Azərbaycan Respublikasının Baş naziri Əli Əsədov İİR-nin Prezidentinin andiçmə mərasimində iştirak etmək üçün Tehrana gəlib.

Bu bardə Nazirlər Kabinetindən xəbər verilib.

Prezident İlham Əliyev Torpaq Məcəlləsində dəyişiklik edilməsi haqqında qanunu təsdiqləyib.

"Yenilənmiş Məcəlləyə əsasən, yay və qış otlaqları, örüş və biçənək sahələri istisna edilməklə, kənd təsərrüfatı məhsullarının istehsalı və emalı məqsədilə kənd təsərrüfatı yerlərinin məqsədli təyinatının dəyişdirilməsi torpaq sahələrinin mülkiyyətçiləri (onların razılığı ilə istifadəçiləri və icarəçiləri) tərəfindən həyata keçirilir və onların müraciəti əsasında daşınmaz əmlakın dövlət reyestrində qeydiyyat aparıldığı andan başa çatır.

Bundan başqa, Məcəlləyə aşağıdakı məzmunda yeni maddə əlavə edilib:

Kənd təsərrüfatı təyinatlı torpaqlarda tikililər

1. Kənd təsərrüfatı məhsullarının istehsalı və emalı üçün nəzərdə tutulmuş, habelə işçilərin (personalın) müvəqqəti yaşaması məqsədləri üçün yaşayış təyinatlı əsaslı tikililər sahəsi 5 hektardan az olmayan və vahid sərhəd daxilində yerləşən kənd təsərrüfatı təyinatlı torpaq sahələrinin (yay və qış otlaqları, ümumi istifadədə örüş sahələri istisna olmaqla) 1 faizindən artıq olmayan hissəsində inşa edilə və quraşdırıla bilər. Həmin tikililərin inşa edilməsinə və quraşdırılmasına torpaq sahəsinin mülkiyyətçisinin (onun yazılı razılığı ilə istifadəçisinin və ya icarəçisinin) müraciəti əsasında Azərbaycan Respublikasının Şəhərsalma və Tikinti Məcəlləsinə uyğun olaraq icazə verilir. Bu məqsədlər üçün torpaq sahəsinin kateqoriyasının və məqsədli təyinatının dəyişdirilməsi tələb olunmur.

2. İstixanalar və suvarma infrastrukturlarının inşası və quraşdırılması zamanı bu maddənin 1-ci hissəsində nəzərdə tutulan torpaq sahələrinin minimum həddinə və tikinti əmsalının maksimum ölçülərinə dair məhdudiyyətlər tətbiq edilmir.

3. Kənd təsərrüfatı məhsullarının istehsalı və emalı üçün inşa edilmiş tikililər, işçilərin (personalın) müvəqqəti yaşaması məqsədləri üçün yaşayış təyinatlı tikililər, tikintisinə icazə tələb olunan suvarma infrastrukturu və istixanalar üzərində hüquqlar “Daşınmaz əmlakın dövlət reyestri haqqında” Azərbaycan Respublikasının Qanunu ilə müəyyən edilmiş qaydada daşınmaz əmlakın dövlət reyestrində dövlət qeydiyyatına alınır.

4. Tikinti əmsalından tam istifadə edildikdə torpaq sahəsinin əsaslı tikili olmayan hissəsi başqa şəxsin mülkiyyətinə və ya istifadəsinə keçdikdə, torpaq sahəsinin həmin hissəsinin yenidən tikinti əmsalına cəlb edilməsinə yol verilmir. Bu qadağa həmin hissənin bölündüyü və ya digər torpaq sahəsinə birləşdirildiyi hallara da şamil edilir.

5. Tikinti əmsalından qismən istifadə edildikdə, torpaq sahəsinin əsaslı tikili olmayan hissəsi başqa şəxsin mülkiyyətinə və ya istifadəsinə keçdikdə, həmin hissədə tikililərin inşası üçün yol verilən hədd müvafiq icra hakimiyyəti orqanının müəyyən etdiyi orqanın (qurumun) təsdiq etdiyi qaydaya uyğun olaraq hesablanır.

