 |
|
4-cü mərtəbəyə orta temptə dayanmadan qalxa bilərsinizmi?
Mütləq özünüzü yoxlayın. İspaniya alimləri sübut edir ki, bu sadə testin köməyi ilə vaxtından tez ölümün riskini təyin etmək olar.
Axar.az medikforum-a istinadla xəbər verir ki, alimlər bu nəzəriyyəni 13 min insan üzərində yoxlayıblar. Onların bir hissəsi testin öhdəsindən gələ bilib, bir hissəsi isə yox. Alimlər pilləkəndə testdən sonra 5 il ərzində bu insanlara daim nəzarət edirdi. Bu müddət ərzində eksperimentdə iştirak edənlərdən 1253 nəfər vəfat edib. Məlum olub ki, araşdırmanın əvvəlində 4-cü mərtəbəyə dayanmadan qalxa bilməyənlər arasında ürək-damar sistemi xəstəlikləri səbəbindən ölüm halları testin öhdəsindən gələnlərlə müqayisədə 3 dəfə daha çox olub.
Bundan əlavə fiziki daha zəif olan və testi keçə bilməyənlər arasında xərçəngdən ölüm halları da 2 dəfə çox olub.
İspaniya alimlərinin fikrinə görə, bu eksperiment növbəti dəfə sübut edib ki, fiziki aktivlik insanın sağlamlığının ən əsas amillərindən biridir.
Marsın səthində seysmik araşdırma texnikası "İnsayt" tərəfindən səslər qeyd edilib.
Axar.az xəbər verir ki, bu barədə məlumat yayan NASA günəş panelə dəyən küləyin səsini qeydə alıb.
Sözügedən səs qeydi ilk dəfə Yer kürəsində eşidilib. Küləyin saatda 24 kilometr sürətlə əsdiyi məlum olub.
Kult.az Prezident yanında Qeyri-Hökumət Təşkilatlarına Dövlət Dəstəyi Şurasının Azərbaycan Xalq Cümhuriyyətinin 100 illiyi münasibətilə hazırladığı qısa filmi təqdim edir:
Bu gün Azərbaycan Xalq Cümhuriyyəti (AXC) Parlamentinin yaradılmasından 100 il ötür.
Kult.az xatırladır ki, 1918-ci il dekabrın 7-də saat 13.00-da Hacı Zeynalabdin Tağıyevin inşa etdirdiyi Qızlar məktəbinin binasında Azərbaycan Parlamentinin təntənəli açılışı olub. İlk iclas 1918-ci il dekabrın 7-də, son iclas isə 1920-ci il aprelin 27-də keçirilib.
Bu dövrdə Parlamentin cəmi 145 iclası olub. Yetərsay olmadığı üçün bu iclaslardan 15-i baş tutmayıb. Qalan 130 iclasdan ikisi tarixi - 28 may və 15 sentyabrda (1919-cu ildə) müvafiq olaraq Azərbaycanın İstiqlalının və Bakının azad edilməsinin birinci ildönümləri münasibətilə; dördü təntənəli 12 mart 1919-cu il və 12 mart 1920-ci illərdə Böyük Rus İnqilabının 2-ci və 3-cü ildönümləri; 27 iyun 1919-cu il - Azərbaycanla-Gürcüstan arasında hərbi əməkdaşlıq haqqında müqavilə bağlanması və 14 yanvar 1920-ci il - Paris sülh konfransı iştirakçısı olan dövlətlər tərəfindən Azərbaycanın müstəqilliyinin de-fakto tanınması münasibətilə keçirilib.
İkisi isə fövqəladə vəziyyətlə bağlı - 1918-ci il dekabrın 20-də Ermənistanın Gürcüstana müharibə elan etməsi və 1920-ci il martın 17-də Gürcüstanla-Azərbaycan arasında bağlanmış iqtisadi əməkdaşlıq haqqında müqavilələrin təsdiqi münasibətilə keçirilmiş iclaslardır. Qalan iclaslarda ölkənin daxili və xarici siyasəti, iqtisadiyyat və maliyyə məsələləri, qanunvericilik aktlarının müzakirəsi və qəbulu, ordu quruculuğu və sair məsələlər müzakirə olunub.
Parlamentin müzakirəsinə 270-dən çox qanun layihəsi çıxarılmış, onlardan 230-a yaxını qəbul olunmuşdu. Qanunlar qızğın və işgüzar fikir mübadiləsi şəraitində müzakirə edilir, yalnız üçüncü oxunuşdan sonra qəbul olunurdu.
Parlament qanunlarının hazırlanması, müzakirəsi və təsdiq olunmasında 11 fraksiya və qrupa mənsub olan millət vəkilləri iştirak edirdilər.
Parlamentdə 11 komissiya fəaliyyət göstərirdi: Maliyyə-büdcə, qanunvericilik təklifləri, Müəssislər Məclisinə seçkilər keçirmək üzrə mərkəzi komissiya, mandat, hərbi, aqrar məsələlər: sorğular üzrə, təsərrüfat-sərəncamverici, ölkənin istehsal qüvvələrindən istifadə üzərində nəzarət, redaksiya və fəhlə məsələləri üzrə komissiyalar
Parlamentin fəaliyyəti xüsusi olaraq bu məqsəd üçün hazırlanmış nizamnamə - “Azərbaycan Parlamentinin təlimatı” əsasında idarə olunub.
