEC) və müttəfiqləri ilə neft tədarükünün artırılmasını müzakirə etdiyinə dair mətbuatda yayılan xəbəri təkzib etməsindən sonra neft qiymətləri bir qədər yüksəldi.
"Brent" markalı neft fyuçersləri 0,17 dollar və ya 0,2% artaraq 87,62 dollar olub. ABŞ-ın Qərbi Texas (WTI) xam neftinin yanvar fyuçerslərinin qiyməti isə çərşənbə axşamı 0,07 dollar və ya 0,1% artaraq 80,11 dollar/barelə çatıb.
"Wall Street Journal" (WSJ) dekabrın 4-də keçiriləcək OPEC+ iclasında gündəlik 500 min barelə qədər artımın nəzərdən keçiriləcəyini bildirdikdən sonra hər iki göstərici əvvəlki sessiyada bir barel üçün 5 dollardan çox ucuzlaşmışdı.
Səudiyyə Ərəbistanının energetika naziri şahzadə Əbdüləziz bin Salmanın krallığın hasilatın azaldılmasına sadiq qaldığını və potensial neft hasilatının artırılmasını OPEC-in digər neft istehsalçıları ilə müzakirə etmədiyini deməsindən sonra qiymətlər yüksəlişə keçdi.
“Yol hərəkəti haqqında” Qanuna iki məsələ ilə bağlı dəyişiklik edilməsi barədə məlumat yayılıb.
“Birinci məsələ nəqliyyat vasitəsinin rəngi dəyişdirildikdə bu dəyişikliyin 10 gün ərzində dövlət qeydiyyatından keçirilməli olması ilə bağlıdır.
İkinci isə konstruktiv maksimal sürəti saatda 50 kilometrdən artıq olan bütün nəqliyyat vasitələrinin dövlət qeydiyyatına alınması və dövlət qeydiyyat nişanı ilə təmin edilməsi məsələsidir.
Nəqliyyat sahəsi üzrə ekspert Ərşad Hüseynlinin sözlərinə görə, sözügedən dəyişikliklər hazırda qanunda yer alıb:
"Maraqlıdır ki, hər iki məsələ “Yol hərəkəti haqqında” Qanunda (27-ci maddənin müvafiq olaraq II və IV hissələrində) indi də əksini tapıb və bunlardan ötəri hər hansı dəyişikliyə zərurət yoxdur".
"Lakin gələn məlumat yalnız şifahidir və layihənin mətni əlimizdə olmadığından konkret nədən bəhs edildiyi tam aydın deyil. Düşünürəm ki, layihə rəsmi dərc ediləndə söhbətin nədən getdiyi aydın olacaq", - deyə ekspert əalvə edib.
Cümə günü dolların ucuzlaşması ilə neft qimətləti yenidən yüksəlişə keçsə də, Çində tələbin zəifləməsi və ABŞ-ın Federal Ehtiyat Sisteminin faiz dərəcəsini daha da artırması ilə bağlı narahatlıqlar fonunda qiymətlər aşağı olaraq qalıb.
"Brent" markalı neft fyuçersləri əvvəlki sessiyada son dörd həftənin minimumuna - 89,53 dollara endikdən sonra 0,7% bahalaşaraq bir barel üçün 90,42 dollara çatıb.
ABŞ-ın Qərbi Texas (WTI) xam neft fyuçersləri isə 0,75 dollar və ya 0,9% dəyər qazanaraq bir barel üçün 82,39 dollara çatıb. Bu isə son altı həftənin minimumundan çox da yüksək olmayıb.
"WTI" bu həftə ərzində 7%-dən çox, "Brent" isə təqribən 6% ucuzlaşıb.
Dollar indeksi cümə günü aşağı düşərək nefti digər valyutalara sahib olan alıcılar üçün ucuzlaşdırıb.
Analitiklər, aprel ayından bəri ən yüksək səviyyəyə çatan COVID yoluxmalarının qarşısını almaq üçün Çində məhdudiyyətlərin tətbiq olunacağı ehtimallarının və daha çox faiz artımının ABŞ iqtisadiyyatını tənəzzülə sürükləyəcəyi ilə bağlı narahatlıqların bazarı zəiflətdiyini düşünür.
