 |
|
Azərbaycan Respublikasında dövlət səfərində olan Qazaxıstan Respublikasının Prezidenti Kasım-Jomart Tokayev martın 12-də Füzuli rayonuna gedib.
Hər iki ölkənin Dövlət bayraqlarının dalğalandığı Füzuli Beynəlxalq Hava Limanında ali qonağın şərəfinə fəxri qarovul dəstəsi düzülüb.
Qazaxıstan Respublikasının Prezidenti Kasım-Jomart Tokayevi Azərbaycan Respublikasının Prezidenti İlham Əliyev qarşılayıb.
Cari ilin hazırlıq planına əsasən, Xüsusi Təyinatlı Qüvvələrin (XTQ) hissə və bölmələri ilə “Dərin qar və şiddətli soyuqlarda döyüş əməliyyatlarının aparılması” mövzusunda keçirilən taktiki-xüsusi təlimdə müxtəlif fəaliyyətlər icra edilib.
Bu barədə Müdafiə Nazirliyi məlumat yayıb.
Bildirilib ki, təlimin planına uyğun olaraq, xüsusi təyinatlılar xəritə üzərində tapşırıqları dəqiqləşdirərək əməliyyat rayonunun dərinliyinə sızıb, şərti düşmənin diversiya qrupunun zərərsizləşdirilməsi üzrə tapşırıqları yerinə yetiriblər.
Həmçinin yüksək dağlıq və çətin keçilən ərazilərdə, eləcə də sərt enişlərdə, sıldırım yamaclarda dağçılıq ləvazimatlarından istifadə etməklə hərəkət qaydaları məşq etdirilib.
Taktiki təlimdə snayperlər fərdi və cütlük şəklində hərəkət, atəş mövqeyinin seçilməsi, maskalanma, müxtəlif məsafələrdə yerləşən hədəflərə atəş açma tapşırıqlarını da müvəffəqiyyətlə icra ediblər.
Bölmələrin idarə edilməsi üzrə komandir heyətinin bilik və bacarıqlarının artırılması, döyüş əməliyyatları və xilasetmə tədbirlərinin aparılması, eləcə də hərbi qulluqçuların praktiki vərdişlərinin təkmilləşdirilməsi məqsədilə keçirilən təlimdə xüsusi təyinatlıların fəaliyyəti yüksək qiymətləndirilib.
Tokayevin Bakı səfəri üç kontekstdə xüsusilə əhəmiyyətlidir.
Birincisi, ikitərəfli münasibətlərin strateji müttəfiqlik səviyyəsinə çatdırılması: Əliyevlə Tokayevin Bakıda səsləndirdiyi fikirlər hər iki tərəfdə bunun üçün siyasi iradənin olduğunu göstərir;
İkincisi, Türk Dövlətləri Təşkilatının perspektivinin gücləndirilməsi: Astana-Bakı strateji müttəfiqliyinin əldə edilməsi TDT-nin inkişafı baxımından da əhəmiyyətlidir, çünki təşkilata üzv ölkələrin fərqli bloklarda təmsil olunması TDT çətiri altında strateji-hərbi müstəvidə kollektiv müqavilələrə ehtiyatlı yanaşmaya səbəb olur; bu baxımdan, TDT daxilində ikitərəfli müqavilələrin imzalanması və bunun təşkilatın birliyi üçün istifadə edilməsi daha real variantdır, Şuşa bəyannaməsi təcrübəsi də var;
Üçüncüsü, Orta Dəhlizin ön plana çıxarılması: Əliyevlə Tokayev Çinin Sian terminalından Abşeron stansiyasına konteyner qatarının gəlişini izləməklə bu marşrutun işlək və effektiv olduğunu nümayiş etdirdi;
Bir-birinə bağlı olan bu məqamlardan birində axsama olarsa, digərlərində də problem yarana bilər, buna görə Qazaxıstanla münasibətlər kompleks xarakter daşıyır. Tokayevin səfəri Nazarbayevdən sonra Qazaxıstanla münasibətlərdə risk ehtimalının yüksək olmadığını da göstərdi.
