- error
-
- JLIB_APPLICATION_ERROR_COMPONENT_NOT_LOADING
 |
|
"Mənzil Məcəlləsinə görə çoxmənzilli binaları sakinlərin ümumi yığıncağı idarə etməlidir. Lakin tikinti şirkətləri buna imkan vermir. Sakinlərin savadsızlığı və birləşməyi bacarmamasından istifadə edərək binanı idarə etməyə və sakinlərdən pul sovurmağa davam edirlər. Hətta onlara ödəniş etməyən sakinlərə zülm edir, məhkəməyə müraciət edərək ödəniş də tələb edirlər.
Əksəriyyət elə düşünür ki, guya çoxluğa malik olmayan sakinlər məhkəməyə müraciət edə bilməz. Bu yanaşmanı alt-üst etmək üçün yaşadığım binadan başladım".
"Xətai rayon məhkəməsi (hakim Aygün Həsənova) iddiamı təmin etmədi. 10 fevral 2023-cü il tarixində isə Bakı Apellyasiya Məhkəməsi hakim Xumar Mərdanovanın sədrliyi ilə qərara aldı ki, ümumi yığıncağın iradəsi olmadığı üçün “Komfort Yaşam” MMC binanı qanunsuz idarə edir, buna görə də binadan çıxarılmalı və onun idarəetməsindən kənarlaşdırılmalıdır"..
"Düzdür, məhkəmə indiyədək guya faktiki xidmət göstərdiyi üçün MMC-yə ötən dövr üçün ödənişlərin edilməsi qənaətində qalındı. Yanlış mövqedir, çünki binanı zəbt etmiş şəxsə hansı ödənişdən söhbət gedə bilər axı! Amma bu, əsas məsələ deyil. Əsas odur ki, ölkədə ilk dəfə cəmi bir neçə (dörd) sakinin iddiası ilə tikinti şirkəti idarə etdiyi binadan çıxarılacaq.
Yəqin ki, tikinti şirkəti Ali Məhkəməyə şikayət edəcək. Amma bu, artıq heç nəyi dəyişə bilməz. Düzgün yanaşma öz təşəkkülünü tapacaq. Bu qətnamə digər binaların sakinləri üçün örnək olacaq. Odur ki, tikinti şirkətlərini binalarınızdan qovun, idarəetməni öz əlinizə alın", - deyə Ə. Həsənov əlavə edib.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Avronun məzənnəsi 0,33% azalaraq 1,8057 manat, Rusiya rublunun məzənnəsi 0,44% irəliləyərək 0,0227 manat, Türkiyə lirəsi 0,11% ucuzlaşaraq 0,0900 manat təşkil edib.
ABŞ dollarının məzənnəsi dəyişməyərək 1,7000 manat olub.
Şuşaya çəkilən sürət yolu pullu olacaq.
“Trend”in məlumatına görə, bunu bu gün Zəngilan rayonunun Ağalı kəndinə mediatur zamanı Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov deyib.
O bildirib ki, Əhmədbəyli-Füzuli-Şuşa sürət yolu Şuşaya çəkilən Zəfər yolundan 20 km qısadır, 81,2 km olan yol hər tərəfdən çəpərlənəcək:
“Həmin yol pullu olacaq. Xarici turistlərin gələcəkdə Şuşaya axını güclü olacaq. Ona görə də bu yolu ödənişli edəcəyik ki, yoldan yığılan vəsait onun saxlanmasına istifadə olunsun”.
Yol-xeber.az" xəbər verir ki, Bakı şəhərində və şəhərətrafı ərazilərdə vətəndaşların avtomobil yollarını rahat və təhlükəsiz şəkildə keçməsini təmin etmək məqsədi ilə həyata keçirilən kompleks tədbirlər çərçivəsində daha bir yerüstü piyada keçidi vətəndaşların istifadəsinə verilib.
Yeni yerüstü piyada keçidi piyadaların avtomobil yolunu keçməsində problem yaşanan ərazidə, Mərdəkan prospektinin Qala-Pirallahı avtomobil yolu ilə kəsişməsində inşa edilib.
Layihə üzrə keçidin uzunluğu 65,4 metr, eni 4.5 metr, aşırım hissəsinin uzunluğu 50,6 metrdir.