M.Ə.Rəsulzadə Azərbaycan Xalq Cümhuriyyəti Parlamentinin fəaliyyətinə belə qiymət verib:
“Millət Məclisi məmləkətin bütün sinif və millətlərini təmsil edib, dövlətin tamamən taleyinə hakim idi. Onsuz heç bir əmr keçməz, heç bir məsrəf yapılmaz, heç bir müharibə başlamaz, heç bir barışıq imzalanmazdı. Hökumət məclisin etimadını qazananda qalır, itirəndə düşürdü. Ortada hakim olacaq vasitə - vəzifə yox idi. Parlament hakimi-mütləq idi”.
Çox mürəkkəb şəraitdə fəaliyyət göstərməsinə baxmayaraq, xalqımızın milli oyanışını əbədi etməyə çalışan AXC Parlamenti elmin, təhsilin, səhiyyənin inkişafını diqqət mərkəzində saxlayırdı. Ölkənin hər yerində müxtəlif pillədən olan məktəblər, gimnaziyalar, qız məktəbləri, uşaq bağçaları, müəllim kursları, kitabxanalar açılırdı.
Parlament gördüyü bu işlərlə bir toplum üçün mühüm olan komponentlərin xalqımızın yaddaşına həkk olunmasına zəmin yaratdı.
“Bu şəhərdə” komandası Coşqun Rəhimovun səhhəti ilə bağlı yayılan məlumatlara sərt reaksiya verib.
İnsan yaşa dolduqca onun orqanizmində zədələnmiş hüceyrərin sayı artır.
Cavan orqanizm belə hüceyrələrdən daha tez azad olur, yaşlaşdıqca isə bu funksiya zəifləyir və zədələnmiş hüceyrələr artımağa başlayır.
Zədələnmiş hüceyrələr orqanizmdə iltihabın səviyyəsini qaldırır, toxumaların vəziyyətini pisləşdirir, onkoloji xəstəliklərin riskini artırır.
Xurmanın tərkibində olan fizetin maddəsi orqanizmdə zədələnmiş hüceyrələrin sayını azaldır ki, bu da sağlamlığına müsbət təsir edir, orqanizmi cavan saxlayır, ömrü uzadır. Bunu ABŞ-da siçanlar üzərində aparılmış araşdırmalar təsdiq edib.
Sağlamolun.az xəbər verir ki, Mayo Klinikası və Minessota Universiteti alimlərinin birgə araşdırmasının nəticələri EurekAlert! portalında dərc olunub.
Fizetin həmçinin insanın beyinin fəaliyyətini çox yaxşı təsir edir, beyinin qocalmasının qarşısını alır.
Xurmadan əlavə flavonol fizetin xiyar, çiyələk, alma, üzüm, soğan, kivi və şaftalıda var.
İranda yaşayan qaşqay türklərindən olan müğənni Məcid Paşa Azərbaycana mahnı həsr edib.
Kult.az xəbər verir ki, “Qaşqayıdan Bütöv Azərbaycana salam” adlı mahnı Güney azərbaycanlıların “Azad Urmu” Yutub kanalında paylaşılıb.
Sosial şəbəkə istifadəçilər mahnını çox bəyəndiklərini və türk xalqaları arasında dostluq simvolu olduğunu bildiriblər.
Türkiyəli məşhur müğənni Öykü Gürman müğənni Elvin Mirzəzadənin “Düşün məni” mahnısına klip çəkdirib.
Kult.az xəbər verir ki, bu barədə E.Mirzəzadə sosial şəbəkələrdə məlumat paylaşıb. O bildirib ki, türk dilinə uyğunlaşması üçün mahnının bəzi hissələrində dəyişikliklər edilib.
Qeyd edək ki, bundan əvvəl özbək müğənnisi Kaniza da “Düşün məni” mahnısına klip çəkdirmişdi.
Albert Eynşteynin məktubu hərracda 2.892.500 dollara satılıb.
Kult.az xəbər verir ki, dahi alimin ölümündən bir qədər əvvəl 1954-cü ildə yazdığı 1.5 səhifəlik “Allah haqqında məktub”u Erik Qutkində ünvanlanıb.
Bu məktubun “Allah haqqında məktub” adlandırılmasına səbəb Eynşteynin Allaha və iudaizmə münasibətdiir.
“Mənim üçün Allah sözü insan zəifliklərinin ifadəsi və məhsulundan başqa bir şey deyildir. Bibliya – mötəbər, ancaq kifayət qədər primitiv əfsanələrin toplusudur”, - Eynşteyn yazıb.
Məktubunda yəhudi olması ilə fəxr etdiyini bildirən alim iudaizmlə bağlı məyusluğunu gizlətməyib.
Tarixçi alim Ədalət Tahirzadə Azərbaycan Kommunist Partiyası Mərkəzi Komitəsinin birinci katibi olmuş Mircəfər Bağırovun əməllərini sübuta yetirən sənədin fotosunu yayıb.
Kult.az xəbər verir ki, tarixçi Mircəfər Bağırovun Azərbaycan vətəndaşlarına qarşı repressiya siyasəti apardığını bildirərək, onu dəstəkləyənləri tənqid edib:
“Mircəfər Bağırov 9 iyul 1937-ci ildə SSRİ rəhbəri Stalinə məktub göndərərək, minlərlə insanın tutulub məhv edilməsinə icazə istəyir!”