"Yol-xeber.az" xəbər verir ki, Bu gün Bakıda Transxəzər Beynəlxalq Nəqliyyat Marşrutunun (TBNM) inkişafı üzrə İşçi qrupunun iclası keçirilib. Toplantıda Azərbaycan, Türkiyə, Gürcüstan və Qazaxıstan üzrə aidiyyəti qurumların rəsmi şəxsləri iştirak edib.
İclasda bildirilib ki, Transxəzər Beynəlxalq Nəqliyyat Marşrutunun bütün iştirakçılarının birgə səyi nəticəsində 2022-ci ildə dəhliz üzrə tranzit daşımaların həcmi əhəmiyyətli dərəcədə artıb. Dəhliz boyu proseslərin optimallaşdırılması sayəsində çatdırılma müddətini azaltmağa imkan verən bir sıra əməliyyat təkmilləşdirmələri həyata keçirilib. Əməliyyatların idarə edilməsi xidmətinin tətbiqi marşrutun Azərbaycan seqmentində bütün tərəflər arasında operativ əlaqənin təşkilinə imkan verib.
Toplantıda Transxəzər Beynəlxalq Nəqliyyat Marşrutu üzrə tarif dərəcələrinin təsdiqi və konteyner qatarlarının hərəkəti zamanı onların dislokasiyası barədə məlumat mübadiləsi üzrə aparılan işlərin yekunlarına dair İşçi qrupunun hesabatı müzakirə edilib.
Fransa senatının qəbul etdiyi mənasız, hüquqa zidd sənədinə Azərbayacan sərt reaksiya verməli, rəqəmlərə söykənən yanaşma olmalıdır.
"Bunu iqtisadçı ekspert Natiq Cəfərli deyib. Ekspert sözügedən sənədin iqtisadi təsirlərindən də danışıb:
"Bu ilin ilk 9 ayında Azərbaycan Fransaya cəmi 48 mln 691 min dollarlıq mal-məhsul (əsasən neft) ixrac edib. Bu isə ölkənin həmin dövrdə ixracının cəmi 0,16%-ni təşkil edib. Eyni dövrdə Fransa Azərbaycana 170 mln. 182 min dollarlıq mal-məhsul ixrac edib ki, bu da ölkəmizin idaxalının cəmi 1,65%-dir. Yəni, biz Fransaya mal satmasaq, ordan da mal almasaq heç bir təsiri olmayacaq. 2021-ci ildə Fransanın ümumi ixracı 585 mlrd. dollar olub, indi Azərbaycan 200 mln. dollarlıq mal almasa nə olacaq? Heç nə, hətta biz onlara 50 mln. dollarlıq neft satmasaq da, Fransaya heç bir təsiri olmayacaq".
N. Cəfərlinin sözlərinə görə, Fransaya təsir edəcək məsələlərdən biri Azərbaycanda çalışan Fransız şirkətləridir: "Bu ölkənin 300-ə yaxın şirkəti məmləkətdə işləyir. Aralarında “Alstom”, “Thales”, “Schneider-Electric”, “Suez”, “Technip”, “Total”, “Lafarge-Holcim” (bu şirkət daha çox İsveçrəyə bağlıdır) kimi tanınmış, öz lobbi qrupları olan, Fransa siyasətinə təsir edə biləcək şirkətlər də var. Azərbaycan hökuməti həmin şirkətləri dəvət edib onlarla danışmalı, onların Fransa siyasətinə təsir mexanizmlərindən istifadə etməyi öyrənməlidir".
"Fransaya təsir edə biləcək ən böyük addımlardan biri isə bu ölkənin dünyanın müxtəlif bölgələrində digər ölkələrlə rəqabəti zamanı rəsmi Parisin rəqiblərini dəstəkləməkdir - Afrika, Asiya ölkələrində milyonlar xərcləmək daha məntiqlidir. Özü də ki, dünyanın bu bölgələrində Fransanın açıq-gizli rəqibi həmişə Böyük Britaniya olub, niyə də ingilis dostlarımızı daha yaxından dəstəkləməyək?", - deyə N. Cəfərli əlavə edib.