Yol səviyyəsindən hündürlüyü 5.5 metr təşkil edən keçid üstüaçıq və torşəkilli metal konstruksiyadan ibarətdir. Keçiddə fiziki məhdudiyyətli insanların rahat hərəkətini təmin etmək üçün beynəlxalq standartlara uyğun oval tipli piyada pandusları quraşdırılıb.
Beynəlxalq standartlara cavab verəcək müasir texnologiyalar əsasında və keyfiyyətli materiallardan istifadə edilərək inşa edilən yerüstü piyada keçidi piyadaların avtomobil yolunu rahat və təhlükəsiz şəraitdə keçməsini təmin etməklə yanaşı, görünüşü ilə şəhərin görkəminə xüsusi rəng qatacaq.
YOLUNUZ AÇIQ OLSUN...
2022-2026-cı illərdə Füzuli, Ağdam, Xocavənd və Tərtər rayonlarında 15 999 evin tikintisi planlaşdırılır.
Report xəbər verir ki, bunu Şəhərsalma Məsələləri üzrə İşçi Qrupunun Ağdamda keçirilən iclasında Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Prezidentin xüsusi nümayəndəsi Emin Hüseynov bildirib.
"Baş plan ilk olaraq Ağdamda təsdiq olunduğu üçün burada bir neçə pilot layihə tətbiq ediləcək. O cümlədən 2 yaşayış məhəlləsinin layihələndirilməsinə başlanılıb, daha 2 layihə nəzərdə tutulur. 2023-cü ildən bu layihələr hissə-hissə yerinə yetiriləcək. Dövlət kifayət qədər vəsait ayırıb. 2026-cı ilə qədər bir çox iqtisadi hədəflər qarşıya qoyulub. Füzuli, Ağdam, Xocavənd və Tərtər rayonlarında çoxsaylı infrastruktur layihələri icra edilir. Prezident tərəfindən təməli qoyulmuş layihələr üzrə işçi qrupları formalaşdırılır", - deyə o qeyd edib.
Marketlər ərzaq məhsulları ilə yanaşı qeyri-ərzaq məhsullarnın da qiyməti bahalaşıb. Bunu həm alıcılar, həm də satıcılar təsdiqləyir.
Baku.ws məlumatına görə, qiymət artımı əsasən şəxsi gigiyena vasitələrində özünü göstərir.
Şəxsi gigiyena məhsulları arasında daha çox sintetik yuyucu vasitələri, sabun və diş məcunları, qabyuyan vasitələri, antiperspirant vasitələrin qiymətində artım var. Bahalaşma xaricə istehsal edilən və Azərbaycana idxal olunan məhsulların qiymətində özünü daha çox göstərir.
Məlumata görə, təkcə bu ilin yanvar ayında qeyri-ərzaq məhsullarının qiyməti 1,5 dəfə yüksəlib. Əvəllər 2.50-3 AZN civarında olan antiperspirantlar indi 4.50-5 AZN-ə satılır. Şampunların qiymətində ən azı 3 AZN, yuyucu vasitələrin qiymətində isə 4-5 manat artım var.
Mövcud vəziyyət məhsulların qiymətinin nə qədər və hansı müddətə qədər artacağı sualını gündəmə gətirib. Vacib mövzu ətrafında iqtisadçı ekspert, Millət vəkili Vüqar Bayramov bildirdi ki, 2023-cu ildə inflyasiya səviyyəsi ötən illə müqayisədə daha az olacaq:
"Dünya iqtisadiyyatında da inflyasiyanın azalması müşahidə olunur. Avrozonada inflyasiya səviyyəsi son aylar azalıb. Bu, ondan xəbər verir ki, Rusiya-Ukrayna müharibəsi fonunda qiymətlərin qlobal bazarda artması nisbətən səngiyib.
Nəzərə almaq lazımdır ki, Azərbaycan da anti-inflyasiya tədbiləri həyata keçirən ölkədir. Əgər ölkədə qiymət artımları müşahidə olunursa, xərcdə artımlar yoxdursa, burda monitorinqə ehtiyac var. Çünki istehlak bazarında qiymət artımlarının monitorinqinin gücləndirilməsi vacibdir. İqtisadi əsas olmadan qiymətlərin artırılması yolverilməzdir. Qiymət artımları xərci artırır, xüsusən də ailə büdcəsinin xərcinin artmasına səbəb olur.
