 |
|
Qırışlar tək kosmetik problem deyil, qırışların yerləşməsi bəzi xəstəliklərə işarə edə bilər. Xüsusilə bu erkən yaşlarda əmələ gələn qırışlara aiddir.
Alında qırışlar
Sağlamolun.az xəbər verir ki, dərin və erkən əmələ gəlmiş qırışlar insanın cinsindən asılı olmayaraq ürək xəstəliklərinə və ya bu xəstəliklərinin riskinin yüksək olmasına işarə edir.
Belə hesab olunur ki, alın nahiyəsində dərin qırışlar olan insanlarda hipertoniya, infarkt və insulta meyllik daha çoxdur.
Bu insanlar müntəzəm olaraq şəkər və xolesterinin səviyyəsini, arterial təzyiqini yoxlamalıdır.
Yuxarı göz qapaqlarında qırışlar
Bu sinir sisteminin degenerativ xəstəliklərinə və insulta olan meyliliyə işarə edir.
Sizdə belə qırışlar varsa, nevroloqun müayinəsindən keçin.
Qulaq məməciyində qırışlar
Bu aterosklerozun inkişafına işarə edə bilər. Ateroskleroz zamanı damarlarda xolesterin yığılır ki, bu da infarkt və insultun riskini artırır.
Belə qırışlarınız varsa mütləq kardioloqa müraciət edin, qanda xolesterinin səviyyəsini yoxlayın.
Babəki həbs edən Əbu-Sac daha sonra Azərbaycanda yaranan Sacilər xanədanlığının (879-941) ilk nümayəndəsi olub.
Tanınmış azərbaycanlı müğənni Əli Purmehriyə “Traktor” futbol komandası üçün hazırladığı yeni mahnını oxumağa icazə verilməyib.
Pekin Universiteti (Çin) alimləri aşkar ediblər ki, bütün digər faydalı xüsusiyyətlərlə yanaşı yaşıl çay həmçinin sümüklərin sağlamlığını da qoruyur.
İnsan yaşlaşdıqca onun sümükləri daha kövrək olur, sümük toxuması zəifləyir, azalır. Bu isə sümük qırılmasının təhlükəsini artırır.
Sağlamolun.az xəbər verir ki, çay bu problemi həll etməyə kömək edir. Araşdırma göstərib ki, 30 il və bundan çox müddət ərzində müntəzəm olaraq yaşıl çay içən insanlarda sümüklərin qırılması riksi 30%-ə qədər azalır.
Nəzərə almaq lazımdır ki, bundan əvvəl aparılmış araşdırmalar göstərib ki, yaşıl çayın faydalı xüsusiyyətlərinə baxmayaraq onu həddindən artıq çox miqdarda içmək olmaz. Bu qaraciyər üçün ziyanlıdır və hətta qaraciyərin ciddi zədələnməsinə səbəb ola bilər. Mütəxəssilər gün ərzində 2-3 fincan yaşıl çay içməyi tövsiyə edirlər.
Akif Paşayevin vəziyyəti hazırda yaxşıdır. Danışır, hərəkət edir, söhbət eləmişik özü ilə. Hələ palataya köçürülməyib, ancaq vəziyyəti yaxşıdır.
Bu sözləri Axar.az-a dünən Mirməmməd Cavadzadə adına Respublika Klinik Uroloji Xəstəxanasında keçirdiyi uroloji əməliyyatdan sonra iflic olaraq komaya düşən xəstə Akif Paşayevin vəziyyəti ilə bağlı xəstəxanadan bildiriblər.
Xəstəxanadan verilən məlumata görə, xəstə hələ də sözügedən xəstəxanada, reanimasiya şöbəsindədir:
“Dünən ailəsinin etirazına görə xəstəni aidiyyəti üzrə xəstəxanaya köçürə bilmədik. Bu səbəbdən xəstəxanaya nevroloq çağırmışdıq. Hazırda xəstə özünü yaxşı hiss edir. Vəziyyəti normaldır. Bizimlə, ailəsi ilə danışır. İflic əlaməti yoxdur. Hərəkət də edir, normal olaraq danışa da bilir. Ancaq hələ reanimasiya şöbəsindədir. Komadan çıxıb”.
Qeyd edək ki, 1962-ci il təvəllüdlü Akif Paşayev Mirməmməd Cavadzadə adına Respublika Klinik Uroloji Xəstəxanasında prostat əməliyyatı keçirib. Xəstə əməliyyatdan sonra iflic olub və komaya düşüb.
.jpg)
Səhiyyə Nazirliyi Analitik Ekspertiza Mərkəzi “Paraçetamol 500”dərmanı haqqında sosial şəbəkələrdə yayılan məlumatlara aydınlıq gətirib.
SSRİ nümayəndə heyətinin 1943-cü ildə Tehran konfransında təhlükəsizliyinin və işinin təminatı üçün görülən tədbirlər sistemi Sovet rəhbərliyi tərəfindən şərti olaraq “30-cu istiqamət” adını almışdı.
Soyuq, küləkli, yağışlı havada papaqsız gəzmək ən ziyanlı vərdişlərdəndir.
1595-ci il... Osmanlının böyük sərkərdələrindən olan Yəhya Ağa imperiyanın Budin əyalətinin paşasının yanına gəlib, xüsusi əhəmiyyət daşıyan Esterqon qalasının təhlükədə olduğunu deyir. Yəhya Ağa qonşu qalaya kömək etmək üçün paşadan izn alır və iki min əsgərlə ilə oraya gedir.
