 |
|
Qırğız Respublikasının Prezidenti Sadır Japarov noyabrın 23-də Azərbaycan Respublikasına işgüzar səfərə gəlib.
"Hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.
Qırğızıstan Prezidenti Sadır Japarovu hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Samir Şərifov və digər rəsmi şəxslər qarşıladılar.
“Hazırda işğaldan azad olunmuş ərazilərimizdə genişmiqyaslı bərpa və yenidənqurma işləri aparılır, vacib infrastruktur layihələri həyata keçirilir”.
“Bu sözlər Prezident İlham Əliyevin İslam Əməkdaşlıq Təşkilatına üzv dövlətlərin əmək nazirlərinin V konfransının iştirakçılarına müraciətində yer alıb.
“Böyük Qayıdış Proqramı çərçivəsində keçmiş məcburi köçkünlər artıq dədə-baba yurdlarına – Laçın və Füzuli şəhərlərinə, o cümlədən üç kəndə qayıdıblar. 2026-cı ilin sonunadək 140 mindən çox insanın Qarabağa və Şərqi Zəngəzura geri dönməsi nəzərdə tutulur”, - Prezident bildirib.
Azərbaycan və Özbəkistan vətəndaşlarının vizasız gediş-gəlişinə dair yeni prosedur müəyyənləşir.
APA-nın xəbərinə görə, bu, Milli Məclisin Beynəlxalq münasibətlər və parlamentlərarası əlaqələr komitəsinin iclasında müzakirə edilən və parlamentin plenar iclasına tövsiyə olunan “18 iyun 1997-ci il tarixli Azərbaycan Respublikası Hökuməti ilə Özbəkistan Respublikası Hökuməti arasında Azərbaycan Respublikası və Özbəkistan Respublikası vətəndaşlarının vizasız gediş-gəlişi haqqında Sazişə əlavə və dəyişikliklərin edilməsi barədə Protokol”un təsdiq edilməsi haqqında” qanun layihəsində əksini tapıb.
Layihəyə əsasən, Özbəkistan ərazisinə girmə, çıxma və hərəkət etmə üçün Azərbaycan vətəndaşlarının sənədlərinin yeni siyahısı müəyyənləşir.
Siyahıya Azərbaycan Respublikasının ümumvətəndaş pasportu, xidməti pasportu, diplomatik pasportu, Azərbaycan Respublikasında dənizçinin şəxsiyyət sənədi (gəminin şəxsi heyətinin siyahısı və ondan çıxarış olduqda), hava gəmisinin heyət üzvünün vəsiqəsi (uçuş tapşırığında müvafiq qeyd olduğu təqdirdə), Azərbaycan Respublikasına qayıdış şəhadətnaməsi (yalnız Azərbaycan Respublikasına qayıdış üçün) daxil edilir.
Azərbaycan ərazisinə girmə, çıxma və hərəkət etmə üçün Özbəkistan vətəndaşlarının sənədlərinin yeni siyahısı da müəyyənləşir. Siyahıya Özbəkistan Respublikası vətəndaşının, yalnız Özbəkistana qayıtmaq üçün biometrik olmayan pasportu, xaricdə daimi yaşamaq üçün Özbəkistan Respublikasından qeydiyyatdan çıxan vətəndaşlar üçün və Özbəkistan Respublikasına qayıtmaq məqsədilə bütün vətəndaşlar üçün Özbəkistan Respublikası vətəndaşının biometrik pasportu, Özbəkistan Respublikası vətəndaşının xaricə getmək üçün biometrik pasportu, Özbəkistan Respublikasının biometrik diplomatik pasportu, Özbəkistana qayıdış sertifikatı (yalnız Özbəkistana qayıdış üçün), hava gəmisinin heyət üzvünün vəsiqəsi (şəxsi heyətin tərkibində hərəkət etdikdə) və hökumətlərarası feldyeger xidməti əməkdaşının şəxsiyyət vəsiqəsi daxildir.
Sazişə edilən əlavələrə görə, bir tərəfin ərazisinə müvəqqəti olaraq gələn digər tərəfin dövlətinin vətəndaşları olduqları tərəfin dövlətinin səlahiyyətli dövlət qurumlarında qeydiyyatdan keçmək (uçota salınma) öhdəliyindən azad olunurlar, bir şərtlə ki, onların qalma müddəti sazişdə göstərilən, onların şəxsiyyətini müəyyən edən və vətəndaşlığını təsdiq edən sənədlər əsasında dövlət sərhədini keçdikləri andan 15 təqvim günündən artıq olmasın.