İstehlak bazarında qiymətlərin monitorinqinin genişləndirilməsi və süni qiymət artımlarına qarşı mübarizənin sistemləşdirilməsi vacibdir ki, 2023-cü ildə yüksək qiymət artımları müşahidə etməyək.
Almaniyanın nəhəng kimyəvi-sənaye şirkəti Azərbaycan bazarını tərk edir.
“Henkel”in Rusiyadakı bölməsinin Azərbaycandakı nümayəndəliyi ləğv edilir.
Şirkətin Azərbaycan nümayəndəliyi 23.07.2020 tarixində dövlət qeydiyyatına alınıb və qanuni təmsilçisi Erşov Mixaildir (Ershov Mikhail). Şirkət Bakıda Yasamal rayonu Murtuza Muxtarov ev.201-də yerləşir.
Onu da bildirək ki, 2022-ci ilin aprelində “Henkel” Rusiyadakı fəaliyyətini dayandırmaq qərarı vermiş, buradakı şirkət satılaraq “Lab industries” adı ilə fəaliyyətini davam etdirmişdi.
Yuyucu vasitələr və baxım məhsullarının istehsalı ilə məşğul olan “Henkel” “Persil”, “Pril”, “Fa”, “Schwarzkopf”, “Syoss”, “Vernel” və “Perwoll” kimi məşhur brendlərə sahibdir.
Şirkətin kreditorları iki ay ərzində tələblərini AZ 1025 Bakı şəhəri, Xətai rayonu, 8 Noyabr 25E küçəsi, Bakı Ağ Şəhər Biznes Mərkəzi, 8-ci mərtəbə ünvanına bildirə bilərlər.
İsrailin "OurCrowd" şirkəti ilə əməkdaşlıq çərçivəsində İqtisadiyyat Nazirliyinin "Azərbaycan İnvestisiya Şirkəti" ASC fəaliyyəti dövründə ilk dəfə texnoloji startap layihəsinə 1 milyon ABŞ dolları dəyərində investisiya yatırıb.
Bu barədə Azərbaycan iqtisadiyyat naziri Mikayıl Cabbarov özünün "Twitter" hesabında yazıb.
Məlumata görə, investisiya yatırılmış İsrailin "LARGIX" startapı sənaye məhsullarının hazırlanması üzrə ixtisaslaşır.
Bu gündən Azərbaycanın ticarət şəbəkələrində və marketlərdə polietilen torbalar ödənişlidir.
Bununla bağlı göstəriş Ekologiya və Təbii Sərvətlər Nazirliyi tərəfindən ticarət şəbəkələrinə göndərilən məktubda qeyd olunub.
Bidirilib ki, polietilen torba tullantılarının ətraf mühitə mənfi təsirlərini azaltmaq məqsədilə Nazirlər Kabinetinin 2021-ci il 2 fevral tarixli 25 nömrəli qərarına əsasən, elə həmin tarixdən etibarən, market kassalarında məhsulların yığılması üçün nəzərdə tutulan, ölçüsü 15-50 mikron olan polietilen torbalar, ayrıca məhsul növü kimi pulla satılır.
Qeyd edək ki, artıq ticarət şəbəkələri və mağazalarda iri ölçülü polietilen torbalar 5 qəpiyə, daha kiçik ölçülü torbalar isə 3 qəpiyə satılır.
