 |
|
Bu gün Azərbaycan postmüharibə dövrünün çağırışlarına uyğun olaraq yeni inkişaf strategiyası ilə inamla irəliləyir, milli dövlət quruculuğunun növbəti şərəfli mərhələsini yaşayır.
Bunu Milli Məclisin bu gün keçirilən iclasında Baş nazir vəzifəsini icra edən Əli Əsədov deyib.
“Fevralın 14-də Milli Məclisdə keçirilmiş andiçmə mərasimində cənab Prezident son 20 ildə Azərbaycanın daxili və xarici siyasətində əldə edilən nailiyyətlər və uğurlar barədə ətraflı danışıb.
Eyni zamanda, andiçmə mərasimində dövlət başçısı ölkəmizin və cəmiyyətimizin hərtərəfli inkişafının əsas istiqamət və hədəflərini müəyyən edən proqram xarakterli geniş çıxış edib. Növbəti dövrdə müdafiə və milli təhlükəsizliyin daha da gücləndirilməsi, hərbi sahədə texnoloji inkişaf və hərbi sənaye kompleksinin təkmilləşdirilməsi, silahlı qüvvələrin maddi-texniki təminatının yaxşılaşdırılması, sərhədlərimizin toxunulmazlığının təmin edilməsi əsas prioritet olacaq. Cəmiyyətimizin həyatının bütün sahələrində, o cümlədən sosial sahədə inkişaf dövlət başçımızın hər zaman diqqət mərkəzində olub və olacaq. Azərbaycan vətəndaşının rifahının yaxşılaşdırılması, o cümlədən şəhid ailələrinin və müharibə əlillərinin sosial müdafiəsinin gücləndirilməsi ən önəmli vəzifə olaraq hökumət qarşısında duracaq.
Təbii ki, cənab Prezident öz çıxışında qeyd etdiyi kimi, sosial rifahla bərabər əhalimizin, əsasən gənclərin təhsili, onların milli-mənəvi dəyərlərə və ənənələrə, azərbaycançılıq prinsiplərinə əsaslanaraq formalaşdırılması, müasir çağırışlara və texnologiyalara yiyələnməsi Dördüncü Sənaye İnqilabı dövründə gələcək inkişafımızın təminatçısı olacaq. Gələcək illərdə dünyada artan rəqabətə hazır olmaq üçün əsas prioritetlərimizdən biri yüksək rəqabətli insan kapitalını formalaşdırmaqdır. Bunun üçün müasir təhsilin, sağlam cəmiyyətin, idmanın, mədəniyyətin, innovasiyaların təşviq edilməsi əsas şərtdir. Əlbəttə ki, bütün bunlara nail olmaq üçün müasir çağırışlara cavab verən dayanıqlı və güclü iqtisadiyyatın, o cümlədən qeyri-neft iqtisadiyyatının sürətli inkişafı, maliyyə müstəqilliyinin daha da gücləndirilməsi təmin edilməlidir. Növbəti dövrdə Azərbaycan Hökumətinin işinin əsas prioritetlərini bu hədəflərin reallaşdırılması, bununla bağlı qarşıda duran vacib çağırışlara çevik reaksiya verilməsi təşkil edəcək. Bu baxımdan 2030-cu ilədək Milli Prioritetləri özündə ehtiva edən “Azərbaycan Respublikasının 2022-2026-cı illərdə sosial-iqtisadi inkişaf Strategiyası”, işğaldan azad olunmuş ərazilərə Böyük Qayıdış Proqramı və digər irimiqyaslı proqramlar bu istiqamətdə fəaliyyətimizin səmərəli şəkildə davam etdirilməsi üçün yaxşı zəmin yaradır. Bu prioritetlərdən biri “Təmiz ətraf mühit və yaşıl artım ölkəsi”dir. Təsadüfi deyil ki, COP29 kimi mötəbər beynəlxalq tədbirin məhz ölkəmizdə elan edilmiş “Yaşıl dünya naminə həmrəylik ili”ndə keçirilir”, - deyə Əli Əsədov qeyd edib.