Bir tərəfin dövlətinin vətəndaşı digər tərəfin dövlətinin ərazisində 15 təqvim günündən artıq qaldıqda, həmin vətəndaş olduğu tərəfin dövlətinin milli qanunvericiliyinə uyğun olaraq həmin dövlətin səlahiyyətli qurumlarında qeydiyyatdan (uçota durmaq) keçməlidir.
2023-cü il Azərbaycan üçün xüsusilə əlamətdar il oldu. Otuz il ərzində ərazilərimizdə mövcud olan “boz” zonanı aradan qaldıraraq və separatizmə son qoyaraq ölkəmizin suverenliyini, konstitusiya quruluşunu bərpa etdik, bununla da beynəlxalq hüququn və ədalətin təntənəsini özümüz təmin etdik.
Bu sözlər Azərbaycan Respublikasının Prezidenti İlham Əliyevin İslam Əməkdaşlıq Təşkilatına üzv dövlətlərin əmək nazirlərinin Bakıda keçirilən V konfransının iştirakçılarına müraciətində yer alıb.
“Əmək, məşğulluq və sosial müdafiə sahələrində dövlət xidmətlərinin tam elektronlaşdırılması, bu sahələrdə əhaliyə 140-dan artıq elektron xidmətin göstərilməsi və vahid əmək münasibətləri platforması əhaliyə ciddi dəstək mexanizmini formalaşdırıb”.
Bu sözlər Prezident İlham Əliyevin İslam Əməkdaşlıq Təşkilatına üzv dövlətlərin əmək nazirlərinin V konfransının iştirakçılarına müraciətində yer alıb.
“Ölkəmizdə həyata keçirilən kompleks islahatlar nəticəsində məşğulluq imkanları artmış, işsizlik və yoxsulluğun səviyyəsi ciddi şəkildə azalaraq 5,5%-ə düşmüş, sosial ödənişlərdə dəfələrlə artımlar edilmişdir. Təkcə son dörd ildə qəbul edilmiş 4 sosial islahat paketi ilə əhalimizin 40%-i əhatə olunmuş, minimum əməkhaqqı 2,7 dəfə, əməkhaqqı fondu 2,6 dəfə, median əməkhaqqı 2,1 dəfə, minimum pensiya 2,5 dəfə, orta aylıq pensiya isə 2 dəfə artmışdır”, - deyə dövlət başçısı əlavə edib.
2023-cü il Azərbaycan üçün xüsusilə əlamətdar il oldu. Otuz il ərzində ərazilərimizdə mövcud olan “boz” zonanı aradan qaldıraraq və separatizmə son qoyaraq ölkəmizin suverenliyini, konstitusiya quruluşunu bərpa etdik, bununla da beynəlxalq hüququn və ədalətin təntənəsini özümüz təmin etdik.
Bu fikirlər Azərbaycan Respublikasının Prezidenti İlham Əliyevin İslam Əməkdaşlıq Təşkilatına üzv dövlətlərin əmək nazirlərinin Bakıda keçirilən V konfransının iştirakçılarına müraciətində yer alıb.
“İslam Əməkdaşlıq Təşkilatı Ermənistanın Azərbaycana qarşı otuz il davam edən təcavüzünü və işğalçı siyasətini hər zaman pisləmiş, həm İkinci Qarabağ müharibəsi zamanı, həm də postmüharibə dövründə Azərbaycanın haqq işini, ərazi bütövlüyünü daim və ardıcıl şəkildə dəstəkləmişdir. Buna görə İslam Əməkdaşlıq Təşkilatına üzv dövlətlərə minnətdarlığımızı bildiririk.
Təəssüflər olsun ki, işğal illərində şəhər və kəndlərimiz Ermənistan tərəfindən qəsdən dağıdılmış, talan olunmuş, mədəni və dini abidələrimiz məhv edilmişdir. Bundan başqa, Ermənistan işğal altında saxladığı ərazilərimizdə ilkin qiymətləndirmələrə görə bir milyona yaxın mina basdırmış, burada urbisid, kultursid və ekosid törətmişdir. Xalqımızın mədəni irsinə qarşı soyqırımı törətmiş ermənilər məscidlərimizi yerlə-yeksan edərək yalnız bizim deyil, bütün dünya müsəlmanlarının hisslərini təhqir etmişlər. İslam Əməkdaşlıq Təşkilatı əvvəllər işğal altında olmuş ərazilərimizdə İslam tarixi və mədəni abidələrinin, ziyarətgahlarının Ermənistan tərəfindən dağıdılmasını və talan olunmasını qəti şəkildə pisləmiş, məscidlərin təhqir olunmasını şiddətlə qınamışdır. Buna görə İslam Əməkdaşlıq Təşkilatına üzv dövlətlərə və Təşkilatın Baş Katibliyinə bir daha təşəkkürümüzü bildiririk”, – müraciətdə vurğulanıb.