Rusiya Ermənistanı qəfil işğal edərsə, bölgədə hadisələr necə inkişaf edəcək? Ritorik sualdır. Bir neçə il əvvəl belə bir sual gündəmdə yox idi. Ancaq baş nazir Nikol Paşinyan Rusiyanın çətirindən qurtulmağa çalışınca və Qərbə yaxınlaşmaq istəyini daha gur səsləndirdikcə Kremlin Cənubi Qfaqazdakı son forpostunu itirməmək üçün müxtəlif variantları nəzərdən keçirməyə başlaması və bunların içərisində hərbi müdaxilə planının olduğu istisna deyil. Rusiya iki il əvvəl Ukraynaya qarşı müharibəni “denansifikasiya” bəhanəsiylə, yəni rusları qorumaq adı altında başlamışdı. Rusiya Ermənistanı nəzarətə götürmək üçün də bəhanə tapa bilər. Misal üçün Rusiya Ermənistana “iki ölkə arasında mövcud sazişləri qorumaq məqsədilə” müdaxilə edə bilər. Bu halda Ermənistan ordusunun Ukrayna ordusu kimi Rusiya ilə savaşacağı ehtimalı azdır. Təslim olacaqlar. Bəziləri soruşa bilər ki, buna beynəlxalq reaksiya necə olacaq? Bu Kremlin vecinə də deyil. Məgər Kreml Ukraynaya qarşı işğal müharibəyə qərar verəndə beynəlxalq reaksiyanın necə olacağını nəzərə almışdımı? Kreml Nikol Paşinyanı devirmək istəyərsə, Ermənistandakı hərbi bazasının və yerli radikalların xidmətlərindən istifadə edəcək. Bundan sonra da Kreml “Qarabağ klanı” vasitəsilə Ermənistanda müvəqqəti hökumət formalaşdıracaq.Belə bir ssenari Azərbaycana nə vəd edir? Ermənistanda istənilən hakimiyyətin Azərbaycanla yeni müharibəyə başlamağa potensialı olmayacaq. Ancaq çevriliş əsasında Ermənistanda formalaşa biləcək xunta hökumətin Azərbaycan kəndlərinin geri qaytarması və Zəngəzur dəhlizi məsələsində mövqeyi sərtləşəcək. Xunta hökuməti ilə dilaoq aparılmasının mənası olmayacaq. Üstəgəl həmin xunta hökumətini dəstəkləyən Kremlin Azərbaycana təzyiqi artacaq və Rusiya-Azərbaycan münasibətlərindəki indiki normal axar dəyişəcək. Kreml Ermənistanda istədiyi hökuməti formalaşdırdıqdan sonra Qarabağdakı hərbi kontingenti çıxarmamaq mövqeyini gücləndirəcək. Tehran da Ermənistandakı xunta rejimini dəstəkləyəcək. Bircə, ABŞ və Avropa İttifaqı Ermənistanda xunta rejimini tanımayacaq. Belə olan halda hazırda Ermənistanı hər mənada dəstəkləyən Fransanın da siyasəti dəyişəcək. Bu halda Qərb ölkələri Azərbaycanın dəyərini anlamış olacaqlar.
Əlbəttə, bu yazılanlar ehtimaldır. Ancaq biz bütün mümkün ehtimalları hesablamaq məcburiyyətindəyik. 15-20 il əvvəl Rusiyanın Ukraynaya qarşı müharibəyə başlayacağını ehtimal etmək mümkün deyildi. Ancaq bu baş verdi. Kremlin ipinin üstünə odun yığmaq mümkün deyil. Azərbaycanın Türkiyə ilə strateji müttəfiqliyi və türk dövlətləri ilə inteqrasiyanı gücləndirməsi ən doğru yoldur.