Antiinhisar və İstehlak Bazarına Nəzarət Dövlət Xidmətindən yaydığı məlumatda bildirilir ki, “Sahibkarlıq fəaliyyəti haqqında” Azərbaycan Respublikası Qanununun 6-cı maddəsinə əsasən, sahibkarlar Azərbaycan qanunvericiliyinə əməl etməklə öz malları (məhsulları, işləri, xidmətləri) üçün qiymətləri (tarifləri) sərbəst müəyyənləşdirmək hüququna malikdir: “Nazirlər Kabinetinin 28.09.2005-ci il tarixli 178 saylı qərarı ilə “Qiymətləri (tarifləri) dövlət tərəfindən tənzimlənən malların (işlərin, xidmətlərin) Siyahısı” təsdiq edilib: “Polietilen torbaların qiymətləri həmin siyahıya daxil edilmədiyi üçün onun qiyməti bazar prinsiplərinə uyğun olaraq tələb və təklif əsasında formalaşır. İstehlak bazarında sahibkarlar tərəfindən istehlakçılara müxtəlif qiymət və şərtlərlə mal və xidmətlər təklif olunur. Mövcud qanunvericiliyə əsasən istehlakçı onların arasından qiyməti və istehlak xassələri daha uyğun olan malı və ya xidməti öz ehtiyacına və zövqünə görə sərbəst seçərək ala bilər.
Bildirilir ki, “Nazirlər Kabinetinin 2021-ci il 2 fevral tarixli 28 nömrəli Qərarı ilə təsdiq edilmiş “Azərbaycan Respublikasında ticarət, ictimai iaşə, məişət və digər növ xidmət Qaydaları”na əsasən, ticarət, ictimai iaşə, məişət və digər növ xidmətlərin göstərilməsi (işlərin görülməsi) zamanı istehlakçılar (alıcılar) tərəfindən malların və məhsulların daşınması üçün nəzərdə tutulan qalınlığı 15-50 mikron olan, qulplu və qulpsuz, yüngülçəkili polietilen torbalar istehlakçılara (alıcılara) ayrıca məhsul növü kimi təqdim edilməlidir. Bu növ məhsulların ayrıca təqdim edildiyi və satış qiyməti barədə istehlakçıya (alıcıya) əvvəlcədən məlumat verilməlidir. Əks halda bunu etməyən ticarət obyektlərini 6 min manata qədər cərimə gözləyir”.
Türkiyədəki zəlzələnin iqtisadi nəticələri ilə yanaşı qonşu ölkələr ilə ticari dövriyyəsinə təsirləri də xüsusi müzakirə olunur. Türkiyə Azərbaycanın strateji müttəfiqi olmaqla yanaşı xarici ticarətdə ikinci ən böyük tərəfdaşıdır. 2022-ci ildə iki ölkə arasındakı ticarət dövriyyəsi 6 milyard dollara yaxınlaşıb. 2021-ci ildə ölkələr arasındakı ticarət dövriyyəsi 4 milyard 661 milyon dollar olmuşdu.
Bunu iqtisadçı deputat Vüqar Bayramov deyib. O bildirib ki, ötən ilin ilk 11 ayında Türkiyəyə 3 milyard 323 milyon dollarlıq ixrac həyata keçirilib, qardaş ölkədən isə 1 milyard 48 milyon dollarlıq idxal olub:
“Türkiyə eyni zamanda ölkəmizin qeyri-neft ixracatında ikinci əsas tərəfdaşıdır. 3 milyard dollarlıq enerjidən kənar ixacatımızın təxminin 1/3-i Türkiyənin payına düşür. Son illər qardaş ölkəyə ixrac etdiyimiz qeyri-neft məhsullarının dəyərində artım qeydə alınır. Bununla yanaşı, hələ də Türkiyə ilə ticarət dövriyyəmizdə enerji məhsulları əsas paya malik olmaqdadır. Xüsusən də qardaş ölkəyə mavi qaz ixracatında artımlar qeydə alınır”.
“Əsrin Fəlakətinin” coğrafiyasını və Türkiyəyə ixracatımızn strukturuna diqqət yetirsək zəlzələ iki ölkə arasındakı iqtisadi əlaqələrə xüsusi neqativ təsir göstərməyəcək. 2023-cü ildə də ölkələr arasındakı enerji əməkdaşlığının güclənəcəyi gözlənilir. Qeyri-neft sahəsindəki əməkdaşlıqda bu il davam etdiriləcək. Bu baxımdan, enerji məhsullarının qiymətlərində düşüşlər olmazsa, Azərbaycan Türkiyə arasındakı ticarət dövriyyəsində hər hansı ciddi azalma gözlənilmir”, - deyə millət vəkili əlavə edib.