Beynəlxalq Münasibətlərin Təhlili Mərkəzinin ekspertləri Roza Bayramlı və Məryəm İsmayılova “Laçın-Xankəndi yolu ətrafında yaranmış mübahisələr” adlı ingilis dilində hesabat hazırlayıblar.
APA xəbər verir ki, hesabatın yazılmasının əsas məqsədi son 3 ildə Azərbaycanın Qarabağ bölgəsində baş vermiş hadisələri ümumiləşdirərək xarici auditoriyaya çatdırmaqdır.
Hesabatda qeyd olunub ki, son 3 il ərzində Laçın-Xankəndi yolunda baş verən hadisələr ermənilər tərəfindən “blokada”, “etnik təmizləmə”, “humanitar böhran” terminləri altında fəal təbliğ olunub. Vurğulanır ki, Azərbaycanın hər zaman beynəlxalq hüquq normalarına uyğun hərəkət etməsinə baxmayaraq bu müddətdə Ermənistana dəstək verən ölkələrin sayı az deyildi. Hesabatda həm ermənilərin törətdiyi cinayətlər, həm də o “blokada” məsələsinin yalan olduğunu sübut edən faktlar öz əksini tapıb.
Hesabatın ilk fəslində ermənilərin Qarabağda qeyri-qanuni iqtisadi əməliyyatları və nəticədə ekoloji mühitə vurulan zərər haqda məlumat verilib. Burada həm də eko-aktivistlərin etiraz aksiyalarına səbəb olan hadisələr göstərilib. Həmin etiraz aksiyaları da ermənilər tərəfindən “blokada” kimi təqdim olunsa da, təhlildə bunu təkzib edən faktlar göstərilib.
Hesabatın növbəti fəslində Laçın sərhəd-keçid məntəqəsinin qurulmasından əvvəl Ermənistandan Qarabağa qeyri-qanuni yolla daşınan silah-sursat haqqında məlumatlar yer alıb. Bu qanunsuz fəaliyyəti sübut edən vizual faktlar də hesabata əlavə edilib. Hərbi cinayətlərin qarşısını almaq üçün Azərbaycan tərəfindən Laçın-Xankəndi yolunda sərhəd-keçid məntəqəsinin yaradılması və ermənilərin buna kəskin reaksiyası da təhlilə daxil edilib.
Hesabatda Dövlət Sərhəd Xidməti tərəfindən təqdim olunmuş həm cari ilin aprel-sentyabr aylarında Ermənistandan Azərbaycana və Azərbaycandan Ermənistana keçən şəxslərə dair statistik məlumat, həm də yoldan istifadə məhdudiyyətinə gətirən cinayətlərə dair məlumatlar öz əksini tapıb.
Hesabatda Ermənistanın müraciətinə cavab olaraq 16 avqust 2023-cü il tarixində BMT TŞ növbədənkənar iclasında Qarabağdakı vəziyyətlə bağlı müzakirələrin aparılması və iclasın sonunda heç bir sənədin qəbul edilməməsi də vurğulanıb. Hesabata eləcə də ermənilərin “humanitar böhran” şəraitində toy və şənlikləri təşkil etməsinə dair şəkillər də əlavə edilib. Şəkillər Qarabağda yaşayan ermənilərin sosial şəbəkədə etdikləri paylaşımlardan götürülüb.
Təhlilin yekun hissəsində Azərbaycanın regionda sülhün bərqərar olmasının tərəfdarı olduğu və reinteqrasiya proseslərinə hazır olduğu bildirilib.
“İlkin razılaşmaya görə, noyabrın 30-u Ermənistan və Azərbaycanın dövlət sərhədində demarkasiya komissiyasının görüşü keçiriləcək”.
Bu barədə məlumatı Ermənistanın Xarici İşlər Nazirliyi yayıb.
Azərbaycan Respublikasının Prezidenti İlham Əliyev İƏT-ə üzv dövlətlərin əmək nazirlərinin Bakıda keçirilən 5-ci konfransının iştirakçılarına müraciət ünvanlayıb.
Müraciətin mətnini Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının İqtisadi siyasət və sənaye məsələləri şöbəsinin müdiri Natiq Əmirov oxuyub.
Azərbaycan Respublikasının Prezidenti İlham Əliyev noyabrın 23-də BMT-nin Avropa üzrə İqtisadi Komissiyasının (UNECE) icraçı katibi Tatyana Molçanı qəbul edib.
Bu barədə Azərbaycan Prezidentinin Mətbuat Xidmıti məlumat yayıb.