“Atlas” Araşdırmalar Mərkəzi
Türkiyənin xarici işlər naziri Hakan Fidanın Vaşinqtona son səfərinin nəticələrini müsbət qiymətləndirmək olar. Hakan Fidan Vaşinqtona iki günlük səfəri zamanı amerikalı həmkarı Entoni Blinken, Ağ Evin milli təhlükəsizlik müşaviri Ceyk Sallivan, Senatın Xarici Əlaqələr və Kəşfiyyat Komitəsinin üzvləri və Milli Kəşfiyyatın direktoru Avril Hayns ilə müxtəlif mövzuları müzakirə edib. Hakan Fidan Türkiyə-ABŞ münasibətlərini dəyərləndirərkən maraqlı cümlə işlədib: “İki ölkə arasında dialoqu davam etdirərkən yenilənmiş psixologiya, daha müsbət gündəm və yeni səhifə açaraq yolumuza davam etmək imkanımız var. Böhranları idarə etmək üçün hər iki ölkənin yaddaşı və refleksləri var”.Hakan Fidan bununla demək istəyib ki, iki ölkə arasındakı münasibətlərdə həllini gözləyən problemli mövzular (ABŞ-ın Suriya ərazisində PKK-nın törəmə təşkilatlarına dəstəyi, Fətullah Gülənin Pensilvaniya ştatından “təşkilatını” idarə etməsi, razılaşmaların əksinə olaraq F-35 təyyarələrinin Türkiyəyə satışının qadağan edilməsi) olsa da, dialoqdan və tərəfdaşlıqdan qopmaq olmaz. Doğru strategiyadır. Elə buna görə də Fidan amerikalı həmkarı Blinkenlə münasibətlərdə yeni bir dövr açmağa çalışaraq mövcud problemləri idarə etmək, eyni zamanda iki ölkənin istehsal edə biləcəyi ortaq potensial və imkanları reallaşdırmaq vacibliyini bildirib.
Amerikanın dünya proseslərinə təsiri azalsa da, supergüc olaraq qalır. Bu dövlətlə müxtəlif mövzularda razılaşmamaq olar, ancaq Vaşinqtonla bütün körpüləri yandırmaq doğru deyil. Azərbaycanın da ABŞ-ın siyasətindən haqlı narazılıqları var. Buna baxmayaraq, Bakı ilə Vaşinqton arasında dialoq davam edir, enerji və təhlükəsizlik sahəsində ortaq maraqlar var.
Elxan Şahinoğlu
Azərbaycan ilkin mərhələdə 4 kəndin (Bağanis Ayrım, Aşağı Əskipara, Xeyrimli və Qızılhacılı) təhvil verilməsi üçün Ermənistana aprelə (Aprel döyüşlərinin ildönümü) qədər vaxt verib. Əks təqdirdə məsələ hərbi yolla həll olunacaq.***
Azərbaycanın Ermənistanın işğalı altında olan kəndlərinin azad olunmasını tələb etməsi Rusiya və Ermənistanın xəbər agentliklərində əsas xəbər kimi yayılıb. Bu rəsmi Bakının İrəvana ultimatumu kimi qiymətləndirilib. Doğru təsbitdir. İki variant mümkündür. Birinci variant odur ki, baş nazir Nikol Paşinyan durumu doğru qiymətləndirərək Azərbaycanın digər rayonlarına bitişik 4 kəndin geri qaytarılmasına razılaşacaq və bunun vacibliyini ermənilərə anladacaq. Onsuz da həmin kəndlərdə ermənilər yaşamır. İkinci variant isə odur ki, Paşinyan məsələni əvvəlkitək gecikdirməkdə davam edəcək. Bu halda Azərbaycan ordusunun həmin kəndlərə daxil olmaqdan başqa alternativi qalmayacaq. Həmin kəndlərə görə, Ermənistanın Azərbaycanla müharibəyə başlayacağının ehtimalı azdır. Məlum xarici mərkəzlərin Azərbaycana qarşı bəyanatları olacaq, ancaq ölkəmizə qarşı sistemli beynəlxalq təzyiqin olacağı istisnadır. Azərbaycan öz kəndlərini geri qaytaracaq.