Kult.az xəbər verir ki, bu barədə Esterqon qalasının müdafiəsinin canlı şahidi olan macar əsilli Osmanlı tarixçisi İbrahim Peçevi yazıb. O, 9 türk döyüşçüsünün 90 minlik orduya qarşı mübarizə aparmasından bəhs edib.
Esterqon qalası 1595-ci avqustun 4-də alman, polyak və venesiyalılardan ibarət böyük bir ordu tərəfindən mühasirəyə alınır. Bununla da qalaya su və ərzaq ehtiyatının daxil olduğu yollar bağlanır. Qalada cəmi on min əsgər var idi, lakin birləşmiş ordu Osmanlıdan qala almağın çox çətin olduğunu bilirdi. Buna görə də qaladakı ərzaq ehtiyatının bitəcəyini və təslim olacaqlarını gözləyirdi.
Qalada ərzaq tükəndi. Buna görə də Osmanlı döyüşçüləri irəli atılaraq, mühasirəni yarmaq istədilər. Qeyri-bərabər döyüşdə bir çox düşmən döyüşçüsünü məhv etsələr də, itkilər verərək yenidən qalaya çəkildilər. Belə olan halda iki yol var idi: ya təslim olmaq, ya da aclıqdan ölmək. Çünki başqa yerdən kömək gəlmirdi: imperiyanın əsas ordusu bir neçə ay əvvəl sərhədi tərk edərək, cənuba getmişdi.
Bütün bunları nəzərə alan düşmən komandan qala rəhbərliyinə sülh danışıqlarına başlamağı təklif edir. Əgər təslim olsaydılar, heç kimə toxunmayacaq, türklərin əşyaları ilə birlikdə qalanı tərk etməsinə icazə verəcəkdilər.
Osmanlı tərəfi sülh danışıqlarına başlamaq təklifini qəbul edir və qarşı tərəfdən bir heyət qalaya gəlir. “Hər şey bitdi” deyərkən Yəhya Ağa danışıqlara müdaxilə edib, “siz təslim ola bilərsiniz, amma mən şəxsən bu anlaşmanı qəbul etmirəm. Başımı aşağı salıb bu qalanı düşmənlərə təslim edə bilmərəm. Sabah mən tək başıma qaladan çıxıb düşmənlə savaşacağam. Bu anlaşma yalnız mənim taleyim həll ediləndən sonra baş tuta bilər”.
Alman heyət onun bu sözlərindən sonra heyrətə gəlir. Esterqon qalasının komandanı Lələ Məhməd Paşa da Yəhya Ağanın dediklərindən dəhşətə gəlir. Bayırda 90 minlik ordu var idi və Yəhya Ağa bu ordunun qarşısına tək çıxmağı qarşısına məqsəd qoymuşdu. Çox cəhd etsələr də, o, inadından dönmür.
Yəhya Ağanın bu çıxışı ətrafdakı Osmanlı döyüşçülərini də çox təsirləndirir. Onlardan 8-i ölənə qədər Yəhya Ağa ilə döyüşəcəklərini bildirir.
Səhəri gün qala komandanı qapını açmağı əmr edir. Yəhya Ağa və 8 cəngavəri qaladan çıxıb, 90 minlik birləşmiş ordunun qarşısında dayanır. Onlar bir anda düşmən döyüşçülərini ox yağışına tutur. Sıradan döyüşçülərdən fərqlənən, xüsusi təlim keçmiş bu 9 döyüşçü əlverişli mövqe tutaraq, birləşmiş orduya ağır zərbələr endirir. Düşmən əsgərləri Osmanlı döyüşçülərinə yaxınlaşa bilmir, çünki türklər irəli atılmaq istəyənləri sərrast ox zərbələri ilə yerə sərirlər.
Nəhayət, 9 cəngavərin oxları bitir. Belə olan halda onlar qılınclarını sıyırıb, düşmən ordusunun üzərinə atılırlar.
Alman tarixçilərinin yazdıqlarına görə, Yəhya Ağa bu döyüşdə birləşmiş ordunun 160-a yaxın döyüşçüsünü qılıncla məhv edir. Oxların verdiyi tələfat bundan xeyli çox idi.
Qeyri-bərabər döyüşdə qəhrəman türk əsgərləri şəhid olur. Birləşmiş ordunun komandanı cəsarətlərinə və misli-bərabəri olmayan qəhrəmanlıq nümayiş etdirdiklərinə görə bu cəngavərlərə böyük bir dəfn mərasimi təşkil edir.
Beləliklə, 1595-ci il sentyabrın 2-də qala təslim edilir.
Lakin bundan 10 il sonra Osmanlı ordusu qalanı qaytarmaq üçün əməliyyata başlayır.
1605-ci ildə türklər Esterqonu mühasirəyə alır. Bu dəfə Sədrəzəm vəzifəsinə gətirilmiş Sokolluzadə Lələ Məhməd Paşa bir aylıq mühasirədən sonra qalanı ələ keçirir.
Bundan sonra qala uzun illər Osmanlının nəzarətində qalır.
Bu gün Esterqon qalası daha çox Yəhya Ağa və 8 cəngavəri ilə xatırlanır. Həmin dövrdə 9 qəhrəman türkün bu şücaəti dildən-dilə düşmüş, Avropada böyük heyrətlə qarşılanmışdı.
Qeyd edək ki, Esterqon qalası Macarıstanın paytaxtı Budapeştin 60 kilometrliyində yerləşir. 13-cü əsrdə inşa edilən bu qala Macarıstanın ən önəmli tarixi abidələrindən hesab edilir.