6. Bu maddənin 4-cü hissəsində nəzərdə tutulmuş məhdudiyyət və 5-ci hissəsinə əsasən hesablanan tikintinin yol verilən hədləri yalnız inşa edilmiş əsaslı tikilinin mövcud olduğu dövrdə tətbiq olunur.

7. Kənd təsərrüfatı təyinatlı torpaq sahəsində layihələndirilən tikinti obyektinin tikinti layihəsində həmin obyektin inşası üçün bu maddənin 1-ci hissəsində müəyyən olunan faiz nisbəti nəzərə alınmaqla torpaq sahəsinin tələb olunan hissəsinin sərhədləri ayrıca göstərilir.

8. Kənd təsərrüfatı təyinatlı torpaq sahəsinin tikinti əmsalına cəlb edilməsi və tikinti əmsalı tətbiq edilən torpaq sahəsi barədə məlumatlar daşınmaz əmlakın dövlət reyestrində və dövlət torpaq kadastrında saxlanılan məlumatlara əlavə edilməsi üçün tikintiyə və istismara icazə verən orqan (qurum) tərəfindən daşınmaz əmlakın dövlət reyestrinə ötürülür.

9. Bu maddənin 1-ci hissəsinə uyğun olaraq inşasına yol verilən tikinti obyektlərinin kənd təsərrüfatı məhsullarının istehsalı və emalı məqsədləri üçün istifadəsi halları istisna olmaqla, torpaq sahəsinin kateqoriyası dəyişdirilmədən digər məqsədlər üçün istifadəsinə və istismar təyinatının dəyişdirilməsinə yol verilmir.

Prezident İlham Əliyev Sumqayıt Kimya Sənaye Parkının ərazisinin genişləndirilməsi haqqında Sərəncam imzalayıb.

Yol-xeber.az-ın xəbərinə görə, Sərəncamla Nazirlər Kabinetinə Sumqayıt Kimya Sənaye Parkının ərazisinin genişləndirilməsi məqsədilə Sumqayıt şəhərinin inzibati ərazisində yerləşən və bu Sərəncama əlavə olunan Azərbaycan Respublikası İqtisadiyyat Nazirliyinin tərtib etdiyi yerquruluşu planlarında göstərilmiş, dövlət mülkiyyətinə aid 29,63 hektar (Azərbaycan Respublikası Dövlət Neft Şirkətinin “Azərikimya” İstehsalat Birliyinin istifadəsində olan 26,86 hektar və həmin torpaq sahəsinə bitişik 2,77 hektar) torpaq sahəsinin icarəyə vermək hüququ ilə həmin Nazirliyin tabeliyində İqtisadi Zonaların İnkişafı Agentliyinin istifadəsinə verilməsi ilə bağlı iki ay müddətində tədbirlər görüb Azərbaycan Prezidentinə məlumat vermək tapşırılıb.

İqtisadiyyat Nazirliyi, Dövlət Neft Şirkəti və Sumqayıt Şəhər İcra Hakimiyyəti Sərəncamdan irəli gələn məsələlərin həlli üçün zəruri tədbirlər görməlidir.

Kremldə əmindirlər ki, ABŞ prezidentləri, kimliyindən asılı olmayaraq, yalnız səhnə arxasından verilən təlimatları yerinə yetirən icraçılardır... Rusiya siyasi dairələri bu iddialarla Donald Trampın sülh cəhdlərinin uğur qazanma ehtimalını şübhə altına almağa cəhd göstərirlər...
Dünya böyük savaşın içərisində çabalayır. Hazırda beynəlxalq məkanda hətta iqtisadi münasibətlər də müharibə şəraitinə uyğun qurulmağa başlayıb. Yəni, indi dünyada, xüsusilə də, Avrasiya məkanında hərbi iqtisadiyyat anlayışı daha ön plana keçib. Və bu, yaxın gələcəkdə bəşəriyyətin daha ağır savaş vəziyyətinə düçar ola biləcəyinin ilkin əlamətlərindən biri hesab olunur.