Azər Fikrətoğlu
"Hindistan Ermənistan üzərindən Cənubi Qafqazda geosiyasi təsir imkanlarını artırmaq istəyir".Bunu siyasi şərhçi Elçin Alıoğlu "Cebhe.info"-ya açıqlamasında Fransa və Hindistan tərəfindən Ermənistanın silahlandırılmasının regionda yeni bir müharibəyə səbəb olub-olmayacağı ilə bağlı suala cavablandırarkən bildirib.
Qeyd edək ki, Ermənistan bu yaxınlarda Hindistandan 155 milyon dollara 84 ədəd 155 mm-lik “ATAGS” artilleriya sistemi almaq qərarını təsdiqləyib.
Bundan əvvəl, Ermənistan 6 ədəd “ATAGS” qurğusu alıb. Eyni zamanda Ermənistan Hindistan şirkətləri ilə “MArG 155” özüyeriyən haubitsaların və “Akaş” hava hücumundan müdafiə sisteminin alınması üçün daha bir neçə müqavilə imzalayıb.
Hətta bir müddət əvvəl Hindistanın Ermənistana "Brahmos" qanadlı ballistik raketlərini tədarük edəcəyi ilə bağlı məlumatlar da yayılmışdı.
Məsələnin mahiyyətini açıqlayan politoloq Elçin Alıoğlu qeyd edib ki, rəsmi Dehlinin Ermənistana müasir silah-sursat tədarükünün arxasında məhz İslamifobiyaya dayanır:
"Hindistan ilə Ermənistan arasında hərbi-texnika sahədə ikitərəfli əməkdaşlıqla bağlı bir sıra müqavilələr imzalanıb. Bu müqavilələrin ümumi həcmi 444.12 milyon dollar dəyərindədir.
Bu müqavilələrə əsasən Hindistan Ermənistana daha əlavə 155 mm-lik “ATAGS” artilleriya və "Pranaka" reaktiv yaylım atəş sistemləri, həmçinin müxtəlif tipli haubitsalar və radar sistemləri tədarük etməlidir. Amma "Brahmos" qanadlı raketlərinin Ermənistana verilməsi qeyri-mümkündür. "Braharat" şirkəti tərəfindən istehsal olunan bu raketlər uzaqmənzilli ballistik raket sistemləridir və nüvə başlıqlarının daşınması üçün istifadə olunur.
Hindistanın Ermənistanı müasir silahlarla təmin etməkdə məqsədinə gəlincə, hazırda Hindistanın Baş naziri Narendra Modi ifrat dərəcədə şovinist, millətçi və irqçi bir siyasətçidir. Narendra Modinin xarici siyasət doktrinasında iki əsas istiqamət var. Belə ki, Hindistan müdafiədən hücum taktikasına keçir, eləcə də hər hansı ölkənin Pakistanla dərin əməkdaşığı Hindistanın əleyhinədir.
Hindistanın Cənubi Qafqazda geosiyasi maraqlarının olması inkar olunmazdır. Bildirim ki, Pakistan-Britaniya-İsrail-Türkiyə-Azərbaycan əməkdaşlığına qarşı, İran-Ermənistan-Fransa-Hindistan əməkdaşlıq ittifaqı qurulur. Bu ittifaq fonunda Hindistan məhz Ermənistan üzərindən Cənubi Qafqazda geostrateji və geosiyasi mövqeyini möhkəmləndirmək niyyətindədir. Məhz bu səbəbdən rəsmi Ermənistanı müasir silah-sursatla təmin edir.
Bundan başqa, Hindistanın Ermənistanla bağlı xarici siyasətində bir amilə də diqqət yetirmək lazımdır. Rəsmi Dehli Ermənistanı dəstəkləməklə Qərb ölkələrində erməni lobbisindən yararlanmaq istəyir. Heç kəsə sirr deyil ki, ermənin lobbisinin həmin ölkələrin ictimai-siyasi elitasında təsir mexanizmlərinə malikdir.