Milli Məclis Əli Əsədovun Baş nazir təyin edilməsinə razılıq verib.
Azərbaycan Respublikasının Prezidenti İlham Əliyev tərəfindən bu vəzifəyə namizədliyi irəli sürülüb.
Həmçinin oxu: Hökumət qarşısında ən önəmli vəzifə bu olacaq - Nazir açıqladı
Əli Əsədovun namizədliyinin irəli sürülməsi spiker Sahibə Qafarova tərəfindən elan edilib.
Milli Məclis Konstitusiyanın 118-ci maddəsinin 2-ci hissəsinə uyğun olaraq, Azərbaycan Respublikası Prezidentinin təqdimatına əsasən Əli Əsədovun Baş nazir təyin edilməsinə razılıq verib.
***
Milli Məclisin bu gün keçirilən iclasında Azərbaycan Respublikasının yeni baş naziri seçilməsini müzakirə edir.
Milli Məclis sədri Sahibə Qafarova bildirib ki, Prezident Əli Əsədovun yenidən baş nazir seçilməsi barədə namizədliyini irəli sürüb və bununla sənəd parlamentə daxil olub.
Məsələ parlamentdə müzakirə olunmaqdadır.
Ölkə.Az xəbər verir ki, Milli Məclisin bu gün keçirilən iclasında Azərbaycan Respublikasının yeni baş naziri seçilməsini müzakirə edir.
Milli Məclis sədri Sahibə Qafarova bildirib ki, Prezident Əli Əsədovun yenidən baş nazir seçilməsi barədə namizədliyini irəli sürüb və bununla sənəd parlamentə daxil olub.
Məsələ parlamentdə müzakirə olunmaqdadır.
Milli Məclisin yaz sessiyası üzrə növbəti plenar iclası başlayıb.
Sahibə Qafarovanın sədrliyi ilə keçirilən iclasın gündəliyinə 7 məsələnin müzakirəsi daxil edilib.
Həmin məsələlər aşağıdakılardır:
1. “Su təchizatı və tullantı suları haqqında” qanunda dəyişiklik edilməsi barədə qanun layihəsi (birinci oxunuş)
2. Azərbaycanın 1994-cü il 8 fevral 782 nömrəli Qanunu ilə təsdiq edilmiş “Azərbaycan Respublikasının Konsul Nizamnaməsi”ndə dəyişiklik edilməsi haqqında qanun layihəsi (birinci oxunuş)
3. Mülki Prosessual Məcəllədə dəyişiklik edilməsi haqqında qanun layihəsi (birinci oxunuş)
4. “Hərbi vəzifə və hərbi xidmət haqqında” qanunda dəyişiklik edilməsi barədə qanun layihəsi (ikinci oxunuş)
5. “Avtomobil yolları haqqında” qanunda dəyişiklik edilməsi barədə qanun layihəsi (ikinci oxunuş)
6. “Qida təhlükəsizliyi haqqında” qanunda dəyişiklik edilməsi barədə qanun layihəsi (ikinci oxunuş)
7. Şəhərsalma və Tikinti Məcəlləsində dəyişiklik edilməsi haqqında qanun layihəsi.
Bundan başqa, "Əli Əsədovun Azərbaycan Respublikasının Baş naziri vəzifəsinə təyin edilməsinə razılıq verilməsi haqqında" məsələ də Milli Məclisin bu gün keçiriləcək iclasının gündəliyinə daxil edilib.
Azərbaycanın Ermənistana heç bir ərazi iddiası yoxdur.Bu sözləri Axar.az-a açıqlamasında politoloq Turab Rzayev Ermənistanda azərbaycanşünas ekspert kimi tanınan Armine Adibekyanın Azərbaycanın Göyçə gölünü sərhəd gölünə çevirmək planı ilə bağlı açıqlamasını şərh edərkən deyib.