Onu da qeyd etmək lazımdır ki, hazırda əsas müzakirə mövzularından biri də məhz Ukrayna savaşının gələcək inkişaf istiqamətlərinin necə ola biləcəyi ilə birbaşa bağlıdır. Belə ki, bu mövzuda konkret ortaq qənaət hələlik mövcud deyil. Bəzi beynəlxalq güc mərkəzləri hesab edirlər ki, Ukrayna savaşı hələ uzun müddət davam edə bilər. Bu mövqenin daşıyıcıları hətta hesab edirlər ki, Ukrayna savaşını son hədəfinə çatmadan dayandırmaq olmaz.

Bu isə o deməkdir ki, Qərbdə Rusiyanın məğlub edilmədən savaşdan çıxmasına imkan verilməsi gələcəkdə daha böyük fəlakətlərə yol aça biləcəyindən narahatdırlar. Ona görə də, nəyin bahasına olursa-olsun, Rusiyanın zəiflədilməsini və son nəticədə məğlub olunmasını vacib, hətta taleyüklü hədəf kimi qəbul edirlər. Və bu, hazırda qlobal sülh tərəfdarlarının Ukrayna savaşını dayandırmaq cəhdləri qarşısında əsas əngəl hesab oluna bilər.

İkinci istiqamət isə ondan ibarətdir ki, qlobal sülh tərəfdarları Ukrayna savaşının ən qısa zamanda dayandırmasını bütün dünya üçün yeganə xilas yolu kimi təqdim edirlər. Onların fikrincə, Ukrayna savaşı qlobal müharibəyə çevrilmə perspektivlərinə malikdir. Belə ki, hazırda həm Ukraynanı, həm də Rusiyanı dəstəkləyən dövlətlər arasında qlobal qütbləşmə beynəlxalq düşərgə düşmənçiliyinə çevrilib. Bu proses hansısa mərhələdə hər iki düşmən qütbün Ukrayna savaşına birbaşa müdaxilə etməsinə qədər inkişaf edə bilər.

Təbii ki, bu, ən təhlükəli təhlükə variantı sayılır. Çünki bu halda, dünya yeni qlobal savaşa məhkum duruma düşmüş olacaq. Qlobal savaşda məğlub olmaq təhlükəsi ilə qarşı-qarşıya qalan qütbün təmsilçilərinin isə ən taleyüklü mərhələdə nüvə silahından istifadə etməyə qərar verməyəcəklərinə təminat isə qətiyyən yoxdur. Yəni, qlobal düşmən qütblərin bir-birinə nüvə zərbəsi endirmə təhlükəsi qətiyyən istisna deyil. Və bu, o deməkdir ki, Ukrayna savaşı davam edəcəyi təqdirdə, dünyanı nüvə müharibəsinə sürükləmək perspektivlərini aktual saxlayır.

Maraqlıdır ki, hazırda Ukrayna savaşının dayandırılması istiqamətində başladılmış prosesi ABŞ-ın keçmiş prezidenti Donald Tramp koordinasiya edir. Ağ Evin keçmiş sahibi hələ də bu savaşı ən qısa zamanda sülh masasında sona çatdıra biləcəyinə əmindir. Onun fikrincə, Ukrayna savaşının dayandırılması yeni qlobal müharibə təhlükəsindən yayınmaq anlamı daşıyır. Və Donald Tramp ABŞ-da keçiriləcək prezident seçkilərində qalib gələcəyi təqdirdə, buna nail olmağı özünün əsas hədəfi hesab edir.

