 |
|
Ölkə ərazisində müşahidə olunan yağıntılı hava şəraitinin nə vaxtadək davam edəcəyi açıqlanıb.
Milli Hidrometeorologiya Xidmətindən verilən məlumata görə, qeyri-sabit hava şəraiti Bakıda və Abşeron yarımadasında iyunun 22-si gündüzədək davam edəcək.
Yağıntıların bölgələrdə iyunun 23-ü gündüzədək fasilələrlə davam edəcəyi proqnozlaşdırılır.
"Hazırda metronun bir stansiyanın inşası davam etdirilir, gələcəkdə Bakının Yeni Yasamal, Binəqədi, Yeni Ramana, Şıxov və digər bir sıra ərazilərinə metro xətləri çəkiləcək".
Xezerxeber.az-ın məlumatına görə, bu fikirləri "Bakı Metropoliteni" QSC-nin Mətbuat Xidmətinin rəhbəri Bəxtiyar Məmmədov bildirib.
Onun sözlərinə görə, ən önəmli məsələlərdən biri də yaşıl və qırmızı xətt layihələrinin ayrılmasıdır. Bu, paytaxtın kənar ərazilərində də nəqliyyat probleminin həllinə müsbət təsir göstərəcək.
Bəxtiyar Məmmədov Bakı Metropolitenində yeni müasir qatarların xəttə buraxılması prosesinin də davam etdirildiyini deyib.
O qeyd edib, yaxın bir il ərzində daha 35 yeni vaqon gətiriləcək.
Bəxtiyar Məmmədov onu da əlavə edib ki, yaxın zamanlarda metroda ödənişləri bank kartları ilə etmək mümkün olacaq.
Ətraflı süjetdə:
Yol-xeber.az" xəbər verir ki, Təhlükəsizliyi əsas dəyəri elan edən və təhlükəsiz səyahəti hər zaman diqqət mərkəzində saxlayan ADY həm dəmir yolu ətrafında yerləşən məktəblərdə, həm də Dəmiryol Muzeyində bu istiqamətdə silsilə təlimlər təşkil edir.
Muzeyimizi ziyarət edən Oxbridge Baku məktəbinin şagirdlərinə dəmiryol keçidlərindən təhlükəsiz istifadə, dəmir yolu ətrafında təhlükəsiz davranış qaydaları barədə məlumat verildi.
Muzeyimizin kiçik qonaqları qatarlara edilən kənar müdaxilələrin törətdiyi fəsadlar, sərnişinlərin və yüklərin təhlükəsizliyinə yaratdığı risklər barədə də öyrəndilər. Onlara təhlükəsizlik qaydalarına ciddi əməl etməyin həm özlərinin, həm də ətrafdakıların təhlükəsizliyi üçün nə qədər əhəmiyyətli olması izah edildi.
Qarabağ Universitetinin İncəsənət fakültəsində müəllim vakansiyası elan olunub.
Bu barədə Elm və Ali Təhsil üzrə Dövlət Agentliyi məlumat yayıb
Bildirilib ki, Qarabağ Universitetində musiqişünaslıq, piano, violin, klarnet, saksafon, tar, kamança, saz, qanun, balaban, nağara, qarmon alətləri; xanəndəlik, rəsm, rəngkarlıq, sənətşünaslıq və milli vokal istiqamətləri üzrə müəllim vakansiyaları elan edilib.
Vakansiya üzrə son müraciət tarixi iyulun 7-dir.
Xəbər verildiyi kimi, Azərbaycan Qida Təhlükəsizliyi Agentliyi bır sıra dondurmalarda bakteriya aşkarlandığı ilə bağlı məlumat yayıb. Lakin AQTA-nın ticarət şəbəkələrində satılan dondurmalarla bağlı monitorinqinin nəticələrinə görə, nöqsanlar aşkarlanmış dondurmaların hələ də satışda olması ictimaiyyətdə narahatlıq yaradıb.
Belə ki, cari dövr ərzində ümumilikdə 26 istehsalçıya məxsus 69 dondurmadan nümunə götürülüb. Sınaq nəticələrinə əsasən, 4 istehsalçıya məxsus 10 məhsulda insan sağlamlığı üçün təhlükəli hesab edilən bakteriya (Enterobacteriaceae) aşkarlanıb.