“Düşünürəm ki, Azərbaycan dövlətinin uzunmüddətli dövrdə coğrafiyada fərqli dəyişiklər ola bilər. Bu tarixin təbii inkşaf axarıdır. 100 il əvvəl Ermənistan dövləti yox idi. 200 il əvvəl bölgədə Rusiya yox idi və fərqli imperiyalar var idi. İndi tamam fərqli mənzərədir. Ən azından dövlətin siyasi strategiyasında və strateji xəritələrində bu cür hallar mövcud ola bilər. Gələcəkdə də heç kim bu cür sərhəd dəyişikliklərindən sığortalanmayıb. İndiki halda Ermənistan tərəfindən bu cür çıxışlar daha çox Azərbaycanı aqresiv, işğalçı kimi göstərməyə hesablanıb. Burada əsas məqsəd həm Ermənistan cəmiyyətində Nikol Paşinyana qarşı müqavimət formalaşdırmaq, həm də Azərbaycanı dünyada Ermənistana qarşı aqressiv kimi təqdim etmək cəhdidir”, - Rzayev bildirib.
Əlillərin və şəhid ailələrinin icbari şəxsi sığorta vəsaiti hesabına sosial müdafiəsinin maliyyələşdirilməsi müddəti uzadılıb.
Bu, Prezident İlham Əliyevin “Müharibə ilə əlaqədar əlilliyi müəyyən edilmiş şəxslərin və şəhid ailələrinin sosial müdafiəsi və sosial təminatı ilə bağlı tədbirlərin dövlət icbari şəxsi sığorta vəsaiti hesabına maliyyələşdirilməsi haqqında” Sərəncamda etdiyi dəyişiklikdə öz əksini tapıb.
Dəyişikliyə əsasən, Əmək və Əhalinin Sosial Müdafiəsi Nazirliyi müharibə ilə əlaqədar əlilliyi müəyyən edilmiş şəxslərin və şəhid ailələrinin sosial müdafiəsi və sosial təminatı ilə bağlı tədbirlərin maliyyələşdirilməsini əlavə olaraq 2022-ci və 2025-cü illərdə formalaşmış dövlət icbari şəxsi sığorta vəsaiti hesabına həyata keçirəcək.
Xatırladaq ki, indiyədək bu müddət 2022-ci və 2023-cü illəri əhatə edirdi.
Almaniya Federativ Respublikasının Kansleri Olaf Şolts İlham Əliyevi Azərbaycan Prezidenti seçilməsi münasibətilə təbrik edib.
"Report"un verdiyi məlumata əsasən təbrikdə deyilir:
"Çox hörmətli cənab Prezident.
Yenidən Azərbaycan Respublikasının dövlət başçısı seçilməyiniz münasibətilə Sizi təbrik edirəm.
Almaniya bundan sonra da Azərbaycana modernləşmə kursunda və hüquqi dövlətçilik strukturlarının möhkəmləndirilməsi yolunda dəstək verməyə hazırdır.
Sizinlə Münxen Təhlükəsizlik Konfransında görüşəcəyimizə şadam.
Ali dövləti fəaliyyətinizdə Sizə uğurlar arzulayıram".
“Demarkasiya prosesində yeni sərhədlər deyil, Alma-Ata Bəyannaməsi ilə müəyyən edilmiş sərhədlər yaradılmalıdır”.Ermənistanın xarici işlər naziri Ararat Mirzoyan Brüsseldə Avropa İttifaqının xarici işlər və təhlükəsizlik siyasəti üzrə ali nümayəndəsi Josep Borel ilə keçirdiyi birgə mətbuat konfransında belə deyib.
Ermənistanın xarici işlər naziri Ararat Mirzoyan Ermənistan-Azərbaycan danışıqlarındakı hazırkı vəziyyətə toxunub.
Onun sözlərinə görə, Ermənistanın bu istiqamətdə irəliləmək üçün siyasi iradəsi var.