Maraqlıdır ki, Donald Trampın bu mövqeyi Qərbdə bir çoxlarını ciddi şəkildə narahat edir. Bəzi Qərb siyasi dairələri Ağ Evin keçmiş sahibinin Rusiyanın mənafeyinə uyğun planlar qurmaqda suçlayırlar. Onların fikrincə, əgər, Ukrayna savaşı Rusiya məğlub olmadan sona çatarsa, bu, bir tərəfdən Kremlin qələbəsi, kollektiv Qərbin isə strateji məğlubiyyəti anlamı daşıyacaq. Və bu halda, kollektiv Qərb Rusiyanın beynəlxalq hegemonluğu qarşısında qala bilər.

Bu qənaətə bağlı olanlar onu da vurğulayırlar ki, Donald Tramp Rusiyanın siyasi qüruruna hörmət məzmunu daşıyan şərtlər daxilində sülh sazişindən danışarkən, həm də Kremlin yaxın gələcəyə yönəlik ümidlərini gücləndirir. Nəticədə Rusiya yaxınlaşan qələbə şansları barədə yeni planlar qurmaq cəsarəti ilə yüklənmiş olur. Və bu baxımdan, bəziləri Donald Trampı Rusiyanın dünya üçün vəd etdiyi real hərbi-siyasi təhlükəni mütləq qaydada nəzərə almağa çağırırlar.

Halbuki, Ağ Evin keçmiş sahibi belə çağırışlara qulaq verməyə həvəsli xarakterdən çox-çox uzaq siyasətçidir. Belə ki, o, öz qərarlarını yalnız məhdud çərçivədə həmfikirləri ilə müzakirə etməyə daha çox üstünlük verir. İndiyə qədər Donald Tramp Macarıstan baş naziri Viktor Orban vasitəsilə Rusiyanın sülh sazişinə münasibətini dəqiqləşdirməyə nail olub. Eyni zamanda, Kremlin də rus nazirlərdən birini Donald Trampın yanına məxfi sülh planı ilə göndərdiyi barədə də məlumatlar mövcuddur.

Digər tərəfdən, Kreml Rusiyanın israr etdiyi sülh şərtlərindən bəzilərini artıq ictimailəşdirib. Belə ki, Kreml Ukraynanın Krım və Donbas da daxil olmaqla, bəzi ərazilərinin Rusiyanın nəzarətində qalmasını tələb edir. Eyni zamanda, Kreml Ukraynanın NATO-ya üzv qəbul edilməməsi, bu ölkənin ərazisində hər hansı kənar dövlətin hərbi bazalarının yaradılmaması kimi mövzularda israrlı mövqe tutur. Və bu, o deməkdir ki, Kreml artıq Rusiyanın beynəlxalq rəqiblərinə sülh şərtlərini diqtə etmək imkanlarından tamamilə əmindir.

Nə qədər qəribə də olsa, Donald Trampın Ukrayna prezidenti Volodemir Zelenski ilə telefon ünsiyyətindən sonra rəsmi Kiyev də sülh mövzusu barədə daha tez-tez danışmağa başlayıb. Eyni zamanda, Qərb siyasi dairələrində də son vaxtlar yeni dövrə hazırlıq təlaşı müşahidə olunmağa başlayıb. Belə ki, Avropa Birliyi və NATO kluarlarında ABŞ-da Donald Trampın prezident seçilmə ehtimalına artıq olduqca ciddi yanaşırlar. Və yaxın gələcəklə bağlı siyasi-strateji planlar qurarkən, bu faktoru nəzərə almağa çalışırlar.

Ancaq Kremlin son davranışları bir qədər gözlənilməz xarakter daşıyır və müəyyən mənada, təəccüb doğurur. Belə ki, Kreml ABŞ-da kimin prezident seçilməsinə elə bir ciddi əhəmiyyət vermədiyini qabartmağa üstünlük verir. Rusiya siyasi dairələri hesab edirlər ki, ABŞ xalq tərəfindən seçilmiş prezidentlərin idarə etdiyi ölkə deyil.