Qeyd edək ki, “İçərişəhər" əmtəə nişanlı vanilli plombir, "Soyuq" əmtəə nişanlı südlü kakaolu, "Soyuq" əmtəə nişanlı südlü çiyələkli, “İce Dream” əmtəə nişanlı şokoladlı plombir, "Yolka" əmtəə nişanlı qaymaqlı, “Qoşa Qapı” əmtəə nişanlı vanilli Eskimo, "Selena" əmtəə nişanlı Qlobus Eskimo vanilli plombir, “Zoluşka” əmtəə nişanlı portağallı Eskimo, “Selena" əmtəə nişanlı südlü çiyələkli, "Naturalika" əmtəə nişanlı Eskimo dondurmalarında Enterobacteriaceae bakteriyası aşkar edilib.
Maraqlıdır, “Enterobacteriaceae” bakteriyası nədir? İnsan bu bakteriyanı qəbul etdikdə orqanizmdə nələr baş verə bilər?
Tibb elmləri doktoru Adil Qeybulla Bizim.Media-ya bildirib ki, dondurmalarda aşkar olunan “Enterobacteriaceae” bağırsaqlarda parazitlik edən bakteriyadır:
“Qida məhsullarının sanitar-gigiyenik normaları çox ciddi məsuliyyət tələb edir. Çünki bu insanların sağlamlığı ilə bağlı məsələdir və qida təhlükəsizliyi genofondun təhlükəsizliyi deməkdir. Qida maddələrində istifadə olunan ilkin məhsul və ya onu konserv edən qida əlavəsi kifayət qədər təhlükəsiz, texniki şərtlərə uyğun hazırlanmalıdır”.
“Enterobacteriacae”lər insanda Dizenteriya (qan və ishal ilə nəticələnən bir qastroenterit növü), Salmonellyoz (daha çox qida zəhərlənməsi kimi tanınan Salmonella tipli bakteriyaların yaratdığı simptomatik infeksiya), Kolit (bağırsaq iltihabı) yarada bilər. Bunlar bəzən də tənəffüs və sidik yollarının infeksiyası, hərarətin yüksəlməsi, halsızlıq, baş ağrısı, bədəndən su və elektrolit itkisinə gətirib çıxara bilər ki, orqanizm beləliklə komaya da düşə bilər. Yəni “Enterobacteriaceae”nin aşkar edilməsi dondurmanın istehsal şərtlərinin pozulmasına işarədir. Bu cür sahibkarlar məsuliyyət daşıyırlar”.
Azərbaycan xalqı dünyada ən çox çörək yeyən xalqdır. Buna görə dünyada birinci yerdəyik. Həm də çörək bizim üçün müqəddəsdir. Amma bizneslə məşğul olanlar xalqın çörəyi çox yeməsindən sui-istifadə edirlər. Şikayətləri analiz etdikdə görünür ki, çörəklər ya çox qısa zamanda sıradan çıxır, ya da uzun müddət saxlayanda sıradan çıxmır. Hər iki hal istehlakçı hüququnu qoruyan təşkilatı qayğılandırır".
Bunu Bakupost.az -a açıqlamasında Azad İstehlakçılar Birliyinin sədri Eyyub Hüseynov son vaxtlar çörəyin keyfiyyəti ilə bağlı şikayətlərin artması haqqında danışarkən deyib.
Onun sözlərinə görə, çörəyin otaq temperaturunda orta saxlanma müddəti 72 saatdan artıq deyil:
"Əgər tez bir zamanda çörəkdə yapışqanlıq əmələ gəlirsə, bu o deməkdir ki, həmin sexin unu artıq kartof xəstəliyinə tutulub. Onu təmizləmək isə asan məsələ deyil. Bu cür yapışqanlı çörəklər mədə-bağırsaq xəstəliklərinə gətirib çıxarır. Çünki orada artıq göbələklər var və insanlar bundan xəstələnə bilər. Əgər çörək uzun müddət saxlanılırsa və xarab olmursa, bu da ziyanlıdır. Çünki demək, çörək artıq kimyalaşıb. Hər iki problemi müşahidə edirik. Çörəyin quruması isə normal haldır".
E.Hüseynov deyib ki, isti çörək də mədə-bağırsaq xəstəliklərinə səbəb olur:
"Çox təəssüflər olsun ki, azərbaycanlılar isti çörəyə üstünlük verirlər. Bu isə mədə-bağırsaq xəstəliklərinə gətirib çıxarır. İsti çörək mədədə gec həll olunsa da, insanların ona tələbatı var".