“Biz Ermənistanın regionda sülh və təhlükəsiz mühit yaratmaq səylərində üzləşdiyi bütün problemləri müzakirə etdik. Mən 2022-ci ilin oktyabrında Praqada qəbul edilmiş dördtərəfli Bəyanatın nəticəsi olaraq qəbul edilmiş bəyanatda təsbit olunmuş razılaşmalara, həmçinin Avropa Şurasının rəhbəri Şarl Mişelin Ermənistan və Azərbaycan liderləri ilə görüşlərinin yekunlarına dair bəyan etdiyi razılaşmalara Ermənistan Respublikasının sadiqliyini bir daha təsdiqlədim.
Biz inanırıq ki, Ermənistan və Azərbaycan 1991-ci il Alma-Ata Bəyannaməsinə əsaslanaraq bir-birinin ərazi bütövlüyünü tanıdıqlarını təsdiq etməlidirlər və Sovet səlahiyyətli orqanları tərəfindən təsdiq edilmiş son xəritələr iki ölkə arasında sərhədlərin demarkasiyası və delimitasiyası üçün əsas olmalıdır.
Bu o deməkdir ki, demarkasiya prosesində yeni sərhədlər deyil, Alma-Ata Bəyannaməsi ilə müəyyən edilmiş və sonradan tərəflər tərəfindən təsdiqlənmiş sərhədlər yerlərdə öz əksini tapmalıdır”, - Mirzoyan belə deyib.
O, həmçinin regional kommunikasiyaların açılması perspektivlərinə də toxunub.
Mirzoyan bildirib ki, regional kommunikasiyaların açılması qarşılıqlılıq, bərabərlik prinsipləri əsasında, eləcə də ölkələrin suverenliyi və yurisdiksiyası altında baş verməlidir:
“Biz Ermənistan hökumətinin təqdim etdiyi “Sülh yollarının kəsişməsi” layihəsi və onun sülh gündəliyinin bir hissəsi kimi həyata keçirilməsi, regionda qarşılıqlı əlaqəni artırmaq üçün real imkan barədə fikir mübadiləsi apardıq. Biz gözləyirik ki, Azərbaycan konstruktiv şəkildə danışıqlar masasına qayıdacaq və əldə olunmuş razılaşmalara sadiq qalacaq. Ermənistanda da oxşar siyasi iradə var”.
Qeyd edək ki, Ararat Mirzoyanın Alma-Ata Bəyannaməsi ilə sərhədlərin yaradılmasını təklif etməklə sərhədlərin delimitasiya və demarkasiya prosesinin 1991-ci il xəritələri əsasında aparılmasını təklif edir. Bununla da Ermənistan XİN rəhbəri sərhədlərin müəyyənləşməsi ilə bağlı iki məqama toxunub.
Birincisi, Mirzoyan demarkasiya zamanı yeni sərhədlərin çəkilməsini inkar edir. Yəni nazir rəsmi İrəvanın Sovet dövründən əvvəlki, yəni 1918-1920-ci illərə aid, həmçinin Azərbaycan və Ermənistan arasında formalaşmaqda olan yeni hərbi-siyasi vəziyyətə uyğun xəritələrdən istifadənin əleyhinə olduğunu bildirir.
Mirzoyan ikinci məqam kimi, Ermənistanın Sovet dövrünün xəritələri əsasında sərhədlərin müəyyənləşməsinin tərəfdarı olduğunu diqqətə çatdırır. Çünki müasir Azərbaycan dövləti 1918-1920-ci illərdə mövcud olmuş Azərbaycan Xalq Cümhuriyyətinin siyasi varisidir. Sovet dövründə Azərbaycan torpaqları daxili qərarla qanunsuz olaraq, Ermənistana pay verilib.