Kremldə əmindirlər ki, ABŞ prezidentləri yalnız səhnə arxasından verilən təlimatları yerinə yetirən icraçılardır. ABŞ-ın idarə olunmasında əsas səlahiyyətlər isə "dərin dövlət"in əlində cəmləşib. Və Kreml bu iddiaları ilə Donald Trampın sülh cəhdlərinin uğur qazanma ehtimalını müəyyən mənada, şübhə altına almış kimi görünür.(Yeni Müsavat)

"Kamala Harrisin ABŞ prezidenti olmasının Azərbaycana təhlükəli olması fikri bir qədər şişirdilmiş ideyadır".

Bunu Qaynarinfo-ya açıqlamasında politoloq Natiq Miri ABŞ-da demokratların namizədi Kamala Harrisin prezident olmasının Azərbaycana nə dərəcədə təhlükəli olması barədə suala cavabında deyib.

Ekspert bildirib ki, ABŞ kimi hegemon dövlətlərdə konkret bir şəxsin düşüncələrilə dövlət idarə olunmur:

"ABŞ-da dövlət maraqları öndədir. Onlar dövlət maraqları naminə hər kəslə əməkdaşlıq ediblər. Bu günün özündə də həmin istiqamətdə heç nə dəyişməyib. Bu gün demokrat donunu geyinənlər dünyada insan qırğınına yardım və stimul verirlər. Bayden məgər Harrisdən az ermənipərəst idi? Ona da erməni lobbisi, erməni kriminal dairələr yardım edirdi. Amma ötən illər ərzində Bayden belə heç nə edə bilmədi. Məhz Bayden dövründə Azərbaycan öz ərazi bütövlüyü və suverenliyini bərpa etdi, Qarabağda separatizmin kökünü birdəfəlik kəsdi. Kamala Harris və onun kimi digərləri gəlib gedə bilər".

Həmsöhbətimiz bildirib ki, Harrisin prezident olmasına fikir vermək lazım deyil:

"Fikir veriləcək tərəf varsa, o da biz özümüzük. Kimsə bizim üçün qorxulu deyil".

Qeyd edək ki, Amerikanın erməni lobbisi demokratların prezidentliyə namizədi olması gözlənilən Kamala Harrisdən öz maraqları naminə istifadə etməyə çalışır. Amerikadakı ən böyük erməni lobbi təşkilatı olan ANCA onu və Demokratlar Partiyasını şantaj edir.

Gələn xəbərə görə, üzdəniraq təşkilat Harrisə qarşı ultimatum irəli sürərək bildirib ki, onların "şərt"lərini yerinə yetirəcəyi təqdirdə Amerika ermənilərinin dəstəyinə arxalana bilər. Bundan başqa, indi onlar ermənilərin ABŞ-ın rəhbərliyi altında Qarabağa qaytarılması üzrə hansısa BMT missiyasının göndərilməsinə nail olmaq istəyirlər.

Xatırladaq ki, Kamala Harris hər zaman ermənipərəst mövqeyi ilə seçilib. Siyasi karyerasına başladığı ilk dövrlərdə 1915-ci il hadisələrinin "erməni soyqırımı" kimi tanınması üçün dəstək verib. O, 2019-cu ildə ABŞ senatında 1915-ci il hadisələrini "erməni soyqırımı" kimi tanıyan qanun layihəsinə imza atıb.

İrəvan Türkiyədə keçiriləcək “3+3” formatında görüşündə iştirakla bağlı hələ qərar verməyib.

Bu barədə Ermənistan Xarici İşlər Nazirliyi məlumat yayıb.

Bundan əvvəl İranın Ermənistandakı səfiri Mehdi Sobhani Xarici İşlər Nazirliyi rəhbərlərinin “3+3” formatında növbəti görüşünün yaxın vaxtlarda Türkiyədə keçiriləcəyini bildirmişdi.

