 |
|
Kardionevroz polinevroloji xəstəlikdir.
 |
Türkiyənin Mədəniyyət və Turizm Nazirliyi yeni təbliğat strategiyası çərçivəsində “Turkey Home” kampaniyası ətrafında formalaşan şüar və təxminən 18 ildir istifadə olunan “lalə” fiqurlu Türkiyə loqosunu dəyişdirmək üçün 2019-cu ilin yanvar ayında tender elan edəcək.
|
|
Son illər ölkədə valideynlər tərəfindən uşaqların müxtəlif idman növlərinə qoyulması halları artıb. Ölkədə idmana dövlət səviyyəsində qayğı göztərilməsi ailələri buna daha da həvəsləndirir.
Öskürək bir çox respirator infeksiyaları müşayiət edir.
Axar TV Səfəvilər İmperiyasının banisi Şah İsmayılın ölümü ilə bağlı hazırladığı süjeti təqdim edir:
Noyabrın 29-da Azərbaycanın və SSRİ-nin Xalq rəssamı, Sosialist Əməyi Qəhrəmanı, Dövlət mükafatları laureatı Tahir Salahovun 90 illik yubileyi qeyd olunub.
Prezidenti İlham Əliyev xalq rəssamı Tahir Salahovu yubileyi münasibətilə təbrik edib və onun 1-ci dərəcəli “Əmək” ordeni ilə təltif edilməsi haqqında sərəncam imzalayıb.
Axar TV-nin xalq rəssamı ilə bağlı süjetini təqdim edirik:
Güney Azərbaycanın tanınmış müğənnisi Peyman Keyvani konsert proqramına hazırlaşır.
Dekabr ayının 1-i və 2-də növbəti geomaqnit qasırğası gözlənilir.
Axar.az xəbər verir ki, bu barədə AMEA-nın Şamaxı Astrofizika Rəsədxanasının elmi işlər üzrə direktor müavini Elçin Babayev məlumat verib. O deyib ki, qasırğanın səbəbi Günəşin səthində formalaşmış növbəti böyük ölçülü tac dəliyidir. Bu tac dəliyindən başlanğıcını götürən yüksəksürətli Günəş plazma küləyi yerətrafı fəzaya çatmaqla, maqnitosferi həyəcanlaşdıracaq və G1 sinfinə aid geomaqnit qasırğasına səbəb olacaq:
"Meteoşəraitin son şıltaqlıqları və geomaqnit qasırğasının birgə təsirləri risk qrupuna daxil olan insanlar üçün heç də yaxşı hal vəd etmir. Diskomfort xeyli artacaq".
|
|
Bu gün mərhum şair İlyas Tapdığın doğum günüdür.
Kult.az xatırladır ki, İlyas Tapdıq 1934-cü il noyabrın 30-da Gədəbəy rayonunun Əli İsmayıllı kəndində anadan olub. Gədəbəyin Kiçik Qaramurad kəndində orta məktəbi bitirdikdən sonra APİ-nin Dil və ədəbiyyat fakültəsində təhsil alıb.
Ədəbi yaradıcılığa tələbəlik dövründə "Azərbaycan" jurnalında dərc olunan "Bakının gecəsi" şeiri ilə başlayıb. O, "Gənclik" nəşriyyatında böyük redaktor, redaksiya müdiri, baş redaktor (1968-1976), Azərbaycan Baş Mətbuat Müvəkkilliyində qrup rəhbəri (1976-1978), Azərbaycan Televiziya və Radio Verilişləri Komitəsində Gənclər baş redaksiyasının baş redaktoru (1978-1983), “Azərnəşr”də bədii ədəbiyyat şöbəsinin müdiri (1989-1992), Türkiyənin Ankara şəhərində Türk Standartları İnstitutunda və Xarici İşlər Nazirliyi və İnkişaf agentliyində müəllim, "Azərbaycan" qəzetinin Türkiyə üzrə xüsusi müxbiri (1992-1995) vəzifələrində işləyib.
İlyas Tapdıq Sovet uşaq ədəbiyyatı və incəsənəti nümayəndələri tərkibində Çexoslovakiyada (1972), Macarıstanda (1979) keçirilən tədbirlərdə iştirak edib.
Onun uşaq şeirləri təkcə Azərbaycanda deyil, postsovet məkanında, eləcə də Avropanın bir çox ölkələrində böyük maraqla qarşılanıb, kitabları Rusiyada milyon yarım, Estoniyada, Çexoslovakiyada 100 min tirajla nəşr olunub.
İlyas Tapdıq “Kəndimizin çobanı”, “Bulaq başında”, “Gözlər”, “Arxalı dağlar”, “Bir eşqin şimşəyi”, “Əksim və qəlbim”, “Meşənin mahnısı”, “Xoruz və siçan”, “Özümlə görüş“, “Nağıllı ağaclar“ və başqa kitabların müəllifidir.
O, Azərbaycanın görkəmli şairləri – Rəsul Rza, Səməd Vurğun, Məmməd Araz, Osman Sarıvəlli, Hüseyn Arif kimi qələm adamları tərəfindən yüksək qiymətləndirilib.
İ.Tapdıq müsahibəsində müxtəlif şairlərlə, siyasilərlə bağlı maraqlı xatirələr danışıb. Onlardan biri də Azərbaycan Kommunist Partiyası MK-nin I katibi Mircəfər Bağırov haqdadır:
“Mircəfər Bağırovun vaxtında məktəbi bitirib sənədlərimi ali məktəbə verdim, elə birinci il qəbul olundum. Mənim bir dostum vardı, ali məktəbə qəbul ola bilmədi, Bağırova məktub yazdı ki, atam mənə ərəb əlifbasını öyrədib, molla eləmək istəyir. Qəbul ola bilməsəm, molla olacağam. İki cavan qoşalaşdıq, məktubu gətirib verdik Bağırovun evinin qabağında duran milisə. Məktubu şəxsən özü oxumuşdu, üç gün sonra göstəriş verib ki, o uşağı təcili tapın, universitetin ərəb şöbəsinə qəbul eləyin. Elə də oldu! Onu həmin şöbəyə qəbul etdilər”.
Qeyd edək ki, şair 2016-cı il dekabrın 25-i Bakıda vəfat edib və Badamdar qəbiristanlığında, həyat yoldaşının yanında dəfn olunub.
Sovet kosmik aparatı vasitəsilə 1970-ci ildə Yerə gətirilən Ay qruntu (torpaq) nümunələri Nyu Yorkda keçirilən hərracda satılıb.