Sərhədlərin delimitasiyası və demarkasiyası zamanı Azərbaycan Ermənistana verilmiş 20 min kvadrat kilometrdən artıq ərazinin böyük hissəsini geri tələb edə bilər. Ona görə də Mirzoyan 1991-ci il xəritələrini gündəmə gətirməklə keçmiş Ermənistan SSR-in inzibati sərhədlərinin saxlanılmasını təklif edir və bunu Alma-Ata Bəyannaməsi ilə hüquqi cəhətdən əsaslandırmağa çalışır.
Nazir hər iki ölkənin də ərazi bütövlüyünün və suverenliyinin məhz bu sərhədlər çərçivəsində tanınmasını vacib hesab edir. Lakin Ermənistan XİN rəhbəri birbaşa və ya açıq mətnlə “1991-ci il xəritələri” ifadəsini işlətməkdən yayınır. Əvəzində, Ararat Mirzoyan “Sovet səlahiyyətli orqanları tərəfindən təsdiq edilmiş son xəritələr” sözünü dilə gətirib. Çünki Ermənistan Alma-Ata Bəyannaməsinin imzalanmasından sonra Azərbaycan ərazilərini işğal etməklə öz sərhədlərindən imtina edib.
Ermənistanın 1991-ci ildə müstəqillik əldə edildikdən sonra Azərbaycanla mövcud olmuş sərhədləri artıq yoxdur.
Ona görə yeni sərhədlər çəkilməlidir. Ermənistan rəsmiləri bunu bildiyinə görə delimitasiya və demarkasiya prosesinin 1974-1978-ci illərin xəritələri əsasında aparılmasını istəyir. Hətta Ermənistan Xarici İşlər Nazirliyinin sülh müqaviləsinin mətninə daxil etmək üçün yanvarın 4-də Azərbaycan tərəfinə göndərdiyi təklifdə sərhədlərin 1974-1978-ci illər xəritələri əsasında delimitasiya və demarkasiya edilməsi təklif edilib.
Ancaq Azərbaycanın buna razılıq verməməsi hər iki ölkənin sərhədlərin delimitasiyası üzrə komissiyaların yanvarın 31-də keçirilən görüşünün nəticəsiz başa çatması ilə nəticələnib. Mirzoyanın açıqlamasında vurğuladığı digər sətiraltı məqam isə sonuncu topoqrafik xəritələrin 1975-ci ildə tərtib olunması ilə bağlıdır. 1991-ci ildə nəşr olunmuş xəritələr məhz 1975-ci il topoqrafik xəritələri əsasında hazırlanıb.
Mirzoyan da “Sovet səlahiyyətli orqanları tərəfindən təsdiq edilmiş xəritələr” deyərkən 1975-ci ili nəzərdə tutur. Lakin 1975-ci ildən sonra Ermənistan Azərbaycandan xeyli ərazi qoparıb. 1975-ci ildə Qərbi Zəngəzur dağının Vişlan düzü və Yağlıdərə yaylaları, 1982-1984-cü illərdə Qazax rayonunun 2000 hektara yaxın torpaq sahəsi, 1984-cü ildə Qaragöl gölünün 74 faizi və digər ərazilər Sov. İKP MK plenumunun qərarları ilə qanunsuz olaraq Ermənistana verilib.
Ona görə də Ermənistan həmin əraziləri özündə saxlamaqla 1991-ci ilin xəritələri əsasında sərhədlərin müəyyənləşməsini istəyir. Ancaq sərhədlərin delimitasiyası və demarkasiyası prosesində Alma-Ata Bəyannaməsinin və ya 1991-ci il xəritələrinin əsas götürülməsi Azərbaycanın ərazi bütövlüyü və suverenliyinə ciddi təhlükə yarada bilər.
Çünki qeyd edilən sənədin imzalanmasından əvvəl, yəni 1989-cu il dekabrın 1-də Ermənistan Ali Soveti və keçmiş Dağlıq Qarabağ Muxtar Vilayətinin Milli Şurası Qarabağın Ermənistana birləşməsinə dair qərar çıxarıb. 1990-cı ilin yanvar ayında Kərki kəndi, 1990-cı ilin avqust ayında isə Qazax rayonunun Bağanıs Ayrım kəndi Ermənistan tərəfindən işğal olunub.