“Əgər “3+3” regional platformasının üçüncü iclasında Ermənistanın mümkün iştirakı ilə bağlı konkret razılaşmalar olarsa, ictimaiyyətə məlumat veriləcək”, - deyə Ermənistan XİN-dən qeyd ediblər.

Maraqlıdır, Ermənistan "3+3" formatının Türkiyədə keçiriləcək iclasında iştirak edəcək, yoxsa yox? Nəyə görə, Qərb hər vasitə ilə Ermənistanı Azərbaycan və Türkiyə ilə münasibətlərin normallaşması prosesindən uzaqlaşdırır?

Məsələ ilə bağlı politoloq Elçin Xalidbəyli "Cebheinfo.az"-a açıqlamasında qeyd edib ki, Azərbaycan və Türkiyə tərəfindən əsası qoyulan "3+3" formatı Qərbin regionla bağlı geosiyasi maraqlarına ziddir:

"Bildirim ki, "3+3" formatı Cənubi Qafqaz üçün ən önəmli əməkdaşlıq və tərəfdaşlıq formatlardan biridir. Bu format kənar güclərin regiona müdaxiləsinin qarşısını ala biləcək bir formatdır.

Təbii ki, "3+3" formatı çərçivəsində qarşlıqlı əməkdaşlıq və tərəfdaşlıq ABŞ, Avropa İttifaqı və Fransaya sərf etmir. Hesab edirəm ki, Ermənistanın Türkiyədə keçiriləcək "3+3" formatının növbəti toplantısında iştirak etmək ehtimalı o qədər də yüksək deyil. Çünki bunun üçün İrəvan ilk növbədə ABŞ, Avropa İttifaqı və Fransadan icazə almalıdır.

Böyük ehtimalla, Qərb siyasi dairələri Ermənistana "3+3" formatının növbəti toplantısında iştirak etməyə icazə verməyəcəklər. Eyni zamanda, Qərb Ermənistanı Azərbaycanla sülhə, eləcə də Türkiyə ilə münasibətlərin normallaşması prosesindən uzaqlaşdırmağa çalışır.

Onların əsas məqsədi Cənubi Qafqazda daim gərginliyin davam etməsinə nail olmaqdır. Məhz proseslərin hansı istiqamətə yönələcəyi Qərbin mövqeyindən asılı olacaq".

İcbari tibbi sığorta fondunun builki büdcəsinin gəlir və xərcləri artırılıb.

Prezident İlham Əliyev bununla bağlı “İcbari tibbi sığorta fondunun 2024-cü il büdcəsi haqqında” Azərbaycan Respublikası Prezidentinin 2023-cü il 27 dekabr tarixli 2427 nömrəli Fərmanında dəyişiklik edilməsi barədə Fərman imzalayıb.

Fərmanla icbari tibbi sığorta fondunun 2024-cü il büdcəsinin gəlirləri və xərcləri 2 811 428 292,00 manatdan 2 850 308 292,00 manata qaldırılıb.

Vilayət Vəliyev yenidən Azərbaycan Texniki Universitetinin (AzTU) rektoru təyin edilib. Vilayət Vəliyev yenidən Azərbaycan Texniki Universitetinin (AzTU) rektoru təyin edilib.
Bununla bağlı Azərbaycan Prezidenti İlham Əliyev sərəncam imzalayıb.
Qeyd edək ki, V.Vəliyev ilk dəfə 2019-cu ildə AzTU-ya rektor təyin edilib.Bununla bağlı Azərbaycan Prezidenti İlham Əliyev sərəncam imzalayıb.
Qeyd edək ki, V.Vəliyev ilk dəfə 2019-cu ildə AzTU-ya rektor təyin edilib.Vilayət Vəliyev yenidən Azərbaycan Texniki Universitetinin (AzTU) rektoru təyin edilib.
Bununla bağlı Azərbaycan Prezidenti İlham Əliyev sərəncam imzalayıb.
Qeyd edək ki, V.Vəliyev ilk dəfə 2019-cu ildə AzTU-ya rektor təyin edilib.