Qeyd edim ki, Hindistan hərbi sənaye kompleksini məhz Fransa ilə əməkdaşlıq əsasında formalaşdırıb. Yəni, elə müdafiə və hücum xarakterli silahlar var ki, onları Hindistan və Fransa şirkətləri birgə istehsal edir. Məhz Hindistan Fransanın təlimatları əsasında Cənubi Qafqazda hərəkət etməyə başlayıb".
Azərbaycanla Ermənistan arasında III Qarabağ müharibəsi ehtimalına gəlincə, Elçin Alıoğlu deyib ki, Hindistan və Fransanın Ermənistanı silahlandırması hər an bu müharibəyə gətirib çıxara bilər:
"Heç kəs bundan sığortalanmayıb. Ermənistanın silahlandırılması bütün region üçün çox ciddi təhlükə yaradır. Yəni, Ermənistanı Azərbaycanla birbaşa növbəti müharibəyə hazırlayırlar.
Bilirik ki, Ermənistanda revanşist və radikal millətçilik əhval-ruhiyyəsi hələ qalmaqdadır. Ermənistan ictimaiyyətində belə bir xülya dolaşır ki, onların ölkəsi güclənərsə, yenidən Azərbaycanın azad olunan torpaqlarını işğal edəcəklər. Bu xülyalar regional sülhə və sabitliyə böyük zərbədir.
Sözsüz ki, Fransa və Hindistan, hətta İran regiondakı vəziyyətin gərginləşməsindən faydalanacaqlar. Növbəti hərbi toqquşmalar baş verərsə, bu, yalnız Ermənistanın ziyanına olacaq. Ermənistan məhv olunmaq təhlükəsiz ilə üz-üzə qalacaq".
Azərbaycan Respublikasının Prezidenti İlham Əliyevin və Qazaxıstan Respublikasının Prezidenti Qasım-Jomart Tokayevin iştirakı ilə Azərbaycan Respublikası və Qazaxıstan Respublikası Ali Dövlətlərarası Şuranın birinci iclası başlayıb.
Bu barədə Prezidentin Mətbuat Xidməti məlumat yayıb.
Prezident İlham Əliyev "Azərbaycan Respublikası Daxili İşlər Nazirliyinin Daxili Qoşunları hərbi qulluqçularının “Hərbi xidmətlərə görə” medalı ilə təltif edilməsi haqqında" Sərəncam imzalayıb.
Sərəncamla xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiklərinə görə Azərbaycan Respublikası Daxili İşlər Nazirliyi Daxili Qoşunlarının aşağıdakı hərbi qulluqçuları “Hərbi xidmətlərə görə” medalı ilə təltif ediliblər:
Ələkbərov Nicat Vaqif oğlu – polkovnik
Abdulkərimov Tural Akif oğlu – polkovnik-leytenant
Əliyev Telman Elyaz oğlu – polkovnik-leytenant
Həsənov Əli Vaqif oğlu – polkovnik-leytenant
Qurbanov Anar İsa oğlu – polkovnik-leytenant
Məmmədov Xəyyam Loğman oğlu – polkovnik-leytenant
Ağayev Nemət Mir Tahir oğlu – mayor
Əliyev Rasim Nurməmməd oğlu – mayor
Quliyev Malik Əlipənah oğlu – mayor
Məhərrəmov Sətdar Razim oğlu – mayor
Niftəliyev Ayaz Tofiq oğlu – mayor
Məmmədov Bilal Şahin oğlu – kapitan.
Polkovnik Elçin Əli oğlu Məmmədova “general-mayor” ali hərbi rütbəsi verilib. Prezident İlham Əliyev bununla bağlı Sərəncam imzalayıb.Polkovnik Elçin Əli oğlu Məmmədova “general-mayor” ali hərbi rütbəsi verilib. Prezident İlham Əliyev bununla bağlı Sərəncam imzalayıb.