Əgər Azərbaycan 1991-ci il xəritələrinə razılıq verərsə, Ermənistan hakimiyyəti bu qərarın Alma-Ata Bəyannaməsindən əvvəlki dövrə aid edilmədiyini, yəni razılaşmanın geriyə qüvvəsinin olmadığını əsas gətirərək Qarabağa yenidən ərazi iddiası ortaya qoya bilər. Bu halda Qarabağın Ermənistana birləşməsini nəzərdə tutan Müstəqillik Bəyannaməsinə istinad hissəsinin Ermənistan Konstitusiyasından çıxarılacağına dair vədlər yerinə yetirilməyəcək.
Üstəlik, ermənilərin kütləvi şəkildə Qarabağa qaytarılması məsələsi gündəmə gətirilə bilər. Azərbaycan 1991-ci il xəritələrinə razılaşarsa, Ermənistan Kərki və Bağanıs Ayrım kəndlərini qaytarmaqdan imtina edəcək. Halbuki, həmin kəndlər işğal altındadır və Azərbaycanınm suveren ərazisi olduğuna görə qeyd-şərtsiz azad edilməlidir.
Bundan başqa, 1991-ci il xəritələri Ermənistanın Gədəbəy rayonunun Başkənd kəndinə ərazi iddiası ortaya qoyması üçün hüquqi əsas yaradır. Qeyd edilən səbəblərdən Alma-Ata Bəyannaməsi sərhədlərin delimitasiyası və demarkasiyası üçün əsas səbnəd kimi götürülə bilməz. Eyni zamanda, həmin bəyannaməyə imza atmış ölkələr arasında ərazi münaqişələri baş verdiyinə görə bu sənəd hüquqi qüvvəsini itirib.
Müşfiq Abdulla - “Cebhe.info”
Azərbaycan Xarici İşlər Nazirliyi Rusiyanın ölkəmizdəki səfiri Mixail Yevdokimovun “İzvestiya” qəzetində dərc edilmiş müsahibəsində rus sülhməramlıları ilə bağlı söylədiklərinə münasibət bildirib. Nazirliyin mətbuat sözçüsü Ayxan Hacızadə bildirib ki, Azərbaycan, Ermənistan və Rusiya rəhbərləri arasında imzalanmış Üçtərəfli bəyanata əsasən, rus sülhməramlılarının Qarabağda qalma müddəti 2025-ci ildə yekunlaşır. O qeyd edib ki, Azərbaycan tərəfindən ötən il bölgədə həyata keçirilmiş antiterror tədbirlərindən sonra, sülhməramlı kontingentin gündəlik fəaliyyəti, onların müxtəlif ehtiyacları ilə bağlı mütəmadi görüşlər keçirilməsi və müzakirələr aparılması ehtiyacı yaranıb: "Bununla yanaşı, sülhməramlıların yerləşdiyi ərazilərimizdə Ermənistan silahlı qüvvələri tərəfindən son 3 il ərzində genişmiqyaslı minalanma fəaliyyəti aparıldığı və ərazidə partlamamış hərbi sursat problemi nəzərə alınaraq, bu təhdidlərin aradan qaldırılması istiqamətində birgə səylərin həyata keçirilməsi üzrə məsləhətləşmələr aparılması zərurəti mövcuddur". Xatırladaq ki, Rusiyanın ölkəmizdəki səfiri 2025-ci ildə rus sülhməramlılarının Azərbaycanda qalma müddətinin əlavə olaraq uzadıla biləcəyindən danışmışdı."Atlas" Araşdırmalar Mərkəzinin rəhbəri Elxan Şahinoğlu "Sherg.az"a deyib ki, Rusiya rəsmiləri və diplomatları hər dəfə “Rusiya hərbi kontingenti 2025-ci ildən sonra da bölgədə qala bilər” dedikcə Azərbaycan rəsmiləri və diplomatları “sülhməramlıların qalma müddəti 2025-ci ildə yekunlaşır” cavabını verirlər. Ekspertin sözlərinə görə, bununla iki ölkə rəsmiləri və diplomatları arasında qiyabi polemika gedir:
"Rusiya “qalmaq istəyirik” dedikcə, Azərbaycan “qalmaq müddətiniz gələn il bitir” cavabını verir. Moskvadan bir ara açıqlama gəldi ki, guya, Rusiya hərbi kontingenti ərazidə minaların zərərsizləşdirilməsi ilə məşğul olacaq. Ancaq Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadənın bugünkü açıqlamasından bəlli olur ki, Rusiya hərbi kontingenti minaların zərərsizləşdirilməsinə maraq göstərmir. Əks halda azərbaycanlı diplomat “ərazidə partlamamış hərbi sursat problemi nəzərə alınaraq, bu təhdidlərin aradan qaldırılması istiqamətində birgə səylərin həyata keçirilməsi üzrə məsləhətləşmələr aparılması zərurəti mövcuddur” cümləsini işlətməzdi. Deməli, minaların zərərsizləşdirilməsiylə bağlı ortaq fəaliyyət yoxdur. Lap yaxşı, bu bizim bir il sonra Qarabağda işsiz-gücsüz qalan Rusiya hərbi kontingentini evinə yol salmağımızı asanlaşdıracaq".
Azərbaycan Respublikasının Prezidenti İlham ƏliyevSerbiya Respublikasının Prezidenti Aleksandar Vuçiçə təbrik məktubu göndərib.
Məktubda deyilir:
“Serbiya Respublikasının milli bayramı münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edirəm.
Sizin qətiyyətli liderliyiniz sayəsində dost Serbiya hərtərəfli inkişaf edir və böyük uğurlara imza atır. Keçən ilin sonunda ölkənizdə baş tutmuş növbədənkənar parlament seçkilərinin nəticələri Sizin həyata keçirdiyiniz ümummilli siyasətə, əzmkar fəaliyyətinizə xalqınızın dəstəyini, Sizə olan inam və etimadı bir daha bariz şəkildə təsdiq etdi.
Biz xoş ənənələrə əsaslanan, qarşılıqlı hörmət və dəstək kimi sağlam təməllər üzərində qurulmuş Azərbaycan-Serbiya əlaqələrinin inkişafına böyük əhəmiyyət veririk. Ölkələrimiz arasında dostluq əlaqələrinin möhkəmlənməsi, səmərəli əməkdaşlığın və strateji tərəfdaşlığın gündən-günə genişlənməsi bizi çox sevindirir. Beynəlxalq təşkilatlar çərçivəsində qarşılıqlı dəstəyimizi xüsusi qeyd etmək istərdim.
Siyasi əlaqələrimizin yüksək səviyyəsi, qarşılıqlı ali səfərlər və davamlı təmaslarımız bütün sahələr üzrə fəaliyyətimizin yeni məzmunla zənginləşməsində mühüm rol oynayır. Bu yaxınlarda Serbiya-Bolqarıstan Qaz İnterkonnektorunun açılışı enerji sahəsində uğurlu və davamlı əməkdaşlığımızın növbəti əyani nümunəsidir.
Hazırda ikitərəfli gündəliyimizdə duran məsələlərin əhatə dairəsi olduqca genişdir. İnanıram ki, xalqlarımızın mənafelərinə uyğun olaraq Azərbaycan-Serbiya dostluğu və əməkdaşlığının böyük potensialından tam şəkildə istifadə etmək və strateji tərəfdaşlığımızı daha da gücləndirmək məqsədilə birgə səylərimizi bundan sonra da müvəffəqiyyətlə davam etdirəcəyik.
Belə bir xoş gündə Sizə möhkəm cansağlığı, xoşbəxtlik, işlərinizdə uğurlar, dost Serbiya xalqına daim əmin-amanlıq və rifah arzulayıram”.