Son zamanlar ABŞ-nin Cənubi Qafqaz siyasəti xüsusi diqqət çəkir. Belə ki, Vaşinqton açıq şəkildə Ermənistan-Azərbaycan münaqişəsinin həllində vasitəçi olub, sülhün əldə edilməsinə səy göstərir.
Qeyd edək ki, ABŞ-nin Ermənistandakı səfirliyi Dövlət Departamentinin Qafqaz danışıqları üzrə baş müşaviri Lui Bononun İrəvana səfəri ilə bağlı paylaşım edib. Səfirlik qeyd edib ki, Bono İrəvanda Ermənistan və Azərbaycan arasında davamlı və ləyaqətli sülhün bərqərar olması səylərini müzakirə etmək üçün Ermənistanın yüksəkrütbəli rəsmiləri ilə görüşüb: “Cənubi Qafqazın sosial-iqtisadi potensialını yüksəltməyə imkan verəcək sülh sazişinin imzalanmasının vaxtıdır”.
Ekspertlər isə Vaşinqtonun səylərinin, indiki halda heç bir nəticə verməyəcəyini düşünür. Hesab edirlər ki, sülh müqaviləsinin imzalanması üçün ilk növbədə əsas maneələr aradan qaldırılmalıdır.

Bu baradə “Sherg.az”a danışan politoloq Azər Rəşidoğlu isə qeyd edib ki, Paşinyan hakimiyyəti Azərbaycanla sülh müqaviləsi imzalamağa maraqlı görünsə də, Ermənistan daxilindəki reallıqlar bunun qarşısını alır:

“Prosesin uzanması digər geosiyasi qüvvələrin regionda müharibənin yenidən alovlanmasına gətirib çıxaracaq təxribatçı hərəkətlərinin gerçəkləşməsinə şərait yarada bilər. Bu baxımdan, Qərb təşviq və təzyiq vasitəsilə prosesi sürətləndirmək istəyir. Bakı sülh danışıqları üzrə 5 baza prinsipini təklif edib və danışıqlarda həmin prinsiplər ətrafında müzakirələr aparılır. Azərbaycan Qarabağda yaşayıb oranı könüllü tərk etmiş ermənilərlə paralel Ermənistandakı ata-baba yurdlarından zorla qovulan Qərbi azərbaycanlı soydaşlarımızın öz yurdlarına eyni statusda qayıtmasını da artıq danışıqlar masasında müzakirə gündəliyinə daxil edib. Proses uzansa və ya sürətlənsə də, Azərbaycanın məsələ ətrafında çox aydın və milli maraqlarımıza cavab verən mövqeyi formalaşıb. Bu istiqamətdə Azərbaycanın hər hansı bir güzəştli addım atacağını düşünmürəm”.

A.Rəşidoğlunun sözlərinə görə, ABŞ ATƏT-in Minsk qrupunun tərkibində məsələlərə daxil ola bilirdi:
“İndi də Minsk qrupu yoxdur və bunu Azərbaycan istəmir. Bundan əlavə, Rusiya Ukraynaya qarşı müharibə aparması səbəbindən tətbiq olunan sanksiyalarla əlaqədar təşkilatdan imtina edib. Belə olan halda ABŞ də Rusiya kimi Ermənistan-Azərbaycan danışıqları üzrə xüsusi nümayəndə təyin etməli olub. Əslində, ABŞ sülh, əməkdaşlıq və birbaşa dialoqda maraqlıdır. Amma proseslərə təsir etmək üçün əsas alətlər Rusiyanın əlindədir. İndi Türkiyə də regionda fəaldır. Avropa Birliyi müəyyən rola malikdir. İndi ABŞ dördüncü oyunçu olmaq istəyir. Amma ABŞ-nin əlində prosesə ciddi təsir edəcək imkanı yoxdur. Odur ki, sülh sazişini imzalatmaqla ABŞ proseslərə müdaxilə etmək istəyir”.