E.Hüseynov köhnə çörəklərin təzə bişirilən çörəklərə qarışdırılmasının isə illər öncə baş verdiyini bildirib: "Köhnə çörəklərin təzə çörəyə qarışdırılması məsələsi 10 il öncə baş verirdi. Hazırda bu məsələ demək olar ki, yoxdur. Bunun kökü kəsilib. Köhnə çörəyi digər təsərrüfatlara verirlər. Əgər istehlakçı şikayətlərini nəzərə alsaq, "Binə" çörəyindən tez-tez şikayətlər daxil olur".
Azərbaycana yay fəsli (Yay Günəş duruşu) daxil olub.
Bu zaman Yerin fırlanma oxu Günəş istiqaməti ilə ən kiçik bucaq əmələ gətirir və ya Günəş həmin gün günorta vaxtı üfüqdən maksimum hündürlükdə (Bakı üçün 73⁰.1) olur.
Bu gün ən uzun gündüz və ən qısa gecə yaşanır. Gündüzün uzunluğu 15 saat 3 dəqiqə 23 saniyə, gecənin uzunluğu isə 8 saat 56 dəqiqə 37 saniyə olacaq.
Günəşə qədər məsafə 152.025 milyon km təşkil edəcək. 14 gündən sonra isə - iyulun 5-i saat 09:06-da Yer orbitinin Günəşdən ən uzaq nöqtəsində - afelidə, Günəşə qədər məsafə isə 152.1 milyon km olacaq.
Yay fəslinin uzunluğu 93 gün 15 saat 52 dəqiqə 40 saniyə təşkil edəcək.
Beyləqan Rayon Polis Şöbəsinin Dövlət Yol Polisi Bölməsinə yeni rəis təyin olunub.
Trend bildirir ki, müvafiq əmrə əsasən polis mayoru Ruslan Rəhimov Beyləqan Rayon Polis Şöbəsinin Dövlət Yol Polis Bölməsinin rəisi təyin olunub.
Qeyd edək ki, bundan öncə o, Astara Rayon Polis Şöbəsinin Dövlət Yol Polisi Bölməsinin rəisi vəzifəsində çalışıb.
İyunun 21-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində bəzi yerlərdə fasilələrlə yağış yağacağı gözlənilir.
Bu barədə Milli Hidrometeorologiya Xidmətindən məlumat verilib.
Bildirilib ki, sabah yarımadanın bəzi yerlərində qısa müddətə intensivləşəcəyi, şimşək çaxacağı ehtimalı var. Səhər arabir güclənən şimal-qərb küləyi gündüz şimal-şərq küləyi ilə əvəz olunacaq.
Havanın temperaturu gecə 20-25° isti, gündüz 28-32° isti olacaq. Atmosfer təzyiqi normadan aşağı 756 mm civə sütunu olacaq. Nisbi rütubət 60-70 % olacaq.
Azərbaycanın rayonlarında bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə yağıntıların intensiv və güclü olacağı, dolu düşəcəyi ehtimalı var. Gecə və səhər arabir duman. Qərb küləyi ayrı-ayrı yerlərdə arabir güclənəcək.
Havanın temperaturu gecə 20-25° isti, gündüz 30-35° isti, dağlarda gecə 11-16° isti, gündüz 18-23° isti olacaq.
19 iyun Ağstafadan Bakıya saat 17.30-da yola düşən 705 nömrəli sərnişin qatarı Dəllər və Goran stansiyaları istiqamətində hərəkətdə olarkən elektrik enerjisinin verilməsində yaranmış texniki nasazlıq səbəbindən 2 saatdan çox yolda qalıb.
ADY-nın mətbuat xidmətindən Yol-xeber.az-a verilən mlumata görə bu səbəbdən sərnişinlərin Bakıya çatdırılması üçün Hacıqabul stansiyasından Bakı istiqamətinə ödənişsiz avtobuslar ayrılıb.
Eyni zamanda sərnişinlərin mənzil başına rahat və təhlükəsiz çatdırılması üçün 20 Yanvar dairəsi, Zığ və Bayıl istiqamətlərinə ödənişsiz avtobuslar, o cümlədən Bakı-Xırdalan-Sumqayıt və Bakı-Pirşağı-Sumqayıt marşrutları üzrə əlavə qatar reysləri təyin edilib.
ADY yaranmış problemə görə sərnişinlərindən üzr istəyir, bu kimi halların gələcəkdə təkrarlanmaması üçün kompleks tədbirlər üzərində işləyir.